elisewongwong的個人專頁

經openrice 訂枱，入座時已表示在openrice 訂枱，最後竟然remark缺席兼無計八五折！可能已經係兩點既關係，已經無餐湯供應，唯有要沙律。服務方面，大部分待應可能都較green或者唔上心，經常出現蝦碌情況1.食完沙律後，連叉收左，不過無再補上餐具2.我地坐open kitchen 對面，突然間有粒黐立立嘅膠粒飛咗落塊面度，原來係廚房剪開調味料飛左個頭出嚟3.飲品好清楚叫凍飲，最後上熱飲，兼且上飲品時倒瀉了，拉花也花了，待應最後肯換，不過廚房也表現得不太開心，令客人感覺很尷尬或者似係客人自己做錯事4.意粉未食完，差d收左碟5.埋單後唔知係落場定咩關係，已經無哂樓面，客人自己離開。食物質素其實唔錯，但在非繁忙時間都感受到服務方面有好多要改進嘅地方。本人其實已經好多年冇寫過食評，希望餐廳多留意並提升服務質素，相信會更好。…查看更多

話哂係除夕晚餐，稍有質素既餐廳食肆唔係好貴就full booking... 最後還是去番老地方吧今日假期，三陂坊一帶已經人頭湧湧。一行八人都唔係第一次尼，大家都係叫番自己最鐘意既菜式海底棷燉粟米蘿蔔雞腳湯: Lee度每日都有精選燉湯，留意番，係燉湯！同一般煲既湯不同，味道更濃郁。而且真係大煲兼足料，只係$138! 所以每次尼係必叫！椒鹽鮮魷: 真係太肚餓既關係，其實仲有個椒鹽白飯魚。但係已經....Lee 度既椒鹽系列係即叫即炸，一食就知，熱辣辣之餘仲要好鬆脆，真係送啤酒首選蠔餅：味道不錯，但粉較多，蠔仔如果再多d就好la!蝦乾瑤柱蒸勝瓜:一個幾特別既菜式，蝦乾同勝瓜好match ! 加碗白飯已經飽左！個豉油就好似蒸魚豉油咁令人想食多兩啖飯沙拉骨：都係個句，夠脆夠熱，不過有一兩件肥肉略多，未必個個鐘意。沙律醬就咁擺係上面好似同就咁點無乜分別。黃金蝦：lee個應該都算係招牌菜！味道絕對唔會比外面酒樓差甚至更出色。蛋黃完全包哂成隻蝦，唔會太多又唔會太少。外殼好脆口唔會太油膩！正！豉油雞：入味，隻雞幾滑，不過友人話底部既雞件可能浸既豉油汁較多，略咸籠仔蒸糯米飯：好明顯lee個菜式既精華係係糯米飯度，糯米飯用荷葉包住蒸，有好香蟹味同蒜蓉味。不過有友人認為蒜蓉可減量，反而糯米飯就要加底😂😂同埋餐廳無提供拆蟹工具令到有d肉食唔到整體尼講，餐廳上菜速度快，侍應好有效率。菜式全部都好熱，夠新鮮。價錢亦合理，但當然這個價錢坐的地方空間會較窄，有點室內地方都聞得到煙味！…查看更多

坐係Cafe飲杯咖啡加個甜品係我的週末hea hea 首選，亦係慰勞自己忙碌了一星期的時候舖頭裝潢簡單得尼又有自己風格，客人唔算好多，播住音樂令人幾舒服首先來一個mixed berry pancakes ,好新鮮，熱辣辣。跟一般 煎pancakes 不同是因為把pancake焗過，個邊幾香口，中間仍然係軟熟的。最重要係會比煎pancake少左點油膩同保溫效果更加理想，唔會好快凍哂令人無左想食既衝動呍喱拿雪糕的甜又唔會蓋過什莓的味道。凍冰冰既雪糕在熱辣辣的pancake上溶得較快，忍唔住好快咁食完一啖又一啖，令人會係最好味既時間ko 哂佢（飲左兩啖先記得影相...）Lee 杯Cappuccino 係自己鐘意既口味，由於個人尼講唔太好奶味過重既飲品，lee杯比例就啱啱好…查看更多

之前經過好多次正斗，次次都好多人，今日終於可以試下。周末晚上六點，個場已經爆左，不過好快有得入座。上菜都上得幾快，見個餐牌有詳細介紹麵wo,點都要叫個雲呑麵食下。飲左啖湯，果然！同一般雲呑麵唔同，個湯唔味精，清得尼好似有淡淡蝦子既味道，個麵幼身得尼爽口彈牙，雲吞也不錯但還是麵較優勝！加多個乾炒牛河，炒得幾好味，略油，味道適中。碟頭都算大，$92。兩個人食的話比較膩，多d人食比較好。加埋個上湯油菜埋單二百蚊。以lee個質素尼講都算合理。值得一讚既係，待應夠多，服務不錯又有禮貌。待應keep住留意客人進食情況收碟斟茶，帶位落單埋單亦好有效率。…查看更多

仲記得十年八年前Lee 間飯團店係地鐵站附近唔難揾到，而且飽肚健康又方便，後來好似淨番西九龍中心Lee 間分店。由於大病初癒，唔可以食煎炸食物，又咁岩路過lee間飯團店勾起好多回憶(幾多歲就唔講la )忍唔住要買番個食下買左個豬頸肉粟米肉鬆飯團加紫米豆漿套餐，因為岩食又唔洗諗。自選既話雖然有好多選擇，但會貴少少同對有選擇困難既人尼講係好痛苦。。。。。見到店員姐姐用熱辣辣既紫米飯即叫即做，加入各樣材料，真係隔住個玻璃都好想食！豆漿有幾種口味，有室温同凍飲選擇。一打開，個飯團係出煙ga!好感動！可能自己已經食左成個禮拜粥水，第一個飯團特別好味！咁多種材料特別鐘意肉鬆，個人認為同飯團最match。粟米都好，但就容易跌到周圍都係。。。。。個豆漿唔算甜，味道適中，又有紫米香味，食完成個人完全飽肚，好滿足！（對於一個病人尼講一d都唔誇張）不過眼見客人真係唔多，店舖位置又比較唔起眼，希望可以繼續有得食！…查看更多

已經不下十幾次光顧怡和園，今次終於的起心肝寫番個食評。兩位師傅lee幾年尼一直有新款式新嘗試俾客人，而且蛋糕款式較外面的餅店特別，味道整體不太甜，好啱我口味。所以一有朋友同事生日第一時間就諗起怡和園。除左有蛋糕外仲有拿破崙、馬卡龍、曲奇、月餅。。以前仲有切餅，不過而家無lu....Lee個雙重朱古力曲奇，朱古力勁濃郁，但不太甜，一食就知好足料！舖頭產品種類不算多，部分產品有得試食買了一個兩種口味的蛋糕（熱情果脆脆+士多啤梨脆脆）味道很清新，賣相好靚，影相一流雖然兩種口味價錢貴少少但可以一次過食哂兩種味價錢較大型餅店略貴，但以小店人手小量製作倘算合理。唯獨店舖位置較偏遠，但聽說最近可於地鐵站取貨。。。。…查看更多

壽星女指定要食北京填鴨，近近地就去北京人家試下la...已經好奈無食過~又見到某銀行信用卡做緊優惠套餐又有北京填鴨。閒日的晚上未算爆場，唔知係咪預早book位既關係被安排坐坐近窗較舒服的位置，個場空間算大唔似一般酒樓咁迫。睇睇下餐牌發現其實唔洗信用卡的套餐價錢亦差不多，視乎邊個餐o岩口味..一行9人最後叫左個非信用卡6人套餐再額外點了些冷盤、小籠包、炒菜咁。坐低既時候，待應姐姐已經問我地會唔會叫北京填鴨，因師傳要掛爐，要等大約45分鐘。枱上有d青瓜花生小食，好快大家已經KO哂!由於太肚餓。。有d餸唔記得影相小籠包味道不錯，裡面超熱，肉湯濃而不膩蔥油大包有大量香蔥係面，煎得幾薄，有少少蛋碎在皮上海蔘質感好爽，個汁同海蔘好match ,味道適中花膠湯濃郁，充滿骨膠原的感覺！黃金蝦球，感覺很邪惡，蝦球幾爽，蛋黃不太平均，有點油膩，不過食得lee個送就唔諗咁多，最多番屋企做多兩下sit up主角來了。。肥瘦平均，上枱時還有點暖，保持美心質素，但麵皮不夠，要額外再點桂花松子魚，夠脆！但條魚實在有點兒太細，甜酸汁好味但略油膩。。。。。最後套餐附上冰皮月餅作甜點，不過個人都係比較鐘意糖水糕點多d雖然係閒日，全場未爆滿，但明顯人手不足，有時想揾待應姐姐都要等下或者叫幾次，但待應本身都倘算helpful 友善整體質素幾好，但價錢也不便宜⋯⋯…查看更多

聽說這間餅店都幾出名，見到唔洗點排隊，梗係見到唔洗點排隊，梗係要試下la由於天氣十分炎熱，去到成三十幾度，決定坐低抖下慢慢嘆。不過舖頭只設室外座位，而且坐低必須要叫飲品。今次叫左菠蘿包，葡撻同凍奶茶菠蘿包熱辣辣，外脆內軟，真係正。相信加埋牛油會更正，下次要試下先得。菠蘿皮比一般厚少少，個包好鬆軟。見到師傅不停六個六個包咁出爐，出得快又賣得快。葡撻都是熱辣辣的，好香。不過酥皮低厚左d，亦不算十分鬆化。還是澳門那個較好吃。凍奶茶好有茶味，同奶比例剛剛好，味道不算很甜，茶味好香，如果冰粒少dd會更加好凍奶茶加熱熱菠蘿包真係好match, 下午茶一流！…查看更多

已經不是第一次光顧，開業至今不足一年，晚晚都算全場爆滿，因為這裡的餐廳選擇實在十分有限。老媽子是日擺工一天，一家四口出尼食。今日weekday ,好快就有位坐。以屋邨商場的餐廳尼講，個座位都算可以la。小籠包是免費的，適逢做緊儲印仔優惠，每$50一個印，四個印就有個小籠包送。可能因為夠熱同個汁都幾好，不錯!生煎包皮厚，質感不好，好油，下次唔會再叫上海炒年糕個年糕幾煙韌，不過肉不多，視乎個人口味鐘唔鐘意雞絲粉皮不過不失la，但係差唔多最尾先上，食完好多野先食番個冷盤，感覺是有點怪上海排骨湯麵可以，排骨夠脆唔算好油，個麵清清地，都幾match la雲呑雞，這個只是例牌，但分量真係好大，幾足料！叫左lee個已經唔洗點再叫其他餸，味道也算可以最後來一個擂沙湯圓，熱辣辣，有流心，雖然只是湯丸size,但這個的確是全個晚餐最值得推介的！最後仲有個南瓜西米糖水送，味道實在一般，而且沒有甚麼渣，有待改進！價錢不算貴，而且不設加一，只收茶芥$4@…查看更多

星期四的晚上，等位時間唔算好奈，十五分鐘左右可以入座，梳化位置枱與枱之間較窄。差不多每次都會叫鰻魚飯，甜甜的醬汁加算係厚切既鰻魚和暖暖的飯，肚子的打鼓聲終於停左, 唔知點解今日個面豉湯特別咸，咸到飲唔哂....炙燒系列的壽司不錯，如果熱多少少會更加好今次d飯無散最令人失望既係軟殻蟹手卷，紫菜唔夠脆，軟殻蟹唔脆口得尼仲要係凍既，一個炸物凍左既話，本身幾好味都無用:(蟹膏軍艦幾好味，如果蟹膏多d就好了…查看更多

週日的下午最好是找個cafe hea下，今次就試下友人介紹既Cafe。雖然地方不算很大，分上下兩層，但好快就搵到位。店內大部分都是外藉員工和客人，跟一般樓上cafe路線不同唷! 餐廳空間不算大，但整體感覺都幾舒服，可以令人暫時忘記明天就是恐怖星期一 首先來一個雜莓班戟，樣子不錯呢!! 食落去暖暖的，好明顯係即叫即煎。唯蜜糖已倒在班戟內，班戟吸哂d蜜糖，略甜! 都係比較鐘意自己倒蜜糖 ....跟住到Juicy Beef Burger 配薯條，牛肉好有肉感又多汁，包如其名! 旁邊有個橙色醬汁以為係千島醬，食落去原來有點點辣味，同個薯條幾match wo! 3點後有happy hour，啤酒有特價...配薯條，正! 最後加個咖啡~…查看更多