amoamo的個人專頁

細細間舖 但款式勁多 中西都有我本著試吓佢既榴槤芒返 $48配料十足 佢個底汁都係用榴槤打成 芒果又香又甜又大粒 西米大大粒 榴槤肉香甜好味另買多一豌合桃露 香滑順喉 令人回味食過之後 日日都想去買嚟食…查看更多

朋友請食飯，咁啱公司附近開咗間flame，見有扒据同甜品，所以就揀佢試試今日係中午嚟，已經好多人，冇影到室內相地方舒適，好啱三五知己吹水飲杯食物有質素，份量都適宜，叫咗兩個午餐½葡式香辣燒春雞8安士紐西蘭肉眼扒配烤蔬菜或薯條燒春雞夠入味，唔鞋，配沙律菜中和個濃味肉眼扒五成熟，啱啱好，有肉汁，件扒吸晒啲炭燒味，正薯條係我最鍾意嗰種，外脆內軟最後緊係要試埋個甜品啦！藍莓芝士餅朱古力慕絲餅餅底夠牛油香同新鮮，唔係淋晒嗰啲，芝士既香配藍莓醬，絕對係啱晒口味，唔會漏朱古力慕絲餅唔太甜，朱古力味香濃幼滑其他午餐聽同事講都可以，下次再試…查看更多

慶祝生日，特意嚟呢間試吓我喺閒日下午去，所以冇人，即時頓覺有啲日本🇯🇵feel坐低叫咗個最貴既和牛餐食佢會送盤剌身，新鮮美味，可惜再叫就要付費主角出場，和牛切好一片片上，入口即溶，牛味十足其他食物都係要付費，整體食物質表高，喜歡狂牛既你可以試吓但我食咗幾片就覺漏，始終都係油份多:)…查看更多

上次睇佢有下午茶食，今日諗住嚟試吓，點知要2:30先有，咁就改食個常餐，有啲驚喜噃！一個係沙嗲牛肉公仔麵配牛油多士炒滑蛋飲熱咖啡一個係豬扒公仔麵，配丹麥多士炒滑蛋飲熱柚子蜜兩個茶餐食落去都覺得有懷舊嘅味道，尤其係咖啡，雖然係普通煮嘅咖啡唔係即磨咖啡，但飲落去好滑好香，柚子蜜都落足料開水，唔錯。豬扒公仔麵塊豬扒好大塊夠淋，冇用梳打粉醃過，好味😋會再嚟食…查看更多

呢間餐廳開咗一陣子，見諗唔到食乜咪即管試試。環境乾淨衛生，坐個卡位都舒服，係冷氣好大吹住個頭。叫咗兩個意粉🍝卡邦尼溫泉蛋意大利粉味道有水準，配料就少d紅菜頭軟殼蟹意大利粉以為係有d紅菜頭食下，原來係個汁上落個意粉到，冇味軟殼蟹有半隻，都叫做有兩啖食下…查看更多

今次最後一次幫襯初初都覺得d食物還可以，坐位寬敞，乾淨，主要係沙田冇日式放題食雞軟骨串燒，鰻魚，芥蘭炒菜，榴連炸彈都部分食物都還可以但刺身就真係冇鮮味，款款都唔掂…查看更多

一向都鐘意食海南雞飯同肉骨茶，但多年都覺得冇一間係正宗，包括新城市嗰兩間出名既食肆（唔開名la）呢間都係抱行街心態順便食個飯咁，點知出乎意料之外海南雞飯夠滑有味無骨兼份量足，個湯夠味真材實料老火湯，連個飯個味都好味肉骨茶夠晒正宗，湯底夠晒藥膳，豆腐卜淋滑，個一字骨剛好唔鞋加咗個至愛榴連炸彈，滿足晒三個願望跟餐有兩杯飲品，豆漿有豆味，唔係出面嗰啲水汪汪我坐卡位，坐得舒服，乾淨，裝飾都幾特別我好耐冇入嚟評價，呢間真係直得推介希望可以保持水準，香港食肆靠你…查看更多

生日食好d, 睇食評見呢間話幾好，折左唔駛$400，就試呢間。山長水遠由大埔出去，再轉的士，生日對自己好d.成晚既野食，唉……！好食既野，一隻手加埋都冇甜蝦，羊排:)唔好食既，聽住刺生：三文魚都可以冇味，其他既重難食，赤貝黑炆炆，全部都冇味生蠔，每人限取兩隻，細隻過手指公，冇味長腳蟹，之前個食評話唔喊，都唔知有冇攪錯，肯定做媒，連蟹咁鮮甜都可以冇味嚮螺，扇貝，東風螺，青口，蒸完擺埋一邊，硬到死，魚都冇條，得一舊舊 ，好似人地食淨其他都唔想講甜品係我一心諗住食既野，係好多，但唔知係咩芝士蛋糕最簡單，但食落去冇芝士味，重要係好多牛油整，攪到舊野好漏芒果拿破崙望就幾似模似樣,食落去又係超甜真係想靠害,血糖即刻爆燈啦,真係想人死咩咁既質素要4百幾蚊,唔寫呢個食評真係對大家唔住為免再有人好似我咁比人坤, 甚至係樓下做媒嗰d大家唔好去食la.…查看更多

今次親人返港,食餐好兼豪.上次食過街口間酒樓,完全垃圾.今次試埋邊細細間,係新款冬菇亭食肆.唔敢抱太大期望,但反而有驚喜.我地自己買咗野攞嚟煮:大花竹蝦, 煎, 正大賴尿蝦, 椒鹽炸, 正白灼東風螺, 超好味(以上唔記得影相, 因為太肚餓)砵酒焗蠔, 超大隻, 如果再多d砵酒仲正清蒸鮑魚, 太飽, 我冇食, 其他人食話好正清蒸大花蟹, 嘩, 鮮甜美味當然有我最鍾意既豉椒炒聖子, 真係好味到呢......但d菜就唔得, 豆苗老, 白菜仔, 難食食完有水果送, 雖然得好少, 是但啦!侍應幾好服侍, 成日嚟換碟, 多到我嫌佢煩.地方唔大, 新正, 好似有間房.總結, 我好怕食有味精既野, 佢地應該冇乜點落, 呢點係我最恩惠!埋單, 10個人, 料錢連茶錢加一 $1,200, 海鮮買咗$4,200…查看更多

去完九記打冷, 行過嚟呢間老字號既糖水舖食糖水.好耐無嚟呢間糖水舖食, 以前最出名係食生磨合桃糊, 屋企人話呢間d 糖水會穩陣d.點知合桃糊落粉煮到杰撻撻, 又甜.另外一碗合桃芝麻糊都係一樣.真係唔掂, 食碗糖水仲貴過食碗雲吞麵, 仲要唔好食.轉型後冇晒功夫.到今日寫食評至知, 家陣差成咁, 唉, 早知上網check下先啦!…查看更多

特登帶表弟試下呢間出晒名既早餐.多士, 冇乜焊過, 又唔熱, 係塊麵包好食咋炒蛋, keep 得住, 香滑火腿通粉, 冇乜特別又唔夠熱, 而且唔係我既 favour :(最後杯奶茶都係唔夠熱, 但都算滑, 細杯得濟.:(凍奶茶仲少, 成杯冰, 味道都係普通貨式.我覺得係差過之前, 民x餐廳好食得多, 仲平d.…查看更多

今日行經此店,係新開張,門口有個女侍應叫入嚟試試,仲派張優惠券,食滿$100減$50,即食即用,咁抵,就試試.wow, 環境舒服, 格調柔和, 新裝修果然夠吸引.今日係week day, set lucnh around $50 - $80.但見有張優惠券, 叫咗個二人燒烤餐, 減咗都要$160.配菜有6碟, 味道一般烤肉有:青衣柳 - 細塊牛肉 - 都係細塊兼碎肉豬肉, 雞肉, 尤魚鬚, size ok.總括食物味道一般, 同其他韓式食店冇乜分別, 份量就真係唔係好夠, 好在有碗白飯, 男人一定唔夠食.餐有湯跟, 但味道唔得, 冇味兼飲到好騷肉味.望隔離枱, 反而d set lunch 大碟d, 而且都幾吸引.個二人餐就唔抵食, 下次用優惠券食set lucnh, 兩個人嚟食就超抵.…查看更多

一行12人, 想搵間坐得舒服既中菜, 睇食評見呢間唔錯, 就揀咗呢間.環境唔錯, 幾有中國味, 地方清靜, 一班人聚會都唔錯.由於佢散叫既份量不足一圍人食, 於是就聽侍應講, 叫個套餐.份量足夠, 但係因為冇味, 所以食唔哂.d餸名就唔記得, 類似係:咸雞 - 一d稍為入味, 一d又好咸, 一d又'鞋'滷水拼盆 - 冇味兼冇乜鵝片方魚炒芥蘭 - 可以炸雙棗 - 係炸蝦膠及蟹肉, 唔錯咸菜門鱔 - 食落肉質都可以, 都有骨ga川椒花枝片 - 冇味, 唔得湯 - 冇味鮑魚仔冬菇煲 - 超細粒, 但咬落彈牙成晚最好食既係甜品 - 紅豆沙, 鴛鴦水晶包, 好味.…查看更多

book食第一轉, 6:15, 閒日梗係唔駛等枱. 睇咗之前d食評, 所以揀呢間. 難食到不堪, 冇一樣得, 離譜. 最基本既sashimi (e.g. 三大魚, 赤貝, 吞拿魚.....) 冇味唔新鮮, 點比得人食 枝豆超硬, 炒雜菜超多油, 炸物: 蠔用千年油, 食一隻已經好'漏.係三文魚魚頭叫做好d.飲品又唔多, 日本清酒冇叫, 因為唔飲酒, 但我諗唔飲都唔駛恨.甜品淨係得涼粉, 乜係日本甜品咩?係d枱比較闊落冇咁逼.都唔明點解d人話好食又抵食?…查看更多

好多時行過呢間店都想食佢個蛋撻, 不過要人齊至買, 因為佢買三送一, 總共12元, 好似淨係呢間至有優惠. 蛋撻又大個, 又新鮮, 個皮係曲奇皮, 好香脆, 蛋汁有蛋味, 甜度啱啱好, 抵食, 仲好乾淨, 拎走個盒都好靚, 攞去探人就最正, 比起轉角位嗰間仲好食.…查看更多