amyso0711的個人專頁

平時經過都見到有唔少人等位+等外賣的車仔麵，今日星期六12點幾，竟然唔洗等位就可以入座聽聞呢間店的咖哩都好堅下的，所以我叫左最唔辣的微辣，但都好辣🥵 車仔麵最少要叫三個餸，分幾個價錢，我叫左牛孖筋，魚皮餃，魚片頭，腩汁，每款餸都有4舊，牛孖筋好大條，有4-5條，好入味，好煙韌但又夠林，湯底有四款可以揀，有清湯，腩汁，鹵水汁，香辣汁總括來說，係值得試嘅車仔麵，味道好，食材質素唔差…查看更多

每次食呢間店的蛋糕都冇失望過，今次都唔例外，今次食我至愛的抹茶味蛋糕抹茶味好濃，入面有啲抹茶味嘅cream, 食落唔會覺得滯，蛋糕鬆軟另外，值得讚賞嘅係，寫生日牌啲字寫得好靚😄…查看更多

&You早餐，即係All day breakfast，班戟整到又燶又乾，冇味，舉手諗住問下個待應有冇糖漿用黎搽班戟食，態度好差，唔想理你咁。全程都係自助的，電子落單，用電子支付埋單，食物質素普通，唔值呢個價錢，冇下次…查看更多

喺海之戀行街買野，順道食個lunch，見餐牌有厚燒牛舌就唔洗諗即刻入去搵位食飯丼飯全部都包埋麵豉湯，大福，飲品廿一厚切牛舌丼又厚又大塊的牛舌，口感超豐富呀！配埋凍宇治抹茶鮮奶（加$8），大福皮薄煙韌，好滿足😋鐵板角切和牛配燒魂丼啲牛肉好硬，可能塊鐵板太熱，令啲牛肉燒到過左龍滑蛋吉列豬扒丼食落太乾，蛋唔算好滑…查看更多

喺K11 Musea黎講，呢間餐廳都算高質又經濟抵食，唔係好多餐廳有semi buffet，呢間餐廳主要食意大利菜🇮🇹餐廳環境唔錯，座位唔迫，可以同朋友一邊慢慢食慢慢傾吓偈冷盤都有唔少選擇，有翡翠螺🐚，凍蝦🦐，凍青口，凍蜆，啲海鮮好新鮮，冇沙熱盤有切牛，肉質鮮嫰仲有一個主菜，有八款可以選，但有啲主菜要另外加錢的，我地兩個人去，揀左兩款唔洗加錢的個pizza熱辣辣，好大個，食唔晒😆再食埋啲甜品，真係頂到上心口🤭…查看更多

第一次黎呢間酒店入面嘅餐廳食自助餐，抱住試嘅心態去食，竟然有驚喜冷盤有凍龍蝦🦞生蠔🦪翡翠螺🐚麵包蟹🦀，仲有八爪魚🐙三文魚🐟玻璃蝦🦑等刺身，刺身好新鮮，但生蠔好細隻，啲肉好薄，用隻叉一叉到落去時啲肉已經爛晒，龍蝦肉鮮甜，但就有啲鞋，翡翠螺大大粒，好厚肉，鮮甜熱盤有好多唔同種類嘅野食，有片皮鴨、燒乳豬、蒸魚、即切牛扒，羊架，煎鵝肝配多士等等，鵝肝味道好好，食落唔會好油膩，配埋脆脆的多士一齊食，美味到不得了😋encore 再encore🤤 ，片皮鴨啲皮好脆，食過番尋味😋最後食埋甜品，大滿足❤️ 埋單仲有8折添，好抵食👍🏻…查看更多

平日下午兩三點的時間，多數都可以唔洗等位就即刻食到。今日一個人黎食，真係快，靚，正😋👍🏻 由於趕時間的關係，由坐低到埋單唔洗20分鐘就攪掂， 快之餘又可以食到有質素的壽司😍雖然係平日的非繁忙時間，但啲壽司都可以保持水準，夠新鮮✔️ 我一個人食左五碟，加埋一埋單$82，食得好滿意+滿足❤️最近發現油甘魚的質素比以前差左，因為我本身好鍾意食油甘魚的，所以每次去都必叫，但最近幾次去食，油甘魚的口感都比以前「鞋」👎🏻…查看更多

去旺角行街，順道去呢間人氣丼飯店食丼飯。餐廳裝修極具日本風格，令人彷如置身於日本🇯🇵一樣。🌟海鮮丼🐟 有三文魚，三文魚腩，帶子，時令魚（今日係劍魚）蟹肉刺身好鮮甜，三文魚刺身大大塊，飯的份量都多🌟金龍卷🔥金龍卷係呢間餐廳必食的，店員上菜後就即刻會用火槍點火🔥，金龍卷隨即被烈火包圍住，視覺效果令人好震撼，好驚喜刺激，團火燒左一陣就會熄的，所以要拍片影相的就要快手啲喇😆🌟白桃冷泡茶🍑白桃味配清香的烏龍茶，無糖的，清清地，又可以解膩，配埋丼飯和金龍卷，一流👍🏻…查看更多

每次行過都見到有人龍排隊買糯米糍，今日星期六，中午12點，前面有大約六個人，排左45分鐘先到我。其他糕點例如砵仔糕，茶粿都唔洗排隊，直接比錢就可以了。糯米糍$36 6粒，每人限購3盒。只有花生餡，店主現場即包的。糯米糍的皮超薄，一咬開啲餡就爆晒出嚟，食落去滿口都係花生，花生好香，但因為皮好薄，冇煙韌的口感茶粿有綠豆、眉豆、蘿蔔、花生、豆沙，買返去蒸返熱少少食口感會軟糯啲有機會會買其他糕點食…查看更多

平日早餐時段黎，等左一陣就入得了。🌟豬潤牛肉芫茜皮蛋湯米粉一如既往，保持水準，專登黎呢度食都係因為呢個芫茜皮蛋湯底，個湯底好足料，好夠味，有好多松花皮蛋，可以飲晒成個湯🌟招牌菠蘿包脆脆的菠蘿包夾住煎蛋+生番茄+ 牛油，個包夠香脆，熱辣辣🌟樽仔奶茶奶茶味好濃，但甜左啲整體而言，食物質素和味道都十分好，但價錢較貴…查看更多

呢間元朗小店開左咁耐都未食過，主要賣韓國定食，小食等等。呢間店冇堂食，只有外賣，今日就叫左呢間店的外送。定食有豬、牛、雞，可以揀辣同唔辣。叫左個牛肉定食（由於本人唔好洋蔥，所以走左洋蔥）牛肉定食主食係牛肉+雜菜+菇+韓國粉絲，白飯，小食有泡菜、醃蓮藕、豆、水蛋。味道可以，份量剛好，但外送要$78，貴左啲。…查看更多

放工後約左朋友聚一聚，食晚飯，去左食之前未試過的福建菜。呢間餐廳喺元朗形點一期2樓，好近西鐵站，朋友喺港島區入黎都非常方便。餐廳的門面設計好吸睛，餐廳內的裝潢高貴雅致，座位闊落舒適，坐低同朋友一邊食一邊吹水，盡興無比。一坐低店員隨即遞上熱茶和前菜，仲推介我地食做緊推廣的海蠣菜，服務周到。餐廳剛剛做緊海蠣節🦪食品，$209 可以揀兩道海蠣菜，真係好抵食。🦪福建特色海蠣煎好似我地平時食嘅蚵仔煎，啲蠔大大粒，夠新鮮又夠多，蠔餅香脆可口，味道非常好🌟海蠣煮泗粉泗粉食落好似平時食嘅薯粉，口感軟滑煙韌，索晒啲汁都唔會好咸，加上啲冬菇同埋大大粒嘅海蠣，簡直係一流！🐟百秒黃花魚店員上菜時叮囑我地要將魚和湯一齊食，魚肉好滑，煮得恰到好處，非常好！🌟酥炒芋芯有啲似我地平時食的反沙芋，口感香脆，表面有一層薄薄的糖衣，唔會太甜 ，但芋芯略嫌唔夠粉…查看更多

午餐時間，叫外賣返公司食，叫左個粟米肉粒飯，但啲飯太硬，好彩夠多汁撈落啲飯度食，都可以食完全盒飯。杯熱奶茶茶味夠晒濃。係好正宗的茶餐廳奶茶。總括來說，要求唔高的就ok了。…查看更多

鴛鴦麻辣鍋，12月至2月有限定的羊肉湯（羊肉湯另加$20位），如果兩個人去食，其他配料叫半份已經夠晒的了，又可以試多啲款式。🌟晨州生蠔（半份）大大粒，脹卜卜，好厚肉，熟左之後都唔會縮到好細隻🌟鮮鵝腸（半份）好爽脆，好鮮味🌟嫰牛肉（半份）厚切，灼熟後都好嫰滑，唔會韌🌟鮮豬心（半份）好薄切的，口感好好，好爽🌟手打魚籽蝦滑（半份）新鮮，肉質好，夠彈牙🌟鴨血（半份）大大片，滑滑的，索埋個湯底好夠味…查看更多

朋友之前去過，話好抵食，就決定親身去試吓。星期六、日公眾假期都只係$298，仲要無限時，晚上八點後入座仲有八折添！今日聖誕節正日，一家人去左食，八點後完全唔洗等位就入得座了。上菜速度好快，一下子已經上晒啲菜了，有刺身拼盤，共有四種刺身：三文魚、希靈魚、墨魚、甜蝦，刺身都算新鮮。蠔皇鮑魚扣玉掌（即係鴨掌)好入味又唔會太咸，羊腩鍋有好多羊腩（鍋底有好多款可以揀的，例如豬骨鍋，辣雞鍋，普通火鍋嘅湯底都有）海鮮拼盤，新鮮度一般極級牛頸脊，牛頸脊油脂分布均勻，好新鮮其他配料都係自己出去任拎的，有好多款，例如：魚皮，丸，雲吞，魚雲，肥牛，鵝腸，蔬菜等等，多不勝數。另外，飲品都係自己去雪櫃任揀的。總括嚟講，每人唔洗$270就有無限時的任飲任食海鮮火鍋，真係食到飽到頂上心口😄…查看更多