Katychan19的個人專頁

諗唔到飲咩就飲推介款黑鑽茶王個名好似好勁咁明明話有三款配料但淨係飲到仙草同晶球但無咗珍珠囉價錢唔平茶味欠奉 但唔知點解勁多大陸人飲？可能下次試佢啲鮮奶系列會好啲……查看更多

男朋友之前同朋友嚟過飲happy hour話好有feel今日anniversary 就帶咗我嚟❤️未入到餐廳就見到好多大陸網紅喺蘭桂坊個牌下面影相😂我地入座坐大沙發 好spacious 桌上有紅玫瑰 見到隔離枱個女仔都有收花Oyster Buffet可以任食三款生蠔法國諾曼第生蠔 澳洲哥芬灣生蠔 日本宮城生蠔最大隻係法國 推介我地逆時針咁食我地食咗三round😍法國我加咗檸檬澳洲我就咁食原味日本嗰隻我加咗Tabasco我最鍾意係法國 最juicy男朋友唔太好生蠔 佢覺得澳洲最易入口日本嗰隻唔知開得唔好定點 有少少殼 影響口感我揀咗白酒配生蠔 酸酸地 白酒夠dry可以突顯到生蠔嘅鮮餐包係提子包同香草包最欣賞佢黑松露牛油醬前菜我地試咗白松露蟹肉沙律白松露味道較淡 同蟹肉好夾！是日餐湯係野菌忌廉湯我揀咗另一款龍蝦湯男朋友覺得出色到係濃過食龍蝦！！我都好贊同😍龍蝦Spaghetti同龍蝦湯一樣咁濃！有埋啖啖蝦肉真係無得輸龍蝦帶子飯serve喺帶子殼上面好fancy 帶子好大粒同彈牙Main揀咗慢煮豬鞍同威靈頓牛柳豬鞍係香煎 一啲都唔會柴調味都恰到好處男朋友係食肉獸所以佢揀咗紅酒配Wellington好正😍我怕個酥皮會好漏 又唔會喎脆口加嫩牛柳 口感一流甜品是日係檸檬柚子雪葩我地試埋原隻海膽雪糕連個碟都係海膽形！！好surprised真係有海膽肉黑白大廚幪眼試食應該都會嚇親原來海膽同雪糕可以咁夾！！…查看更多

之前喺musea食過 chatterbox 今日喺airside行街諗唔到食咩所以決定再食嗌咗二人套餐主菜揀咗招牌海南雞飯同海鮮炒貴刁海南雞跟咗個油飯有個豆腐例湯最出色係啲雞同三個靈魂醬汁雞真係滑到不得了連原本唔食雞皮嘅，我都食咗幾舊海鮮炒貴刁有魷魚蝦同埋帶子不過有埋臘腸，有啲搞笑好大碟 兩個人都食到好飽小食就試下咸蛋黃雞翼見佢話係精選推介炸得好香好重鹹蛋黃味不過每人得一隻有啲少套餐青菜揀咗蠔油小棠菜正常發揮份量都夠兩個人食餐飲就錫蘭奶茶同蘋果茶…查看更多

今日同朋友慶祝生日去咗bookmark咗一段時間嘅Gyojasang哩排睇黑白大廚迷上咗韓食🥹哩間仲要好有feel🖤上網睇定有咩必食推介叫咗海膽紫菜包飯烤泡菜五花肉海鮮煎餅海膽拌冷麵海膽紫菜包飯好fancy😍環境上面有一層生牛肉生牛肉上面有一層海膽海膽上面有魚子醬獨立食魚子醬會太鹹成舊放落口就會食到個balance海鮮煎餅係煎到脆卜卜 超級足料有帶子 白魚仔 調味得好好煎得一啲都唔油膩呢個真係必食！見過有人推介泡菜煎餅 下次想食埋！烤泡菜五花肉係會原碟生肉上咗枱先之後幫我哋拎走燒好晒再俾我哋完全係懶人必嗌😍豬腩肉兩面燒香用生菜包，有好多配料好滿足海膽拌冷麵除咗有海膽仲有帶子同其他配料冷麵汁偏甜，冷面口感彈牙我同朋友兩個都嗌梳打都幾大杯👍🏻…查看更多

九份飽其實都食過好幾次，次次都食魯肉飯😆之前見佢有下午茶優惠但都好難夾到時間食今日早收工一嚟就嗌咗個雞扒魯肉飯先，一如以往地好大塊雞扒，亦炸得好好食，肉質亦唔會老！份量都夠一個大男人食～朋友唔太肚餓就叫咗海苔肉鬆芝士蛋餅 上枱都有四件 食到晒每一樣嘢嘅組合😆蛋餅夠脆口 又唔會油膩 芝士溶咗好棉滑好夾見佢除咗有地瓜圓，仲有蛋黃芋丸，就即刻嗌嚟試下！😆原來係兩個概念嚟，粒芋丸有半個拳頭咁大！係蛋黃碎融入咗芋泥，炸到爆餡，但都係一啲都唔油膩見佢新出咗蔥油餅，中式成日食，台式嘅原來係手抓餅+香蔥口味😆都好啱我口味，同蛋餅一樣係配辣醬，都幾夾最後仲想坐多陣就嗌埋甜品，芋頭仙草芋圓，仙草係一大舊，而芋圓係彈牙嘅😍有晒三隻顏色，仲有小丸子同珍珠！不過就略嫌唔夠凍，因為佢唔係沙冰底…查看更多

鴨屎香檸檬茶紅遍內地及澳門，香港都唔執輸，哩半年各區街頭都見到佢嘅影蹤。紅磡黃埔區都無乜邊間台式飲品舖我係未飲過，茶久新開咗之後我都一直有bookmark住要去飲。今日喺附近買咗個北京烤餅同煎釀三寶，就同朋友嚟哩度買嘢飲。我係奶茶控，但又想試下哩度特色鴨屎香，所以就嗌咗海鹽鴨屎香奶茶加寒天波波，哩度配料有三個選擇：寒天波波、椰果同馬蹄爆珠。 我飲開珍奶係會嗌走甜走冰，不過哩杯甜度固定咗，只可以走冰，對我嚟講就甜咗啲！鴨屎香嘅茶香都被甜度蓋過了，不過好彩海鹽味夠突出，所以中和返個甜度，仲有寒天波波增加返口感，都做到解膩作用﹗朋友嗌咗葡萄爆檸冰茶，加咗馬蹄爆珠，哩杯可以走甜，不過就冰度固定，可能係因為仿鋁罐嘅杯裝，全透明可以望到裡面所有配料。我試咗幾啖，哩杯令我喜出望外，葡萄檸檬茶味好清新，馬蹄爆珠十分好食，咬爆咗之後真係會有淡淡嘅馬蹄味滲出齒縫，配合茶飲真係好適合。下次再飲我都會飲可以走甜嘅茶料飲品加馬蹄爆珠😊…查看更多

之前lunch行經哩頭見到新開咗幾間韓國嘢 今日收工就過嚟試下Order完無耐就有伴菜一人有三款 仲要係唔同嘅伴菜 有誠意！泡菜 菠菜 魚膏 豆腐 芽菜 同薯仔😆全部都係店家自己整 好有家的味道！我地叫咗ROSE忌廉炒年糕Default小辣 見到佢話食得辣 請叫韓國辣度😆我地無要求 題上碟都真係幾辣下好彩有煙肉同洋蔥中和下！泡菜煎餅係三塊餅咁上第一日次見好特別😆不過真係好香脆 一啲都唔油膩仲好乾身 味道好足！下次來會想試埋香蔥煎餅！仲有炙燒牛肩胛肉 雖然價錢比較貴但上碟份量真係好足肉質軟嫩 鐵板上 所以一路食都仲係熱辣辣！嘢飲嗌咗草莓latte 有草莓果肉 好飲！最緊要係好解辣😆…查看更多

今日嚟開aeon買嘢順便喺哩度食埋晚餐泰柏耶之前食過都ok今日叫咗半打串燒我地最鍾意豬，比起牛同雞都大串啲肉質好嫩，配個沙嗲汁好食！主食嗌咗招牌醉貓炒河同菠蘿炒飯炒河份量唔細 兩個人食啱啱好微辣炒埋啲蔬菜同肉碎好開胃！推介！菠蘿炒飯，份量都好大飯粒粒金黃，正常發揮！我哋食完個炒河再食，呢個真係飽到不得了！本身想嗌生菜包，但見到佢有燒豬頸肉包就想試試佢😋果然無失望呀豬頸肉份量多 亦烤得微脆肉嫩！聽啲員工同隔籬枱講所有廚師都係泰國人落辣會重手啲我聽完只係覺得唔怪得啲嘢食咁好食！下次想試吓佢個炒金邊粉同埋海南雞飯！PS兩個樓面員工都好有禮貌見啲客都會主動同佢地傾兩句…查看更多

睇完戲諗住打邊爐但見到好多人行多陣見到有鋸扒又係好多人不過等一張枱就入得侍應都好快手我嗌咗20cm炸豬扒坐低先見到枱枱都嗌🤣🤣🤣上枱好震撼諗起去維也納都嗌過特大豬扒😋好厚肉 配蒜蓉汁一流呀！雖然有啲熱氣仲嗌咗西冷+熱熔芝士🤤🤤🤤原來會加熱咁上😍😍😍淋落鐵板，食到尾仲有啲焦香芝士牛扒有鐵板咁長雖然有筋，但整體肉質好嫩全程都聽住七、八十年代啲歌飲住白雪公主，真係好似時光倒流咁🤣🤣…查看更多

之前行過已經想食但最後去咗隔離食米線今日再經過就試試佢😋燒茄子必嗌睇落好易整但喺屋企整親都係失敗😅哩度整得好淋 香料亦好足 絕對係爆蒜重點落單五分鐘有得食 仲要熱辣辣豬頸肉夾脆 入味 魷魚見隔離枱嗌覺得幾正，真係好入味司華力腸切好晒好方便金菇肥牛卷同煙肉露荀卷係mouth size十分好！哩度仲有燒饅頭同芝士年糕！我鍾意燒雞全翼多過雞翼多肉啲 食得過癮啲！我地辣度揀咗小辣全單都跟得好足同朋友一人嗌咗一支酒一邊食熱辣辣串燒 一邊飲冰凍嘅酒真係一流！值得一讚係哩度音響好得即使隔離枱聚餐都唔會嘈親我地！haha同埋廚房啲熱氣無傳過出嚟我地坐廚房對出一啲都唔會熱哩度個廚房上菜好快仲要連意粉、薯格、薄餅嗰啲都有得嗌！下次同朋友再嚟食多啲嘢！…查看更多

上完瑜珈 9點左右嚟food court揾嘢食我朋友諗住喺另一檔嗌個魚生飯再嚟哩間嗌一樣share我地嗌春雞無春雞，豬胺亦都無晒咁我地本身諗住唔食，後尾見佢200g牛扒 $148都ok呀 嗌咗之後個收銀問我地會唔會要厚少少250g我地諗住唔食咁多嘢就話唔使佢問我地幾多成熟 我地話5成然後佢對住廚所個staff做咗個鬼臉意思係話我地夠膽死嗌薄扒但要5成熟鬼做比我地我同朋友都目睹晒佢地啲不禮貌對待客人奈何我地已經碌咗卡比錢塊扒不過不失，不過啲服務態度真係唔要得成間food court咁大就係畀人買唔同嘅嘢嚟食佢憑乜嘢睇唔起我地唔加錢要塊厚啲？佢個臭鬼臉我真係永世難忘佢係一個短髮香港女人 微胖 不高身材至於廚所嗰個應該係菲律賓人性價比幾高都好，一定唔會食第二次！…查看更多

見到新開酒吧坐低嗌咗兩杯Signature餐廳走簡約風，Cocktail名都係朋友叫咗杯紅豆 係培茶底嘅cocktail 茶味濃郁飲落有少少似baileys酒味唔會話太濃 茶酒配合得宜我叫咗杯蛋撻 甜甜的第一啖飲就好鍾意😍個樣似蛋撻咁分咗兩層不過我覺得味道似焦糖布甸多啲Menu寫啱外國人品嚐地道香港風味我就覺得好啱女仔飲 真係好特別好鍾意！叫咗個避風塘薯條佐酒雖然好多辣椒🌶️但唔會辣 係惹味👍🏻仲叫咗單骨雞翼拼一口芝士🧀️雞翼都有8隻 醃得入味芝士入口即融成日都覺得酒吧個廚房真係好出色😊朋友食完仲有啲餓我地叫咗意式磨菇Risotto 正常發揮 夠creamy！…查看更多

好耐無行過嚟哩頭見到開咗三哥 竟然商場入面有埋酸菜魚見門面都幾企理就入嚟試下海鱸魚 叫咗微辣但都夠麻 好正😍肉質十分嫩滑配料有薯粉、芽菜同萵苣兩個人嗌標準十分夠食因為我地仲嗌咗雞絲粉皮粉皮夠滑，雞肉無骨無皮 份量充足加埋啲麻醬好好食！見圖片好吸引就試埋黃金軟殼蟹每件都係一口size炸得同大牌檔嗰啲唔同似日式炸法好香口又唔油膩值得覆桌！我地仲嗌咗芒果乳酸同水蜜桃乳酸甜甜的 好開胃見到呢度完條烤魚都有下次想試吓…查看更多

前幾日返屋企途中見到開咗間炸雞店已經想試今晚屋企無乜餸就買嚟試下8點左右嚟到都幾旺場出面有櫈比客人坐住等都等咗30分鐘先拎得我地見套餐好抵食全部二選一我地揀咗雞髀排、無骨腿丁、花枝丸同金菇酥其實𠼻兩個套餐都抵！一定夠兩個人飽！雞髀排我地要芝士味佢唔係韓式炸雞似係台式 大塊到傻咗！拎到返屋企仲係好脆無骨腿丁要咗咖喱味有成10幾件！份量好多！除咗炸漿，裏面啲肉都好入味花枝丸要梅味真係好正確嘅選擇！估唔到咁大粒丸真要有三粒！真係必嗌之選金菇酥就要麻辣小辣估唔到都幾辣不過真係好惹味！結論性格比好高 一定會再買不過希望下次唔使等咁耐啦🤣…查看更多

好耐無嚟過尖沙咀食飯本身想食隔離間餐廳太多人所以試下哩間未點餐就有welcome food個脆餅有啲辣個青醬都係辣嘅！我地叫咗個margherita 上枱有啲嚇親好大份不過好鬆脆好香味道好正宗因為男朋友唔食辣侍應推介咖哩雞上枱係偏紅嘅印度咖喱雞件一啲都唔嚡口 真係煮得好出色😊我地叫咗個garlic naan配真係好重蒜味😋賣相好吸引之餘脆卜卜👍🏻男朋友飲1664我就飲飲Virgin colada其實即係pina colada估唔到咁大杯好正😻😻下次想去個清靜啲嘅地方都可以揀呢度！…查看更多