jerrylee2013的個人專頁

好味潮式打冷😋朋友一路都鐘意食潮式打冷，今次約到一大班朋友，終於可以瘋狂咁叫多幾款不同菜式☺️朋友提前訂左位，唔洗等位情況下直接入去。鋪頭分兩層，地下同一樓，一樓空間比地下大好多，坐係黎都舒服，不過樓底比較矮，傾計講野就要大聲少少。人手落單，店員都好親切，會介紹一些熱門菜式。上菜速度唔會太快太慢，而食物質素係唔錯，特別係滷水鵝，豬紅，蠔餅☺️全部都係食過番尋味，可能人多關係，佢地有限時90分鐘。…查看更多

放題牛牛，食到超飽😋今個月正係小弟生日月份，想一班人開心食飯，但又唔想食到就住就住，就揀左打邊爐牛牛放題。首先訂位十分方便，我都係起apps 到訂位，想訂幾時同更改時間都係自己想點就點。好多餐廳就算訂位後都有牌等，但今次竟然唔洗。坐到埋位，服務員都十分有善及主動。而放題有4種唔同價錢ge任食火鍋，我就揀左 ‘’澳洲極上和牛‘’ 😋呢set 我覺得性價比算係高👍🏻都係手機落單，上菜速度幾好👍🏻而食物質素方面都可以😋。如果等唔切上菜而又太餓，可以出去半自助bar到夾住d丸同菜食住先，仲有好多款茶飲自己揀。最後埋單每人都係3百幾，放題黎講算係抵食😋😋😋…查看更多

不過不失西餐廳😌黎到沙田食飯，我會黎好運中心，自從裝修後有很多新餐廳進駐。今次我地揀左Y pasta，餐廳門口係商場外圍，都容易搵到。咁岩係食飯時間，需要等幾張台先可以入座。入到餐廳空間都算闊落，台同台之前唔會太貼，但可能新裝修咁岩我坐過個位冷氣有d大。而點餐模式係掃QR code，假日期間仲有假日早午套餐，包餐湯，主食同飲品。當日餐湯係野菌湯味道👅十分香濃👍🏻，而主食就點左個牛肉醬天使面，不過不失，個人覺得偏油左少少…查看更多

性價比高👍🏻好味咸粢飯自從好運中文重新裝修後，引入好多新餐廳，但令到一試再試，不得不數呢間豆漿大王。適逢周末放假又唔想留係屋企，就黎沙田行行，黎到沙田梗係醫醫肚先，咁就揀左豆漿大王。咁岩食飯時間都要排5，6張先有位坐。入到去點餐方法有兩種，自助掃code 點 或者 叫職員幫手點都可以。上餐速度都好快，重點必食都係粢飯同豆漿。粢飯水準唔錯👍🏻，而豆漿我點ge係有薑味，如果薑味更濃會開心d。份糧都還算可以，唔會有食唔飽。…查看更多

好味生煎包😋😋😋黎到大圍未諗到食咩好，就周圍行下，行左一陣就見到之前食過ge生煎包。梗係想回味一下。入到餐廳，人唔算太多好快就搵到位。點餐方法係掃code 落單，由於沒有提供餐牌，只好係電話睇下有咩食。而我就點左招牌雞扒菜飯，食落雞扒十分滑，一點也不會鞋口。由於個生煎包太好味，忍唔住叫多左兩隻，生煎包裡面個湯，好濃郁，肉都好滑口。值得一讚係咁熱天氣，職員見我地坐低，都好快俾左杯豆漿，解暑一流，值得再幫襯🥰…查看更多

鬧市中大排檔🤔一大班朋友聚會，諗住搵個地方吹水傾計。就諗起好耐冇食過ge妹記。話說好在事前有訂到位，用餐時間可以有兩小時，如果唔係既話，walk in就只有90分鐘，咁又的確係小左d。黎開大排檔諗住食下小炒，飲啖啤酒🍻把酒談歡，食到到喉唔到肺又真係好唔夠。埋位坐定定，叫番幾碟當年覺得好食ge小炒。落好單，上菜速度可以。講下味道方面，感覺比以前食落差左少少，冇左過種獲氣。希望老闆可以留意下。份量正常可以接受咁。不過，因為無第二輪客，過咗兩個鐘都無趕我哋走，最尾吹水吹多左一個鐘先走，都算係咁…查看更多

性價比高牛肉飯👍🏻又到放假日子，梗係出街行下，要振興經濟😹又黎到熟悉既新城市廣場，平時一向鍾意食牛ge我，見到沙田呢間Sukiya 唔洗排隊梗係衝入去，可能時間還早未到食飯時間，人唔算多。入到去睇餐牌都唔洗諗一定揀牛肉飯，佢有個貼心位，就係分4種不同份量，細食到小鳥胃至大胃王都可以滿足哂。除左牛肉外，仲有豬同雞不同類別的餐飲。還可以加1x 蚊轉套餐，包飲品同菜，可以話性價比很高。叫餐係禁鐘就有服務員💁‍♀️黎落單，上餐速度都好快，食落個牛肉飯都可以👍🏻…查看更多

90分鐘半自助餐放題😋岩過完中秋節，食到個胃口大哂，諗住中午揀間食物份量多ge 餐廳，最後揀左間半自助餐。由於開門冇耐就幫襯，入到去位置可以隨便坐。凳底仲可放置個人物品，坐落都舒服，但係張台有d偏細。坐低後即時落左個湯底同主食，而上餐速度都好快。同一時間，梗係出去睇下有咩食，午餐肉，丸，獅子狗，粟米，不同疏菜等等。如果再驚唔飽，仲可以煮拉麵🍜可惜當日沒有雪糕供應，飲品汽水，綠茶，coffee 可以任飲。番到埋位，主食牛肉十分新鮮完全冇血水，食落質素還可以接受，不過不失。總結性價比都算高。…查看更多

可以一試點心專門店😋撞正十月一日國內黃金周，商場入面多左好多遊客，正因為咁都好擔心食野等位要等好耐，都提前去餐廳拎位。由於早到關係，仲有吉位可以揀。但係都擔心有用餐時間，會俾人趕走，都特意同職員查詢，慶幸係可以任坐飲茶，值得一讚。而店員都好熱心咁安排位置，坐低後發現冇主餐牌，只可以在手機查看及落單，對老一輩比較唔方便。落單後食物都好快黎😋整體食物質素唔錯，但唯獨有幾碟唔太夠熱，可以改善再值得一讚，由於店員話冷氣係中央自己調節唔到，都好儘力幫我地尋找解決方法👍🏻…查看更多

不過不失食牛餐廳🐮難得假日梗係周圍搵餐廳試下，今次咁岩要出尖沙咀，就揀左呢間牛天宮試試。本人都幾鍾意食牛，實在要試試呢間牛牛d質素。入店後，店員服務唔錯，不用等位馬上可以安排入座。雖然座位偏窄，但坐落去都還可以，仲有貼心位係枱底下有個掛勾，可以用嚟掛背囊等行裝。而點餐是自助形式，手機落單。而上餐速度還可以，等一陣就有野食。而我點左個手切牛肉泡飯，食落牛肉都新鮮，湯底都夠味，份量正常可以接受。埋單人圴都係80蚊左右，係旺區黎講算可以。…查看更多

悠閑生活😌難得星期日出尖沙咀周圍行下，行到有d攰攰地就想搵個地方休息。係鬧市中搵個安靜地方真係唔容易，最後揀左文化中心呢間Pacific Coffee 抖下，店舖入面寬敞，因為間鋪唔係起商場裡面，遊客相對較小，要搵位都好快搵到。落單坐左一陣，好快就可以拎。食物方面點左個藍莓鬆餅，同杯Matcha Latte。鬆餅：7/10飲品：8/10鬆餅不過不失鍾意抹茶ge朋友，可以叫少甜，更容易突出抹茶味道👅好好品味一番…查看更多

不錯的台灣菜☺️星期六想出街行下，但咁啱撞正十一黃金周。周圍都塞爆人，講到旺角比較好行ge商場，我真係推薦朗豪坊，見food court 人太多就轉移陣地去試下隔離間台灣菜。一行到counter 服務員好熱情咁招待我哋就座，空間位置都好舒適，雖然係open area 但都唔覺得俾人望住冇私隱。坐低後慢慢欣賞餐廳裝潢，特別係梳化背後好有台灣特色文化，仲夾雜香港霓虹燈裝飾值得一讚。點餐都係手機自助，而上餐速度都好快。而我點ge係牛筋肉蜂巢牛肚便當，特別係蜂巢牛肚咬口彈牙爽口，可惜份量唔多，小食多滋味🤭😋值得一試…查看更多

紅豆沙黑芝麻湯圓🍡食飽飯梗係周圍行下，但係行左幾步，個肚開始肚空空就諗起食糖水，係朗豪坊即時諗起滿記，好耐冇食過，就諗住試試質素保唔保持到水準。可能時間尚早，唔洗特別點等位就已經馬上有位。座位雖然有d迫，但冇計香港鋪租貴，係可以接受到。我哋叫咗紅豆沙黑芝麻湯圓，等左一陣，個糖水都好快到，已經急不及待，先咬左一啖湯圓，咬口煙靭，紅豆沙起沙都唔錯。份量黎講中規中矩，飯後甜品算係咁。唔會特別趕人走，可以慢慢食同傾計，但係始終係open area 講野要大聲少少，傾密計就唔推薦啦…查看更多

值得一試燒春雞🐤之前食過灣仔薔紅隻燒春雞都唔錯，咁岩去奧海成行街，梗係睇下有咩新餐廳，咁就發現薔紅開左分店。一去到門口就見到好多人坐係到等位，心諗應該有排等，點知二人位唔洗點等，好快就入得。一入到去新餐廳係唔同d，整體裝修環境都好美觀，最緊要夠冷氣唔會覺得局促。坐定定睇餐牌，依家有套餐推介，一直以來我食量都幾大，而呢間餐廳份量真係岩哂。落單冇耐，上餐速度都好快，值得一讚。重點黎啦，梗係要講下隻燒春雞，大大隻就不在話下，仲要熱辣辣，撕開隻髀過時，d汁即刻留出黎，咬落口d肉係好嫩口不會覺得硬同un ，水準依然保留到原組店味道😋😋😋…查看更多

飯聚吹水一流既地方。諗住同班老死聚一聚，揀係旺角方便大家，抱著平常心去試下新餐廳，點知估唔到竟然有驚喜。一入到去女僕妹妹十分友善，馬上安排我地就座，仲好細心詳盡咁解說餐牌🥰值得加分。不得不提就係佢地個combo set 性價比十分高，食物質素都唔錯，特別係佢地嘅甜品😍，真係可以食多幾次。用餐期間，女僕妹妹仲不時同我地傾計，感覺好舒服👍🏻。幾個老死除咗打邊爐又多咗個選擇👍🏻最後仲可以同女僕妹妹影相留念🤩 …查看更多