stephveve的個人專頁

今日行過見多唔使排隊，終於試到啦！江戶前天丼 ($138)最欣賞佢熱辣辣，一定係啱啱炸起！星鰻新鮮肥美，勁大條！蝦就細隻左d, ok 嘅。d 白飯好香，蛋係流心亦都好香。缺點係d 汁，太稀啦，搞到d 天婦羅有d 淋。建議d 汁煮「傑」d, 咁就perfect 啦！ 呢個價錢，我會再黎。…查看更多

呢度嘅蛋包飯雖然不差，但我好感受到成間野就係一個字 「頹」。殘舊的店鋪，十年前貼到黃哂嘅獎狀，再加上烏眉瞌睡嘅staff, 想問你，你想點？蒜香和牛蛋包飯 (跟餐+滑蛋$140) 成個感覺一d 日本味都冇，似係食緊中式蒜香牛柳加左隻茶記滑蛋。其實飯係炒得唔差嘅 ,有鑊氣。不過牛柳真係好UN! 蛋係好靚仔，但冇蛋味。呢個價錢就買靚少少嘅啦！白汁有d 水準，好香，不過配中式牛柳有d 唔夾。芝士無骨雞翼 ($68)敗筆之作。好乾，冇芝士味。最後：跟餐的超級迷你可樂，真係太寒酸啦。…查看更多

我係銅鑼灣食過幾間炸雞，全部都係鞋鞋地，呢間都唔例外。我揀左蜜糖味同甜辣味，我覺得蜜糖味好食好多。食烤雞，點解要撲d 粉？你又唔係炸，個皮梗係唔脆啦，咁點解唔直接炸呢？會健康幾多？ 唯一可取之處係個蜜糖汁同芝士都係好食嘅。建議大家食呢個要將d 雞擺落芝士到煮幾分鐘先，熱d 好食d.辣年糕拉麵：飲啖湯，個味係心目中嘅韓國味！喺我滿心歡喜去夾下面嘅辛辣麵嘅時候。。。。佢竟然係粉絲？？？？你是在作弄我嗎？？不過下左啖氣，發現呢個麵煙煙韌韌都幾好食嘅。終括：公道嚟講，雖然我好挑剔呢間野，但so far 係銅鑼灣之中食過最好嘅韓式"炸雞".仲有，佢個景好靚，帶女朋友黎一流！…查看更多

經過見到咁多"金賞", 成間鋪都貼哂，不禁令我諗起北韓官員胸前嘅一堆獎牌。心諗，唔好吹水，好唔好食先？炸雞：一咬落去，真係好脆，啱啱炸起好熱。一句講哂，好食！佢除左茄汁，冇其他醬比你，不過就咁食已經好好。佢全部用雞脾肉，所以好juicy.薯條：唔係話好驚喜，不過係好食嘅，唔錯！唯一嘅缺點就係等左好耐。不過呢個質素，我唔介意等。最後我想講，其實炸一隻雞，成個過程只係撲d 粉，擺落去炸，炸得好食唔係應該架咩？點解我屋企附近嘅kfc 你咁唔爭氣，可以又貴又咁難食？我以後行遠d 都唔會再幫襯你，我喺呢度食都係食左$39 蚊 一個餐咋！…查看更多

手工麻香麵線（$48)一放低，個樣真係好靚，對佢充滿期待。一擺入口，完全唔係想像中嘅味道，完全唔得。麻油唔香，撈埋d 西芹粒同薑碎，滲出淡淡嘅苦味。d 薑仲要起渣。加埋兩舊好硬嘅西蘭花同好普通嘅鹵蛋，成個combination 真係不得了。千奇唔好比佢個靚樣呃左。麻辣涼伴牛筋（$48)個調味幾好，幾香。可惜d 牛筋切得好碎好碎，有青瓜絲咁碎。好好地一條牛筋就咁嘥曬。鹽酥雞（$48)當我對呢間野就黎絕望時，呢個鹽酥雞就挽回少少分數。放入口幾鬆脆，d 雞肉幾冧，咬落去有d 汁。好過平時去開嘅台灣餐廳。魯肉飯（$28)d 魯肉肥瘦適中，有d 肉鬆，幾好食。不過魯肉比得太少。呢個ok 啦番茄蜜凍飲 ($36) & 紅豆鮮奶茶（$35)番茄蜜非常推介，唔會死甜，微微嘅番茄酸味，仲有少少花香，成個配搭好好。紅豆奶茶都幾好飲。結論：真心唔明點解條隊咁長。食野就不會有下次架啦，幫襯飲品就ok 嘅…查看更多