sixson's Profile

我不嬲都中意食麵, 一天中午行過見到間不起眼的食店, 招牌寫住南京牛肉麵, 引起我的注意. 店面很舊, 內裡暗暗的, 但算整潔坐下後沒看其他餐牌, 直接點了牛肉面, $30, 中上環這個價錢絶對便宜之前試過一間同一條街的牛肉麵, 50多塊, 食到一肚氣。店內只有零星幾位人客, 等了一陣, 老闆娘才端上麵來整碗麵的賣相不錯, 湯很清澈, 只有少許油在面, 試一口, 不膩也不很鹹, 很清新, 卻有牛肉味再試牛肉就不得了, 每片牛肉的大小厚薄均一, 瘦肉較多, 但肉中都間帶絲晶瑩剔透的肥膏口感爽而不韌, 肉味濃這裏的麵很不錯, 應該不是自家製吧? 為湯底和牛肉再加分。差點忘記了, 蔥花我一直不太重視, 但麵上的蔥花, 簡直為整碗麵錦上添花細味品賞著這碗麵時才明白等的原因最近再去試擔擔麵 我吃過很多擔擔麵, 這裡最啱我口味醬料一早拌勻了, 但也隱不住花生和麻醬的香氣紅油帶香微辣, 不會掩蓋麻醬和花生的味道, 非常融和這裡其他的食品我未試過, 但看見下面的食評一般我建議他們試試牛肉麵和擔擔麵, 會對這家店改觀。…Read More

第一張係今日影第二張係上個月影見到啲薯條, 都冇乜好講...只有被騙的感覺.... 唔知自從幾時開始食物質素下降, 排隊時間又長咗早晨精選套餐外賣又忘記俾刀叉調味包, 攪到要食冇味包和乾啃熱香餅成日花錢裝修, 不如改善下內部管理和員工訓練啦2013年6月9日的外賣2013年5月11日的外賣…Read More

勝香園有乜好食係人都知啦, 尤其係D趣趣, 真係好香好好食不過今次我想講下少少衰野首先係茄牛通, 大家都知主角係D新鮮蕃茄, 但係D牛都唔可以忽略架, 我就覺得D牛肉熟得太老, 呢點可以注意下仲有要講下等位啦, 唔知點解星期六D人好守規矩識得排隊等位, 但係平日一至五D上班一族就亂咁爭位, 真係好討厭而D伙計呢, 我明.... 真係好多人好忙, 但係點菜埋單真係等好耐囉, 食一個午餐可以由12:30食到2:00, 其中等位30分鐘, 等點菜15分鐘, 等野食到又15分鐘, 食野15分鐘, 等埋單找錢又要15分鐘...... 以上兩點都係因為老闆管理不善, D野雖然好食, 但係服務都唔好忽視先得架不過而家天氣熱無人去應該唔洗等咁耐既.....講開又講, 勝香園個檔以前係九記, 我細細個就成日去九記食麵, 自從九記搬左去對面我都成日食, 睇嚟勝香園個位真係好旺, 做邊間旺邊間…Read More

老實講, 蘭芳園真係名過於實先旨聲明, 我唔係話唔好食呀大家都知佢最出名係蔥雞撈丁+熱奶茶蔥雞撈丁唔好講, 只普通貨色佢地既熱奶茶無錯係幾好飲, 但係唔係真係屬於一絶好多茶餐廳都做到相同甚至更好既質素唔洗講其他, 只要行多幾步到同一條街既鈞樂既奶茶質素就唔會差過蘭芳園而且人地既食物選擇,味道都好好多, 價錢又平好多所以如果經常去開既朋友都知道, 蘭芳園已經越嚟越少人去啦, 繁忙時間都唔洗等位…Read More

沾仔記以前成日食, 都幾中意食架但係唔知幾時開始發覺佢地D 湯好甜又好重碱水味咁就好耐都冇再去最近又再去過一次, 叫左碗牛佣面, 都係好甜好重重碱水味我諗我唔會再去食啦…Read More

永樂園既熱狗成日食, 尤其係孖腸狗, 唔食唔安樂D 狗醬真係一流, 包又夠熱, 如果再趣D就正仲有條腸佢地係用糼既雞肉腸如果可以有其他肉腸選擇咁就可以無咁悶啦不過永樂園既狗始終係經典…Read More

呢間蝦子蝦球撈面真係幾好食, D 面冇乜簡水味, 好爽彈牙, 正咁多間分店好似擺花街呢間有得食?? 不過要彈既係質素好似好唔穩定, 試過嚟一兩次, D 蝦唔知係唔新鮮定煮得熟過頭, 爛晒, 要扣分不過講真, 呢間真係好食過澳門好出名果間蝦子蝦球撈囉, 又貴又細碗, 味道都差唔多…Read More

朋友話發現左間新開既私房火鍋, book左枱帶我地去試下, 太熱天時食火鍋...不過我諗有冷氣都ok既. 咁我地行完信和, 大約7點左右行過去, 雖然只係幾分鐘路程, 但係條街都算幾靜. 不過有心搵既都好易搵到, 間鋪都唔算大, 新開裝修都好新淨企理, 幾圍枱都坐滿晒. 因為我個朋友事先打左上去講左個buget, 食咩就由老闆話事, 所以入到去老闆就拎左d 凍飲俾我地消暑, 跟住就自動波咁送上d 湯底同餸料.我地果個湯底係蕃茄蟹, 裏面有新鮮蕃茄同海鮮, 好香好清甜, 茄味同海鮮味好平衡, d 湯好夠火喉, 我就飲左好多碗啦, 好清涼, 好啱夏天食用, 仲有係蕃茄可以帶出海鮮鮮味, 真係幾夾, 呢個湯底都幾有驚喜, 值得推介我地既buget係大約$200, 食新鮮海鮮既話都算預得好低, 開頭都怕款寡量少, 不過d 餸嚟到都幾多款, 分量都好足夠, 差d食唔晒, 有肥牛, 深海海蜇, 鮮蝦, 琵琶蝦, 扇貝, 生蠔, 帶子, 菜盤, 唔同既丸... 樣樣都好新鮮幾好緻幾好味, 睇得出老闆好用心幫我地設計同準備, 呢點真係抵讚食火鍋最重要係湯底正材料鮮, 呢兩樣呢間都做得幾好, 我地成班朋友都幾滿意, 雖然仲有好多改善空間, 但係新店算係做得好好, 最緊要係做得有誠意又抵食, 下次一定會再嚟, 希望之後水準保持到之餘, 又會有其他驚喜啦 …Read More