正山小種的個人專頁

今日去嘉湖食午餐，見佢外表企理唔使等位就諗住試下。可惜侍應們的服務認真麻麻，入座無招呼，放食物十分粗魯，同事碗拉麵差d跌出黎，未食完就催你問你食完未，餐飲無奶茶咖啡揀，飲管仲要係紙飲管(最憎)！食物份量十分小，呢個純情豬豚肉生薑燒定食(乜q野純情豬?)本身豚肉唔覺香口，所謂定食但所有配菜、面豉湯乜都無都一碗野，個碗上闊下窄，極盛既份量都係得咁既大小。同事碗拉麵又係極細碗，三舊肉白烚咁既樣，湯底都唔見得出色。食完先知係太興集團，不過真係以事論事，咁既食物質素咁既價錢同服務，入去出番黎真係喊三聲！…查看更多

由於遷就老人家的關係，因此偶爾要到明星吃晚餐，但每當聽到這個名字，家中幾名成員無不皺眉。無他，全因食物水準實在另人難以接受。只選了幾款大路食品，但水準卻是一個差。白灼蝦是既不彈牙，更有不少死蝦在當中，一整只的肉質是"梅"的。一碟普通的抄菜可以是"白哂哂"，像用白開水煮熟了就上台。近期明星集團在做推廣，甚麼客味鹽焗雞外賣只賣$38。不幸地又上了當，買了一只回來，味道是一整個的咸還算了，那位斬雞師傅看來佛心來了，雞也無力斬了。我還是第一次看到雞脾與雞胸難捨難離，雞翼又與雞頸緊纏在一起。一整只雞只有幾件正常體積的雞件，其餘都是大得不合理的連體怪雞！只能怪自己貪少便宜，誤信黑店，真金白銀花的換來一肚氣。唯望挘文能避免下位消費者再受如此的氣。…查看更多

同一大班朋友去 amc 睇戲，因為就近既關係就入左黎食晚餐。我地人多，散叫既又有、叫套餐又有，大家食完都係同一個評價，就係食物水準認真麻麻。肉醬意粉量少、味淡、無芝士焗，比好多茶餐廳既水準仲要差。薄餅也是味淡、菠蘿酸、肉"鞋"口，食剩至少半個。Carbonara量少、無香味、汁稀...其實依家香港食到呢類型食物既地方愈黎愈多，味道又唔夠pizza hut、意粉屋、California kitchen、spaghetti 360，平又唔夠Saizeriya、euro gogo呢d自助類，究竟delifrance仲有咩賣點呢？…查看更多

萬利個位置極好，係正巴士站+投注站隔離，所以好多人食下魚蛋買個腸粉拎走。不過其實佢d車仔麵真係算唔錯，依家推介下d食物先：翼尖：係真係有鹵水味既翼尖，有成6隻又唔會好飽肚，係過口癮既最住選擇!!墨丸：有中上水平，起碼彈牙有口感，味道不俗!鳳爪：我比較少食，不過朋友就多數會叫，因為夠大隻飽肚，而且係個湯到淋淋地容易入口。湯底唔係咩靚湯，不過咸咸地唔會太濃味算係完成佢既任務，食得辣既加d沙嗲醬應該有驚喜。衛生情況可以接受，鋪仔細細唔會成日有人打掃，裝潢應該唔能夠用靚去形容，你讚佢一句實用主義都得既。價錢$20左右，可以同朋友share多碟腸粉就岩岩好，一個非常港式既豐富午餐就咁達成!…查看更多

海達係大埔區人氣極高，由舊時係大埔綜合大樓已經人山人海，依家搬左出黎仲更加多人!!同好多人既睇法一樣，海達最好食既就係魚片頭同埋魚蛋，個種味道真係好甜好香，但係又一d都唔腥，勁!!牛腩或者其他野其實都唔錯，唔會令你失望，不過可惜大埔區魚蛋粉店舖高手林立(新蔡潤記、群記清湯腩etc...)，可能就失色少少啦。價錢唔貴，$15一碗，加埋飲品都係$18，不過係旺既時間人流真係比較多，等位在所難免，唯有係無乜人既時間先去搵佢啦~~…查看更多

大大話話去左紅蜻蜓都超過廿次﹐差唔多咩都食勻﹐評價就係一般啦。唔會話特別好食﹐不過唔差咁囉。居民既選擇﹐唔會推介俾朋友去個d餐廳位。午餐多數食大件排or焗飯﹐由於佢都幾大碟既關係﹐所以好多男人去食﹐女仔去實食唔哂。舊時跟意粉有炒意粉跟﹐依家無左。tea time選擇幾多﹐一d雞脾or魚柳幾好食﹐不過個沙律熱既﹐感覺怪怪的。舊時有焗肉醬意粉﹐依家亦都無左。前兩日先同朋友食完晚餐﹐大家都係食帶子西冷牛。白湯好傑唔好飲﹐塊排夠厚夠大不過唔夠香。食完唔會回味個種感覺。已經愈來愈提唔起興趣去呢到食﹐希望佢會有番d改善吧~~…查看更多

我諗每一個大埔人基本上都會食過珊瑚堡﹐點解？因為個位太好﹐係正吉吉島隔離﹐地方又大。其實食物唔算特別差﹐一般焗飯or西餐都唔錯的。不過有一個大家都發現既缺點就係實在太多人去﹐結果d waiter實做唔切﹐個個都衝鋒陷陣咁。明知唔夠人手好心就唔好排咁多款餐具啦..食個中式大碗飯都排哂成堆西餐既餐具﹐結果反而唔記得俾隻筷子同匙巾人﹐有d失敗。同屋企人兩個人食左一個T骨一個大碗飯﹐t骨好好好大塊﹐兩邊既味道分別得好清楚﹐西冷有口感﹐而牛柳就軟身。大碗飯就係一碗乜都有既飯﹐墨魚夠大隻不過唔好食﹐腩肉ok﹐其他食完都唔記得係咩味。總結就係食得好緊張﹐傾唔到計﹐好想快d走。不過如果唔係咁多人既時候﹐不失為一個唔錯既選擇既。…查看更多

同女朋友兩個人入到去屯門搵食﹐覺得呢間野幾吸引就入左去。叫左一個三周年紀念餐﹐一共有五款食物+一人一碗湯﹐好豐足既一個晚餐。茶有龍井、碧螺春、鐵觀音同香片揀﹐茶價當然唔會平了...前菜兩個人既前菜會係微辣昆布、四個人係第二樣野。蒜泥白肉即係一d切得好薄既豬肉﹐配左粉皮﹐個汁入味而香﹐相當之唔錯既頭盤!炒蝦球蝦大隻而彈牙﹐用左三種甜椒去炒﹐味道ok。小唐菜配炒班塊魚是經過油泡的大班塊﹐很香!翡翠苗不是大家喜歡的豆苗﹐而是莖佔較多的菜苗﹐吃起來較清﹐但碟頭很大﹐吃到後來像是吃草似的感覺...小籠包真的很多汁!!!女朋友用湯匙兜著飲都仲得!!肉是新鮮的﹐有肉香~~皮較厚﹐不過就唔怕夾個陣會爛。杞准螺頭雞腳湯有老火湯的感覺﹐很好喝的一個湯呢~~~總體的感覺是很好的﹐好味道而且新鮮﹐唔算太多油。碟頭算大碟﹐兩個人食有很豐足的感覺!!有少少感想就係見到隔離台叫一d比較香港人識既食物﹐好似口水雞、津白等﹐就浪費左呢到其他既食物呢~~~可以試下食呢d餐﹐擴闊下自己對食既經驗~~少少缺點1.無飯跟﹐散叫要$8一碗!!茶價貴!! $9一位...2.個餐既加一係跟原價黎計﹐結果要俾多幾十蚊...…查看更多