食遍浮華大地的個人專頁

今日買面包，我買左12蚊，俾左20蚊呀姐，佢找5蚊，因為趕時間就無計，回想之前買佢都好似有收多，如果每個客人都係咁，都好發喎，不老實的食店食呢間因為佢面包新鮮出爐，但近排食面包都凍，所以排隊人數少左好多。…查看更多

今日同幾個朋友求其搵左間餐廳坐低lunch，因為大家都唔肚餓，首先每人點左一個野飲同一個意粉，之後再叫多一個小食，問題就黎，有個惡女人手指住我地，大叫：唔準傾住，你地叫左一個意粉咋！！意思話我地叫得少野，但佢又無寫明有minimum charge, 佢一個set 4~50蚊，我地叫杯野飲都三十幾，洗唔洗咁，同埋出面又無人排隊，食野中途留意到幾位侍應全程睥實，呢間野的態度令我大開眼界，真係俾錢買難受。…查看更多

呢間野真係垃圾，試一次就夠，今日7點去到，餐廳3成full, 好多吉位，但員工要我地搭台，加左個gas 爐俾我，我問點解咁多吉位都要搭台， 佢話有人book 左，最後食到走都唔full.到埋單，見到茶16, 醬30, 再加10%服務費，其實我食蟹煲唔洗醬，中間都無人話加水，咩都唔食，2人都要俾46蚊最後到食物，其實好普通，又唔抵食，真係無下次，咁既水準都開到分店，香港無野食咩。…查看更多

本人第一次寫食評，呢間餐廳令我有衝動，好想俾人知佢有幾差。這真是我食這最差的一間西餐廳！！首先講食物，牛扒火喉控制差，無牛味，肉質差，質素值100,賣300蚊。我地叫左sirloin 同 hanger steak 7成熟，最後，sirloin上台9成熟，hanger 4~5成熟。食完黎個胃唔舒服，d 牛太硬了。另外， 上網睇環境情調好，騙人的。餐廳嘈過大排檔，講句野都好辛苦，而且環坐位迫，不停有侍應擦身而過，食得唔舒服。如果你預算3~500一個人，出面大把選擇，不要來浪費金錢。…查看更多