沾沾的個人專頁

細個食開德昌魚蛋，之前間中都有去九龍城食。 不過自從多人排隊已經冇去食。後來得知佢地土瓜灣開咗茶餐廳，啱啱開個時幾好，早餐一位難求。茶走好飲，沙嗲牛肉麵好食。多士係熱脆。 見有位，又好耐冇食，入去試吓。 茶走少甜都勁甜，仲有茶渣。好耐之前食過炸雞髀好食，而家冇左。新推出呢款變咗炸雞。好油，食落去有怪味。試左三舊，各咬一啖好難食。 沙律醬多過沙律🤣，記憶中以前沙律唔差架食咗二啖食唔到落去，D沙律醬係超甜🥶怪不得依家成日都有位。 …查看更多

椒鹽蝦頭好似垃圾，牡丹蝦刺身隻隻刺身都仲有幾隻腳黐住咗，炒通菜完全唔掂，可能閒日1:30鐘先入去，師傅已經坐喺門口食煙仔。 油鹽奄仔蟹，勁咸。最好食係煎米粉底。環境比我想像中污糟，好多烏蠅，茶壺嚟到個咀仲有豉油。…查看更多

星期六下午來，等左大半小時，入坐要我哋坐高櫈。 但朋友有左BB, 要求唔要高櫈，坐普通座位，佢話全部吉枱有人訂咗枱，（當時有五至六張吉枱）要我地出去再排過。 結果照坐高櫈，朋友只可以小心啲。之後落單上菜服務好好，食物一般。 Latte 一般，咖啡豆帶微苦，奶泡打得比較粗鞋，幾分鐘後，成杯已經起泡。 牛扒唔建議，肉眼質素差，肉質粗鞋。玉子燒，惹味但煎過龍，玉子燒蛋質好鞋同實。唔係軟滑。 泡菜炸雞，炸得外脆內嫩，幾好食。 配泡菜冇咁油膩。 …查看更多

之前堂食，食開云吞麵薏米水腸粉。 好食而且服務唔錯。 因疫情，今次改外賣，試吓及第粥，估唔到好食，粥底夠綿，唔會好水，仲有果皮香味。唯一唔好係好少料。 炸兩，例牌好食，外賣都內脆外嫩，而且醬料全部用細膠兜裝住，好企理。 當然唔及堂食咁好食。桑寄生蛋茶, 第一次試，之前堂食見好多人都點，果然味道好過好多甜品舖，雞蛋好滑，如果有埋蓮子就完美。…查看更多

之前食過幾次其他分店，好食，只係坐得好迫。 今次試吓尖沙咀分店外賣，一打開個盒，有浸臭味，宿宿地。 試吓，原來係冬菇宿左，攪到成盒有宿味。 炸魚好咸，河粉係油浸河粉。 食左二啖成盒扔咗。 浪費金錢同時間…查看更多

第一次試呢間，因為周圍要等位，呢間即刻有位。諗住鼎爺再加普通燒味飯唔會好差。 一黎到，個飯既米好差，淋、鬆，唔係靚米，咁嘅價錢冇可能比D咁差既米。 個豉油唔係一般燒味飯豉油，冇製過，純咸味，唔香。 燒腩仔好肥，一半皮係淋，唔係鬆化。雞就更加不堪，又肥又無味兼冇肉，全部雞背位。 收75 元仲差過街邊燒味檔。 食完之後，最奇怪雞下邊成堆油。食完又成口油，早知過大快活。 唯一好處係坐得舒服，同隔離枱嘅人一定有1.5米距離。 …查看更多

經過見到新開，下午茶menu , 28 元居然有咖哩薯仔炸脾飯，以為行貨，點知一黎到，竟然仲有配菜，仲好大碟，而且又幾好食喎。凍奶茶都唔錯，服務態度都好好。下次可以試吓其他野。…查看更多

之前舊店座位麻麻，好多時都要坐bar 枱。 新店裝修好靚，座位闊大舒適。用OpenRice預早訂位，被安排卡位，食得舒服。食物水準依舊咁好，前菜蟹品全部水準依舊，蛋黃天婦羅同薑味雪糕最有驚喜。…查看更多

之前堂食下庄燒鵝鵝肝非常不錯，好好食，貨真價實。 早二日諗住外賣返屋企，先知鵝肝冇得外賣。 好奇怪收銀不停同我講下庄比較肥少D肉，我話之前堂食開，佢又不停再重複講多次。 我不以為意，冇鵝肝外賣，所以只買左下庄燒鵝，並叫留脾。 點知返到屋企，拎起隻脾食，脾下忽嫩肉唔見左，我都覺得算。 第二日食埋其他既肉，先發現除脾上有D肉外，其他全部係近pat pat位。 全部都冇肉食，雖然外賣有折，都唔使偷咁多肉走。 外賣仲要細碟過堂食，pat pat 都比埋你. …查看更多

原本叫燒鵝髀飯，問呀姐vip 餐有冇，佢話有轉頭又話冇。（半咸淡廣東話）於是叫燒鵝拼燒腩仔飯，呀姐話冇三併，我講幾次佢都話三樣嘢，問佢點樣三樣又唔識講。 講左成五分鐘先落到單。…查看更多

去開太古城，一心食餐好，估唔到可以咁難食。 午餐三百幾，因好多要加錢。杯咖啡加＄，衰過M記，如果唔識拉花，不如唔好拉。面包最好食，新鮮熱辣，好食。頭盤正常，唔難食亦唔好食。主菜薯仔硬屈屈，日本䐁肉好鞋又無肉香，難食。之後去吉之島買件日本豬扒返屋企煮，是有肉香而且juicy. 甜品食左二啖唔再食，因為真係好難食，死甜唔香濃。如果普通餐廳，百幾蚊我ok ,不過米芝蓮再加三百幾就不可接受。 另外服務一般，點菜同埋單都等好耐。…查看更多

最初看見這裏內容，不太想吃，怕中伏。行完整個黃大仙中心，都諗唔到食什麼，姑且一試。晚上黃金時間，只有幾台客，點了60多元的鵝肉配油飯，因怕40多元的很肥。另加一碟菜同豆漿。樓上食一碟雞飯都要60幾蚊，所以60幾蚊鵝飯又唔算貴。鵝肉分量唔少，有幾舊係偏肥，而油飯好大碗，不太油膩，但又有淡淡鵝香。鵝肉嫩滑，有鵝香，很少吃到這質素。 今餐是意料之外。豆漿偏甜，女侍應拿來時説小心好熱。由入門到上餐到結帳，女侍應都好有禮貌。食時隔離枱食完一碟鵝腸，又再叫多碟，下次會再試其他。唯一不喜歡的是只有薄荷水，我只想要一杯清水。…查看更多

上次想買麵包，但是遇上關門。今日下午經過，終於可以一試這間麵包。麵包種類很多，喺千挑萬選之下，揀咗紫薯同法包。去到收銀，前邊那個男人俾錢搞了很久，之後才知他用支付寶同優惠。到我用支付寶俾錢，收銀話支付寶手機壞咗，要我Scan那一個QR code. Scan 完輸入42元，要求收銀把兩個麵包包在一起，佢只係話要比一蚊，其實我希望環保一點，二個包放在一起，而不是獨立包裝再加一個袋。最終算了。回家試了，很多只紫薯蓉，不太甜，但缺少面包香氣。 以這價錢，偶一為之。…查看更多

早二星期，慶祝朋友生日，大家都未食過大灣，一於試下，仲要有位。去到至知，係唔full.地方好大，行一round 好似好多野食。到拎時發現D刺身仲差過放題，瘀黑又瘦。沙律睇完唔想食 （其他自助晚餐我都會食沙律）。壽司一樣。印度咖哩區睇完冇野係令你想試。唯一最好又吸引是凍盤火腿芝士區，多款又好食。凍龍蝦無味，熱盤龍蝦好多肉不過無味又un. 無天婦羅，有炸雲吞春卷，點心一般。食左一陣，已冇野想食。之後七點半有燉湯，個湯好甜。再食雪糕，有怪味。甜品多但幾樣都唔好食。食過咁多自助晚餐，呢間最難食又唔扺食。咁既價錢加少少食JW好過。最後連杯熱咖啡都好難飲，浪費了。…查看更多

原本揾甜品食，點知發記同另一間已結業，出名那間又大排長龍。 行行下不如去Mikiki睇下有冇甜品，結果改飲茶。一行四人猶豫好耐唔知飲咩，收銀見到同我地講，買住一杯試下先。買左鮮果烏龍，幾清新。於是買多二杯，我杯鮮果綠茶好遲先有，很多客人遲過我買的已取得飲品。 當女店員叫我的號碼，立即話唔好意思要我等咁耐。即時覺得呢間店的員工好好。果茶甜度適中，又有鮮西瓜蘋果青檸在內，清新怡人。 另一杯桃子就好香。 下次都會再來光顧。…查看更多