師母的個人專頁

因為book咗九龍香格里拉酒店staycation ，房價可以變餐飲消費，所以lunch揀咗佢嘅日本餐廳灘萬試吓，點知。。。我哋叫咗兩個定食一個吉列金星豚滑蛋飯一個天婦羅定食之前喺第二度食個金星豚所以其實對佢呢度嘅金星豚期望都高嘅點知嚟到賣相已經一般可能佢上菜上得好慢吉列已經全部淋晒金星豚入口非常之乾根本唔係出邊好Juicy嘅口感差唔多$300食呢個餐我哋覺得非常之唔抵天婦羅定食直頭就係難食所有嘢都非常之細件蝦冇蝦味茄子細得可憐無茸菇切咗一隻角炸比我感覺非常之寒酸呢一個餐要三百幾蚊我哋覺得只係值$150總括嚟講我覺得呢間餐廳浪費咗我嘅餐飲quota絕對唔會再有下次…查看更多

差唔多成年無得飛，當然要四圍搵下異國食品當自己飛咗以解無得旅行之苦啦～呢間鋪以曼谷正宗流水蝦做賣點, 又睇下做得似唔似先任食2個鐘——同曼谷既流水蝦店一樣, 座位旁邊就已經係蝦缸，生猛嘅大頭蝦就喺水度四圍游～揀啱就用大夾捕獲夾起之後要繼續夾實蝦，用店舖提供嘅冰放落冰桶直到凍暈佢地先好放落爐燒, 唔係就會見識到咩叫真正既「生蝦咁跳」調味料區，鹽，生蒜，牛油，一堆泰式醬料店方提供錫盤比你自行配搭佐料，點用就自己發揮創意喇～頭盤送既和牛，人頭數行出出面有自助區，蠔，扇貝，青口等等飲品亦係自助，有椰青，想飲要另外加錢飲品櫃後方可以自己煮個泰式船麵湯底有金邊粉/河粉加幾粒肉丸搭上乾蒜，湯頭足味又唔會太過鹹，都唔錯架～蝦頭勁多蝦膏, 好正燒爐size大約係咁，當然同泰國用炭爐唔同既係呢度環境問題只可以用電爐，要接受到近邊位熱力比較弱，比較長時間食物先燒得熟自助區亦有雞翼，丸類，串燒提供醃得夠味食完咁多野，有埋甜品就perfect啦甜品有布甸，啫喱，十幾款味道嘅雪糕球特別仲有榴槤，荔枝，芋頭，海鹽etc.環境方面，張枱真係比較細，一個爐都幾乎佔咗一半枱，加上要預位放置雪暈蝦既冰桶/殼桶，攞食物時一次過真係唔好攞太多，會十級「呢hea」總括嚟講食物質素算中上級 佈局亦都似喺泰國食嘅流水蝦鋪～不過2個鐘會燒得比較趕，如果以女仕們食量都算好足夠，可能店舖都有考慮過男仕唔夠飽呢個情況，所以有湯麵比大家自己處理😆算係過下癮～捉同煮由自己一手包辦，同朋友嚟食一次過滿足到食同玩，2百幾蚊算係物超所值…查看更多

同老公大人拍拖6666日記念(真的！無吹水！)決定搵間特別嘅餐廳食好啲！為咗配合返呢個咁特別既日子，所以揀咗呢度--六公館！六公館位置位於海港城嘅邊緣，飽覽維港景色，佢仲設有戶外嘅位置，如果秋涼嘅時候，坐室外，欣賞住維港景色去食晚飯都係個唔錯嘅選擇！但今日我哋選擇咗坐室內，不過都好彩，被安排左喺窗邊嘅位置！你之前已經參考過究竟有啲乜嘢係必食，所以一嚟就叫咗個蜜汁黑豚叉燒，燉湯方面，椰子鹹桔燉鮮鮑似乎係必飲之選，另外再叫多個天子蘭花膠響螺竹絲雞，前菜嗰度見到一個龍眼蜜生煎金蠔，好吸引， 冇理由唔叫嘅啫~主菜方面，叫咗個水牛奶龍蝦球同埋龍井薰太爺雞，仲有個桂花蟹肉炒新竹米粉，應該夠食喇~先來個蜜汁黑豚叉燒，的確係好食嘅，肉質鬆化，佢用咗梅頭最靚嘅位置去做，所以肥瘦均勻，加上蜜汁，燒到有少少濃邊嘅效果，的個係必食推介嚟嘅！椰子，鹹桔，鮮鮑，三樣似乎冇乜關係嘅，放埋一齊變咗一個燉湯，估唔到味道有幾夾喎，清甜嘅椰子味，加上鮮鮑魚同埋瑤柱，飲真啲就有少少鹹桔嘅味道，有趣有趣！我既天子蘭花膠響螺竹絲雞，花膠又厚又大塊，正到暈，天子蘭應該係蘭花嘅一種，係個湯上面浮下浮下咁，都幾靚㗎，超甜嘅響螺燉湯，我覺得呢一個都係推介！最貼心嘅係佢個燉湯會用個蠟燭座熱住俾你飲，咁就一路飲一路都keep得住個溫度~龍眼蜜生煎金蠔，三大件，金蠔本質應該不錯，加埋龍眼蜜微微煎香，好味！龍井薰太爺雞，一上枱已經聞到好濃郁嘅煙熏味，侍應再將處理過嘅龍井茶葉放上雞上面，真係不得了！隻雞嘅每一啖都充滿着煙燻嘅味道，連雞胸嘅部份都非常之滑溜，三兩下手勢已經K.O.左呢半隻雞 lol 水牛奶龍蝦球，賣相一百分，又白又滑嘅水牛奶，下面有龍蝦球，最神奇嘅地方係佢啲龍蝦球滑到好似魚咁樣，究竟點樣可以做到？桂花蟹肉炒新竹米粉，呢一個明顯係手工菜，炒桂花即係將蛋炒到好碎，要快手，又要夠乾身，加埋佢要炒米粉，所需要既技巧就更高，事實證明，佢真係炒得幾好，蟹肉用上蟹腿肉，夠大粒，米粉夠乾身，又唔會一舊舊，讚！其實甜品都有d想試但真係飽，所以今次無緣試了，留待下次~…查看更多

去咗中環諗住食蔡瀾呢間越南粉一坐低就見到一隻大強係地下移動！叫人來然後再有一隻！即係2隻！個staff話，打風，係咁㗎喇我走都走唔切打風唔係藉口囉打風可以有兩隻大強係地下？眼見到係2隻見唔到既有幾多？希望餐廳注意衛生情況…查看更多

九龍城出名多嘢食，中西意法日咸甜。。。你講得出都有，尤其是甜品方面，一條街都有幾間，今日揀咗呢間，貪佢有傳統中式糖水食！入到去一睇餐牌，直頭係花多眼亂，勁多選擇同配搭，如果之前唔係已經鎖定目標嘅話7真係會選擇困難症發作！今日叫咗椰汁合桃糊，腐竹白果蛋水，同埋糖不甩，兩個人share食就岩岩好！椰汁合桃糊其實就係合桃糊上面額外再加多少少椰汁，感覺係幾好的，合桃糊好滑，加少少椰汁既香味，感覺上無咁漏！腐竹白果蛋水（佢個餐牌真係咁樣寫）腐竹煲到溶晒，豆香十足，白果亦吸收了糖水的味道，分量亦不少！糖不甩有5粒，內有芝麻涵，口感q彈，面頭的花生，芝麻，椰絲比例也適中，讚！呢度原來同農莊合作，主推羽衣甘藍，有羽衣甘藍餃子，羽衣甘藍沙冰等等，下次可以試下！…查看更多

由台灣來的台灣牛肉麵，果然係唔同d！紅燒牛肉麵粗麵，香濃牛肉湯底，淋身的牛𦟌，相當有分量！牛𦟌淋得黎仲勁有牛肉味，無死咸的感覺！酸菜在枱面以自助形式任你吃，很爽！鹽酥雞滷肉飯鹽酥雞同滷肉分開上，讚！鹽酥雞香脆，仲保持到雞肉juicy ，係我係香港食過最好的鹽酥雞！滷肉飯略嫌瘦肉粒太少，如有多d會更好滷水拼盤有滷水腐皮，好新奇！索晒滷水汁既味，好吃！滷水雞翼同牛𦟌牛𦟌同麵的一樣，有點失望雞翼夠入味…查看更多

住係黃大仙，介紹返黃大仙既嘢食先黃大仙兩個mall 翻新後多咗好多食肆，中西日乜都有，呢間係其中一間。上海菜係我最愛菜色之一，皆因本小姐係上海人時也~先來個冷盤，口水豆腐，夠辣不夠麻，但都幾好食既，有創意！葱爆羊肉，略嫌羊肉比較碎，味道是對辦的，下飯一流！賽螃蟹，無蛋黃，有d唔開心，不過算喇，見佢夠大碟，分量補返數！酸辣湯雲吞，食得出雲吞並不是現成貨，讚！酸辣湯材料夠晒豐富，啖啖有料有湯！驚喜發現，有一頁menu係素食黎，素食人士來到都有好多選擇！…查看更多

友人D先生又帶我食好嘢，今日食點心，佢揀咗大官廳。第一次上去，環境幽雅， 枱與枱之間有一定嘅距離，讚！揀咗菊花茶，侍應先生提醒要焗一焗先飲，咁樣會比較出味。點心方面選擇唔係好多，咁樣仲好，唔會有選擇困難症。叫完點心，待應推薦今日精選係叉燒，D先生決定試埋佢，唔試由止何，一試。。。。。嘩！真係超。好。味。！肥瘦均勻，肉質香軟，真係食到唔停口！近年少咗食肉既我都忍唔住食完一舊又一舊！鮑魚雞粒酥鮑魚夠淋身，一啖一個，岩岩好！帶子燒賣大大粒帶子係燒賣上面，豬肉夠淋又唔肥！大官蝦餃皇果然係蝦餃皇，大大粒，皮薄又彈牙，蝦又大粒，必叫！竹笙黃耳上素餃呢個超級精緻，淨係樣都夠晒吸睛！點可以做到咁靚？真係唔捨得食！味道方面當然係好好喇，香濃菇菌味道潮洲芋絲春卷呢個應該叫爆涵春卷先岩，入面一d虛位都無，滿滿的是芋絲！身為點心控強烈推介呢度，點心需然選擇唔多，但勝在樣樣都精！…查看更多

中環搵食通常價位偏高，但只要慢慢搵，就會搵到抵食又好味的晚餐！是日點餐Set dinner 沙律很出色蟹肉薯蓉沙律，我覺得蟹肉比例遠比薯蓉高，啖啖都係蟹肉，有刁草同檸檬汁既味道，十分清新！麵包粒脆卜卜！自家製法飽好好味！！配上微甜的黑醋同橄欖油，食完一塊又一塊，如果係熱既麵包會更為理想鱸魚捲中間夾住黑橄欖片，上面有油浸蕃茄乾同蕃茄炒香既醬料，口感豐富，伴碟薯菜都十分新鮮，有蘆筍，粟米仔同薯仔，都幾飽肚！…查看更多

今晚抽起條筋想食日本燒肉，喺銅鑼灣其實都好多選擇，今晚揀咗呢一間價錢係中位數嘅試吓佢菠菜溫泉玉子沙律呢一個沙律好好食，溫泉玉子生熟程度啱啱好，菠菜同埋羅馬生菜都好新鮮，麵包粒好脆口，成個沙律份量都幾多，所以好抵食24cm壺漬牛肋骨肉呢一個係我今晚嘅最愛，原條牛肋骨肉，點左佢嘅燒汁，先然後原條擺上個爐度燒，燒熟左先剪開黎食，佢一啲都唔肥肉味好重，加上燒汁嘅味道，真係好好食呀，值得推介！佐賀產極上黑毛和牛肉眼200g，油脂分布平均，入口即溶，同頭先嘅牛肋骨肉感覺截然不同，日本和牛嘅愛好者必叫岩鹽青檸燒雞翼呢一個好特別，以為佢酸酸地， 點知原來係甜甜地，單骨雞翼好易燒熟，好味！黑松露和牛炒飯分量出乎意料地多，每一啖都充滿着黑松露嘅味道， 原來黑松露配日本和牛都幾夾，炒飯炒得夠乾身，又唔會好肥膩，good ~ …查看更多

灣仔同金鐘交界，人來人往，車水馬龍，但中間都夾雜着唔少精緻嘅食店，呢一間係其中一間，貌似西餐廳，但係其實係食西班牙tapas嘅，是日點餐iced 48 months Jamon Iberico croquettes 48個月伊比利亞火腿薯蓉波波薯蓉波波新鮮炸起，中間有伊比利亞火腿蓉薯蓉夾雜着火腿嘅鹹香，因為佢細細粒嘅關係，所以唔覺得佢好漏！Crab meat with soba,mix green on sesame Dressing蟹肉沙律配蕎麥面加上日式芝麻醬汁， 呢個配搭十分之清新，因為有蕎麥面嘅關係所以其實幾飽肚，略嫌蟹肉偏碎，但係配上日式芝麻汁，都非常之開胃！Slow cooked octopus,Served with mashed potato, crap stock red bell pepper And ink mayonnaise 慢煮八爪魚，賣相十分精緻，慢煮八爪魚係非常之花時間嘅菜式，八爪魚經過慢煮之後非常之淋身，佢配上少少薯蓉，重點係黑色嘅醬汁原來係墨魚汁沙律醬，成個配搭好特別就同出邊一般嘅慢煮八爪魚比較起上嚟，呢一個做得非常之出色！12 hours slow cook sucking pig With Carmel pineapple12小時慢煮西班牙乳豬配焦糖菠蘿呢一個比較surprise原因係佢成隻豬脾上碟，要自己切，乳豬經過慢煮之後再用高溫烤焗，所以皮脆肉嫩，自己切都冇乜難度， 乳豬經過長時間既醃製同埋慢煮，肉質充滿着香料嘅味道，配上酸酸地嘅菠蘿但係又有焦糖面係菠蘿上面，咁就中和左肉類嘅油膩感覺，呢一個做法非常之聰明而且非常好食！…查看更多

麻辣火鍋癮起，今晚試呢間最鍾意有鴛鴦鍋，今次揀麻辣牛小排鍋同五指毛桃豬骨鍋，有辣有唔辣！醬料方面都係一般的蒜蓉辣椒葱，但就整齊的送到餐桌。未有火鍋料可以食住牛小排先，夠淋又入味！響鈴係新鮮炸起，放落麻辣湯兩秒，索晒湯汁，正吖！手切安格斯肥牛都是推介，厚薄適中，味道無本地牛咁濃，但勝在夠滑和雪花均勻！石班魚片呢個又係正！有足足半條魚！魚頭魚鮨可以放湯增加湯底鮮味，魚片用黎打邊爐，有少少食水煮魚既感覺！ 鮮蝦雲吞超大粒，非常之抵食！值得一讚嘅係蔬菜方面佢有蔬菜拼盤， 咁就樣樣都有啲，可以食唔同嘅蔬菜！…查看更多

自從地鐵可以去西區之後，而家去西環食嘢真係好方便！香港食辣蟹嘅地方唔多，呢間係其中一間，重點係佢有新加坡style嘅香葉黑胡椒炒蟹，呢個真係唔係度度都有得食！其實淨係炒蟹佢都有8款比你揀，一定揀到岩食既！首先叫個冷盤先，肉鬆皮蛋豆腐，份量都幾大，整體都唔錯！香葉黑胡椒炒蟹，少辣，用砂鍋上，賣相一流！試一口個汁，香辣濃郁，蟹方面用上大肉蟹，蟹鉗已被打碎咗個殻，所以食地上黎都算方便，記得食果時加返d汁係蟹肉上面，倍添美味！豆酥蒸黃花魚呢個好。好。食。！黃花魚滑身，加上炒香既豆酥，加碗白飯吖唔該！呢度食物分量都唔細，要人多先可以試多d款式！…查看更多

睇戲前黎個速食晚餐，喺戲院隔離就有漢堡包店，見佢都好似幾有特色咁，試吓先~佢有套餐供應，我揀咗黑松露牛肉漢堡，配料要咗蘑菇同埋焦糖洋蔥，小食要左沙律，飲品要咗奇異果汁，同行嘅有人要左墨西哥辣椒牛肉漢堡，配料要咗蛋同埋煙肉，另外小食要咗炸雞塊同埋薯條，飲品見佢有香港品牌手工啤，所以叫咗黎試吓。點完餐先拎咗沙律同埋飲品，沙律嘅菜煙肉麵包粒同埋沙律醬都分開上可以隨着個人喜好加入，沙律菜新鮮！食個沙律可以平衡返食漢堡包嘅罪惡感之後服務員就送上漢堡包同埋薯條炸及炸雞塊。漢堡包包裝精美，拆開就見到熱辣辣嘅漢堡包，黑松露牛肉漢堡果然好勁黑松露味，漢堡包都有黑松露味感覺非常之高級， 已配料嘅蘑菇炒得好香加埋焦糖洋蔥成個配搭都非常之好，焦糖洋蔥係香港漢堡包店比較少用嘅食材，但係其實係外國係非常之流行嘅！講下個小食先，佢個薯條係扁新但係闊嘅薯條炸得好香口，重點係個炸雞塊真係超級好食佢唔係一般快餐連鎖店嘅麥x雞嘅質地，佢真係似鮮雞肉嘅質地然後包左炸漿拎去炸，啱啱炸起熱辣辣咁，真係好好味，結果忍唔住encore左一份細嘅5件友人嘅手工啤隻玻璃杯都好有特色！…查看更多

朋友帶路，話帶我去食超高質素嘅打邊爐，喺酒店入邊食打邊爐？真係非常之期待！酒店位置比較偏僻，餐廳位置喺酒店嘅一樓，裝修都非常之骨子，原來晚餐時間有小菜同埋火鍋選擇，我哋今日嘅目的係打邊爐，當然係揀火鍋啦！先揀個湯底先，呢度出名食辣嘅，所以要左一個鴛鴦湯底，係麻辣湯底加個果香魚湯。點菜紙都相當之精緻，服務員好貼心咁提示我哋所有嘅食物都可以點半份！嘩！太好了， 咁樣就可以試多幾款野食！醬料方面都係自助形式，所有器皿都相當之精緻，仲有好多前所未見嘅配料例如係榨菜粒，豬油，辣椒粉，等等， 真係大開眼界！我哋叫咗本地手切肥牛(半份)，日本黑豚肉(半份)，白蘿蔔，薯仔片(半份)，SPAM美國午餐肉)(半份)鮮淮山(半份)，黃金魚皮(半份)，菜肉雲吞(半份)，瑤柱鮮墨魚滑，潮州魚蛋(半份)。講下個湯底， 麻辣嗰邊係中辣級數。果香魚湯入邊有番茄雪梨，仲有啲杞子添，魚湯本身已經好濃郁，加埋番茄同雪梨嚟嘅甜味，就咁飲都覺得好好味！重點介紹幾款先手切肥牛啊非常之新鮮， 肥瘦適中日本黑豚肉，咪睇滿分得四片咁少其實每一片都非常之厚，所以都係抵食之選黃金魚皮，呢個係必食推介！估佢唔到拎上枱嘅時候係熱辣辣㗎！魚皮夠薄，炸得好脆，鹹蛋黃份量啱啱好，唔會有一忽太多另外一忽太少嘅問題，就咁當小食食又得，放湯又得，食到停唔到口！瑤柱鮮墨魚滑， 呢個叫咗一份，有瑤柱喺入邊，多咗瑤柱嘅鮮甜味，同平時嘅墨魚滑果然係有啲唔同！潮州魚蛋，非常之彈牙！菜肉雲吞皮薄餡靚，隻雲吞脹卜卜咁樣，好好味！…查看更多