manman321的個人專頁

環境、氣氛，食物各樣都好好。服務都好好很適合慶祝生日、紀念日推介生牛肉他他同八爪魚The environment, ambiance, and food are all exceptional. The service is also excellent. It is very suitable for celebrating birthdays and anniversaries.Recommended raw beef tartar and Octopus…查看更多

在家，打邊爐一直是一項受歡迎的家庭活動。這家餐廳的食材質量令人印象深刻，我已經光顧過幾次了，尤其是他們的手切牛頸脊，鮮嫩可口，讓人回味無窮。每當想到打邊爐，我都會不由自主地想起再次造訪這裡。這次的湯底和18種不同食材，埋單~$3200，雖然並不算特別便宜，但考慮到高性價比，仍然非常值得。———At home, hot pot has always been a popular family activity. The quality of the ingredients at this restaurant is impressive, and I have visited several times, especially for their hand-cut beef neck, which is tender and delicious, leaving a lasting impression. Whenever I think of hot pot, I can't help but think about visiting here again. This time, the soup base and 18 kinds of ingredients cost ~$3200, which is not cheap, but considering the high value for money, it is still very worth it.…查看更多

今日同朋友去開中環，話想食拉麵佢就同我講，近期開咗間過江龍喺荷李活道所以二話不說我哋就去試一試剛好係過咗打工仔午飯時間，所以唔使等位就可以入座我哋分別試咗$148招牌原條慢煮豬軟骨拉麵配糖心蛋同埋$128幸福拉麵二重奏配糖心蛋(即係半舊豬軟骨加叉燒)其實佢有辣嘅湯底，分咗大中小辣不過我哋唔係好食得辣，所以兩個都係叫返原味。而且見佢有小食，我哋加多個天婦羅紫菜魷魚鬚($52)由於今日我哋坐Bar枱嘅關係，所以可以直接見到廚師成個主理過程。一整好就即刻可以上枱食。拉麵軟硬度適中，而豬軟骨都真係炆得好腍，我更加喜歡佢嘅糖心蛋，好有醬油味。天婦羅紫菜魷魚鬚，好脆口，非常適合送酒。…查看更多

Missing my anniversary trip to Japan hit hard, but we turned it around with a delicious yakiniku feast instead! We ordered a two-person set for about $1000 and a sake that cost over $800. The food was top-notch, but service was surprisingly underwhelming. The atmosphere felt cramped and noisy, with not enough table space for our feast. I even requested a bigger table but was told there wasn’t one available. What's the point of a reservation? Overall, great food but how about some better service next time?#Yakiniku #Foodie #JapanFood #AnniversaryDinner #Sake…查看更多

行過揾食見呢度有午市套餐，仲六十幾蚊起就有所以試吓因為早，所以仲可以俾我哋坐到窗口位，享受埋日光浴我哋叫咗幾樣嘢有雞、牛、豬串燒泰式炒飯套餐，跟湯同餐飲一個酸辣大蜆鍋仲叫多個青咖喱牛筋腩呢度值得一讚係店員好好人好貼心，由於個咖喱本身跟法包，但可惜今日冇貨，所以轉跟白飯。但係我哋本身唔好飯，又已經有碗炒飯，所以叫佢唔好浪費，直接唔好俾碗白飯我算了。但係，佢好唔好意思咁話，咁不如轉跟塊薄餅俾你。我當然立即開心接受。而且，另一店員仲主動送上兩杯水！而家好多食肆，見客有餐飲都通常真係會水都唔俾杯人！呢個值得讚！我哋額外叫多杯喊檸梳打都係$29甜品叫香芒糯米飯 (有齊白糥米紫糥米) $66整體食物質素好好，我哋最喜歡串燒就算唔點醬都好入味。而大蜆鍋啲蜆有成隻手咁大隻，啲粉絲索哂汁一流！覺得呢間餐廳值得回頭！難得假日喺尖沙咀，仲要the one, 有間性價比咁好嘅食肆！…查看更多

三個人叫咗兩個前菜兩個主菜加兩個甜品開一支酒同埋三杯happy hour時間order嘅wine . 埋單1900百幾價錢中上但係侍應服務嘅質素就可以再進步多啲其實體驗到侍應係希望介紹多啲嘢比食客，但係似乎態度語氣就唔係咁理想。雖然中間亦都好頻密，幫我哋換碟，以免味道影響下一碟嘅餸菜。不過當我哋食晒之後，佢就好似想趕客走收工咁，我哋都未叫埋單就攞張單俾我哋。實情時間9點半點都未夠加上奇奇怪怪門口嘅就係外籍講英文嘅侍應，好似門面好高級咁。但係入到去就全部都係廣東話嘅侍應。座位嘅擺設都唔係咁高級，同普通西餐廳分別不大。食物係除咗生牛肉他他比較理想高質，其他都唔係10分特別。而其實生牛肉他他都有少少筋，多士麵包亦都太燶。如果去開呢頭開飯就不妨一試，但係我就覺得無需要特別去食。…查看更多

買完證之後打去訂枱，去到唔洗等就可以安排到入座。可能因為我哋係中午12:30嘅時間，唔算好多人，所以可以坐到卡位。 各樣食物唔算好熱，但係都係暖暖送上枱的。而且蟹粉嘅份量都唔吝嗇。 成個套餐有晒小籠包、麵或者飯、一個小籠包、兩件炸雞、一碟木耳一碟菜，再另外加一杯嘢飲。如果熱飲就唔使再加錢，凍飲酒加幾蚊，或者可以再加多些少要特飲，例如珍珠奶茶之類。用$88呢個價錢性價比唔錯網上買定卷比喺OpenRice訂平。所以值得推薦。唯一美中不足嘅就係環境比較殘舊，座位都唔係咁理想。衛生環境狀況未必咁美觀，想影相打卡就未必完全適合。…查看更多

今日同朋友去開中環買嘢之前上網已經見過呢間有唔少人介紹，本身都鍾意食重口味同燒嘢食，所以見近近地就嚟試吓。食到飽晒先係二百幾蚊，呢度唔只有串燒燒烤，又有冬蔭功、海南雞飯，連沙律都有得揀。聽聞之前呢度係冇午市套餐嘅，撞啱今次我有得試難得喺中環地段lunch set 六十幾至七十二蚊左右仲包埋餐飲。 單叫串燒都係20幾蚊左右起就有一串。如果以前喺度返工就有呢間嘢就好啦。真係中環平平哋開餐好選擇！ 呢度係先喺收銀處點餐，之後佢會俾個牌你，跟住你就可以搵個位搵張枱坐低，等佢送餐就可以。今次試咗兩個午市套餐，本身想試泰式串燒配菠蘿炒飯可惜可能嚟到已經太晏，結果得返泰式串燒配炒飯結果就是呢個連埋海南雞飯套餐既然串燒係呢度嘅特色主打，所以就叫多幾串試一試，叫咗牛仔骨、雞中翼燒蘆筍、仲有魷魚鬚串燒調味都好惹味，宵夜嚟食燒烤送吓酒都唔錯！又近蘭桂坊，如果飲完酒再去食返串串燒都幾好。…查看更多

呢餐平均$500位左右由於擔心佢會一次過上枱唔夠位，而且啲嘢會凍晒所以我哋就先叫支酒同前菜食晒前菜先再order主菜前菜食咗青口、和牛他他，仲有生蠔个人非常推介和牛他他！佢嘅薄脆好好味，啲牛都有少少醃料醃過，有啲醬油味。肉質唔韌。而佢嘅生蠔係用咗好特別，好似西柚嘅醬汁沙冰，食落好開胃。而且最緊要就係玻璃肚嘅我食咗生蠔都冇乜特別唔好嘅反應。主食嘅千歲豬，同埋和牛面珠墩，黃油雞都好好味。黃油雞配上薏米飯，非常特別，亦健康。雖然價錢比較貴，但係用嚟慶祝特別日子非常唔錯Airside Cafe地址: 九龍城啟德協調道2號AIRSIDE 3樓L322-L323號舖電話: 21171912#法餐 #西餐 #餐厅推荐 #全球吃喝小分队 #意大利菜 #时尚打卡地 #会重复去的餐厅#和牛 #周末去哪儿 #餐厅打卡 #airside #airsidecafe #airsidecafé @airsidecafe.hk…查看更多

喺柴灣呢个美食沙漠呢間都算係我少數之一嘅飯檔鍾意佢款式多而且唔重味精，唔會食完口喝加上，佢可以面轉菜底可以健康d食少d 典粉質！同時，又可以平衡番外出吃飯成日多肉少菜嘅缺點加問題。今日貪心食咗 魚肉、羅白、冬菇、牛腩、豬頸肉 菜底再加个今日先知有嘅新鮮豬腳筋 ($28)因為仲係下午茶時間，所以可以用($5)有埋杯凍檸茶 。不過，如果叫豆漿都只係加11蚊。好合理。食咁多加埋哂先$85好滿足 好過食啲唔健康嘅連鎖快餐店…查看更多

Brunch buffet …Salad任食中間等使行嚟睇吓出咩烤肉睇你要唔要牛(有牛味，但一時好食，一啲過熟，一啲太生，但佢係幾樣肉最好食係佢)、雞(新鮮熱熱出爐，雞翼髀雞鎚好食，燒得個皮都算幾脆)、豬(冇味，燒豬腩肉皮唔夠脆，肉硬)、羊(味怪，唔新鮮嘅色同味)、菠蘿(燒得外貌好靚，不過唔夠脆身，而且唔係塊塊都夠肉桂味)、炸香蕉(其實得半條香蕉，唔係好食到香蕉肉，等於食緊炸醬皮)。 環境方面，本身覺得幾好好舒適。不過食食吓張枱出現一隻好細嘅曱甴！ 唔知邊度走出嚟，即刻咩胃口都冇哂。可能天氣潮濕落雨吧☹️ 而且呢個package唔包嘢飲，如果你要叫tea嘅話最平$48，佢係一壺咁上。 而本身Menu有支ROSÉ，寫住$188支，但係到落單嘅時候，佢就話只係得一壺，not whole(original )bottle. 即係得一Jar仔嘅份量。而Klook本身寫，用餐時間係11:45至15:00,點知其實係有限時用餐兩個鐘！ 資訊真係有啲混亂。原價Brunch buffet:$318 per headKlook: $218 per head (after 20%off)同樣價錢，如果唔係想試吓個氣氛，咩叫巴西烤肉吃到飽，可以有好多更好選擇#bbq #巴西烤肉 #巴西烤鳳梨 #烤雞 #牛 #beef #ribs #central #中環 #中環美食 #中環好去處 #蘭桂坊 #蘭桂坊美食 #lamkwaifong #lankwaifonghk…查看更多

今日經開香港區途經筲箕灣諗住食個下午茶因為中午食得唔係好夠飽所以就諗起，不如食咖喱有啲肉又可以食naan，飽肚啲最多夜晚嗰餐可以唔使點食就OK 。去到本身諗住都以為會有下午茶餐牌或者仲有午餐因為其實我哋三點半左右去到點知佢都只係俾à la cat-a嘅Menu 我地佢嘅小食大概五十幾至到七十幾蚊都有主食就通常都大概百一二蚊左右或更貴不過如果佢真係有米芝蓮水準嘅話咁我哋都會覺得合理一啲。我哋叫咗一個小食係咖喱菠菜薯餅另外叫咗一個甜酸雞一個咖喱牛肉本身雞應該唔辣，但係點知食落辣辣地，其實用嚟點薄餅好好食不過可惜佢唔夠汁。本身牛肉，預期應該係辣辣地嘅，點知一啲都唔辣，但係佢又好多汁，點完晒四塊薄餅都仲有剩而個咖喱菠菜薯餅都係唔知點解會有辣辣地嘅味道至於naan,佢每份係會有兩塊的！我哋叫咗原味同埋garlic味建議食原味就足夠！我哋每人嗌咗一杯芒果lassie，味道其實有少少似細個食嘅三色雪糕裏面嘅芒果味 😂兩個人就咁樣就食咗$442唔係平，一試無妨不過我哋應該下次會搵另外一間米芝蓮印度食店未必會返轉頭再食了…查看更多

放假就又係食同瞓同朋友想搵個地方食吓嘢傾吓偈大家又鍾意飲酒，最後揀咗呢度呢度環境舒適，好chill好relax嘢食，我哋order brunch menu有3個前菜KARAAGE(CHICKEN THIGH, SPICY YOGURT, CORIANDER) + TMK CABBAGE SALAD (YUZU MAYO, TENKASU, SESAME, CARROT)+ SALMON TATAKI(WASABI PONZU, PICKLED DAIKON, RED CHILI, BLACK SESAME)其後可optional揀壽司手卷 …etc. (佢嘅壽司卷乜係可以無限refill)小食我幾鍾意佢signature (CRISPY TOFU)!!好味又可送酒仲有甜品雪糕 (炸香蕉雪糕幾特別)我哋join埋90mins free flow wine package(任飲sake, 阿根廷嘅red wine, white wine, beer)輕輕鬆鬆，開心渡過週末！有機會會再去！不過當日去到，過咗12點就開始多人所以建議都係預先訂枱，會穩陣一啲…查看更多

聽日返工去開太古城附近想快快脆脆食個晏咁啱好想食譚仔，但係唔想行太遠Search到太古城，呢度有間米線見啲食評都話佢似譚仔，有好又有唔好嘅評價最後決定自己一試整體上，我覺得佢價錢都幾貴，普通嘅嘢飲，就算跟餐都要加$11。係咁意食一食都$82，仲要自己攞餐搵位，因為呢度撞啱係food court形式！所以應該唔會有下次。就算有下次都會係去返佢其他正正式式嘅分店度食唔會再喺food court食。整體碗米線份量十足，都好夠飽 (但係我係食四個餸),如果食兩餸嘅話，我諗應該會食完都好空虛要讚嘅係佢嘅，魚肉春卷，佢係比足三條！ 本身佢個皮好脆好似響鈴，可惜比啲湯浸到腍晒！如果佢分開上嘅話，我諗會好好味另一不足之處就係個雲南酸辣湯底比較過酸，第一啖真係酸到眼，成個人醒晒。見到比較多人推介或者佢自己都寫喺餐牌寫到好似主打咁嘅豬軟骨我就覺得唔值得一試，因為得嗰兩舊又唔係炆得，特別入味情願食返其他，例如雞肉嗰啲好過另外就係覺得佢嘅配料唔係好足夠自己個人比較鍾意食芽菜韭菜，基本上係個碗裏面只係搵到寥寥可數嘅幾條！呢個比起譚仔真係覺得佢好孤寒…查看更多

今日行開太古城知道呢度近期開咗間人氣餅店，出名蛋撻仲出名好難買到！結果好彩我嘅時間，剛剛好撞正佢差唔多出爐。不過都真係差唔多用咗半個鐘先買到我嘅結論係，如果要排隊嘅話，我決定唔食當減肥。但如果唔使排隊嘅話，係值得一試的！今日體驗到佢嘅排隊人龍，某程度上都係佢哋自製出嚟，作為一個客人覺得佢有少少炒作成份如果佢可以出爐出多啲蛋撻，反而出少啲唔係太多人買嘅牛角包，咁根本就唔需要啲人咁辛苦排咁耐，就係特登為咗等蛋撻。要食撻嘅話，而家人氣嘅餅店仲有兩三間當然大家各有長短處，但我自己就會選擇可以唔使排咁耐嘅店舖吧。性價比: $12一個撻，比起其他人氣打卡餅店佢係算合理味道:既然等得咁耐係新鮮出爐，新鮮就當然好味。不過我自己就覺得比較甜，而家啲人多數食得健康，其實可以減多少少甜…查看更多