msssk的個人專頁

好奈無堂食啦！！！一早已經Book mark左旺角店Thaiology今日終於可以去試啦~餐廳環境好寛闊，東南亞風情裝修配上大玻璃，卡位頗舒服🌴🌴。侍應都好有禮貌❤️。 泰式沙嗲 ($48 / 2pc)十分推薦依度嘅泰式沙嗲，我地叫左雞肉同豬肉兩款，串燒表面焦香，肉質滑嫩仲有肉汁🥰。咖哩軟殼蟹($208)咖哩軟殼蟹亦相當吾錯，有4隻軟殼蟹，相當足料，仲有配好多蔬菜。而且個咖哩汁好香，用黎送飯一流🍚。蒜蓉炒通菜（$88）略為偏咸，勝在夠煱氣🔥。芒果糯米飯($98)糯米飯配泰國水仙芒🥭，泰式味道即時重現！原個鮮椰青($64)清甜解渴，食泰國菜必叫🥥。下次黎可以試埋依度嘅二人餐，睇餐牌似乎吾錯🤩。…查看更多

鐘意食台式麻辣火煱嘅朋友，我相信都會聽過「麻神」依間餐廳。又再去到尖沙咀店，今次我地點了海鮮二人餐 $888。今次一樣咁有水準。麻辣湯底吾會好辣嗆口，帶有淡淡藥材味。依度其中一個賣點係湯底都可以飲，湯底吾油膩，味道一流。🥰小食椒鹽豆腐粒炸到金黄色又香脆。我仲用黎沾辣湯食，幾過癮。海鮮拼盤內有2隻南非六至八頭鮑魚、2隻紐西蘭蟶子皇、4隻紐西蘭刀貝、6隻蕃薯蜆，鮑魚、蟶子皇都好大隻，每款海鮮食落都好新鮮，味道鮮甜。😋迷你牛肉盛🐂包括美國頂級牛小排、手切特選牛筋脊、雪花一口牛同松阪豬。雖然話係迷你但係我都覺得好足料，每一款牛肉味道都好有牛味。👍🏻翠綠時蔬拼盤🥬🌽包括有冰菜、皇帝菜、番茄、娃娃菜、南瓜、粟米、冬菇，籃底仲塞滿娃娃菜。冰菜好爽脆，又吸湯汁，真係好好食。🕺🏻招牌果凍鴨血🦆吃麻辣火煱點少得食鴨血🤤將好野留到最後先食，鴨血吸收晒湯汁，彈牙得黎又有辣湯味。餃子拼盤韭菜餃，魚皮餃拼牛肉丸，豬肉丸，大大粒好食但真係好飽。極上冷凍烏龍麵口感煙韌，太豐富食吾晒。水果茶 🍉🍓🍇🫐新鮮生果切粒，生果好豐富, 有火龍果，西瓜，草莓，菠蘿，籃莓，大大杯味道清甜。👍餐廳座位舒適，職員服務很好，食材新鮮又大份，冷氣亦足夠😬😬。味道5/5 價錢4/5環境3.5/5衝生4/5服務4/5…查看更多

平時都係去開德福商場一期搵食，原來二期都有好多野食。今日去左二期商場五樓嘅濟州燒肉食堂， 抽煙效果唔錯。座位寬敞，而且冷氣足夠。前菜有泡菜、海帶、醃蘿蔔等等。前菜、泡菜蛋同玉米芝士都可以無限任添。鐘意食牛嘅我點會放過牛小排同和牛。😋-食堂牛小排 $128 油花分佈均勻，燒完後很嫩很香，必點！👍🏻-豪快和牛燒 $298雪花紋超靚😍輕輕燒一燒，食落肉質腍滑，油脂又夠香。👏🏻-濟洲豪快黑毛豬五花肉 $168店員推薦所以叫了一份試試，用了鐵板來燒，啲油迫晒出黎，半煎炸好香脆。- 一盒芝士生蠔 $88 一盒有六隻生蠔再加大量芝士伴住一齊燒，蠔本身新鮮，食落有質感同juicy。-燉牛肋骨配白飯 $88 牛肋骨夠淋又不失咬口，湯汁好送飯。-人參雞湯 $98人參味不濃，雞肉經燉煮後肉質仍然嫩滑。當日餐廳吾係好多人，侍應會主動加配菜同幫我地燒肉，有服務。味道: 4.5/5環境: 4/5‍服務: 4.5/5衛生: 4/5價錢: 4/5…查看更多

相信疫情關係，大家都好奈無反過家鄉。最近試左間係旺角白布街嘅和牛專門店，雖然餐廳叫立燒，不過有高腳椅坐😂，吾怕企得攰。每枱有獨立抽風系統，食完個身吾會好大油煙味👌🏻。餐廳裝潢亦好有日本風味，想食和牛或者掛住家鄉嘅朋友值得黎一試😋。當日叫左2人餐，以和牛黎講價錢公道，豐和牛二人盛$468(推廣價$388) 🐂，二人餐性價比整高，套餐十分豐富有：A4肉眼X2件A4西冷X2件A5西冷X2件A5肉眼X2件牛舌X2件三角肋肉X2件牛肚X4件特選蔬菜每款牛肉雲石紋均勻滿佈，肉眼入口軟淋，充滿肉香，是我的最愛😋。餐廳提供3款辣粉，不過靚肉當前，我就只點了鹽，愛食辣嘅朋友不妨一試依度嘅辣粉，看似不錯。依度牛肉質量好好，蔬菜正常，生菜可以免費添加。…查看更多

來自新加坡的夢幻粉紅主題火鍋店「美滋鍋」，可愛粉熊係門口相迎，靚靚粉色卡座位，整個環境充滿少女心亦坐得舒適。💕幾個姊妹一聚好地方。任食前菜，水果。接近30款自助調料，任意混醬，芝麻醬，沙茶醬，醋， 辣椒醬，醬油等。餐廳有兒童休憩處，一眾媽媽可以俾小朋友係到放電。🏃🏻‍♀️湯底亦以美肌為主，有膠原蛋白濃湯，滋補生香辣湯等，其中一個賣點湯底都可以直接飲用，真材實料。我叫了雪耳椰子鍋，100%以純椰子水熬煮，清甜潤肺，湯底有好多鮮甜椰肉，清涼解熱。😋養生藥膳醉雞鍋充滿藥材，香氣四溢。台灣新鮮鴨血入口彈牙有咬口。炸午餐肉也是火鍋必點的，新鮮炸吾放落湯即食都好好食🤣。蔬菜新鮮， 半份份糧亦不少。👍🏻👍🏻推薦大家一試牛魔皇拼盤，包括日本A4和牛，安格斯風門柳及本地手切肥牛。每一款都充滿油香味，鐘意食肉嘅朋友吾好錯過啦！💯工作人員服務相當熱情貼心。火鍋爐有抽風功能，吸走油煙食完吾會周身油煙味！最後店員為我們送上柚子雪芭，冰凍解膩。🏄‍♂️推薦 3.5/5食物3.5/5環境4/5服務3.5/5價錢3.5/5…查看更多

原本黎餐廳前已知餐廳會係食物及飲食加上微量的CBD，CBD是大麻一種成分。可以做到放鬆嘅效果。一心認為依類噱頭野，食物味道應該好一般，食完之後竟然覺得味道同擺盤又相當吾錯，感興趣嘅朋友可以一試。餐廳是用自行用QR code落單的，如果你不想在食物裏加上CBD就可選擇剔走， 隨個人喜歡，既簡單又方便。芒果莎莎吉列蝦墨西哥薄餅 ($98)Tacos皮脆，吉烈蝦又爽口，外皮炸得香脆芒果莎莎甜甜地好開胃。柚子漬三文魚半熟吞拿魚赤身珍珠飯（$148）清新柚子漬三文魚配上烤到半熟吞拿魚再加上半生蛋，好味！不過椰菜仔有苦味。開心果青檸鮮奶油芒果千層酥（$68)即叫即做，需時約15分鐘。鐘意依度嘅鮮奶油，厚實綿滑。西班牙油炸鬼（$78)佢口感係更實淨，而且更酥脆，好香肉桂粉，點上焦糖醬同雪糕一齊食，好甜好幸福!CBD 只是特色，我吃完沒怎麼大感覺。 不過作為餐廳， 特色只是個噱頭，味道先係最基本， 我覺得食物環境質數都可以，值得嚟試依度嘅fusion 菜👍🏻。推薦4/5味道4/5價錢4/5環境3.5/5服務3.5/5衛生4/5…查看更多

之前有朋友向我推薦呢間法國菜餐廳，朋友覺得又抵食又高質，食材優質。今次我就選擇左黎食晚飯。現場環境舒適，燈光音樂好浪漫，枱與枱之間空間感充足，裝修優雅環境舒服。點菜後侍應會先送上暖手工麵包，厚實得黎又不失鬆軟。頭盤-香煎北海道帶子 $128賣相已經好靚🥰帶子經過輕煎，配上醬汁味道不錯☺️主菜- 蕃茄羅勒醬意大利粉 $85輕型好味之選主菜-安格斯極牛頂級牛柳7安士略微小份量。肉厚軟淋，有牛味，喜愛食牛既朋友不容錯過。甜品-焦糖燉蛋 $ 58用火輕輕燒過嘅焦糖😛燉蛋幾香，唔會過甜。甜品-千層酥配時令生果 .$78 甜品永遠都係我既正餐，好鐘意依度既千層酥好脆，面層仲有少少杏仁片，cream 亦好香😋，配上時令生果，完美！總結呢間係觀塘區少有既價格抵質素高既法國菜餐廳，用餐環境舒適且寧靜，氣氛浪漫，食物擺盤精緻。✅推薦4/5味道4/5環境4.5/5服務4/5價錢4/5…查看更多

餐廳專做酸菜魚類別的食物，足足有八款湯底：香辣、酸菜、檸檬味、青花椒、老壇、麻辣、香辣和蕃茄味任君選擇。一碗米線嘅價錢就可以食到好正宗嘅酸菜魚。🤩當日叫了招牌老壇酸菜牛肉和不辣酸菜魚，以陳年老缸酸菜配上特製濃湯，再加鮮甜美味嘅魚片，酸酸辣辣口味，一食上癮。😋而每碗都可選擇兩款餸菜，再贈送主食一碗，可以選擇米飯，米線，手打薯粉，份糧十足。酸菜魚普通版用的是龍利魚柳，亦可加錢升級版食生魚。根據店員推薦點了生魚片，肉滑厚實，魚肉比起牛肉更有驚喜。現在百物騰貴，原本以為幾十蚊一碗酸菜魚份量不會多，點知無論主菜和配菜份量很足，味道亦不錯，魚肉很滑，難怪晚市坐滿人。👏🏻其實以單一的店舖來說，專做酸菜魚，所以味道方面都有一定水準。店員亦很友善，會關心口味是否適合，場內冷氣亦十分足夠，怕熱既朋友都需要怕。喜歡食酸菜魚的朋友不容錯過!✅推薦3.8/5味道3.8/5環境3/5服務4/5價錢4.5/5…查看更多

朋友係愛蠔之人，🦪今日帶我到尖沙咀一間食蠔專門店。餐廳裝潢相對簡單，不過座位寬敞，坐得舒適。每張枱亦會放置好食蠔會用既餐具，餐具亦一早放置好係盒裹面，感覺衛生整齊。✅每日嘅生蠔品種因應時令都會吾同，所以每一次黎都可以食到不同的生蠔🤤。可以根據個人喜好而自選海鮮拼盤，有海水味重、口感Creamy吾同選擇。我地根據店員推薦點了一個生蠔拼盤再另加了海膽和龍蝦仔。等了十分鐘左右就上菜啦! 冰底擺盤精緻之外能夠維持溫度確保新鮮。❄️個人比較喜歡輕身清口味既蠔，不過依度海水味重既生蠔亦都好高質。😲真係值得叫拼盤食均所有口味~紐西蘭深海龍蝦仔，咸鮮爽嫩! 其中一款最令人喜出望外的就是原隻活海膽，好鮮甜入口即溶, 同朋友一邊食一邊讚俾👍另外我個人好欣賞餐廳將蠔殼洗得好乾淨!加分!乾淨衛生又好味！🅰️食完冷盤，點左兩款熱食：清酒蒜蓉煮活蜆、安格斯肉眼伴沙律，兩款都吾錯，清酒蒜蓉煮蜆有濃郁蒜蓉咪而不擋蜆既鮮甜，湯底有淡淡清酒味令人引吾住飲左幾淡湯。😋安格斯肉眼伴沙律肉質香軟，牛味四溢。無諗過係食蠔專門店都會食到咁好既手勢既牛排。🌹店員亦都好醒目，過左繁忙時間後有吉枱，會幫我地加多張枱，令我地可以坐得舒服啲。仲會周不時我地加酒。依一餐係好好既晚飯體驗。💯$因市價和選擇產品不同而定-海鮮拼盤$238-清酒蒜蓉煮活蜆$298-安格斯肉眼伴沙律推薦4.5/5食物4.8/5價錢4.5/5環境3.5/5服務4/5…查看更多

曾經係節目見過秋生兄極力推薦依間鋪頭，所以一早BOOK MARK 左。今日係附近做野，專登過黎搵食。未到下午6:30鋪頭已經開始排隊，聽排隊既人口吻，似乎大部分都係熟客仔。店員姐姐好有經驗安排我地一邊排隊一邊落單量度體溫，排左10分鐘就可以入座。食物選擇好多，由湯底口味到面食都有不同種類，選擇困難症既我，選左top1 既花膠螺片湯，朋友就選了 極上海鮮龍蝦湯泡飯。坐位較擠擁，相信枱面每人只可以叫一個套餐，場地吾適易一班朋友聚腳。已經係入黎前完成落單，坐低等食，餐廳係半開放式廚房，可以一路睇住姐姐逐碗麵煮。大約等了七至八分鐘，姐姐會一盤套餐捧上，真的沒想到六七十蚊，可以咁豐富，足半隻雞，無論米線同油菜都好足料。朋友既龍蝦湯有半隻龍蝦同吾同款既急凍海鮮。用具亦都準備充足，盤上有手套濕紙巾，方便食用雞隻。鋪頭以燉湯泡飯作主打， 對於湯底我好有期待。首先試一下湯先，嗯... 很足料，不過湯只飲到雞油味，沒有想象中清甜，魚翅亦見到係裙邊，跟參考圖片好大出入。😂朋友既龍蝦湯底有龍蝦味，不過龍蝦肉好梅。其他急凍海鮮亦都吾吸引，而且朋友之後好口渴，相信湯底充滿味精。🙁整體而言，依個價錢可以食到咁多野係好抵，不過質數相對普通，吾建議專程入黎食。推薦指數2.5/5味道2/5環境2.2/5服務3/5性價比3.8/5…查看更多

同朋友小聚，朋友特別推薦依度二人餐，不過我見依個價錢，可以有咁多野食，相信應該係有數量無質量~?又竟然令我大趺眼鏡，所有食物都好有水準！😳二人餐首先有蟹籽沙律，跟住六點刺身盛竟然有生蠔，相當有驚喜。跟住有六點壽司，壽司同刺身都吾錯，夠新鮮。牡丹蝦刺身入口蝦味清甜肉質紮實，係好懷念嘅日本味道！店員上菜時亦都會簡單介紹。燒肉有A5薩摩牛絕不馬虎，食完燒肉已經好飽啦！不過仲有和牛壽喜燒，最後仲要有雪糕。我地兩個女仔真係食吾晒，我地放棄左杯雪糕😜依個二人餐又豐富又好味，相信兩位男士都夠飽，性價比真係相當相當之高！餐廳會有屏風間隔，提高私人度，環境尚算舒適，同幾位朋友可以黎飲幾杯亦係一個地方！店員親善有禮，性格比又高，會再有下一次！另外建議大家電話提早BOOK 位，有優惠架~ 😉二人餐$796/2 +10%…查看更多

想食好味既西餐，又想食平啲, 今次嘗試去工廈覓食。留意到依間餐廳有吾少好評，地點亦近地鐵站，十分方便，所以最後選擇咗同朋友係依度聚餐。店員都會好緊慎為我地每一位量體溫掃安心出行或填寫資料，絕不馬虎，每張枱都有隔板，令人可以放心堂食。💯我同朋友都選了4 COURSE ，前菜面包正常發揮，胃口細既朋友可以直接跳過。First course :廣島蠔配薑汁。🦪蠔細隻但飽滿，經過汆水，蠔吾係全熟，食落JUICY 有彈性。可以ENCORE👍Second course:慢煮龍蝦配荷蘭汁茴香泡沫 。這道菜有驚喜，原來以為會係冷藏龍蝦，點知食落去鮮甜有彈性，配上醬汁，好味道! 同朋友各點一個Entrees 然後share 食，朋友叫了洛神花油醃M5和牛肉眼扒🐃，牛扒煎得不錯，外脆內軟，入口好香牛味，推薦鐘意食牛扒既朋友加錢食依道菜。另外，配菜有點驚喜，平時餐廳都多數係配薯蓉或露荀，依度配上紅菜中東米，中東米有少少香甜，口感綿密似薯蓉。而我點了羊腹柳扒配阿根廷青醬🐏。平時餐廳多數都係食羊架較多，羊架雖然淡淡肉，不過太多油脂，很油膩，依度用既食材係羊腹柳扒，油脂分布平均軟熟，亦不失羊味，羊腹柳扒香口軟熟，青醬有啲似平時青醬咖哩既味道，偏向清新🌱，配上羊肉可以解膩。服務員亦因我地既口味幫我地推薦餐酒俾我地，~$300 ，性價比不錯。整體晚飯味道氣氛價錢我地都好滿意，會再黎☺️。…查看更多

自從北上食過麻辣烤魚，真係會令人念念不忘，疫情之後都無再食過烤魚。聞說元朗依間烤魚工房好正宗，由四川師傅主理，而且用四川香了料調味。烤魚有幾款選擇，我地選了江團魚，肉質鮮嫩沒有細小的魚骨。 烤魚剛上菜時，已經有陣陣辣味傳入我的鼻🌶一開始時魚肉辣味不濃，只要煮一陣，陣陣麻辣香味滲入魚肉，愈食愈起勁👄以後吾洗反大陸都可以食到好正既麻辣烤魚。😋百香果水果茶用料十足， 生果新鮮，清新又味，夠大杯又解渴，大家絕對要試下牙～👍🏻$39-百香果水果荼$298 江團魚西 配 鮮青椒…查看更多

最近芫荽當道，一向緊貼潮流既譚仔推出重磅芫荽菜式。主打既當然係香荽皮蛋魚湯米線配脆肉鯇。清甜魚湯配上脆肉鯇，脆肉鯇雖少，不過每一塊都鮮甜滋味🐟。最正一定加配大量芫荽山及皮蛋海，陣陣芫荽既香味傳入我的鼻😆。芫荽又點止得米線咁單調。今次更推出芫荽香檸雪碧🌱，以及中環店限定的芫荽奄列早餐🥚。檸檬雪碧就飲得多，再加上芫荽既調劑，感覺更清新，味道層次豐富。香茜芝士煎蛋煎得滑嫩🧀，切出嚟有留心芝士嘅效果，芫荽份量足，啖啖荽味😋。…查看更多

每逢假日經過依間舖頭，都會見到要排隊，今次早啲黎，可以即刻入去😃。大食的我仲叫左台式all day breakfast 仲有魯肉飯餐。 台式 All day breakfast 有別於我地平時既西式早餐，依個餐有芋泥、手抓餅、台式香腸、雞鎚、梅粉炸地瓜條，樣樣都好新鮮。吾好睇個魯肉飯外表平平，味道十分好。而且跟餐既炸物做得出色。凍飲仲要無冰，原汁原味😋喜歡台灣地道小食既你吾好錯過依間餐廳。另外叫左必芋泥吐司牙😳今次我試左oreo 芋泥味，餡料充足，綿綿芋頭有口感。另外仲有肉鬆同芋見薯味，賣相都似乎唔錯，下次可以在一試😋$47-oreo 芋泥吐司$75-台式All day breakfast 跟飲品$62-台式魯肉飯…查看更多