Yuenn*:)的個人專頁

今日經過荃灣，諗住求其食個tea。本身叫咗一碟肉絲炒麵，同一碟黑椒豬扒炒意粉，上枱時，成碟肉絲炒麵跌咗落張枱度，個waiter竟然用碟意粉兜返起個肉絲炒麵，放返上嚟諗住俾我哋食，跟住鬧佢換過碟，然後佢同事將碟肉絲炒麵，拎咗入廚房再整靚仔啲攞返出嚟！跟住我話，成碟跌咗落枱面，仲好意思攞返出嚟？我叫佢換過豬扒飯比我，仲好似十萬般唔願意，一句唔好意思都冇，仲要係幾個侍應都係咁態度，如果想食到肚痛就歡迎過嚟挑戰吓呢度啲衛生。真心痴線！！…查看更多

19:15叫外賣，門口有長龍，然後店員話需要等30分鐘，既然一心想試，就等下啦，19:40再返去等，等多陣又未有，門口店長話就有，咁再等，愈落愈大雨，呢餐我足足等左55分鐘呀😑我覺得如真係要等成個鐘，要一早同客人講，而唔係時間安排得咁差。拎到返屋企食，個3+2撈檬真心一般所有餸都係碎濕濕，而春卷同雞翼係ok既，四寶蕃茄湯都係正常既 ，無一樣特別出色。時間安排太差，食物唔特別出色，價錢亦都唔係特別平，等左咁耐，不停話好快啦好快啦，寧願退錢都無咁嬲無下次…查看更多

因為另一間黑山羊米線執左所以就試下呢間 一入去就已嗌黑山羊米線 凍檸茶啦跟住坐低無一分鐘個姐姐叫我坐個位比佢擺返d野入去但當然唔係好full 一半人都無Ok 我諗住由佢 之後佢好快出左碗米線然後米線一放低個姐姐就拎走我個位既酸菜我o左咀 早唔拎遲唔拎係都要放低左碗米線時加酸菜 好 我都忍住 等佢加完比返我 跟住我開始食左兩啖米線竟然同我收錢 話咩$60??我出聲鬧佢哋我淨係想坐低食碗米線唧食緊野叫個客比錢？到底要我讓幾多次？然後我食到成肚氣比完錢就走 重點係，另一間好食十倍:(…查看更多

今日放左工係附近見唔係好肚餓就Search到呢間小店就入去試下位置有d難搵 係巷仔入面但值得搵下既 因為有驚喜發現😍試左5隻湯既章魚沙角紫菜豬肉餃🐙同5隻煎既芝士薯仔粟米豬肉餃🌽個人比較喜歡章魚湯餃皮滑同唔太厚 而且湯又好好飲唔會愈飲愈口渴😂再點埋隔離個辣菜甫真係又開胃又好食😋😋😋而芝士餃亦煎得岩岩好唔會好油膩同煎得太燶芝士味亦都岩岩好🤤因為我一個人食試唔到太多味下次帶埋同事黎一齊再試下先😊…查看更多

今日去試下呢間日本菜首先叫左d串燒黑豚腩串, 雞肉串同茄子串各兩串個人比較鐘意茄子串好juicy😋之後叫左個芝士玉子燒入面d芝士仲溶緊咖蛋香亦都好重 同芝士味好夾😍另外仲叫左個海膽松葉蟹黑松露炒飯呢個炒飯超香同份量十足加埋海膽真係prefect呀🤤…查看更多

疫情令到只可以係香港食酸菜魚同朋友見到荃灣呢間新開既川菜就BOOK左試下入餐廳之前會有個待應幫我地量體溫同埋俾紙袋我地放口罩 同埋提供消毒搓手液呢個貼心既行為令我對餐廳加分😇👍🏻上到餐廳 職員好快幫我地安排好位置😎見到餐廳係九成滿座打開Menu見到最想試既酸菜魚 $268😍😍😍佢有辣度揀既 噤我就揀左微辣上枱既時候仲係熱辣辣而且好大盤D魚肉好滑而且份量唔少另外其他配料如酸菜, 芽菜, 豆卜等等..份量一樣都好多而且我本身唔係食得好辣佢個微辣真係岩岩好 唔會辣到要不停飲水😋太肚餓既關係叫左個臘肉菜粒炒飯 $78臘肉既煙燻味好香好濃 份量十足米飯炒得岩岩好 唔會太乾 粒粒分明🥰麻婆豆腐 $88豆腐好香口好滑仲好多肉碎但由於個炒飯太惹味建議個豆腐送白飯會比較出色😜炸饅頭 $38呢個炸饅頭係見到之前既食評極力推薦😍無論幾飽都要試下既點知真係勁勁勁好食!🤩🤩外面幾脆入面又唔會太乾配埋個煉奶真係prefect以為食唔哂6個 點知幾飽都食得哂🤤最後仲送左兩粒糯米磁俾我地🥰…查看更多

本身想係旺角快趣食個米線見呢間平平地未試過就去試下啦點知係一個大伏！🤬🤬🤬唔好以為係芽菜，係米線黎！黑色碗成碗都係！🙄🙄🙄睇返評分都見到有人有呢個問題。好啦，噤自然同個待應講個高既男仔待應無收過我碗野😐無應過我一句，直接同廚房話個客話d米線唔熟喎~~跟住廚房就講左幾句好似唔多信佢再俾多碗米線我完全同我一句說話都無講過就噤放低就算🤷🏻‍♀️最後當然無食啦 真係唔知d𡃁仔會唔會加料😪…查看更多

上網見到屯門有pancake食滿心歡喜地去試下我地十點三去到要留電話話可能要等成45分鐘就到打俾我 好啦 噤我同朋友去食住其他之後十一點我地準時到叫左一個焦糖脆脆可麗餅，一個pancake焦糖脆脆可麗餅$60 其實味道ok的但份量唔多 我地好快就食完十一點三送到，之後一直等期待中的pancake到十一點九都未到，朋友去問下但問到個唔係好知我地坐邊既員工:(噤我再去搵幫我地寫單既員工佢就話"出緊咖喇其實"嗰下我當堂呆左排隊45分鐘，再等多50分鐘先有得食個pancake?仲要噤既態度，幾好食都係假啦？仲要個pancake好似食空氣唔係難食，但$90 1d都唔值仲要受氣！…查看更多

禮拜日先黎落雨:(不過可能係落雨關係 竟然唔洗等位一直以為呢度好細 但原來出面有個小花園噤坐低左就叫左亞朱媽年糕多士和雪糕大戰紫薯仲有燒手肉韓歌飯卷好👍🏻中間有芝士，牛肉同蘿白絲味道出奇地夾👍🏻👍🏻 可能係紫薯關係，呢餐飯飽到兩個人都食唔哂！下次有機會再亞朱媽年糕多士和雪糕大戰紫薯下次有機會試下其他…查看更多