mialing的個人專頁

今次係第2次黎，佢既匈牙利燉牛肉飯，奧地利忌廉芝士條無得彈 super! 約左朋友happy friday，前一晚先醒起訂位，但好在openrice book到枱，6點半，好快已經滿座，真係要訂位先好。坐左係樓上閣樓，附近食客都係女仔，好多都係青春少艾，成班囡囡都好興奮咁高談闊論，但明白細小空間令到環境非常非常嘈雜，店員都好似炆炆地（因為好嘈，落單都唔係好聽聽得清楚），所以都想食快啲走人 🫠…查看更多

好少寫食評，係真係鐘意或討厭先寫😝見呢度唔係好多post，有點可惜。首先我杯house blend flat white, skimmed milk真係好好飲！！！第一次飲到充滿層次、咁複雜既☕️🫨既有濃重nutty口感，但又帶點fruity既酸度 。問左店員呢隻house blend既豆，叫Sapphire🪩💙💎，係混合巴西同Ethiopia既。巴西既豆係帶有nutty風味（佔65%），另一款就係偏酸既（35%）。如果沖成Americano既話酸味會出啲，帶有花香［因為普遍人客都唔太鐘意酸，但如果想試既同店員講可以特別調製。］（搞到都有啲想試😃）食物方面店員即叫即整，11點半到達，只有一位店員一腳踢，所以都要等大約15至20分鐘（不過都合理啦，後來多左個店員返工，先應付到後來既客人）老公點左bagel，我只係咬左啖，bagel 烤到好香脆。黑松露煙3文魚忌廉扁意粉，意粉較幼身（I like!），al dente，忌廉汁唔太杰，有啲食完會好滯，但佢係岩岩好。周末黎小店慢活下，飲下啡，幾舒服。❤️🏖…查看更多

以前間唔中黎食船麵，今次試飯，揀左青咖哩雞飯（50蚊），等左15分鐘，其他遲我入坐既都食緊了...  個青咖喱汁幾惹味，有6舊切半既泰式圓茄子，至於雞肉呢，全部都係骨多過肉，兩舊斬半既雞翼骨，半截雞腳，一隻細雞翼尖😤 啲肉加埋都唔夠一條冰鮮雞胸肉咁多，食到一半已經係食汁撈飯。啲飯又乾又硬勁似隔夜飯。…查看更多

睇戲前得半個鐘想快食，所以叫左個叉燒飯。又估唔到佢黎得仲遲過我朋友配柚子拉麵 （試左個湯頭幾好）。唔飽加錢要隻溏心蛋，$ 49+6 加埋都仲平過幫襯佢既拉麵 🙈🙈 餐牌大大隻字寫住日本米，但係食落無咩口感，唔似食緊日本米， 濕左少少。唯獨是叉燒燒到好香，半肥瘦適中🤩🤩 大量叉燒粒加一片叉燒，小女子表示超飽，食剩左三分一既飯，因為叉燒都幾滯下，早知唔加蛋🙈 餐廳有提供三種醬俾人撈麵--蒜油，梅子，同埋一隻好咸既醬，但我照攞黎送叉燒，個梅子醬又可以中和下油膩感~~可以再戰👍 …查看更多

平日lunch time食過好多次，係九龍城性價比都算高，人均消費百多元，免加一，又坐得舒服既西餐廳。炭燒豬扒，肉眼扒食過幾次水準都幾好。一直以來，餐廳樓面職員態度正正常常，都幾nice，但今次遇著個黑面神，戴住粗框眼鏡肥大叔，朋友第一次黎，問下有咩好推介，點知好似得罪左佢咁，晦晦氣氣，答左等如無答，又落錯單，叫薯菜但黎左意粉，唔知係咪因為免左加一所以咁樣？！ …查看更多

Happy Saturday! 係隔離電影中心睇完戲唔想行太遠搵食可以黎紅煮意! 就係M記隔離既一棟大廈, 直上樓梯就係了.  如果唔係黃色經濟圈真係會錯過好多好好既小店呢~!! 無論係牛扒 American rib eye steak 5成熟 (真係做到5成熟!! 驚喜XDD ) 配薯蓉係底, 黑松露蘑菇risotto 都唔錯! <3 唯一係牛扒個sauce太多, 而且已經揀左芥末醬, 所以個sauce都係多餘左  (不過本人比較注重健康飲食, 所以如果知佢咁多汁, 會叫走汁 ) 下次係隔離電影中心睇完戲都會黎幫襯!  睇招牌原來如果係平日黎既話, 憑當日戲飛可以換一款小食!Last but not least, 支持黃店, 支持小店! …查看更多

如果唔係陪好奈無見既朋友啤一啤 其實都唔太想入黎... 武肺太可怕, 而家好怕去人多既地方...因為枱與枱之間勁迫,  間店細細間 300呎 (?) 坐左成目測30 幾40人.... D窗開曬 搞到無曬冷氣, 果時好似係10點幾11點 人多又熱又焗又嘈 (空間細回音好大, 同朋友要咬耳仔先聽到佢講野...)好快飲完就閃人. 飲左雷公淡啤 , 淡淡地幾香幾易入口既~ 300ml  三四啖就飲完  盛惠68元+1  好掛住係尖咀海傍既酒吧~  吹住海風聽live band 飲大大杯hxxgarden …查看更多

每逢周末做完尖都會黎飲杯啡醒神下, 近一年已經黎飲左好多次下~決定寫返食評熱latte水準一致, 都是本人鐘意既香+濃! 下次要問下佢地用咩豆先~! 每次都是飲熱latte, 又有拉花不過唔係次次拉花都靚haha 係有一次係天鵝拉花!!!!! 超靚! (photo below)…查看更多

好失望.由於在荃新天地附近工作, 所以LUNCHTIME也只有荃新, 如心, 荃灣廣場可選擇, 拉麵鋪更是買少見少.見佢門面唔錯, 於是極期待的去試試, 可惜餐牌睇都無睇就衝動走入去果然係無好結果, $58 加一 ----> $64, 換來一碗普通得不能再普通既"普通拉麵" (加一客港式咖哩飯). 真係激到我成個下晝都無心情做野(仲有咸到我成個下晝, 飲左幾杯熱綠茶+食糖都無用)E個價錢難食之餘, 仲無餐飲 真係不能原諒 E個價錢我唔好去食上海小籠包 / 自己烏冬/酸辣粉?! 仲起碼平佢10元添!講真我自己煮個日本出品既即食拉麵呀, 都好食過佢呀!!!真係洗錢"dum"心口.BLACKLISTps 真的覺得不值才這樣說的. 物價通漲 但質素又唔見佢一齊提高, 以後真係好睇餐牌先好入餐廳呀! 唔係洗錢"dum"心口.…查看更多