icephoto_foodie的個人專頁

之前分享過的中區M8商場內兩間餐廳，今次試埋位於商場5樓的上海菜館 #御家上海 。選擇種類不少，有好多熟悉的菜式。剛開業時無預約walk in 失敗，現時可以好方便網上訂位先。當晚大約七點多入座，掃二維碼落單，上菜速度好快。 ▼淮揚五福拼盤 $268上海海參酸辣湯（鍋）$118招牌十景揚州炒飯 $108高力豆沙香蕉 $68茶位 $12/位▼拼盤一次過試晒五款前菜，包括有女兒紅醉雞、鎮江冰官肴蹄、四喜烤麩、涼拌陳醋紅蜇頭和蘇式燻魚。醉雞雞肉略微唔夠嫩，四喜烤麩口感鬆軟又不失口感，味道偏重。當中最深印象係肴蹄爽口口感，加上清爽開胃醋味，另一道青瓜海蜇頭爽口好味。食上海菜一定會諗到 #上海酸辣湯 ，湯質地濃稠，味道酸酸辣辣，幾開胃，個人認為呢到出品辣味較出，酸度剛好。佢有碗裝和一鍋兩種選擇，好似我地兩個人其實碗裝應該都足夠，一鍋夠3-4人分享。.中式菜最後叫甜品高力豆沙香蕉，外表質地鬆軟，內有香甜豆沙香蕉餡，一份4個。兩個人試唔到好多菜，等下次人多想再試松鼠桂魚和小籠包。…查看更多

難得搵到機會中午過來呢區，諗起收藏清單中呢間有提供午市限定餐點，午餐時段去到6點前都有，岩晒放假遲起身既我地😂。主食類主要有三款（見圖中餐牌），今次試左其中兩款，餐廳門外黑板上仲有另外兩款比大家選擇，而且可以優惠價錢加關東煮🍢、角煮肉類等，性價比幾高。根據個人飯量/麵量選擇調整，可免費加飯加湯。 ▼櫻花蝦明太子冷扁烏冬 $48北海道疏菜湯咖哩 $583件關東煮 +$10▼由櫻花蝦以及明太子等組成冷烏冬，湯汁清爽開胃，扁烏冬夠滑，略帶彈牙，朋友覺得如果換成粗身烏冬更合佢喜好。用各種香料和高湯製成咖哩湯，唔似平時咖喱咁濃稠，呢到出品會偏稀身少少，配飯一流，同各種蔬菜類好夾。加十蚊自選3件關東煮（年糕福袋、章魚腳和韓式年糕卷），口感軟糯年糕福袋，飲埋關東煮湯，份量剛剛好，下次想試下佢地晚餐。.…查看更多

新年之前過左轉香港，無計劃下即場上網搵左一間Google 幾高分的拉麵店，位於灣仔的黑龍 ，睇介紹係日本人開設正宗拉麵店。好彩當日中午時間排隊人不多，門口等左幾分鐘左右就可入座，等位期間睇定食咩，入去直接掃枱面二維碼落單。眼見一枱接一枱，食完出來店外排左一條長龍。店面外貼住餐牌，有豚骨湯、雞白湯、鹽味豚骨、山椒辛味噌和櫻海老等選擇，沾麵和叉燒飯仲有小和大兩種份量可以選。▼櫻海老沾麵(大 300G) HKD 110牛筋BLACK拉麵 HKD 100▼櫻海老沾麵有麵條、叉燒、筍、木耳絲和原隻溏心蛋，搭配濃郁鮮美沾麵櫻海老湯底，麵條口感彈牙有咬勁，粗身麵條更易掛汁，而且湯內大量櫻花蝦和蔥花，令整體口感更豐富。大份300G滿滿一大碗麵，食晒十成飽😆。特別一提佢地溏心蛋蛋黃偏流心和偏甜味道，我幾鍾意～另一款牛筋BLACK拉麵有麵條、叉燒、木耳絲、牛筋和溏心蛋，麵條軟硬適中，湯底味道濃郁，略有一點濃稠感，有少許黑胡椒香味。好少食拉麵會有牛筋呢個選項，我地覺得幾特別，牛筋軟糯入味。而且吧檯上擺放熱湯，可以自行調湯底的濃度，最後湯底飲晒亦無口渴感👍。_⭐️ 有每月限定優惠，當時係社交平台追蹤送一人一隻吉列大蝦。⭐️ 吧檯下有掛鉤掛袋…查看更多

上次分享荃灣路德圍四間小食合輯，其實個到好多間野食值得試架，一日十餐都搞唔掂🤣。以芝麻為主的一間健康食療店，主打黑芝麻的甜品和養生食品。人流不斷，好多街坊特登過來外賣🥡，門口石磨自動磨緊黑芝麻醬，聞到陣陣香味，真材實料😍。▼黑芝麻軟雪糕 $28黑芝麻菲林卷 $25▼目測人手一個雪糕🍦，香濃軟滑黑芝麻雪糕，加埋淋上去黑芝麻醬，更加濃郁，軟滑之餘，感受到雪糕內有磨碎芝麻，份量好足，脆筒入面仲有雪糕。個人覺得有驚喜，性價比高，必試！特別搶手係黑芝麻菲林卷 ，門外有個牌寫住由12點供應到19點，一個鐘限量25份，而且每人限購一盒，一盒6卷，好好彩去到仲有啊，轉個身呢一輪已經賣晒！果然好食，味道微甜，黑芝麻濃郁程度適中，越食越香濃，口感爽口微煙韌，正阿！買比屋企人推薦大家試埋芝麻糊～…查看更多

脆話題討論度十分高Cheri，提供前菜、意粉、主菜和甜品等，當晚用餐時間滿座，人氣十足，有興趣想試要提早book定位！ ▼餐前麵包和小食大閘蟹意粉 $388蘋果木熏八爪魚配燴甜椒及薯蓉伴橄欖醬 $200伊比利亞豬肩肉配無花果及雅枝竹配煙熏茄子 $280法式薯蓉 $75牛油炒雲南野菌配鹽漬豬肉伴巴馬臣芝士 $88Sucre by Cheri 提拉米蘇蛋糕 4寸 $258▼會送上餐前麵包和小食，麵包外脆內軟，搽滿滿芝麻欖欖油醬(?)，十分滿意👍，另外餐前小食係一口版吞拿魚薄脆迷你撻。大閘蟹意粉 係期間限定，落單時要問一問店員有無。意粉會和大閘蟹蟹肉蟹膏分開上，係客人面前即場淋上，目測大約有四大匙，視覺享受😍。完完全全岩晒鐘意大閘蟹既我地，香濃鮮味蟹膏以及啖啖肉👍。蘋果木熏八爪魚和無花果豬肩肉都好味。個人幾鐘意雲南野菌呢道，店員建議食前先將雲南野菌和鹽漬豬肉拌均勻。配菜揀經典法式薯蓉，賣相好精神，綿密口感，薯蓉非常香滑，為了呢個一定會二訪。如圖餐點三人份，份量適中，大約人均300多，每個菜都有好評，用美食治癒我地🥹，幾個忙碌完一日收工後社會人感嘆，最後用生日蛋糕畫上完美句號。*唔洗擔心拎蛋糕入來比壽星發現，同場 sucrebycheri 可預訂生日蛋糕，餐後幫忙上，4寸蛋糕份量剛好，生日牌好靚，十分有水準。…查看更多

舊城區小飛象對面獨棟烘焙店，提供自家出品麵包🥖，主要有牛角、法包和布里歐等，仲有少量甜品和曲奇供應，飲品方面有咖啡和特調類。平日過來發現好多客人過來外帶🥡，透明玻璃櫃放滿麵包，比客人清楚睇到有咩款式以及標明幾錢。樓下點餐後上樓上，中間經過二樓係烘焙區，三樓有更多座位坐低（見圖），一開始人不算多，坐窗邊位置望到成個舊城區景，環境不錯，靜靜地食個下午茶。酥皮類酥脆香口，試左當時剛出爐 花邊葡撻 ，特別花花造型，同樣酥脆可口有蛋香。…查看更多

早排有兩間餐廳入駐M8商場內，今次先試位於商場4樓的泰國菜 Mango Tree，第一次walk in 唔成功，想試朋友仔要提早訂位。基本上泰菜經典菜式都有，賣相精緻。環境相當不錯，有氣氛，好多人過來慶生🎉。 ▼泰式炸蝦餅 $88/3塊燒甜豬肉串伴泰式青瓜沙律及糯米飯 $128冬蔭功 $168砂煲粉絲焗河蝦 $258粟米椰子新地 $78▼厚身炸蝦餅，外皮炸十分酥脆，口感厚實彈牙。如果多人食飯，建議點小食拼盤更有性價比。首圖儀式感滿滿的豬肉串，底下有火一直熱住，總共有6串，塗滿香甜醬汁，燒得香口惹味，肉質嫩。配旁邊袋裝住糯米飯一齊食，最後用清爽青瓜沙律解解膩。冬蔭功湯味道香濃，酸酸辣辣，偏酸微辣，夠開胃。配料足夠，蝦有幾隻，其中一隻如圖比平時大隻好多😱。砂煲粉絲焗河蝦，意外地將蝦放粉絲底下，粉絲香口惹味，份量超多。泰國旅行每日一個 #椰子新地 🥥，果斷點左做飯後甜點🤤。椰殼裝雪糕、椰肉、花生和甜粟米，似模似樣，有驚喜。總體味道不錯，份量夠，價位偏中上，但我覺得有一定性價比，幾適合多人聚餐叫多幾道試下。…查看更多

時不時會想回訪荷蘭園二馬路轉角位咖啡店，點了秋意滿滿的季節咖啡和甜點。突然之間想飲的 #秋栗 ，啡面頭擠滿條狀栗子蓉香甜🌰配搭厚厚奶油，用匙羹一大匙放入口，口感豐富順滑，十分滿足。栗子蓉混入咖啡中更香，而且帶肉桂香氣，享受假期的時光。層次分明Dirty-Pistachio 第一口先飲到濃郁啡味，再來慢慢有香濃開心果味，間唔中會感受到開心果碎，超得意配埋一粒開心果。 ▼布丁栗子山 $58秋栗 $58Dirty-Pistachio 開心果 $45▼…查看更多

今次來到新濠天地內一間中餐廳 金映閣 ，呢到午市以點心燒味、懷舊籠仔蒸以及小炒為主，到晚餐時段有一系列粵菜供應，有新鮮海鮮、啫啫煲、澳門特色菜等。因豆沙獅頭包關注佢地一段時間，剛好比我發現到外賣平台上有以下抵食套餐，即刻入手一份。平時兩個人想食中菜好難叫好多餸，幾鐘意推出呢種雙人套餐👍，將經典菜式一次試晒。▼金映閣經典雙人套餐 搶購價$525海膽金錢蟹盒蜜汁黑豚叉燒金沙紫蘇鹹蛋蝦紅燒自製黑豆腐鹽水菜心浸魚滑原隻鮑魚福建燴飯楊枝甘露燉雙皮奶 2份包一壺茶▼首道前菜 #海膽金錢蟹盒 ，炸到十分香脆可口，隱約可見包係入面海膽，增加風味。.成晚最有驚喜絕對係以粵式荔枝木燒出來 #蜜汁黑豚叉燒 ，肥瘦適中，又唔會膩，肉質軟嫩。.金沙紫蘇鹹蛋蝦 蝦身上細沙狀陣陣鹹蛋黃香味，炸到連蝦殼可以一齊食，略嫌蝦肉唔夠爽，不過真係幾香口惹味。.原煲黑豆腐既紅燒汁適合撈飯，黑豆腐柔軟嫩滑，感覺比平時豆腐更香。.食到呢到開始七八成飽，福建燴飯先開始上場，原隻鮑魚放面，有蝦肉粒、干貝、冬菇粒等配料，滿滿香濃海鮮羹包住每粒飯，食到尾唔會乾身。.甜品係一人一份楊枝甘露燉雙皮奶，上層酸甜楊枝甘露，配香滑雙皮奶，另有芒果果肉和西米等配料，增加口感，甜度適中。環境舒服，周末晚餐時間算安靜，同場好多都係一家人過來食飯。以今餐套餐來講都好抵食，每道精緻，份量足，兩至三人都夠食。_⭐️ 餐廳兩個入口，一邊位於賭場內，另一邊一家大細一齊入…查看更多

大家都話必食 陳記魚蛋 ，一於整番串魚蛋，另外仲有燒賣、魷魚、腸仔、豬皮、齋等，有少少辣、少辣以及勁辣三種醬汁。朋友唔食得太辣，揀左「少少辣」，十分香口惹味，略帶微甜，辣味慢慢出來。魚蛋細粒，質地結實，食落有咬感。…查看更多

想試呢間以熱石為主牛扒屋 #旮旯頭熱石牛扒屋 好耐，係集火鍋和烤肉於一身的專門店。咁岩澳覓團購見套餐有秒殺價，即時落單去試下。套餐指定款式內自選沙律、鍋物、鍋物用肉類兩份、岩燒牛扒兩款、溫泉蛋四隻、炸物四選二以及飲品十選二，包埋加一服務費，四百幾蚊咁多野食幾抵。記得提前訂位先，週末晚餐時段滿晒座。▼三至四人套餐 平台團購秒殺價$448日式胡麻士豆野菜沙律日式壽喜鍋極佳安格斯牛上腦安格斯雪花牛美國安格斯 CAB封門柳（岩燒用）美國安格斯CAB牛小排（岩燒用）溫泉蛋 4隻日式天婦羅魷魚條日式天婦羅蝦古早味紅茶荔枝烏龍茶可跟白飯/ 烏冬▼揀日式壽喜燒鍋物好多料，包括蔬菜、雜菇、洋蔥、芋絲，油豆腐等等，食到尾煮埋烏冬，索晒甜甜地湯汁正啊。兩份鍋物用肉（安格斯牛上腦和雪花牛）壽喜燒內涮，蘸蛋汁一齊食，口感更佳，肉質嫩，份量足夠兩三個人分享。.封門柳和牛小排外面已經提早烤過，烤肉前先將細粒肥油放熱石上煎出油脂，烤到一半塊石唔夠熱，可以叫店員換。自己體驗下又得，擔心控制唔到熟既程度搵店員幫手燒都得。四款調味（玫瑰鹽、柚子鹽、七味粉和燒汁），沾少少鹽簡簡單單已經不錯，重味啲蘸燒汁。.炸物揀天婦羅魷魚和蝦，炸得酥脆，份量比想像多，正常出品。成個套餐非常豐富，三個人食十分足夠，搶到團購下試性價比幾高。上餐速度快，邊涮鍋邊燒邊食小食幾忙下😂。…查看更多

今次中環半日遊第一站來到食「鯛魚拉麵」專門店，呢間 #鯛白湯 來自大阪，除了今次去中環店，仲有兩間分店。店內只有三種選擇，分別係沾麵、鯛清湯和鯛白湯，湯底全採用新鮮日本鯛魚製作。大約中午12點多到開始要排隊等位，入座前先點餐和付款。.料理拉麵係兩位日本拉麵師傅，坐係吧台前望住佢地有條不紊咁製作，用日文同對方交流，加上店內環境氣氛不錯，感覺好似去左日本🇯🇵玩咁。▼鯛清湯 HKD 138鯛白湯 HKD 138櫻木煙燻糖芯蛋 HKD 15▼點左其中兩款拉麵鯛清湯和鯛白湯，清湯好單純魚湯清甜味，唔膩，碗內放幼麵、叉燒、筍、洋蔥碎、炸鯛魚皮和鯛魚肉碎。.後者 #鯛白湯 比較濃稠，口味濃郁。碗內同樣有幼拉麵🍜、叉燒、筍、洋蔥碎和少量鯛魚肉碎。先飲啖湯試下原味，十分鮮甜，剩下加碗邊柚子醬，混入湯內減少魚腥味太重味道，我覺得加埋柚子醬多了一份清爽感，試到唔同既感覺。最後成個湯飲晒，鐘意飲魚湯既朋友大讚，而且真係唔會口渴。.總體價錢偏中上，但感覺係值得的，好少我會飲晒成個魚湯，感覺細節位做到好好，好用心，過來玩食一餐is ok，對比下我個人鐘意鯛白湯，比較驚艷。_⭐️ 冰水自助飲用…查看更多

平時多數同屋企人飲茶多，晚市比較少來，撞岩今次買左以下雙人餐，真係幾抵食！主食可在骨煲和卜卜蜆煲兩選一，加上金錢墨魚蝦餅和脆皮乳鴿一隻。 ▼雙人餐 （秒殺價 $188）- 蒜蓉粉絲卜卜蜆 1煲- 金錢墨魚蝦餅- 十三日脆皮妙齡乳鴿- 包茶位和服務費菠蘿生炒骨 拼 炸脆奶 $108涼拌魚皮 $58百香果布甸 $33▼贈送圖中哈密瓜做飯前水果.開始入正題，套餐主菜兩選一揀左 蒜蓉粉絲卜卜蜆 蜆份量幾多，有種食來食去都仲有既感覺🤣，落單時店員會問淨食卜卜蜆煲（如圖）還是會打邊爐。底下亦有不少粉絲，索晒蒜蓉湯汁真係好香！一碟十塊 金錢墨魚蝦餅 ，確實比呢個份量吓一跳，主要無預計有咁多塊😂。外皮炸到香脆，咬落墨魚蝦餅彈牙又有咬口，不錯。乳鴿外皮香乳，細隻，暫時過下口癮先。.以上雙人餐其實差不多六七成飽，不過另外單點其他野食。雙拼滿足左我同時想食生炒骨和炸脆奶既心情。生炒骨酸酸甜甜，呢到加埋草莓幾夾。炸脆奶炸到酥脆，略有少少油膩。涼拌魚皮用芥末撈落去，每塊有機會有啲刺激😅，配埋咁多花生，真係不錯！最後食番個 #百香果布甸 清新下口腔，同樣酸酸甜甜好開胃。…查看更多

朋友一直大力推薦的米線店 #龍昇米線家 ，位於望廈社屋附近，中午食飯高峰時期堂食和外賣單超多，叫外賣要提早少少。外賣平台有個優惠套餐包米線、小食和飲品相當可以。睇店家介紹佢地湯底係即叫即煮，落埋好吃的炸醬。五款湯底可選，包括麻辣、酸辣、香辣、藤椒和清湯，辣度亦有BB辣、小辣、中辣、大辣和魔鬼辣五個辣度。每款米線的底料有秘製炸醬、芽菜、韭菜、蔥花和芫茜。▼ 炸醬魷魚翼白魚蛋米線 $48炸醬雙肉米線 $48蒜香雞中翼 5隻 $32▼炸醬魷魚翼白魚蛋米線選酸辣湯微辣，個人喜好特別加了酸，食落好開胃，最鐘意米線索晒酸辣湯，魷魚爽脆配埋白魚蛋，幾正啊！炸醬雙肉米線選清湯，就算清湯不辣亦好夠味，炸醬真係當中既靈魂啊。雙肉有牛肉和豬肉兩種肉，肉質算嫩滑。去到邊都會叫雞翼的我地，特別係食米線時，一定要點一份。一份5隻，雞中翼煎到香脆外皮，入面肉質都嫩，味道剛好又夠味。 _⭐️ 星期六日滿$120送皮蛋一隻…查看更多

位於林茂塘公園附近 #仁王日本料理 ，除了提供基本日式料理餐點外，現時做緊全日半價壽司，叫埋串燒同朋友一齊小酌一杯～ ▼半價壽司（一份2件）：極上帆立貝（一件） $29炎燒穴子鰻魚（一件） $23炎燒左口魚邊（一件） $24油甘魚 $24三文魚腩 $23三文魚 $13甜蝦 $18牛油果軟殼蟹卷 $78什錦天婦羅 $58三文魚刺身 $78鹽燒牛舌 $30燒魷魚鬚 $20燒菠蘿 $25燒雞軟骨 $20燒雞腎 $16▼自己划半價壽司紙（見圖），大約有30多款選擇，大小和平時相差不大，我個人鐘意飯不多，刺身部分亦不錯。特別是炎燒左口魚邊壽司充滿油脂香，入口即溶，唔想share，一人食晒兩件😂。肉質軟嫩穴子鰻魚包著壽司飯，一啖放入口好正好好味。極上帆立貝雖然只有一件，價錢係咁多款中最貴，但真係值得，帆立貝夠鮮甜。另外好似三文魚和甜蝦壽司價錢來講性價比都算高，飲生啤當然要叫啲串燒助下興，即燒出來熱辣辣，中間加單遇岩用餐高峰時期要等耐少少。牛舌爽口彈牙，雞軟骨和雞腎夠味又有咬口，魷魚鬚爽脆口感，但略為辣左少少。燒菠蘿趁熱食，咬落啖啖汁又香菠蘿酸甜味。_⭐️ 需加一服務費…查看更多