sailormoon00的個人專頁 | OpenRice 香港開飯喇

2016-06-21

糖川隔離風信子冇位唯有試下第間一入到去即刻有位咁都好既環境都唔錯一開個餐牌就心諗唔對路咁貴既喂呢個細細間唔算出名細細碟都咁貴💩 唔怪得一入去冇咩客見佢唔太抵咁就是但叫碗綠豆沙朋友就叫左杯雜果唔知咩同埋糖不甩我就坐正係bar枱睇住佢係冰格拎d綠豆漿出黎溝水大佬你賣咁貴認認真真新鮮煲碗都唔過分呀上黎真係仲稀過粥水風信子都冇咁過分同埋硬係形住佢有陣味

朋友個杯野就冇特別既唔算好飲但就成29蚊杯個糖不甩勁耐都冇黎所以吹一吹單個staff勁冇禮貌！！落單個時已經係咁做waitress好心你笑下啦黑口黑面咁「得啦！咪焗緊！」「多單嘛等等啦」哇我比錢黎受氣？佢上左冇耐唔知係咪有人等佢就叫我地走但隔離個d唔知係咪熟客坐勁耐都未走😅有客等我明白但我地都未食完！鬼叫你上得慢咩佢成程係隔離等我地食完食甜品都係想傾下計都唔得真係激死我！一定冇下次野又難食態度又差又趕人…查看更多

以上食評乃用戶個人意見 , 並不代表OpenRice之觀點。

讚好

檢舉

yip115115 你好,我係呢間舖嘅店主，首先多謝你嘅意見(如果你真係顧客嘅話),第一食物貴與平在乎個人、有人2,3百蚊去食一碗燕窩都話平,有人3o蚊食一碗都話貴。第二你話我D綠豆沙5好食仲希過粥水好多謝你意見、但本店開業就黎4o個月，每日都賣23+碗你係第一個客咁講😯。第三你話我D員工係你未食完就趕你走出,你5即場發嬲,仲寫咁大编野又影相😀又話以後5幫襯我😈，第四你不停係咁講隔離風信子好過我😂(路人皆見)……………………師兄下次收人錢做寫手都專業D呀🐶。麻* D同事🙏每出一編文章時都可以細心查閱先出(因為做一盆生意、做好三年、比人唱衰只要幾日或幾小時)又學到野,多謝你地嘅批評🙏

2016-06-23

回覆

yennieyung 小妹是糖川甜品的擁躉食客，自從在2013年年尾和D朋友再幫襯後，便一星期總sailormoon00見用食市呀！你第一次去就話人e樣、話人嗰樣！你去食兩三次先去評論事情啦！我真系登糖川甜品不值，比你e個咁嘅見習食家沒黑！

2016-06-24

回覆

LML 曾光顧此店多次，店員們服務不過不失，夜晚時段較忙時也未見過他們黑面，大家同為食客，請別一次斷定店方好壞。記得有次外賣，回家後方發現"芋頭西米露小丸子"店方無落小丸子，我及時打去反映事件，店方即時道歉並願意下次改善，雖然我最後無再追究，只是一心提點，接電話的店主態度良好謙虛。

2016-08-12

回覆

評分

味道

環境

服務

衛生

抵食

用餐途徑

堂食

人均消費

$30 (晚餐)