kklovekeung的個人專頁

聽D同事講話呢間安安燒嘅芝士麵好食，之前食佢筲箕灣分店都無食到, 所以今日收鋪後就落黎試下佢。夜晚成11點半都要等位應該係有D計，等左陣就俾左個近門口位我地。我同條女叫左D串燒，都係一般野，係夠香口夠濃味既，鍾意啤啤佢既就o岩晒。不過佢個芝士蒜蓉麵的確係好食嘅，D芝士汁夠食有凸，加埋蒜蓉撈埋一齊竟然勁夾，芝士汁既芝士味係濃到你無辦法唔鍾意, 應該落足料.而且個麵底煮得唔錯, 唔太淋又唔太硬, 出前一丁其實都有分煮得好唔好食的!食一碗都夠晒飽, 當dinner 正餐食都得.芝士迷一定會再黎!~…查看更多

夜媽媽居然想食宵夜飲茶喎, 就渣車去觀塘搵朋友啦.之後朋友話附近居然有間新開仲有夜茶飲,所以就去試下啦.傳統點心選擇呢就唔夠一般茶樓多喇,不過就勝在夠創新~叫左個蜜瓜脆脆卷,黑松露雜菌餃,芋泥包,同埋叫左d蝦餃燒賣咁.夜媽媽好似唔飲酒爭緊d野咁,雖然話想飲茶姐,其實都係想食點心,所以就叫左個咩愛沙利亞手工啤酒~蜜瓜脆脆卷:雖然青bb,但係真係幾好食,係用米網紙包住d牛奶同蜜瓜汁,咬開果陣d餡慢慢流出黎,又甜又脆,幾過癮~黑松露雜菌餃:個餃皮好特別,唔係密封既白色,反而係透明既,裡面有冬菇,雞脾菇甘筍咁啦,加埋頂頂果d黑松露碎,真係幾香幾爽芋泥飽:外表就平平無奇,不過裡面真係又香又滑, d蓉好似熱既芋頭雪糕咁, 好好味蝦餃燒賣:無咩特別,傳統點心,都係整得好味既,因為熱辣辣上檯,仲好似係即叫即蒸食住熱辣辣既點心,配凍冰冰既啤酒, 真係你都咪話唔爽, 仲好夾.特別係夏天,真係涼透心食完d點心我地仲見到有甜品食,所以就叫左個千層薑汁糕同埋燉鮮奶.千層薑汁糕:我呢就唔太鍾意食薑既,不過朋友叫到就即管試下啦,點知個糕香甜得黎又唔會太辣,仲有薑味,真係幾好食,我諗鍾意薑既朋友會更加鍾意呢個薑汁糕燉鮮奶:係幾滑既,不過淨係得凍既,如果有得簡熱既就更加好同埋甜品好似少左d, 不過似始終唔係糖水鋪,係好唔錯一應俱全嫁喇.…查看更多

雖然熱辣辣..但係突然好想食雞煲..咁岩又係山林道..又咁岩比我見到間新開既雞煲..環境又好似唔錯..所以就去左啦..裡面係幾好坐既..不過冷氣就好似大左d..怕凍既朋友如果黎食就記得著返件嬲..咁我地就首先叫野食啦..大家都唔係好食得辣既就叫左個秘製小辣雞煲..其實小辣真係唔係幾辣..我地幾個唔食得辣既都接受到..仲幾惹味添個醬汁係好味既..又撈得夠勻勺..酸酸地辣辣地幾開胃我見佢menu話可以一煲簡幾種唔到辣度..好似幾體貼..不過咁岩我地幾個都唔係好食得辣就唔洗叫唔同辣喇..我地仲叫左個智利蜂蜜手工啤..生啤係真係唔同d既,,味都raw d..加埋少少蜂蜜味真係幾過癮..一啖雞一啖啤酒..真係好爽!!可能黎之前食左少少野..所以食完個雞煲已經飽飽地喇..之後我地就叫加湯..食少少打邊爐啦..我地叫左個珊瑚蚌..同埋d菇呀丸呀花腩片咁..我地係單鍋所以淨係簡左個豆腐牛奶湯..係幾滑幾有奶味既..豆腐都係好滑..珊瑚蚌幾新鮮啦..菇既份量好多..花腩片唔洗講..點都好味希望下次有機會食多d火鍋啦…查看更多

一向對放題都無乜期望, 呢間算係ok 啦.三文魚剌身, 帶子剌身, 鮑片剌身, 唔算得上鮮甜, 但放題黎講算唔錯.燒野類:牛舌夠腍, 夠入味;肥牛, 牛柳粒有牛味, 而且口感都幾好;豬頸肉都算爽, 但無乜味;羊肉粒, 有羊味得黎唔會太羶, 同埋d肉都幾嫩;桂花糕有少少桂花香味, 甜甜地, 幾好.…查看更多

店子不大, 約30個座位.但可能樓底高, 所以感覺不太逼.等位約等了10分鐘.點左大概8樣食物.落單時店員推介是日海鮮,手掌咁大隻扇貝.於是每人點左1隻.扇貝真係超鮮甜, 落左少少蒜蓉吊味, 好味, 而且真係好大隻.燒牛舌唔算大串, 但好入味.燒四季豆, 無乜特別, 略嫌唔夠味.燒生蠔, 都係蒜蓉吊味, 夠肥美鮮甜而唔腥, 唔錯.燒餈飯, 無乜特別, 都係餈飯一個.可能剛剛開張, 落單有少少混亂,黎左幾次唔係我地點既野食.希望可以改善.…查看更多

睇完戲, 餓餓地, 決定食野!土司工坊成日見, 但其實係第一次食.叫左個肉鬆厚吐司, 煎蛋, 凍奶茶.肉鬆厚吐司, 等左好耐先有得食, 話係因為要慢慢烘烤, 不過係幾好味, 牛油香, 再加烘後既脆香, 吐司上面佈滿肉鬆, 加埋煉奶, 食到人好開心.煎蛋都唔錯, d蛋係有蛋味的, 算係咁.…查看更多