cc sissy的個人專頁

湊湊火鍋又有新menu了～推出咗健康又滋味嘅活魚鮮宴‧手工現切午市小火鍋活魚套餐每日鮮活即劏 唔隔夜 手工現切我就點咗三鱻蝦蜆盛合一個價錢食勻鮮沙巴龍躉魚、鮮脆鯇魚、鮮白鰻魚、基圍跳跳蝦及鮮活黄蜆5款海鮮三款魚肉無論質感、味道都各有千秋沙巴龍躉滑嫩細緻、脆肉鯇鮮甜多汁、活鱔入口即化套餐仲包火鍋拼盤 有蔬菜、貢丸、蝦滑、豆腐 又飽肚又健康朋友係大閘蟹控 就點咗一品海皇大閘蟹麵蟹粉超慷慨 鮮甜濃郁 仲有大大隻爽口彈牙嘅鮑魚配埋櫻花蝦同蟹子 真係成個海食咗落肚 勁鮮味套餐仲包貢丸湯同肉燥娃娃菜同埋記住去自助區食肉燥飯同埋台式冷盤小食啊！呢度空間感足 慢慢食吹吓水一流唔記得咗講 惠顧午市套餐 仲可以半價加點台式飲品…查看更多

約咗個成日食牛站嘅朋友打邊爐 佢私心推介花雞雞湯底 我好似食咁多次都冇點過原來真係勁正 雞湯味超濃郁 飲完兩碗先打邊爐都未遲鍾意嚟呢度就係因為款式較多 想食咩都有朋友鍾意食牛肉 就盡情咁叫 SRF美國和牛牛味超濃郁仲有牛脷都係必點嘅項目 輕輕淥一陣就好食啦蝦滑夠晒彈牙 要食幾round先滿足我就鍾意有好多蔬菜 現在同菠菜打邊爐真係唔係度度有補鐵質啱晒女士 仲有丸類都非常多選擇 長洲大魚蛋都有供應 芝士豆腐同牛筋丸都超級好味而家冬天 仲有臘味糯米飯 飯粒真係做到粒粒分明今次仲見到有小酥肉食 啱晒我呢啲鍾意香口嘢嘅人最後記住留肚食Häagen-Dazs 食返幾杯就回本㗎啦唔好唔記得仲有甜品 芝士蛋糕超級棉密 榴槤糯米糍好香濃 tiramisu好幼滑…查看更多

都話韓國菜係我嘅all-time-favourite 冇食一排又掛住了～即刻衝去食個辣豆腐湯飯 呢間店連韓國人都有幫襯㗎首先講吓前菜 有炒粉絲、泡菜、魚仔、辣炒魚糕年糕見到呢幾樣都已經覺得好有睇頭 店家夠晒慷慨❣️烤牛小排套餐，海鮮嫩豆腐鍋❣️牛肉嫩豆腐鍋講吓個飯 原來係釜飯 影相靚靚又夠特別店長仲教韓國人係會最後落啲水落去同啲飯焦一齊食辣豆腐鍋可以揀辣度 個人就鍾意特辣上檯嘅卜卜聲 呢個時候最啱就係打隻雞蛋落去豆腐夠晒嫩滑 豆味濃郁 海鮮湯清甜 牛肉湯夠惹味烤牛小排牛味濃郁 帶甜甜嘅味道 好易咬開唔會柴❣️炸雞炸雞真係MVP 外層夠香脆 咬落充滿肉汁 完全冇油膩感 仲要係我最鍾意嘅原味另外仲點咗virgin mojito一杯係芒果味 一杯係士多啤梨味食完辣嘢 飲番啲清涼嘅飲品就啱晒呢度嘅員工好熱情 座位間隔闊落 仲有韓國嘅飯焦糖樣樣都好合我心意❣️…查看更多

話就話21:00收舖19:57去到已經話截單冇堂食其實可以同客人講明九點前要走但冇諗過一個鐘前堂食都唔得唔好話香港經濟差 我眼見都有四台客諗住入去食點知無功而返 都唔知係店員趕收工定點樣？…查看更多

又有得玩又有得食 參與感十足！鍾意食海鮮嘅人士啱晒 見到啲海鮮咁生猛 即撈即食仲有專人清洗 真係好過響街市買返去自己整餐懵😆蟹隻隻生猛 超級多膏 極鮮甜 食多幾隻即刻回本仲有鮑魚、基圍蝦、花甲、花螺啲款式多到我都係唔晒 啲蝦都隻隻扎扎跳放落湯煮嗰陣記得小心啊！除咗海鮮之外 自助區都有各式各樣嘅火鍋配料連生蠔同白鱔都有㗎 當然唔少得有好多丸類同菜類啦我就最鍾意煙三文魚多士 蒜蓉蒸蝦都超級惹味呢度嘅午餐市段可以食足三個鍾 包保夠時間慢慢食！掛住成連甜品都唔記得影㖭😂…查看更多

朋友生日 帶佢去食打邊爐先～日本A4黑毛和牛火鍋放題夠晒排場☺️呢個餐送澳洲M9和牛牛丸、海鮮拼盤、仲有任食鮑魚個人推介「聰明魷魚沙茶鍋」同「養生菇菌燉雞鍋」！聰明魷魚沙茶湯醬香層疊、鮮潤美味養生菇菌燉雞湯菌鮮甘醇、滋養溫補鍾意飲湯嘅人士記住飲返兩碗先開始打邊爐啊 真材實料㗎阿嬷豆乾魚蓉麵用永樂粉麵廠出品粉麵 支持香港原味道日本黑毛和牛A4+油花均勻 入口即溶伊比利亞黑毛豬梅肉食落完全冇豬臊味點少得仲有鮮甜鮑魚三吃自助區仲有好多蔬菜同埋丸類呢啲都未夠 台式小食都食到你飽烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗真係好飲返咗台灣咁食嘢之外仲有遊戲玩 💠「東南西北·回到童年時」💠 可以贏到小禮品㗎芒檸蜜西米爽同港式檸檬茶18+飲返杯爽一爽～仲有唔記得講 呢期仲有大閘蟹食㖭啊！超爆多膏㗎！…查看更多

見到呢間酒樓咁有特色 勁多打卡位忍唔住帶老豆過嚟食下嘢家陣好多酒樓一係點心紙 一係QR code落單呢度就係自己出去拎點心 或者有姐姐推點心車呢啲就係舊時有互動嘅飲茶體驗❣️咖喱魷魚🦑咖喱汁好惹味 魷魚吸收晒咖喱嘅精華爽口彈牙 底下仲有啲薯仔 勁滋味❣️蝦餃皇大大隻 有勁多蝦肉 夠晒彈牙❣️鮮蝦韭菜餃外皮晶瑩剔透 有超多韭菜 食落有好多汁 熱辣辣食超好味❣️燒味雙拼飯叫咗叉燒同埋白切雞 叉燒香甜帶微無白切雞口感嫩滑 配埋薑蓉食更匹配❣️雞扎飲茶一定要食雞蛋 細個就鍾意食火腿同支竹魚肚同雞肉就留返比大人食 ❣️糯米雞糯米雞超級巨型 餡料超豐富鍾意佢唔算太多汁 而且糯米粒粒分明…查看更多

雙11驚喜優惠！$11就有點心食😍點心賣相仲超級靚！$11超抵食點心分別有❣️蟹粉芙蓉餃❣️粉紅佳人❣️黑蒜蝦燒賣 每款一籠有三件 各有主題！🦀蟹粉芙蓉餃食落有濃郁嘅蟹粉味 呢排係當造 蟹粉真係鮮甜味美🦞粉紅佳人其實係龍蝦餃 龍蝦肉彈牙鮮甜 隻餃嘅色水勁靚🧄健康人士一定鍾意呢個黑蒜燒賣 抗氧化又有龍郁蒜香🤤百葉結栗子紅燒肉店長推介新菜單 紅燒肉係黑毛豬腩肉見瘦雙間 冇豬臊味 醬汁香甜 百葉結吸晒醬汁味道🤤佛跳牆灌湯餃食隻湯餃都係彈牙嘅蝦滑 仲有魚翅同鮑魚 超有氣派🤤酸菜龍躉用龍躉煮酸菜魚都係第一次食 夠晒矜貴魚肉實淨 魚皮厚身 中間仲有厚厚嘅骨膠原 配埋薯粉同酸菜 超滿足🤤桂花黑醋海鱸魚鱸魚炸到金黃酥脆 原條上 好有排場 有栩栩如生嘅感覺 魚肉滑溜 配埋黑醋食酸酸甜甜勁滋味🤤煙燻豆腐硬豆腐有濃郁豆香 煙燻味道超級濃郁搭配埋海鮮同咸肉 呢個味道嘅豆腐都係第一次食呢度嘅樓底非常高 而且環境闊落 傾偈一流…查看更多

終於終於終於開到嚟港島區喇！嚟天后就有得食🤤注重養生人士注意‼️呢度嘅食品無添加任何防腐劑、添加劑連連國際巨星周潤發都多次光顧㗎～仲係米芝蓮必比登推介2025 性價比高 唔怪得咁多人排隊啦😎❣️石磨芝麻糊睇到工場即製芝麻糊 用石磨慢磨致幼滑 食落有濃郁芝麻香味 ❣️芝麻卷菲林卷都係手工菜 每人限購一盒㗎咋用芝麻糊搭配純正馬蹄粉逐碟蒸再卷出菲林造形 口感Q彈❣️黑芝麻軟雪糕黑芝麻軟雪糕口感棉密幼滑 再淋上芝麻醬 每一口都充滿芝鍾意麻香氣❣️養生五黑芝麻丸一場嚟到 仲買咗黑芝麻丸返去比屋企人食食落充滿黑芝麻香氣 帶微微甜味 口感煙韌 老人家都啱食❣️黑芝麻布丁布丁嘅口感好幼滿 奶香同芝麻好匹配重點係中間個流心 勁香口 ❣️黑芝麻豆漿揀咗無糖版 有芝麻味之餘仲好重豆香 健康之最❣️黑芝麻醬仲買咗黑芝麻醬 用嚟溝牛奶、豆漿 或者搽麵包都啱食 …查看更多

Seoul Noddles愈開愈多分店今日去完Sogo Thankful week行唔洗五分鐘就有得食 鍾意呢度嘅裝潢韓風十足仲有韓國人店員 旅行感覺返晒嚟❣️ 韓式嫩豆腐湯飯嫩滑的豆腐搭配香濃辣湯底 味道清新不油膩非常適合而家涼涼哋嘅天氣飯粒同金菇吸收了湯汁 非常滋味❣️ 辣豬骨湯麵味道濃郁 湯頭有響弘大食醒酒湯嘅感覺豬骨熬煮得恰到好處 肉質軟嫩 麵條也相當彈牙搭配酸菜、韭菜同蕨菜 口感層次豐富❣️ 泡菜餃子泡菜餃子帶有微辣的酸味 餃皮薄而Q彈係大大隻嘅韓式餃子 內餡豐富 有粉絲泡菜同埋豬肉搭配酸酸甜甜嘅醬汁更加美味另外呢度仲有一排望向街嘅座位 一個人食都唔尷尬…查看更多

Weekend唔想洗咁多錢？食下越南嘢都唔錯呀 新開張 環境企理二人餐$208有交易 仲要係免加一添啊！❣️ 生牛肉河生牛肉半生熟 輕輕再喺熱湯裏浸一陣 就剛剛好食得肉質鮮嫩 配上越南菜特有幼身河粉落埋青檸同埋指天椒 配埋九層塔就係生牛肉河嘅精髓❣️ 香茅豬扒湯檬香茅豬扒大大件 炸得好酥脆 識落充滿香茅味 大大件配埋湯檬食 零舍滋味❣️ 香茅雞翼雞翼外皮香脆 內裡卻鮮嫩多汁香茅的香氣非常誘人 好食到上一個人獨食四隻❣️ 上湯時蔬生菜粉量好多 出街食有得食菜先係王道❣️ 咸檸7二人餐竟然特飲唔需要加錢 咸檸的酸酸鹹鹹配七喜 真係香港獨有嘅風味…查看更多

Soymart當然要食甜品 除咗甜品之外 粢飯都係我最愛真係滿足晒我咸甜兩個胃🤤❣️泰奶仙草麻糬係seasonal 系列 對於我咁鍾意泰式奶茶真係啱晒一食落去手標茶味好出 仲有麻糬、奶蓋、仙草麻糬軟糯、奶蓋棉密、仙草有爽爽嘅口感一份甜品有超多重口感 而且夠晒飽肚頂部命有塊脆脆Lotus焦糖餅 打卡一流！❣️酸辣豬頸肉粢飯呢個口味已經係我第二次食 豬頸肉醃得好惹味 份量十足❣️慢煮豬軟骨玉子粢飯豬軟骨真係煮到好腍 食落一啲都唔柴兩款粢飯都有大量嘅肉鬆、脆脆嘅油炸鬼、玉子同埋係即叫即包 糯米粒粒分明之外 夠晒煙靭唔會過腍重點係個油炸鬼食落真係卜卜脆㗎！…查看更多

有留意開我嘅 都知我好鍾意食牛腩麵😊今次就嚟到呢間米芝蓮餐廳除咗食物正之外 鍾意呢度嘅員工好有禮貌同人情味💋❣️牛筋腩撈麵牛筋有咬口 食落口好黏 充滿骨膠原嘅感覺牛腩炆到好腍好入味 肥瘦均勻 粗麵有蛋香夠彈牙 掛滿牛腩汁 超級惹味❣️淨水餃水餃大大隻 有筍絲木耳絲 瘦肉同蝦肉比例恰到好處簡簡單單就食出兒時嘅味道 不多也不少❣️炸鯪魚球呢粒鯪魚球真係超巨型 淡淡嘅金黃色 證明啲油好乾淨鯪魚頭超級彈牙 食落滲出魚香嘅味道 配埋蜆蚧食 超級匹配 呢種就係地道港式嘅味道❣️一品粥粥底煲到好綿滑 夠杰身 超級飽肚一碗有齊蝦球、肉丸、豬腰、豬潤、滑牛 食餸都食飽～配埋啲蔥段同薑絲 夠晒香口❣️腩汁芥蘭唔係度度粉麵檔都有芥蘭食㗎！腩汁芥蘭腍啲就係屋企人最愛…查看更多

新開張 店長好熱情 裝潢別緻 仲有好多款式嘅湯底 啱晒我鍾意食新嘢！❣️招牌花膠滑雞絲濃湯米線轉菜底湯底濃郁，花膠的鮮美與雞絲的滑嫩相得益彰，讓人一口接一口。蔬菜吸收了湯汁的精華，再搭配的金菇和通菜，增加了菜式的層次感，清脆的口感與湯的濃厚形成了良好的對比。而魚肉春卷則是完美的點綴，大大條有魚味，為整道菜增添了豐富的風味❣️招牌自選小窩冬陰功湯米線冬陰功湯香氣四溢，酸辣的味道令人垂涎。豆卜和通菜的搭配使得整體更加清新，芝士腸食落應該係金妹牌，鹵水豬頸肉的夠入味❣️豚角煮這道豚角煮肉質鮮嫩，滷汁入味，甜中帶鹹，肥瘦相間，讓人一試成主顧。慢火燉煮讓肉質更加軟滑。每一口都是滿滿的幸福感，令人回味無窮。❣️淄博脆炸雞翼淄博脆炸雞翼外皮金黃酥脆，肉質鮮嫩多汁，口感極佳。每嚼一口，香氣四溢❣️尖椒麻辣皮蛋皮蛋的滑腻與尖椒的辛辣形成鮮明對比，刺激味蕾，，適合喜愛辛辣味道的人，麻辣的口感讓人回味無窮，十分開胃。…查看更多

食過灣仔店 發現原來沙田都有同親戚食飯～就一於嚟食個開心孖寶餐❣️炸子雞半隻外脆內嫩，炸得金黃酥脆，搭配特製的醬汁，讓每一口都充滿香味。雞肉的鮮嫩程度令人驚喜❣️上湯焗西澳龍蝦稻庭烏冬西澳龍蝦的肉質彈牙，與稻庭烏冬的Q彈口感相得益彰。湯底濃郁，鮮美的龍蝦味融合在每一根烏冬中，令人陶醉。龍蝦約一斤重，有四粒肉，肉質彈牙加點咗個菜❣️濃湯海皇什菜煲非常豐富，有小棠菜、菜心、西蘭花等新鮮蔬菜，還有貴妃蚌、象拔蚌、帶子和鮮魷，搭配粉絲，湯底濃郁，滋味十足。每一口都能感受到海鮮的鮮甜，搭配蔬菜的清新，簡直是健康又美味的選擇。❣️紅豆沙紅豆沙清甜適中，豆香濃郁，口感滑順，完美地為這頓美餐劃上句號。…查看更多