marcotsang603的個人專頁

Happy friday night 原本諗住同friends在公司附近飲兩杯、食下串燒、吹下水，於是揀左呢間新開既串燒店，在openrice訂枱，仲送1支細既sake，咁有誠意，一於試一試。同店員傾開，原來在大角咀富榮花園搬過嚟，係區內既串燒店，店舖由一班年輕人主理，佢哋都非常有禮，支持香港年輕人創業💪講返食物，又平又好食，做法唔算太日式，比較偏向港式串燒，雖然如此，特別推薦「五花腩」、「雞泡魚乾」、「牛舌腩」、「芝士燒玉子」、「南蠻雞」、「唐揚墨魚咀」，最後一定要試呢款甜品「朱古力綿花糖多士」，原本只是諗住食小食，點知叫下叫下，變左大食會咁😂。唯一美中不足之處，就是draft beer選擇少，得生力同生力白啤，2款之中個人比較喜歡白啤。食完之後，大家一致認同會再encore😋…查看更多

「幸薈」在大角咀開左已經3-4個月，平時經過都無咩留意，在openrice見到咁多的食評，所以今晚來試一試呢間小店。今晚叫左個肉眼扒配意粉的set dinner，同一個散叫的牛肉漢堡。Set dinner包沙律、餐湯同水果茶，$168算合理。講返main courses 肉眼扒煎到外脆內冧，即使放左一段時間都唔會韌，茄汁意粉亦整得好入味，的確好好食，而牛肉漢堡內的免治肉同樣出色，入口即溶，絕對係一間性價比高的西式小店，食到咁高質的西餐，日後會多啲來幫襯😋…查看更多

在大角咀富多來商場，向來有好多出色的小店，除左蔥仔越南包外，隔離有呢間小島料理，開業大約半年左右，主力牛丼。它門面是非常日式裝修，好似去左日本咁🇯🇵由於小店的座位有限，平時lunch都要等下先有位，好食既野，等陣都值得。牛丼分小盛、並盛、大盛，肉量按30%遞增。今次叫左一客西冷牛（並盛）同埋肉眼牛（並盛），從肉眼上好似無咩分別，但食落肉眼牛比西冷牛冧少少，更重牛味，個人覺得西冷牛丼已經好好味😋，但肉眼牛更出色。牛肉內有少少黑胡椒味，再加上芝士醬汁，真係好似在大阪食緊Red Rock😂…查看更多

今次是一個月內第2次來食呢間良心小店，選擇再Encore一定有原因😋！今日同屋企人來慶祝生日，雖然有屋企人唔食牛肉，亦有其他的選擇，今餐分別叫左1. 森美沙律2. 墨汁虎蝦帶子意粉3. 芝士蟹肉大啡菇4. 炭燒黑毛豬5. 德國脆豬手太多太多野想試，例如炸魚薯條、斧頭扒、Rib eye steak、Angus steak、羊架等等😋下次一定會再返來試👍🏻👍🏻👍🏻另外，餐廳仲有個set (drink + dessert)只是$30，可惜胃部已經無多餘的空間了！埋單無加1，又好味，又大份，環境又舒適，適合大班朋友疫情過後聚餐，或情侶用餐！雖然用餐是星期三晚，但都接近全場爆滿，建議要先訂位。…查看更多

同朋友慶祝生日，而佢想食日本野，咁岩食肆堂食延長至凌晨12點，所以揀左「五勺」居酒屋🏮。我哋想叫sake飲，有專屬酒師帶我哋去酒櫃逐一介紹，非常專業。酒櫃內有多款sake選擇，真是花多眼亂。最後揀左支1.8L的「七賢」純米大吟釀。刺身、串燒、天婦羅都好好味😋，好岩佐酒，大家都飲得好開心。環境氣氛好好，彷彿置身日本的居酒屋🏮，就算暫時無得去日本旅行，在「五勺」可以止吓渴。埋單後，仲有代幣去夾禮品，有機會獲得免費sake🍶…查看更多

今個假日來到西貢，行下逛下避開毒煙，難得可以呼吸一下新鮮空氣。到了晚飯時間，經過一間印尼餐廳「白鬚」門口，見佢店內裝修唔錯，環境好舒服，而且食物賣相吸引，而且價錢合理，一於試一試印尼菜。我哋2個人叫左牛骨湯飯，雞絲湯飯，沙嗲雞串同唐揚炸雞，湯底唔錯，夠清甜，飲落知道沒有添加味精，牛肉好林，最驚喜的是沙嗲雞串，好好味，值得一讚😋！未食印尼菜之前，以為都是味濃煎炸食物，但食過之後，真是另一番風味。另外，餐廳2樓設有日式座位，非常特別，經過西貢的朋友，可以試一試！…查看更多

一個漫長的星期一，因為放工後需要上堂，所以同事需要叫下午茶。公司在大角咀附近，我向同事們推薦「蔥仔越南包」，因為本身自己之前都在lunch試過，覺得非常好食😋，它的法包外脆內軟，仲記得第一次食的時候，因為食得太快，介損左個口😅，而裡面的酸瓜酸甜度適中，配合扎肉、肉鬆、生菜、元茜、紅椒，非常清新野味！😋👍🏻蔥仔都有套餐，9吋法包+沙律+南瓜湯只是$65，而且仲可以散叫咖啡☕️。等緊外賣時同老闆Jeff傾左兩句，佢賣完包就會關門，一日預60個法包左右，好彩我上星期五已經同老闆預訂13個包😆。最後同事的評語都是覺得非常好味，亦向我查詢蔥仔的地址，希望為良心小店帶來更多生意😆👍🏻。…查看更多

為了慶祝週年紀念，食豪少少，訂左呢間食蠔的專門店，預早訂位，仲有85折扣優惠！我們叫左一個生蠔set餐，有12隻生蠔（超過$32生蠔補差價），set餐包2杯house wine（易入口，香甜，不太dry)，都是$398。生蠔最後揀左3款，分別是加拿大的Malpeque Bay、法國的Fine De Claire、澳洲的Tasminia，侍應哥哥亦非常專業，建議我們食蠔的先後次序，佢的服務非常好👍🏻，值得一讚！個人比較喜歡法國的Fine De Claire，甜、重海水味，而澳洲的Tasminia也不錯，較Creamy！除左生蠔，亦叫左小食雞翼，黑松露蟹肉意粉，都非常好食！…查看更多

難得今日放假，作為九龍人的我，平時真是唔會去跑馬地，但今日因爲有一點事要做，順便去試試呢間cafe。叫左一客黑松露蘑菇意粉，當然仲要試試呢度的咖啡，叫左杯Flat white 澳洲咖啡。總括來講，意粉幾岩我口味，咖啡亦超出我的預期，以咁既價錢，我覺得物超所值…查看更多

雖然今日星期三，但仍有好多人幫襯，晚上8點鐘去到，都接近9成滿座。叫左鹽酥雞滷肉飯+古早牛肉麵，加$15就有賞茶的飲品～抵如果胃咁再好少少，可以再加$15配仙草芋丸做甜品。總括牛肉麵的湯底好濃好香，但絕對無味精；而鹽酥雞扒味道正常（味道偏啖，但個人覺得可接受），但勝在夠大份，而雞皮都炸到好「趣口」。餐廳內有遊戲機，Board game提供，亦適合一大班人gathering下次可以試試約朋友來聚一聚。…查看更多

最近剛剛過了休魚期，與好友太耐沒有相聚見面，大家約埋週未一齊入長洲行下，食下海鮮🦞。當日4點左右入到長洲，太耐未試過咁少自遊行，好自在地周圍行下，過一個休閒嘅週末。之後去左一間海邊小酒吧，一邊飲生啤🍺，一邊食烤蝦乾，一邊吹著海風，一邊與朋友吹水。到了7點左右，去了預先訂好位的蘇波記食飯。好在之前訂左位，可以坐在店內有冷氣的地方，我地一行6位，叫生猛海鮮再加工煮，有芝士龍蝦（2斤幾）伊麵、豉椒炒蟶子、薑蔥炒蟹、蒜蓉粉絲蒸扇貝、白灼海中蝦、椒鹽九肚魚、湯粉絲大蜆，最後叫左碟小菜 焗魚腸，每樣菜式都煮得非常入味，因為海鮮夠新鮮。下次再入來長洲，一定會再來蘇波記👍🏻…查看更多

可以用‘爭鮮的價錢，千両的質素’來形容絕對無誇張。好好彩在一星期前book到枱，因為都知道只有7個座位，比較難訂，雖然得個半鐘（7:30-9:00）用餐時間，但非常足夠，最後好似食左1個鐘，已經走左。壽司即叫即整，而且用料非常新鮮，海膽、象拔蚌、赤貝之類一點都唔會腥，味道帶甜，特別推薦蔥吞拿魚腩壽司，食完再落order。雖然環境一般，而且要坐高椅，但咁既價錢，咁既質素，絕對不能挑剔。…查看更多

今日中午去飲茶，我們其中叫左蘿蔔糕同咸水角，我們由1點等到2點半，等左個半鐘都未來，其間摧左幾次，經理又話唔俾取消，若取消要寫report，最後忍無可忍，要取消埋單，但埋單又要等15分鐘，我未試飲一餐茶需時超過2個鐘，效率極差，too bad!!!…查看更多

今日約左朋友12點食lunch, 因為呢間餐廳午餐買一送一，而且又可以坐得舒服一點，所以選擇來食。朋友食burger set，而我就食海鮮飯。海鮮飯的份量比較少，唔夠飽，味道都普通。個人建議選擇burger或牛扒。坐到差唔多1點，我們向一個男侍應(特徵:身型矮小)示意埋單，當時佢正在派餐，見到我們舉手埋單，就拿著餐走到我們面前停頓站著，目光不友善咁啤住我們，意識好似我們阻住佢派餐，其實我們當時已經客氣地講左轉頭埋單，但不明白點解會受到該男侍應不客氣對侍，呢間唔係普通的茶記:(，呢個男侍應連基本禮貌都無，希望下次光顧時，佢服務態度會有所改善。總括來講，環境同食物都可以，其他的侍應服務及禮貌都好，除左上述個位男侍應。…查看更多