franchan17的個人專頁

今晚同朋友嚟到將軍澳食晚飯，朋友介紹左間餐廳叫湯加。佢話之前食過幾好食嘅，咁今次就跟佢嚟試一試啦！餐廳位於港鐵將軍澳站大約10分鐘嘅路程，所以都係非常之方便嘅。佢係一間主打湯飯嘅餐廳，不過亦都有其他餐可以揀嘅，例如有常餐、小菜、特色粉面等等，價錢都非常實惠，我哋嚟到嗰陣都要來排隊等，可見餐聽有好多嘅捧場客。我今次就叫咗一碗湯飯， $55包兩種餸再加一種菜，佢仲可以比你更飯或者粉面，湯底亦都有唔同嘅選擇俾你揀。我今次就叫咗豬軟骨、深海魚柳拼生菜，湯底就揀咗魚湯跟一碗嘅三色飯。落咗單冇幾耐侍應就送咗兩杯水俾我哋，等我哋可以飲住水等，但其實我哋等咗冇耐廚房就出到碗湯飯俾我哋啦。咁佢嘅豬軟骨係用一碗飯碗來裝嘅，魚柳就跟埋個魚湯同埋生菜一齊上，我二話不說就試吓佢嘅湯底係點嘅啦，一是果然係與眾不凡，飲得出佢真係用魚熬出嚟嘅，佢仲有一啲薑絲做陪襯，所以飲洛口一方面有好濃郁嘅魚味，一方面亦都有薑嘅辛辣味，非常之好飲！至於佢嘅配料亦都好好食，豬軟骨非常之入味亦都煮到好淋好唔使點咬都已經可以食到落口，至於魚柳就係一般嘅鱈魚柳冇乜特別，三色飯佢係用咗白飯溝糙米溝紅米煮成嘅，同埋佢應該係用蒸爐蒸出嚟嘅，所以飯嘅質感係適中唔會太淋或者太硬。食完晒所有配料，我飲埋成碗湯因為碗湯真係好好飲！餐廳其實都有白飯可以免費追加嘅，不過我今次飲晒碗湯個肚都好飽啦，所以就冇再添飯。下次嚟食我都想試吓佢其他嘅小菜，睇落都應該係好好食嘅！…查看更多

平時都冇咩去食大快活，今日放工成八點幾就去大快活食晚餐。餐牌都係嗰啲菜，但係見到新出左鐵板餐喎佢有兩款嘅一款係集扒餐一款係牛扒餐咁我就揀咗一款叫做海陸空雜扒鐵板餐，佢包左炸薯餅，蒜蓉包，羅宋湯同埋一杯嘢飲，價錢都係$56咋。非常之抵食！呢間大快活嘅店員非常之友善，比完錢就叫你坐低等送餐到，送到餐又會同你講返個餐係咩，仲爭啲咩嘢，仲問你夠唔夠食啊。非常之有親切感，可能只係一啲細舖先可以有咁嘅服務。上到嚟個餐真係滿晒成個鐵板喎，全部都係足料嘅，淋上黑椒汁塊板即刻渣渣聲非常之有滿足感。詳細啲講返，佢有一塊炸魚柳、一塊煎雞扒、一塊豬扒同埋有一條司華力腸，仲有一啲配菜其實真係超級抵食。食到差唔多9:00 ，成間大快活剩返我哋兩個我哋都發嗱嗱聲就食晒枱上面嘅嘢食，廢事阻住人哋收工啦。…查看更多

呢間雲貴香係新開嘅，原舖呢個位置好似係食台式嘢食，咁既然新開就一於試吓佢嘅味道點樣啦。餐廳嘅入口只得一個就係喺商場出面嘅入口，所以即使有啲枱係擺咗入商場入面，你都唔可以就咁行入去，對於食客來講就有少少唔方便啦，希望餐廳可以改善一下出入口嘅位置。:(講返雲貴香嘅餐牌咁其實佢都有好多款選擇嘅，大概有12種唔同嘅湯底俾你選擇，比較少見嘅係有黃花魚米線，倉魚米線，海鱸魚米線咁樣嘅，不過價錢就有少少貴要60幾蚊。咁我今次就嗌左一碗小窩米線再加腩肉，豬軟骨同埋嗌咗小辣。上到嚟，碗麵嘅份量都唔少，配料亦都唔算好孤寒豬軟骨同埋腩肉都有幾舊左右，佢仲有啲芽菜蔥韭菜咁樣所以嚟到碗麵都係幾香嘅，講返味道先，碗面嘅湯底唔算好鹹，因為我帶咗小辣，其實都有啲辛辣嘅味道嘅，佢以香為主，但又唔算太濃，所以食完之後都唔係太頸渴。米線嘅質感其實都幾好嘅，唔太林又唔太硬。所以整體來講碗米線都係可以接受嘅，算係喺平均以上啦。咁餐廳呢其實都有下午茶優惠嘅係2:30開始去到六點就話可以以優惠價加一杯嘢飲，但我哋今次嚟到係午市時間咁所以就冇得用呢個優惠價嗌多杯嘢飲啦。佢亦都有自助水吧比你自己去斟水嘅，服務員嘅態度都好好，所以整體來講呢間餐廳係可以再去食多幾次，下次我想試吓佢嘅魚米線，唔知係點樣嘅味道嘅呢。…查看更多

今次嚟到觀塘工廠區食晚飯，呢間餐廳係朋友介紹嘅所以要佢帶路我先識得行上去，佢冇乜招牌所以係比較難搵啲嘅，要識路先可以搵得到呢間餐廳。餐廳有三個set Menu揀，我哋一人四行就揀咗一個四人餐，盛惠$1088 ，佢包左每人一碗餐湯，凱撒沙律，可以喺四款Pizza或者飯入面揀兩款，仲可以喺四款主菜揀兩款，最後每人都有一份甜品同埋餐飲包嘅，呢個套餐係要加一㗎。咁我哋今次今次就揀咗一份煙三文魚薄餅同埋茄汁海蝦意大利麵做為麵食，主菜我哋就揀咗炭燒安格斯西冷牛扒同埋日本鹿兒島黑豚肉扒。落完order冇幾耐，侍應就送上左一份麵包同埋芝士條俾我哋做餐前小食或者用嚟送湯食嘅，麵包係有少少提子乾碎係入面嘅，食落係有微微甜但不過都幾好食，芝士條佢係烘過嚟嘅，咬落卜卜趣。當晚嘅餐湯係南瓜湯，佢煲得到好綿滑，入口即刻sir左入個喉嚨度，非常之滑。嚟到麵食，第一份上嘅就係茄汁大蝦意粉意大利面嘅硬度都算適中，有咬口，蝦嘅份量都唔少，可以每人一人一隻。第2分上嘅菜就係Pizza，佢係薄批黎，烤到個底好脆，周邊係有少少焦香嘅， Pizza上面嘅餡料都好足，有啲沙律菜煙三文魚同埋一啲蛋黃醬，都好惹味。之後就上主菜啦，我哋塊安格斯牛扒叫咗五成熟，但上台嗰陣切開，係有明顯有少少過火嘅，同埋有少少乾。:)但塊黑豚肉扒就超出我嘅預期，佢煮到塊豚肉扒切開嗰陣都係有肉汁嘅，咬落口仲好嫩滑，配菜同塊牛扒都係一樣，有焗薯，沙律菜，同埋一碟嘅醬汁。麵食同埋主菜食完，侍應就上埋今日嘅甜品，係朱古力窩夫嚟嘅，呢個窩夫外貌不揚，原來切開咗係有一球雪糕塞左入個窩夫到嘅，所以食落去係非常之有口感，朱古力醬都非常之濃郁，唔會太甜，味道係適中可以接受嘅。總結來講今餐整體嘅食物質素都係水平之上，但價錢就略為少少貴，下次可以儲多啲錢再去食過。…查看更多

行開觀塘唔知食咩，就想OpenRice search下睇吓附近有啲咩嘢食啦，一search有一間叫做粉紅水門雞喎，都唔知佢食咩嘅個鋪名咁奇怪，一打開個餐牌件價錢都算合理同埋啲嘢都啱食嘅，所以我哋就去試吓佢究竟係點樣㗎啦。成間舖頭就係得三款嘢食嘅價錢都係一律$36 ，佢有粉紅水門雞飯，正宗滷水豬手飯，同埋Grandma咖喱牛腩飯，咁另外佢都有兩款嘅小食，有木瓜沙律同埋芒果糯米飯，價錢都係$20樓下。嘢飲方面佢有五款選擇嘅，有檸檬薏米水、陳年金橘蜜、汽水、冷泡白桃烏龍、同埋炭培烏龍。我哋兩個人就分別叫咗水門雞飯同埋滷水豬手飯，同埋一杯嘅檸檬薏米水。飲品上你速度好快，落完單冇幾耐侍應就俾咗杯薏米水俾我哋啦，佢呢杯嘢飲似係自家製嘅，同埋都見到有一片檸檬同埋一啲薏米係個底味道都好濃郁唔算太甜，係可以推介嘅。講返煮食個方面我自己就買咗豬手飯，佢呢除咗豬手係仲送埋一隻蛋俾我嘅，豬手都算幾入味嘅，有肉有皮 咬落啲肉係唔算太鞋嘅，盡量都算OK。朋友係嘅水門雞望落啲雞度好靚仔，油光十足，同埋佢送嘅飯係由返同我嗌嘅豬手飯嘅白飯係唔同㗎 ！順便一提，餐廳用嘅餐具同埋飯盒都係一次性嘅，所以就唔算太環保啦！不過整體而言，喺觀塘區用$36食到一盒好味嘅飯實在係難得，如果下次經過附近我都會再試下佢其他嘅食物。…查看更多

鐵火堂一向都係以抵食見稱嘅，所以今日行過尖沙咀區就去佢喺厚福街嘅分店再試吓佢啲壽司飯啦。今次我食嘅就係佢藍鯨吞拿魚再加四款刺身嘅套餐啦，我揀咗油甘魚、赤蝦、火炙左口魚邊、穴子，上到枱，可以見到碗師範係非常之豐富嘅，刺身係鋪滿花面望落去係非常之吸引，啲魚生食落去係好新鮮，一啲雪味都冇，可以讚嘅係佢嘅火灸左口魚邊係非常之充滿油分，咬落口係非常之甘香嘅，又香可以持續喺口入面幾秒都唔散，值得一讚！至於赤蝦，都係非常之新鮮，咬落口氣爽甜嘅，如果分量多一隻就好啦！至於其他嘅赤身都不過不失！除咗壽司飯佢仲包左一碗嘅麵豉湯，碗湯都應該同市面嘅冇咩分別，所以就唔多講啦。同埋可以提一提嘅就係你嘅壽司飯同埋白飯都可以免費添加所以你覺得唔夠飽嘅話都可以隨便叫店員幫你追加白飯㗎 ！…查看更多

同朋友嚟到太子食下午茶，我哋揀咗一間門面都算幾靚嘅Cafe，試吓佢食品嘅質素同埋用餐環境如何啦！我哋今次叫軟殼蟹滑蛋吐司、番茄牛肉碎意粉、芋泥山，就當聚一聚舊同埋放鬆一下啦！吐司上台嗰陣係非常之震撼嘅，因為軟殼蟹同埋吐司係迫爆咗個紙盒，完全唔夠擺㗎 ！我哋要好小心咁將隻軟殼蟹同埋吐司瞓低，然後切件嚟食。軟殼蟹炸嘅時間都非常之合適，唔會太乾，但有保持到有水份嘅，吐司都有明顯處理過，一來我哋見到吐司皮實係印有餐廳嘅名，二來佢嘅麵包面上都係用蛋汁來烘過，食落去係香脆嘅！佢仲配有沙律菜，都係非常之新鮮好食㗎 ！第二款想嘅就係蕃茄牛肉碎扁意粉啦，賣相非常之吸引因為我哋見到啲意粉係沾滿牛肉碎睇落非常之好食，食落口意粉嘅口感都叫有蛋啦，唔算泰林，醬汁都非常之夜魅，有濃濃嘅牛肉味同埋番茄醬嘅香味，所以冇幾耐碟意粉就俾我哋清晒啦。甜品方面我哋叫咗一款叫芋泥山嘅食物，上枱嘅時候佢係一條一條咁嘅，望落十足似一團麵團，完全唔知佢原來係用芋頭唧成一條一條咁樣嘅。食落口係非常之充滿芋頭嘅香味，同埋又唔會太制甜度適中，一樣啦冇幾耐又係俾我哋食清光啦哈哈！講講餐廳嘅環境啦，一入門口已經feel到間餐廳係充滿日本嘅色彩，佢用上木系作為主調，喺店嘅中央仲擺咗一棵大樹，整體嘅用色偏白，非常之光猛，除咗座位以外，佢都有三張嘅榻榻米嘅枱俾人去用餐，不過我哋今日就冇機會試啦，下次嚟到可能要早啲book位試下。…查看更多

都食過德美好幾次，品質一向都咁穩定 咁有保證今日去食午市，試下佢其他魚生飯餐廳要自助㩒飛攞位，唔洗5分鐘已經有位，侍應叫左我地坐新裝修好嘅區域，環境都好乾淨光猛，坐落好舒服我叫左個北海三色丼飯，有三文魚、油甘魚同帶子，未上主菜前店員先送上沙律，相比以前少左塊煙三文魚，但味道一樣好食，夠開胃無耐魚生飯就上枱，賣相吸引，魚生滿滿蓋過飯面，未食都已經流曬口水，不得不提佢啲壽司飯 係有加味素同香菇落去整，所以係好香，我清曬每一粒飯食完店員就送上芒果布甸，為呢餐飯劃上美味嘅句號…查看更多

因為屋企有幾百蚊嘅美心集團現金卷，唔係好想食中菜，所以黎左又一城嘅EXP食下西餐我地一行5人，因防疫規限要分2枱坐 好彩好快等到兩張連住嘅枱EXP係正溜冰場隔離，佢又有開方式廚房睇人整pizza，又有bar枱，所以環境黎講係幾chill嘅講返野食，今次叫左兩個pizza，一個係肉丸，一個係巴拿馬芝士，兩個都係即叫即整，夠新鮮！如果要挑剔少少，就係可以再焗耐少少，咁就夠曬脆口！跟住叫左個韓式炸雞石鍋飯，賣相相當靚仔，味道都唔差，如果炸雞份量多少少就更好啦！軟殼蟹意粉估唔到佢會原隻軟殼蟹上喎，上枱時仲係新鮮熱辣，卜卜脆，意粉都有咬口，唔會太硬或太淋，味道方面可能落左少少辣，所以食落有啲刺激 不過係好食嘅水牛城雞翼味道同出面食差唔多，都係好味道好彩有現金卷賣單 唔係嘅話價錢都有少少貴…查看更多

星期日同屋企人行開沙田本來諗住係沙田食埋晚餐先返屋企，諗黎諗去唔知沙田有咩好食就開OpenRice見到和氣食堂排第一喎，之前食過佢黃大仙嘅分店，就決定今次試下佢啦餐廳位置唔算方便，沙田圍站C出口再要行10分鐘先到，餐廳門面唔算大，我地一行5人等位都等左大約半個鐘一坐底侍應好快就送上餐牌同熱茶，佢有實體menu不過落單就要scan qr code落，我地嗌左10樣野，上菜速度都好快天婦羅盛合7件天婦羅入面，有2隻蝦同南瓜，蟹棒、矮瓜、甜薯各一，炸得都幾酥脆，唔會太油，好食！電擊雞翼見個名咁得意 價錢又唔貴，就嗌左黎試下 哈哈，上枱個時見仲未知佢係咩味道，只見佢係有一層閃令令嘅野包裹住食落口？咦？係凍嘅？同埋係甜嘅？原來個層閃令令係麥芽糖黎嘅，幾好味，不過就有少少硬整體黎講用餐體驗同其他野食都唔錯！…查看更多

星期日同朋友去新城市廣場食個靚午餐，朋友二話不說就建議去食永年車仔麵，我見好耐都未食過就試下佢啦我地12點幾去到已經見到門口排滿曬人，4人枱要等10張枱，無計，都要等期間研究下佢個menu原來比已前嘅永年多左好多選擇，並唔再係賣車仔麵咁簡單，有常餐、鐵板餐、小菜、滑蛋飯、蛋撻等等嘅選擇，果然現今要求變先有出路呀下研究餐牌完無耐就有位坐啦，佢安排左我地坐係商場通道側根嘅一張枱，所以行商場嘅人係可以零距離咁望見你食野架，哈哈餐廳要scan QR code落單，咁我就揀左男神麵套餐，配料有牛柏葉、牛肚、豬腸、牛丸、牛腩、蘿蔔，都幾大碗下，最鍾意食佢嘅牛肚，夠入味又夠爽口賣單連加一盛惠97蚊，下次想試下佢嘅鐵板餐…查看更多

睇到YouTube channel介紹同埋網絡上對位於西九龍中心美食廣場嘅全日雞實驗所好評不絕，一於去試下係咪真係咁好食全日雞實驗所嘅重點出品就係溫泉海南雞，既然淨係賣一味 水準應該好穩定，所以我都有好高期望餐廳位於8樓美食廣場最後一行位置，未見到招牌已經被等緊你攞餐嘅人群吸引住，心諗 係咪真係咁多人食呀？全場都無人等，唯獨佢一間迫滿曬人，人氣認真犀利！去到店門掛住籌號已派完，心諗 食飯都要攞籌 仲要中午12點幾已經派完？係咪咁誇張？再問一問原來每日有限額嘅，除左攞籌，仲有少量可以即場買嘅，不過就要等，心諗既然黎到就等下由買餐去攞餐差唔多要一個鐘頭，熱辣辣油飯配油令令溫泉雞終於都上枱啦！急不及待食一啖飯，入口感覺啲飯濕左少少 但香味十足！再試試舊雞，入口有啲雪味，入口溫度適中 真係好似浸完溫泉嘅溫度咁，雞肉都好嫩滑，食埋雞皮都一啲都唔膩套餐仲包埋湯，烏龍茶同醬油見到店外貼住7月初全日雞會暫時告別，唔知會搬去邊同埋有咩新搞作呢？期待！…查看更多

牛極一向比我嘅感覺係抵食，因為一個價錢可以鋸扒之餘又有任食沙律、白飯、牛肉湯，另外仲有醬料任點，仲要免加一添，所以今日晚餐再次去食牛極，試下OpenRice 最多lam lam脷嘅長沙灣分店一入門口店員已經準備好幫我探熱，填安心出行，又示意我可以坐低諗好食咩先去自助點餐機買野食，服務幾好！餐廳餐單一目了然，有6種牛選擇，再揀返自己想食嘅分量就ok我今次食最平嘅牛肩排180g $80，再講多次，呢個價錢係已經包左扒、飯、湯、沙律、醬料，所以係非常抵食！出去自助區諗住畢湯飲，點知個煲無曬湯，喊出黎，示意店員補充，無幾耐就fill返滿，速度好快！畢完飯同沙律返返埋位坐低，牛扒就已經準備好上枱，good牛扒預熱一成熟，放係塊熱石上面加熱煎，自己想食幾食熟就煎幾成熟，同埋佢好貼心嘅係會有一張廚房紙拮係塊牛上面，咁就唔怕啲油彈到周圍都係，另外店內都係有圍裙提供的牛肩排肉味濃，肉質結實，配埋枱面岩鹽同牛肉汁點黎食一流，塊扒剛剛好送到一碗飯，哈哈除左牛扒，我覺得牛肉湯都係牛極嘅一個鎮店之寶，事關佢嘅牛肉湯似羅宋湯非常開胃兼飲完一啲都唔口渴，湯嘅材料都唔孤寒，有用紅蘿蔔，白蘿蔔，同埋牛肉去煲，難怪飲完一碗又想飲一碗今次嘅用餐體驗非常好，食物好食之餘環境又舒服，食完店員又唔會趕你走，btw下次想試下佢嘅亂切牛扒，期待下一次再食！…查看更多

星期日想飲茶食下點心，見OpenRice呢間籠太都有唔少好評 一於試試佢籠太子地理位置都算方便，太子站出行5分鐘左右就到，我去到嘅時間大約1點半 店外已經有十零人等緊，不過有啲係等外賣 所以好快就有位坐低無耐侍應遞上碗筷同茶，速度都算快佢地用嘅係玄米茶，一早沖左係個壺度，啲茶好香，茶錢都只不過係$3我地嗌左雪山叉燒飽 紅油抄手 鮮竹卷 春卷雪山叉燒飽外皮酥脆，內餡都有唔少叉燒 無乜空氣感，誠意之作紅油抄手啲辣油唔夠辣，無乜味，上菜時亦唔係好熱，有改善空間鮮竹卷有上湯浸住，都算好食春卷明顯係新鮮炸起 上枱食時都仲脆卜卜，長度有食指咁長，餡料略嫌少左啲，不過都收貨埋單$140，免加一，一句講曬：好食兼抵食！下次會再黎！…查看更多