Anastasia.foodie的個人專頁

福建炒飯飯粒炒得粒粒分明，吸晒蛋香同海鮮鮮味裡面有蝦仁、魷魚、火腿粒，醬汁調得岩岩好鹹香帶少少清甜，完全唔會過油銀芽肉絲炒麵油麵彈牙有嚼勁，鹹甜適中，銀芽爽脆多汁肉絲嫩滑唔柴，大火快炒之後镬氣十足聚賢鮮蝦餃皮薄餡多，蝦仁大隻又彈牙，外皮通透唔黏牙蟹籽燒賣皮鬆軟，內餡肉質飽滿，鹹香十足！潮州粉果外皮煙韌有嚼勁，裡面有蝦仁、筍粒、豬肉調味帶少少胡椒香，鮮味十足蜜汁叉燒包外皮鬆軟蓬鬆，叉燒餡料足蜜汁香甜唔會太膩，肉質軟嫩，咬落有肉汁流出！豉蒜蒸排骨蒸得好軟爛，一咬就脫骨，豉蒜香味好濃郁蜜汁叉燒腸粉外皮滑溜溜，叉燒香甜香茜牛肉腸牛肉嫩滑，香茜味清新，腸粉薄而不爛…查看更多

尋日同屋企人book咗中環間高級鐵板燒，提前一個禮拜先book到版前位服務員態度超nice，落單、添水都好快手細心又唔會過度打擾招牌沙律挪威煙三文魚切得厚薄均勻，煙熏味好香但唔嗆魚子醬咬落卜卜脆 清新又開胃三文魚蓉牛油果魚蓉鮮甜細滑，牛油果綿密creamy口感順滑三文魚較彈牙有嚼勁，調味岩岩好，鹹香帶少少鮮甜配埋旁邊嘅洋蔥漬，酸甜爽脆，解膩一流魚子醬蘭王溫泉蛋蛋黃嘅香滑同魚子醬嘅鹹鮮完美融合完全唔會覺得油膩時令魚子醬生蠔，肉質飽滿厚實咬落juicy到爆，海水味好清新，完全冇腥味魚子醬增添咗鹹鮮味同口感鯛魚切得厚身，肉質緊實彈牙，帶住淡淡海水味慢煮鮑魚同日本元貝！師傅火候控制得超準鮑魚慢煮之後肉質緊實彈牙，咬落好有嚼勁日本元貝好大隻，煎到表面微焦裏面仲係嫩到出水鮮甜多汁白鰻燒得外皮微脆，內裏軟糯，醬汁甜甜地好入味虎蝦肉身飽滿，咬落juicy彈牙，蝦味超濃郁美國安格斯牛肉薄焼巻，師傅切得薄薄一片牛肉燒到表面微焦，牛肉軟嫩多汁，油脂香好濃郁澳洲牛柳大大粒，燒到外焦裏嫩咬落軟嫩多汁菊花豆腐白麵豉湯豆腐切到形狀似菊花好精緻，入口滑溜湯鮮甜醇厚黑松露海鮮炒飯飯粒炒得粒粒分明，吸晒黑松露嘅獨特香氣同海鮮嘅鮮味黑糖柚子雪芭，清爽到極！黑糖味香醇帶住淡淡柚子酸味，酸甜平衡得好好…查看更多

尋日同朋友喺銅鑼灣行到腳軟入左去hysan地庫，點知撞到寶！兩樣嘢食完仲掛住個味道，一定要同大家分享下！首先個慢煮熟成牛肉，塊牛慢煮到完全入味入口又嫩又滑，完全唔使用力咬底下嘅日式炒雜菜好爽脆，中和咗牛肉嘅油膩最正係淋咗咖喱蛋黃醬同自家製鮮忌廉兩種醬料混埋一齊，鹹香中帶少少奶香再拌埋個日本蘭王生雞蛋黃，蛋香超濃撈勻之後口感更creamy另一個A4日本和牛丼底層個飯用蒜香醬油炒過，粒粒分明，咬落有陣蒜香上面鋪嘅和牛好厚切，同樣嫩到入心牛脂味超濃最驚喜係個秘製熟成牛辣肉醬，辣度好適中仲有牛肉碎嘅口感，拌埋飯同生蛋黃一齊食簡直係味蕾爆炸，一粒飯都唔想剩！…查看更多

呢間川菜館水準好高，食材新鮮、味道正宗廣東人都頂得順個辣度，性價比又高麻辣魚皮魚皮爽脆無腥味，麻辣汁調得啱啱好唔會死辣搶味反而帶住少少芝麻香 開胃TOP1！黃金墨魚餅外層煎得金黃香脆，口感彈牙咬開仲有滿滿墨魚粒夫妻肺片牛肉、牛肚切得厚薄均勻，淋上紅彤彤嘅麻辣油麻香十足，配青瓜解膩招牌東大雞肉質嫩滑唔柴，雞皮下邊仲帶有啫喱配既自家製醬汁鹹香帶少少微甜，一款青椒醬辣得過癮豬潤浸時蔬豬潤切得好厚，滑溜溜冇腥味，白菜仔吸晒豬潤嘅鮮甜湯汁，清爽又解辣，平衡返麻辣嘅刺激甜品紅糖糍外層煎得微微焦脆，入面軟糯煙韌，淋上濃郁嘅紅糖汁甜而不膩，中和晒前面嘅辣味，幸福感爆棚！…查看更多

上環返工想搵抵食又高質嘅餐廳？講緊呢間 Fish and Chick ，完全係打工仔飯堂天花板！全日套餐由前菜到甜品一應俱全，仲有超多種魚類選擇無論係厚身又咬口嘅，定係超級滑溜嘅魚 任君選擇套餐頭盤炸鮮蘑菇沙律配黑醋汁，真係開胃到爆！蘑菇炸得外脆內軟，鎖住滿滿肉汁，唔會油淋淋沙律清爽解膩，淋上酸甜黑醋汁，一口蘑菇一口菜根本停唔到口！主菜揀咗原味烤雞半隻同傳統英式炸魚配薯條烤雞外皮烤得金黃香脆，肉質嫩到出汁，配埋甜粟米鹹甜平衡得剛剛好，食肉獸一定鍾意！炸魚揀咗格陵蘭島大比目魚，魚肉厚實彈牙滑嫩完全冇腥味，外皮薄脆唔掛粉，薯皇外脆內軟飲品要咗凍同熱薑檸檬蜜糖茶，薑味夠晒出蜜糖甜而不膩，凍嘅清涼解熱，熱嘅暖身舒服返工飲返杯，疲勞都走晒！最後甜品紅蘿蔔蛋糕，簡直係完美收尾！蛋糕鬆軟濕潤，紅蘿蔔香味濃郁cream cheese 餡唔會過甜，入口綿密，食完完全唔覺膩連平時唔鍾意甜品嘅朋友都食晒！成個套餐由前菜、主菜、飲品到甜品，樣樣有質素零中伏！價錢抵到打工仔無壓力，份量又足…查看更多

匿藏喺佐敦街舖入面嘅呢間木系咖啡店原木枱同柔和燈光夠晒chill，主打輕食同甜品疏乎厘簡直係日本大師級水準！帆立貝明太子蟹肉扁意粉呢個絕對係招牌之中嘅招牌！扁意粉煮得煙韌彈牙，厚度啱啱好掛得住鹹香濃郁嘅明太子醬每一口都有鮮甜嫩滑嘅帆立貝，蟹肉碎同蟹子增加口感層次，鹹鮮味直沖上腦黑松露大啡菇意粉黑松露醬汁creamy得嚟唔會滯，松露香氣好鮮明大啡菇煮到多汁爽口，吸晒松露精華，意粉每條都油亮掛汁，咬落充滿菇香同松露味柚子醋蟹肉牛油果沙律+煙三文魚配雞扒沙律份量好足料！牛油果軟淋綿密，蟹肉鮮甜配上酸甜開胃嘅柚子醋汁，平衡晒油脂感煙三文魚帶住淡淡煙香，雞扒煎得外皮微脆、肉質嫩滑幾樣餸搭埋一齊食，清新又飽肚，好適合做前菜荔枝玫瑰梳打夏日必點嘅清爽飲品！荔枝味好突出，夾雜淡淡玫瑰香梳打嘅气泡夠晒足，食濃味意粉時嚟返一口，即時解膩草莓番石榴乳酸配草莓果乾乳酸底夠晒酸甜，草莓同番石榴嘅果香好清新飲落順滑唔澀，少女心滿滿疏乎厘係壓軸王牌金箔Nutella疏乎厘班戟+雲呢拿雪糕疏乎厘班戟充滿蛋香，質地極之fluffy軟到郁一郁就晃動，簡直係 空氣感 代言人鋪滿Nutella榛子醬 甜度岩岩好唔會漏加上金箔同金沙朱古力更精緻，配埋幼滑嘅雲呢拿雪糕冷熱交融嘅口感真係無得頂，食完成個人都開心晒！呢間Cafe無論環境定食物都好有水準，尤其疏乎厘同兩款意粉，絕對值得專程嚟佐敦打卡！…查看更多

福滿庭真係街坊眼中嘅 平靚正茶樓 ！環境乾淨企理，茶位唔貴，地方闊落都坐得舒服鍾意粵式茶點同燒味嘅朋友，千祈唔好錯過！月半彎水晶鮮蝦餃皇 個皮薄到透光，咬落煙靚彈牙，完全唔會黏牙！入面塞滿大蝦，鮮甜多汁，蝦肉爽脆彈牙調味清淡帶少少鮮甜，原汁原味最正 陽江豆豉蒸排骨 排骨軟爛到一啜就脫骨，唔會柴口豆豉香味好濃郁鹹香帶少少回甘蜜汁叉燒包 外皮鬆軟蓬鬆，入面嘅叉燒餡分量十足肥瘦均勻唔會過油。蜜汁甜度岩岩好，唔會死甜膩喉山竹牛肉球肉質飽滿彈牙，用力咬仲會 彈起 ，完全唔柴口！入面混入咗碎冬菇同少許馬蹄，帶少少鮮甜juicy到咬開有少少肉汁溢出蟹子燒賣鮮蝦爽脆彈牙，豬肉肥瘦均勻帶汁頂面鋪滿嘅蟹籽，咬落鹹鮮帶少少海味皮超薄但夠韌，蒸完唔會爛塌塌潮蓮燒鵝湯米線 燒鵝皮脆肉嫩多汁 油脂香氣十足，切得厚薄均勻鵝肉嘅鮮味完全鎖住紅燒乳鴿 外皮燒得紅亮油潤，皮下脂肪唔多，唔會油膩肉質嫩滑多汁，鹵汁滲透到每一絲肉，鹹香帶少少回甘…查看更多

環境坐得舒服張枱夠大，重點系食物由日本直送巨大魚缸養活鮑魚，龍蝦確保全部都系活海鮮而且可以食殘廢餐由專人席前燒炙並有餵食服務，完全躺平用餐體驗本鮪盛合  -四款吞拿魚面頰肉最邪惡，入口即溶仲帶油香海膽三文魚子軍艦海膽creamy到黏唇，魚子同吞拿魚蓉超夾醬漬帶少少咸香，醒胃又唔搶味中身就最考新鮮度，赤身夠爽口咬落仲有淡淡魚油香 冇雪味！和牛燒物盛盒  -牛小排燒到表面微焦，一刀切開仲見到粉紅色肉芯入口多汁到漏 ，牛味超濃薄燒用咗少少醬汁調味，油脂味爆曬出嚟最驚喜系牛舌，切得夠厚身，咬落彈牙唔韌邊位微微焦脆，鹽味吊出牛舌本身嘅鮮甜職人海老鍋  -一定要試！個蝦湯真系超濃 濃到冇朋友一煮滾就聞到陣陣蝦香，飲落濃郁但唔會膩兩款甲羅燒都好有驚喜蟹味噌原汁原味，蟹膏香好突出芝士蟹肉款就邪惡啲，芝士融到牽絲，蟹肉分量好足咸香同蛋香夾埋，熱辣辣食超正唯一系要趁熱食，凍咗會有少少膩龍蝦刺身—龍蝦肉切得厚身鮮甜又爽彈，完全食到新鮮帆立貝夠大粒，咬落juicy又鮮甜荔枝玉露茶好解膩，荔枝味清香，茶底夠滑鹽檸檬Highball就好過癮，威士忌味唔會太濃鹽同檸檬嘅酸香好醒神整體嚟講，呢間居酒屋無論食材新鮮度、烹調手法都好有水準，價錢雖然唔算平，但性價比好高鐘意日式海鮮同燒物嘅朋友，真系可以嚟試下，包你唔會失望…查看更多

尋日放工專登去紅磡市政大廈搵文記大排檔果然冇失望，鑊氣夠曬足豆腐枝竹魚腩煲  -上台湯汁滾到滋滋聲！魚腩煎得金香，咬落啖啖肉完全冇腥味，豆腐吸晒醬汁，軟滑入味枝竹腍身唔會黐牙，鹹甜醬汁撈飯一粒飯都唔想剩！蜜椒薯仔牛柳粒  -牛柳粒大件又嫩口，咬落juicy，唔會嚡口薯仔炸過外層脆，內裡粉糯，吸晒蜜椒醬嘅鹹香微甜香氣十足，镬氣完全鎖喺食材入面！半隻菜膽雞  -雞皮爽脆，肉質嫩滑，咬落有雞味，唔似冰鮮雞菜膽淋甜，吸晒雞汁，簡直係 最佳配角 招牌文記小炒皇  -蝦乾、腰果、韭菜花同鮮魷炒埋一碟，镬氣衝天！蝦乾鮮味夠，腰果脆卜卜，韭菜爽脆解膩所有食材炒得夠鑊氣，鹹淡適中…查看更多

服務絕對係五星級水準！沖茶、換骨碟嘅時間啱啱好，永遠唔使你開口提最欣賞佢哋好有分寸，招呼周到得嚟又唔會成日走過嚟打擾我哋傾偈由入門口帶位，到走嗰陣幫你按電梯全程都係笑面迎人，令人食得好安心、好舒服呢份細心同尊重，先係最難得㗎！椒鹽糖心鮑魚.鴛鴦海蜇絲    -外層椒鹽香脆惹味，外脆內嫩溏心質感軟糯鮮甜  -川式麻辣，爽口海蜇掛滿香麻勁辣汁  -法式蔥油，超濃蔥味油潤得嚟唔膩，帶出海蜇嘅爽脆金腿蟹肉燴冬蓉羹    -功夫菜！師傅將嫩滑嘅冬瓜磨成茸做底再加入一絲絲鮮甜嘅手拆蟹肉靈魂在於用上乘金華火腿熬成嘅上湯來燴食之前灑少少胡椒粉，更能帶出蟹肉嘅鮮同火腿嘅香廿年陳皮拔絲虎蝦球    -老虎蝦球炸到外殼脆卜卜個拔絲汁好特別，廿年陳皮嘅甘香完全入晒味甜得嚟帶陣陣回甘 咬到裡面蝦肉依然爽彈鮮甜文火和牛    -文火慢煮呢個功夫手法讓油脂慢慢融化到每一絲肉纖維裡面反而係一種極致嘅軟嫩鬆化，入口即溶亁燒椰菜花龍躉    -椰菜花索晒乾燒麻醬汁，香口惹味到不得了龍躉球煎到外皮脆脆哋，肉質依然保持嫩滑鮮美蝦子花膠濃雞湯拌菜苗手工拉麵    -花膠大大塊又淋滑，手拉麵超掛湯每啖都食到蝦子嘅鹹香雞湯飲落膠質重到黏嘴唇陳皮蓮子紅豆沙    -入口綿滑到不得了，完全冇半粒豆殼最正係陣陣廿年陳皮嘅醇香，同紅豆嘅甜味融為一體甘香唔會搶喉 ，蓮子又煲到起晒沙，粉糯香甜芋蓉炖鲜奶    -芋蓉係師傅手工慢慢磨出嚟，超級棉滑底下嘅蛋白燉鮮奶超香濃嫩滑 最吸引係面頭鋪滿矜貴嘅燕窩同雪燕，口感滑溜甜度適中，為完美嘅一餐作結！…查看更多

今晚搵到間藏喺天后入面嘅超懷舊復古風既港式火鍋舖成個裝修打卡一流而且依家仲有$1打卡啤酒優惠真係飲多啲都值回票價椒鹽雞翼尖咬落外層鹹香夠味，裡面嘅肉又嫩又juicy，送啤酒真係一流主角卜卜蜆鍋蜆仔個個都大隻飽滿，滾幾下就「卜卜」開口，啖湯鮮到痹，飲落冇一丁點腥味反而帶住蜆肉嘅甜，煮到後尾加埋蔬菜，連菜都吸晒湯汁精華！仲有必點嘅牛魔王拼盤，簡直係食肉獸福音！本地手切肥牛涮幾秒就熟，入口滑溜仲有牛油香；安格斯牛頸脊嚼落帶爽，肉味超濃；最驚喜係手切封門柳，嫩到冇朋友同埋牛脷托夠爽脆，每款都有自己嘅特色，完全唔會食到悶！豬頸肉片都好出色，肥瘦比例啱啱好，涮完之後脆卜卜，蘸少少沙茶醬，鹹香得嚟又唔會蓋過豬肉本身嘅鮮味，食多幾片都唔覺膩手打嘅五寶丸真係見到師傅功力，咬落超彈牙特別係墨魚丸同蝦丸，咬開仲有粒粒肉碎，鮮味好實在，唔似出面啲凍丸淨係得粉味蝦膠油炸鬼簡直係靈魂！油炸鬼吸滿蝦膠，炸到外層脆卜卜，裡面嘅蝦膠彈牙又有蝦粒咬落鹹香鬆脆，配埋卜卜蜆湯食，兩種鮮味夾埋，幸福感直接拉滿！食到飽飽嘅時候，飲返杯凍夏枯草，清熱又解膩，一口落去涼浸浸，即刻緩解晒食火鍋嘅燥熱，呢個搭配真係香港人先懂嘅智慧！…查看更多

尋日特登去大埔搵間舊式茶樓飲茶鮮蝦腐皮卷  -腐皮炸得金黃脆卜卜，咬落冇油膩感入面嘅蝦肉大粒又爽彈，仲有甘筍粒增加口感叉燒腸粉  -腸粉皮夠薄夠滑，咬落煙韌，入面嘅叉燒粒粒厚肉山竹牛肉球  -牛肉味濃，咬落有肉汁，唔會嚡口鮮蝦燒賣皇  -每粒都有原隻大蝦，蝦肉爽脆，餡料飽滿，食得出新鮮鳳爪排骨飯  -鳳爪炆到軟腍，一啜就脱骨，排骨肉嫩冇渣蛋黃蓮蓉壽桃包  -外形做得似足壽桃，好有儀式感包皮鬆軟綿密鹹香嘅蛋黃同蓮蓉好夾，唔會太甜膩…查看更多

寶琳地鐵對面間茶記，大件夾抵食！今朝行到寶琳地鐵對面，隨便入咗間茶餐廳醫肚先講個黑松露大蝦扁意粉，一上枱就聞到陣松露香唔會死咸死香嗰種，扁意粉索晒醬汁，咬落彈牙蝦仁爽脆，唔似雪貨，食落好新鮮呢個價錢有呢個水準，真係抵讚！跟餐嘅羅宋湯都有驚喜，蕃茄味好濃唔係得個湯味冇料嗰種沙律就中規中矩，菜葉新鮮，淋嘅沙律醬夠多配埋杯熱華田，夠香滑，唔會太甜同行朋友叫咗和風鰻魚丼飯，鰻魚鋪滿成碗飯，外皮微焦，咬落帶少少脆肉質軟淋，醬汁甜甜地，撈飯食簡直停唔到口！佢個跟餐同我一樣，羅宋湯加沙律，仲配咗杯茶走茶味夠濃，奶味滑，走咗糖之後更突出茶香總體嚟講，呢間茶記出品穩陣，分量又足坐得都算舒服，寶琳街坊想醫肚，呢度絕對係個好選擇！…查看更多

上次同屋企人喺銅鑼灣皇冠假日酒店嘅御寶軒食飯環境夠晒大氣得體，出品更是驚喜滿滿細細品嚐每道菜都感受到師傅嘅功力杏汁燉白肺湯  -一揭蓋就聞到濃郁嘅杏香！湯底夠綿滑白肺燉到軟爛入味，完全冇腥氣杏汁嘅甜潤滲透每一口，飲落滋潤又舒服椒鹽豆腐粒豆腐粒外層椒鹽香十足咬開裡面超嫩滑，外脆內軟椒鹽白飯魚  -白飯魚個頭雖細，但炸得夠香口椒鹽味均勻裹住魚身，連骨都可以食主菜脆米海鮮湯東星斑  -東星斑肉質雪白彈牙，切件擺得整整齐齐浸喺鮮甜嘅海鮮湯入面，每一口都充滿魚鮮同海味最妙係碗底嘅脆米，倒入熱湯後 滋滋 作響脆卜卜嘅口感配埋嫩滑魚肉，鮮香又特別蒜片牛柳粒  -牛柳粒大粒又juicy！煎到外層微焦咬落肉汁爆出嚟，嫩到唔使多嚼，蒜片炸得金香香味完全滲入牛肉，鹹香適中糯米釀脆皮乳豬  1乳豬皮脆到咬落 咔嚓 聲，油香十足又唔覺膩入面嘅糯米吸收咗乳豬嘅油脂，帶少少鹹香軟糯又夠味，點埋甜醬食，甜鹹平衡得剛剛好呢間御寶軒無論食材、烹飪定賣相都好有水準無論家庭聚餐定宴客都好得體！…查看更多

今日專登過銅鑼灣食一間做緊優惠既廚師發辦$498食到11件壽司同埋一件手卷仲有前菜+湯同埋甜品，真係抵到爛！坐低先上前菜，合桃魚乾脆卜卜仲有淡淡鹹香個嫩豆腐沙律滑到入口即化上面淋嘅沙律汁酸酸甜甜，開胃一流！真鯛配烏魚子，鯛魚肉好鮮甜有咬口烏魚子鹹香滲入魚肉入面間八配柚子皮，魚質好嫩，柚子皮嘅清香同微酸完全提升咗魚嘅鮮味，食落好清爽明太子海苔醬配紋甲魷魚魷魚咬落彈牙明太子醬好濃郁響螺新鮮爽脆師傅嘅刀工好好，厚薄岩岩好食到螺肉本身嘅鮮甜伊佐木魚魚皮用熱水輕輕灼過，咬落有少少脆口鱼肉保持嫩滑獅魚同金目鯛都好正，兩種魚都好鮮尤其是金目鯛肉質緊實，鮮味好突出深海池魚好重油脂香，入口好順滑，完全唔會覺得膩赤海膽入口好creamy，鮮甜到冇得彈完全食到海膽嘅原汁原味，冇加多余調味吞拿魚醬漬配芥末籽吞拿魚醬漬得好入味，芥末籽嘅微辣慢慢滲出嚟備長炭炭燒拖羅筋真係香到暈！炭燒香味好濃，拖羅筋咬落有嚼勁油脂香好重最後件米通吞拿魚蓉手卷，米通脆卜卜吞拿魚蓉好滑，作為收尾好完美仲有魚湯蒸蛋同海鮮清湯，蒸蛋滑到好似布甸入面有櫻花蝦提鮮海鮮清湯好鮮好清甜，解晒膩總體嚟講，$498食到咁多嘢，質素仲咁高真係抵到冇朋友！師傅好有耐心，仲會解釋每款魚嘅來源同食法，體驗感好正，下次一定再嚟！…查看更多