rickyng0505的個人專頁

對於大西北嘅人尼講，大坑真係好遠，難得尼到，終於可以一試民聲冰室嘅肉餅山。去到見到鋪面好細好窄，出面都有人排隊，好在上菜快同客人食得都快，所以等左無耐就入得。入到去當然係試最出名嘅鹹蛋蒸肉餅，另外都叫左手撕雞同朋友SHARE一齊食。一上菜，同上網睇過嘅相一樣，高高嘅肉餅山，開頭睇覺得好大份好抵食，但食食下好快食哂，我諗份量可能同一般蒸肉餅差不多，只不過係推高咗。肉餅方面肉質真係好鬆軟，配上豉油好香，入口後亦都好多肉汁，唔會覺得肥膩，搭飯真係一流。置於手撕雞，就感覺不過不失，沒有太大特別之處。…查看更多

米芝連二星餐廳 Bo innovation 位於香港中環砵典乍街，主打港式份子料理，同時追求創新性，係一間相當特別嘅餐廳。先講一吓配上雲南火腿嘅魚麵,配搭新奇有趣，火腿鹹香味十分出眾，大大提高食慾。另外一口豬油撈飯配上羊奶芝士味，感覺亦都十分新穎，但個人不太喜歡。另外.，魚子醬配上日式蒸蛋相對係較為普通嘅配搭，但菜式偏鹹，遮蓋咗食材最原始嘅蛋香味。睇得出餐廳內每一道菜都好用心去研發同設計，但並唔係每道菜都欣賞，係一次體驗特別嘅經歷。…查看更多

第一次去坪洲專燈上網搵過有咩好食，見到好多人推介呢間餐廳，所以一試如何，順便休息一下，因為天氣實在太熱。一入到新寶馬茶餐廳小廚，都見到唔少遊客有叫菠蘿包，見到menu有好多唔同款式既菠蘿包，都知道呢間餐廳最出名就係冰火菠蘿包，所以都叫左一個，另外見到炒通粉好特別，都叫咗一份試吓。首先講吓個冰火菠蘿包，菠蘿包明顯有叮過，好香好暖身，而菠蘿包入面就包住咗三色雪糕，所以係冰火嘅融合，食落第一啖，酥脆的外皮加上又軟又暖的包再配上又凍又甜嘅雪糕，揀直係口感同味蕾嘅多重享受  感覺好上癒好好食  但炒通粉就較為失望，真係好普通，所以推介大家食菠蘿包好了。…查看更多

最近發現咗屯門一間高質雞煲，經常都滿哂人，要提早訂位先食到。雞煲搭配青蔥，一打開蓋已經散發出濃郁的香氣。每一口雞肉都鮮嫩多汁，經過精心調味，入口時讓人感受到恰到好處的鹹香。除左雞外，仲可以額外加配料，雞煲嘅汁原本都相當濃郁，所以配料都相當入味，食到停唔到口。仲有一樣樣大大加分，就係雞煲後會打邊爐，店員會主動幫手撇開啲油，相當細心。另外離開時見到隔離台有叫椒鹽鱔球同椒鹽粟米，聞到超香，不過因為太飽，所以只可以留返下一次再試。…查看更多

觀塘工廈區一直有好多隱世美食，今次就試下鴻運工廠大廈內的「Relish」慶祝聖誕，餐廳好有創意，一入門就會見到一個大月球吊燈，相當吸睛。而且餐廳都放置咗聖誕嘅怖置，增加節日氣氛。今次叫嘅主菜係火雞，肉質鮮嫩，唔會煮得太過火而令到肉質變老，搭配自家醬汁，增添了風味同彌補咗原先雞肉的淡味。旁邊的配菜包括新鮮的蔬菜和小蕃茄等，整體顏色配搭增添咗色彩，而且大大平衡咗主菜的膩感。甜品的設計相當用心同精美，小屋一旁配上聖誕樹，充滿節日色彩，慶祝節日絕對是個不錯的選擇！…查看更多

Cheuca係位於中環歌賦街嘅西班牙菜，餐廳以藍色為主調，窗前座位係半開放式，加上異國人親自打理，營造出異國風情 今次試咗Testing Menu，包括7道正宗西班牙菜，當中特別想介紹's Rusa同Tuna Tartare。's Rusa係薯蓉上配上滿滿三文魚籽，而Tuna Tartare就係牛油果蓉配上吞拿，兩款菜式嘅配搭都係第一次試，感覺相當新穎同新奇，亦唔會覺得唔夾 :)甜品就有自家製雲呢拿焦糖布甸，呢個就較為普通同冇特色，不過知道如果係生日慶祝，可以安排畫碟的，所以都週合做慶祝生日嘅餐廳。…查看更多

同朋友旺角食完飯繼續行街，行到熱熱地想去食冰，所以就搵咗附近呢間冰屋，入到去食到冰嘅份量好大，所以我地4個人雖然有好多口味都想試，但都唔敢叫太多，淨係叫咗兩款冰試。個人偏向鍾意呢個焙茶味嘅冰，冰上面有抹茶味嘅醬，所以成個主題係用茶為主。食落絕對唔會太甜，而且有淡淡嘅茶香，成個感覺好清新但又唔會太膩口，配埋個抹茶味嘅醬，有少少抹茶嘅甘香微苦味，個人比較鍾意茶味，所以好欣賞呢個組合，而且絕對適合好似我呢d鍾意食唔太甜嘅甜品嘅人。…查看更多

食Lunch同同事係天水圍頌富搵野食，之前成日見& you好多人食，門面比人嘅感覺好young，似係日式嘅西餐廳，今日見到唔洗排隊就試吓。試咗個set係咖哩牛肉飯，另外有個蒸蛋、沙津同飲品。咖哩飯似係日式嘅咖哩，但肉嘅份量真係較少，對鍾意食肉嘅朋友真係唔夠，成個餐既味道不過不失，之後蒸蛋、沙津同飲品都係普普通通，感覺較為適合同朋友聚會閒聊嘅餐廳，返工食lunch的話就不太建議了。其實Menu仲有好多選擇，有All day breakfast, 意粉同漢堡等等，但同事試過都係覺得一般。…查看更多

今次想介紹下嘅FINE DINING係中環8½ Otto e Mezzo BOMBANA呢間米芝蓮三星嘅意大利菜，呢間餐廳係2025年香港米芝蓮三星餐廳之一，同時亦被評選為「亞洲100大最佳餐廳」，所以灰餐飲界聲望相當高。 8½ Otto e Mezzo BOMBANA 主打高檔意大利餐廳，環境好靚，亦唔會太嘈吵，呢間意大利料理相當精緻及用心，感覺將藝術融入菜式之中。每道菜式入口後都感覺到味道嘅細膩，食材嘅味道慢慢係味蕾散發，整個感覺十分絲滑順暢，基本上係，特別一提嘅係松露真係好香，大大提高食慾。 總括食物質素水準相當高，所以價格也相應的較高。…查看更多

同朋友慶祝生日，就訂左恒豐酒店嘅紅煙窗餐廳吃自助晚餐，入到去食物種類都相當豐富，個人食自助餐相對鍾意食冷盤，所以一入去都會睇冷盤嘅區域先，凍海鮮有蟹腳、螺、蝦、青口、生蠔、。見到有蟹腳同生蠔已經好開心，因為未必間間自助餐都有。生蠔都係即開即拎，refill速度都相當快，但就相對細隻，不過自助餐任食都冇太大期望，新鮮就已經足夠。:)熱食方面都相當豐富，有燒牛肉、蒸魚、羊扒、燒味、咖哩等等，而每人都會有一隻蒜蓉蒸龍蝦，不過就唔可以refill的。飲品方面就較少選擇，主要都係牛奶，汽水機同咖啡機之類，冇乜特色手調飲品:(不過當晚同朋友都食得好開心，體驗不錯。…查看更多

同朋友旺角行街街，行到雅蘭中心見到樂天皇朝，就突然好想食上海菜。我同朋友都冇試過食樂天皇朝，但一直知道有款菜式係一共八款味道嘅小籠包，所以就決定去試。入到去第一下比個茶壼吸引住，好精緻同得意可能坐嘅位係風口位，坐咗陣已經覺得凍，同服務員講完立即安排咗轉位同重點項目，一定係期待已久嘅特色皇朝小籠包(8隻)，分別有原味、漕溜絲瓜、鵝肝、黑松露、芝士、蟹粉、蒜香、川味) 八個特色味道。因為味道有淡有濃，所以佢有張卡仔教你食嘅次序，由淡到濃咁食。由於同朋友兩個食，所以就每人四次。當中最有驚喜嘅係鵝肝口味，估唔到小籠包竟然同小籠包係搭配，配上少少薑醋既有鵝肝嘅淡淡香氣，而薑醋又可以解去鵝肝嘅膩感，真係好搭配其他每一次亦都係香氣十足同滿滿嘅湯汁，一咬已經會漏汁除左小籠包外都有叫其他菜式，亦都好好食，絕對值得一提係個菜捲，好清爽，配上芝麻醬簡直係開胃前菜，下次一定會再試埋未試嘅另外四件小籠包。…查看更多

鮮味蒸滾鍋是一家以新鮮海鮮為主既餐廳，今次試咗$368嘅套餐，套餐一共有八式，第一式係養生滋潤燉湯、第二式龍蝦半隻及活海貝盛盆，第三式係海鮮自選八揀四，就叫咗飽魚、生蠔、肉蟹、蟶子，第四式有蟲草花文昌雞同自家製嘅肉丸，第五式自選湯底，款底都較多，有八款湯底選擇，考慮到食材鮮味，就揀左海白湯底，第六式係任食牛頸脊同鯇魚肉，第七式係數十款配料嘅火鍋任食，最後第八式係南瓜粥。一入去已經見到好多海鮮係養殖缸，證明海鮮絕對新鮮 海鮮全部都會有專人幫手蒸，確保唔會蒸過龍或者唔夠熟，呢點大大加分而海鮮都冇另人失望，好鮮味，個自家製嘅肉丸有驚喜，好好食。相反，蟲草花文昌雞就好一般，好淡同乾身。其實食完海鮮已經飽飽地，之後嘅任食都冇食得多。加一後每人$405埋單，絕對抵食，海鮮的確不錯，但任食嘅食品就相對較差，喜歡海鮮的朋友可以一試。…查看更多

同屋企人慶祝，因為有長輩關係，所以晚餐揀咗位於尖沙咀嘅國金軒，品嚐一下米芝蓮推介的粵菜食府。今次選擇咗套餐 聚物夭美、老饕垂青，個名一睇已經覺得好勁好有氣勢！個Set包括咗黑魚子乳豬鵝肝脆多士、鮮杏汁花膠雪蓮子燉白肺湯、椒麻辣子爆百花北海道元貝皇、脆皮南乳妙齡鴨、南非溏皇極品三十八頭吉品飽魚伴鮮蔬、上湯本地珠龍伊府面、生磨蛋白杏仁茶湯丸、國金幹新彊紅棗皇糕。一定要講個湯，好足料好潤喉，老人家超鍾意個湯。另外個元貝皇配搭花椒好新穎好香口，估唔到會係match。個人最鍾意脆皮南乳妙齡鴨，完美呈現外脆內嫩，每道菜都好用心，整體水平十分高，真係一分錢一分貨，難怪會係米芝蓮推介的食府。…查看更多