Jimmylee07的個人專頁

前天和女友係黃埔拍拖揾食，係openrice search到呢間日式餃子店很近地鐵站，而且評價不錯，就二話不說來試試這間店的日式餃子~星期天下午較為清靜，只有少數幾枱明顯是貌似理工宿舍的學生開餐，我們首先點了招牌ChaoChao餃子 & 紅白餃子併盤ChaoChao餃子一碟有16件炸餃子($42)，皮薄香脆，餡肉多汁，配上餃子汁，女友覺得味道明顯比八方雲集的炸餃優勝，每件餃子的份量剛好適合一啖吞下~另外我們order了一份紅白餃子($55)，包括5件Mochi Mochi 蘑菇餃子及5件激辛餃子，激辛餃子本身相當辣，配上Lemon汁酸酸辣辣更加惹味…… 清蒸的蘑菇餃子味道不算突出，不過沾上lemon汁食也相當醒胃……試了兩客餃子還未夠飽，但又害怕太熱氣，我們再order了一碗咖哩飯($35)填肚，飯的份量足料，不過咖哩味淡得可憐，建議大家不要試這兒的咖哩飯……不過整體來說，這身的炸餃子的質素還是值得推介………查看更多

未點餐已經很細心附上不同種類的餐包任吃，鬆軟的麵包配上橄欖油和黑醋，因為很好吃我和女友很快就清咗一碟，不過事後後悔食得太多以致吃不下9件pizza……Amaroni's的芝士粉並不是普通餐廳使用的卡夫芝士粉，以前有朋友推介白汁芝士焗薯片(很抵吃只要$58)配上大量芝士粉(絲)的獨特食法……今次專登帶女友專登來試食呢個小食，白汁芝士焗薯本身已經很creamy又有濃濃薯味，如果大家唔怕肥的話，可以向侍應request芝士粉，每一啖焗薯都加上一匙芝士粉，香濃白汁加上啖啖芝士的口感真係勁芝味無窮，食完呢餐女友已經提議過2星期再來食過……女友一向喜歡吃pizza,今次我們order了New York Classic($180),  剛烤好的Pizza很香脆惹味，不過這兒pizza最少也要order 9件，我和女友每人吃了3件已經飽到投降，想再order甜品也無能為力，下次改試risotto配白汁焗薯呢個組合~…查看更多

早幾天到馬鞍山的朋友家拜年，朋友帶我們到這間“屋子生活“聚餐~“屋子“的環境寬敞，裝修有格調，由於沒有訂枱，我們一行5人被安排坐落地玻璃窗邊的tatami，可以見到“迎海“的居民帶小朋友玩耍和放狗，晚飯時間剛好看到當天日落的景色，如果在這兒食飯，真心推介選擇窗邊的tatami位置~說回正題，晚餐我試了“温泉玉子牛定食“ （$78），肥牛肉的份量很多，又不會太肥，不過牛肉飯本身落太少汁以致有點乾，幸好還有温泉蛋的蛋醬拌飯，如果牛肉汁多一點就會更滿足~ 以這個價錢同食物質素，配合咁舒適的環境，推介小情侶可以來這食個tea享受生活…另外我們加了一客名稱很好意頭的“平安餃子“($46)，餃子味道不錯，不過價錢偏貴………查看更多

最近看了一篇香港一人火鍋的比拼文章，文中推介呢間101台式火鍋店比吉野家的味道更好，剛巧青衣城2期新開了這間餐廳的分店，我和女友正好可以試一試……台式古早牛肉火煱$68火鍋的配菜比吉野家豐富很多，包括鴨血，肥牛，豆卜，玉子豆腐，台灣腸，花枝丸，牛展，章魚餅等等…… 湯底的味道的確把其他連鎖店的一人鍋比下去，配料也很好吃……如果大家覺得肥牛數量不夠，我見隣桌有追加一份$48的肥牛，多10多片肥牛會更加滿足……另外我們order了一份炭燒豬頸肉鐵板燒餐$79，跟餐的小食我們選擇了麻辣麻醬手撕雞，味道和平時在瑜興買的手撕雞有很大分別，首先這兒的手撕雞已經去雞皮和骨，啖啖肉很好滋味，麻醬配手撕雞味道意外地配合，而且份量很大，這道小食真心推介~豬頸肉口感同味道也做得比很多餐廳出色，就是太油了影響了白飯和蔬菜，希望可以改善一下午…查看更多

鹿鳴春可以算是香港其中一間最有特色的中式酒樓，聽家中老一輩說當年鹿鳴春的舊老闆退休離開時，將酒樓股份轉讓給酒家的舊伙記們，所以這兒即使是一名侍應大廚也可能是酒樓老闆之一，故此這兒人情味十足，菜色味道也因此可以一直保持最高的質素~我們一行9人每人點了一個菜式，首先上來的前菜素鵝，這的素鵝是我試過最出色的，凍腐皮散發著很香的煙燻味，這種味道真是令人念念不忘……再來一煲砂鍋雲吞雞（細），無論湯及雲吞的數量足夠10多人的份量，雞湯濃而不油，味道鮮甜這兒的賽螃蟹蛋白炒得好滑，好味到唔知點形容京燒羊肉作為這兒的招牌菜之一，肉質鬆軟又騷味適中，食時記得點上佢的醬汁北京烤鴨~烤鴨皮香脆又不算太油，肉的厚度適中花素蒸餃，味道中規中矩拔絲香蕉~ 部長當場用冷水過冷河，香脆的焦糖包著香蕉外凍內熱，香港已經很少餐廳可以試到這道菜了………查看更多

每年冬天，除咗諗起要食暖笠笠的煲仔飯外，都會食一碗蛇羹加糯米飯……上星期六同女友由大圍踏單車入大埔，中途肚餓就突然心血來潮兜入大埔舊墟食咗碗蛇羹暖暖身……呢間蛇羹店係我同女友食過最啱胃口的……我地叫咗一個大蛇羹餐share，蛇羹真材實料，蛇肉軟滑，濃度大足沒有偷工減料，配料有薄脆同檸檬草……個人鍾意一啖蛇羹一啖薄脆咁食……女朋友則特別喜歡這間店的檸檬葉的香味，配合蛇羹味道更加有層次…另外蛇湯及臘味糯米飯都是水準之作，大家呢個冬天去開大埔可以不妨一試………查看更多

放Lunch食飯好多時都求求其其去就近茶餐廳食個午餐，今日難得有同事帶路就去試呢間台式pizza店……set lunch除咗main disk還包括有南瓜湯（好味），1份小食及冷熱飲，以$60-70元呢個價錢來講都算幾豐富……小食方面我們order了粟米粒及炸薯條，粟米粒食落甜甜地不過不失，炸薯條的口感似麥記每年新年推出的扭扭薯條（粗薯條版），剛炸出來熱辣辣，無論味道同口感都有驚喜……羅勒燻雞義大利麵呢個意粉真係highly recommended，羅勒醬有好濃郁的香氣，彈牙的意大利粉配上雞肉還有香口的合桃粒（俾3個讚），如果佢有提供埋芝士粉就更加吸引了義式蕃茄蔬菜烤鴨Pizza呢度的pizza係即叫即整，烤鴨胸配上切碎咗的西蘭花，再加上剛焗起的pizza新鮮熱辣又香脆，本身已經冇得輸……呢間餐廳的其中一個缺點係平日也有可能會休息唔做生意，我早1個月前曾經都試過摸門丁………查看更多

一班大同難得約出來聚舊，今次朋友上網找了這間佈置相當童話風的cafe小食併盤 $108包括炸芝士條，薯條，炸蝦，芝麻雞翼，水準之作，個人覺得芝麻雞翼整得幾香口，不過只有茄汁而無其他醬汁呢點有點失望白汁煙三文魚意粉: $98 西班牙火腿蒜香意粉: $108 櫻花蝦明太子天使麵，$108三款意粉中個人較鍾意呢碟，明太子醬汁creamy又不會太咸，配上蟹子口感很充實黑松露意大利燉飯 $108呢個係我的favorite, 賣相雖然普通了點，不過黑松露的份量都夠，同埋Risotto 都軟硬適中南瓜芝士意大利燉飯食$98味道不錯，個人鍾意呢間cafe的risotto多過意粉梳乎你奄列$68 奄列配雪糕的tea set賣相幾吸引甜品:雪人$88在場起碼有3班人都有order呢個甜品，職員會即場加上乾冰營做冰天雪地的氣氛，上層雪人由棉花糖整成，一班friend好似小朋友咁一人撕一塊好快食晒，下層係則咖啡mousse，如果換做雪糕會更加好荔枝玫瑰乳酸爆珠$58呢個乳酸特飲賣相好有新意，水晶球中間有粒會發光的冰粒，荔枝特飲mix埋乳酸味珍珠幾啱鍾意飲甜野的我………查看更多

最近見到稻香阿拉斯加蟹做特價，價錢比去日本北海道食感覺仲平D（可能品種唔太同，不過唔太識分），所以今晚同屋企人出去試食新鮮的長腳蟹，開頭同部長ORDER一隻約4斤的長腳蟹，最後佢地拿咗呢隻4斤14両(約$750)的長腳蟹俾我地，見佢咁生猛就選你喇……今次我地簡單原隻清蒸方法來煮，如果要用其他煮法要加$200元……先食蟹腳先，大大隻蟹腳真係啖啖肉，而且新鮮的蟹肉比起雪藏蟹腳真係好食好多……不過美中不足是呢隻蟹無乜蟹膏，不過單單食呢隻蟹我地4個人已經飽咗一半……本著慳錢的目的，我地另外只加咗個羊腩煲($138)，再散叫2個白飯……呢個價錢來講羊腩煲算好足料，而且仲有好多款蔬菜可以Shabu Shabu ，不過羊腩開頭煮得未夠淋，要再煮耐多10分鐘左右先ok，味道真係唔錯………查看更多

約咗朋友係星影滙睇雷神3，睇戲之前係九展行咗一轉揾野食，最後選咗呢間武士拉麵店開餐……之前約fd出尖咀食韓國野，都見到呢間武士拉麵有幾多人排隊，難得佢係九展開咗分店，一於試下佢的拉麵的質素先……武士沾麵（柚子魚介wasabi 沾麵）食得黑蒜油拉麵多，想轉轉口味，見到呢個沾麵有wasabi味好似幾吸引，就order一個試試落order時侍應哥哥建議沾麵要選粗麵，果然食落更加有口感同彈牙，個沾麵汁有小小wasabi味，份量適中唔會嗆喉，個汁整體很濃味但唔會覺得咸，面仲有d肉粒做配料……個麵有2片大大塊的叉燒，另外再order咗一客糖心蛋…… 食完已經好飽好滿足……最後我地仲叫了一客小丸子，呢個小食都幾足料，如果佢可以落多d醬汁就更加正喇…查看更多

係旺角，有唔少中日韓放題燒烤，可以話梗有一間係左近。之前去創興食過樓下幾層的餐廳，都有聽過９樓的韓舍呢間平靚正，尋晚朋友介紹，一行五條友終於去左試下。餐廳幾寬敞開揚，座位充裕，且全是靠窗卡位，坐得舒適，亦倍感光猛，即使坐6人都得。食物的選擇遠比一般的韓式餐廳豐富，單是沙律吧除了沙律外，還有自助撈冷麵（可以撈蛋絲同蟹柳絲），仲有胡麻醬及千島醬選擇。沙律吧隔離就係壽司部，都係即場製造，有三文魚、卷物、玉子、腐皮等，會不定時轉款，不過作為食肉獸這部份就SKIP了壽司部再向右行就係刺身海鮮，有三文魚、希靈頓魚、象拔蚌、冰山貝、八爪魚等。個人試了三文魚同冰山貝都幾新鮮。熟食吧那邊可以即製天婦羅，見人整好既外型幾精緻，有5-6款。作為韓式餐廳當然有蔘雞湯，一眼望落，每盆湯落左大半隻雞，人參味幾甘甜。另外還有韓式紫菜飯，泡菜豬軟骨，及其他一些熟食，當中餃子煎蛋，整法都幾特別，OK Good。韓醬飯焗蠔，表面先鋪層芝士，蠔肉比較細粒，蠔肉下面有炒飯底。蟹粥，落足曬料，好似仲有蟹子，粥底唔知有無加豆皮粉，食落幾香綿。西檸雞柳，外層惹味，入面雞柳仲有Ｄ酸甜味。韓燒食物應有盡有。牛柳粒，牛排，唔知係肉質好定個 fd 燒得好，燒落好腍。羊架，又一驚喜，燒熟亦好腍。燒五花肉係本人的最愛，我記得自己前後起碼燒了6，7片，唯有遲D努力做多D運動keep fit la…雞翼，已預切為單翼，燒時可以睇到熟未。多春魚，食落啖啖魚子。扇貝，鮮甜大粒，有咬口唔鞋。魷魚，幾爽脆。這兒有新鮮蔬菜，蒜片可以自取，用來包燒好的肉食，感覺無咁油膩。雜菌，香菇同雞脾菇都唔錯，不會太油膩，但燒完會吸入隔離個Ｄ肉汁。菠蘿，燒得幾清甜。開始燒時，店員會先舖上油紙係燒板上，油紙如果燒到變黑，大家記得叫店員換紙。甜品的選擇很豐富，每款都是水準之作最誇係，去到甜品吧仲可以 DIY，包括 DIY 棉花糖，DIY 格仔餅，DIY 炒雪糕（有香芋味，朱古力味，曲奇味）。最驚喜的是，連章魚小丸子都有得DIY, 平日在家電店見過這部整小丸子的電焗爐都曾有點心動想買，現在可以用餐廳一早準備好的醬汁材料自己落手落腳整，我同女朋友真係玩到不亦樂乎…總結最重要係 ~~ 價錢抵，如果平日午市黎每位$108，二個鐘任飲任食算真係超抵！…查看更多

每次一支公出旺角食飯，第一時間都會諗起花園街的羅坤發麵家的油渣麵……自從羅坤發結業後，試咗好多間食油渣麵的店，只有對面街通達的油渣麵最有油渣的香味同咬口，而且油渣麵的配料，如冬菇絲，辣菜脯等也相當惹味……喜歡油渣麵的朋友絕對值得一試，仲有記得落order時可以要求多d油渣……查看更多

每次入元朗必定幫襯呢間以大份足料的壽司作招徠的壽司店…可能係yoho town新商場開幕分薄了人流，今天只需等15分鐘就有座位了……有鑑於過去食唔晒要打包的經驗，今次量力而為叫了3碟壽司，一碟沙律，一個刺身飯……三式壽司:帶子併甜蝦，魚子，海膽呢款壽司上的海膽同魚子太少，吃落只有帶子的味道……不如單鈍order帶子壽司會開心一點蟹肉蟹膏壽司: 蟹膏勁香濃，如非已叫了刺身飯，真的打算encore 維持田中的特色，火灸三文魚腩壽司大大件，不過油脂唔多，不夠香口…雜錦刺身飯: 刺身份量極豐富，三文魚及甜蝦尚算新鮮女友為了吃菜還叫了一份蟹子沙律,份量接近樓上刺身飯那麼多，她吃完沙律已經差不多投降吃不下其他了………查看更多

每月一聚既時間又到,，有朋友話旺角有間新開的日本放題性價比高，價錢又中規中矩，就忍不住食放題放縱一下。大家上去前記得拿樓下姐姐派的傳單, 每位可以憑傳單上的coupon平$10架…搭lift上到去差不多接近7點…….=.=, 因為之前打電話查詢時侍應要求645前入座$208的優惠價（比正價平30元），幸好侍應相當識做，收7點前入座的價錢……食放題當然要先來個刺身併盤過下癮先,帶子: 新鮮啖啖肉甜蝦: 中型SIZE, 唔算大,但夠鮮甜三文魚: 夠肥美吞拿魚: UM, 無味, 雪味重, 可以唔洗encore芝士焗蠔: 焗得幾香, 不過略嫌味重, 蠔就未免太細粒吧炸物:前面4個係麥樂雞: 當然係M記好食啦, 不過LI度都唔差, 拍得住, 有70%似中間既係炸雞塊: 又又淡淡肉, 唔洗lur 骨, 啱曬我d懶人.後邊o個2粒炸球係炸榴槤波: 鍾意食榴槤既人, 這個真心推介到戲肉啦, 到戲肉啦, 就係li個海膽軍艦啦, 好新鮮, 好creamy, 今次我要比10個讚.無論大家在點菜紙寫多少件海膽壽司，美中不足的是每次送來的份量均是跟人頭數的。成餐飯我們encore左5次海膽壽司, 現在都仲覺得encore得太少啦。。如果你係海膽控，記得一坐底就keep住叫啦。雞軟骨也相當香酥爽脆好喇，寫住咁多先，起筷…查看更多

今日同同事出job, 想食好啲， 坐得舒服啲， 但又唔想太貴， 當然都唔可以等太耐位， 行行下， 見到茶木， 平時都有食開， 感覺不錯， 又唔洗點排隊， 好， 就你啦。 平時都係夜晚食茶木， 今次lunch 黎食， 又幾抵播。 今日揀個午市自選套餐:我前菜就叫左金黃鹽酥雞， um, 比較喊， 個雞肉又乾， 麻麻地……主食就叫左地瓜燜牛肉腩， Wah, 睇圖都知， 大大碟， 肉夠淋， 又香， 不過份量太多，最後食唔曬……麵呢就揀左紅燒牛肉手作麵， 保持一貫水準， 麵條煙韌， 湯味濃郁， 牛肉中上另仲包埋飲品， 合計hkd66, 相比同樣份量的set dinner都算係幾抵食啦。…查看更多