Nataman的個人專頁

又到happy Friday, work from office 自自然然就想出街揾美食。番中環半山區嘅打工仔，識食嘅梗係向山上方向行。愈近地面嘅餐廳愈多人排隊🥲今次拉埋同事搭條長電梯上山，揾到呢間佈置簡潔嘅cafe，重點係好多位，唔洗排隊即入啦。先付款後揾位，餐廳主張自助模式：自己揾位，自己拎餐具。點餐後等左10分鐘先黎杯latte, 不過不失。等啊等，又等多20分鐘，食物由廚師送上。吸睛度高，睇得又食得😍炸雞配辣醬搭牛油果有驚喜，可以encore!…查看更多

一家3口黎食lunch主菜點蝦意粉 燒春雞甜品pink delight燒春雞 出色 入味而且肉質嫩滑蝦意粉正常pink delight 係紅莓 同荔枝即叫即整 上枱crepe微温賣相一流 crepe 餡吉士唔太甜 適合小朋友食服務態度好好如果唔限時仲好…查看更多

gimmick在於餐牌上嘅食物名稱即使睇完材料簡介都未必知道係乜野食物侍應好主動為我地講解 亦推介最受歡迎食物：金蝦脫殼，金雞藏鮑另外都點左鹽焗有米雞，需時50分鐘！金蝦脫殼有黑松露，味道好香個醬汁好濃郁，一口size 唔太膩。反而金雞藏鮑有啲失色，味道平凡，釀有少許糯米，感覺飽滯。值得等待嘅鹽焗有米雞，伴有鮑汁，食果陣一定要加，帶出鮮味。雞肉嫩口，飯粒吸收哂鮑魚味，正！李鹵味可以不試，同街邊小舖差不多。每碟菜份量唔大，兩個女人仔都可以點一個飯/麵同3個小食都唔過份。…查看更多

餐廳佈置精緻，環境不錯，感覺清新。用餐為平日晚上，不用預先訂枱也可即時入座。雖則標示為多國菜餐廳，可是餐牌上未有太多選擇。米紙卷: 足料，但醬汁味道不合。牛油雞翼: 外層炸得脆，但沒牛油蒜蓉香味忌廉烟肉意粉: 普通，份量適中三味魚: 不清楚所指的是哪三種味道，如果是甜酸辣，可能欠缺了辣的成分（被甜味覆蓋）。整體感覺一般。…查看更多

相約友人飯聚，而希雲街的小店不少，我選擇的是街角盡頭的西班牙33 Cafe。看著menu發呆，雖然寫的是英文，但不明白到底是什麼菜式。友善的店員主動將菜式逐一解釋，並推介水果酵母茶。Mini Arepa Rellenas-Chorizo and Boracho Onions迷你4件裝，bite size 食得好方便。如果可加yogurt sause應該更好。Fried cheese quinoa salsa & chips當紅健康食品藜麥，原來口感幾特別。大愛是一小片的fried cheese。Chicharones炸豬腩肉配辣醬，入口不會肥膩。Arepa Rellenas-Avocado Pesto MushroomRegular size 只是手掌般大，一定要加yogurt daises來吃。Sweet Potato Fries炸蕃薯條好食，最滿意的一道菜。最後在享用我預先準備的甜品，老闆留意到這是慶祝生日的飯，即刻換上了生日歌助興，很窩心！只有小店做得到呢。…查看更多

慶祝男朋友BIRTHDAY, 帶他來欣賞迷人海景。一踏進餐廳, 被一整個DESSERT BAR吸引了目光。點了菜, 穿著格子襯衣的侍應端上了香口麵包。STARTER要了一個TUNA SASA同CRAB CAKE, 味覺衝擊。TUNA清新帶微酸, 很開胃。CRAB CAKE軟稔稔, 每一口都充滿著蟹肉。由於唔係太肚餓, MAIN COURSE只點了60 DAYS WET AGE RIBEYE PRIME STEAK。MEDIUM COOKED, 有少許炭燒味道, JUICY。另外點了SIDEDISH 怕男友唔夠飽。結果CREAM SPINACH差D食唔哂。DRINKS 沒有叫餐酒, 我們兩個都不好杯中物, 簡簡單單叫了CRANBERRY & APPLE JUICE。如果可以騰空一個胃, 我一定會試DESSERT的。…查看更多

男友中同一年一度聚會BOOK私房菜, 睇雜誌介紹8104就一個月前打去BOOK位試下。MENU特到頸都長, 28/6先出然後CONFIRM。前菜: 琥珀核桃湯 : 響螺桂圓杞子淮山烋烏雞海鮮: 火焰蝦 + 清蒸河鮮 (彩紅鯛)> 海鮮不夠吸引肉類: 8104秘製蜜汁叉燒 + 黑椒炆豬手 > 叉燒蜜汁味道偏淡雞 : 茶燻雞 > 有驚喜, 雞肉嫩滑, 茶燻味香瓜菜: 法海圃團 + 竹笙扒時蔬飯面: 荷葉飯甜品: 法式焦糖燉蛋 > 底部好多雲呢拿籽, 香濃幼滑…查看更多

假期到赤柱散心, 到埗後第一時間搵野食。門面似洞穴, 要落樓梯o既感覺仲似去探險。餐廳座位大概40個, 假期的下午2點半接近9成滿座。堂食的多數是華人, 外國人絕大部分都是GRAB & GO。BAGEL 同SANDWICH好受外國人歡迎。除麵包類, 餐廳還有提供YOGURT, MACARON同CAKE。全店的廚師普遍都很年輕, 有華人也有金髮美女。從OPEN KITCHEN望去, 見到每一位廚師都好忙碌。有負責麵包類, 有負責ALL DAY BREAKFAST類, 有負責湯及飲品的。今次我地ORDER左一款SALAD, 1份STRAWBERRY DANISH, 1份RAISIN SCONE同1杯LATTE。SALAD 配黑醋汁很開胃, 份量也夠。DANISH的CUSTARD份量較少, 士多啤梨很鮮甜。最讚是RAISIN SCONE, 口感不錯, 外層脆而內裡保持濕潤, 完全不需要搽JAM或CREAM。LATTE用LAVAZZA 咖啡豆, 溫度是可入口的, 沖調技巧不錯。可惜是沒試到ALL DAY BREAKFAST, 份量大到應該足夠兩個人吃。一定會再回來試。…查看更多

心想星期一晚應該不會滿座，但見香港人對某些餐廳神化的程度，還是早幾天去致電訂檯。大廈位置比較隱閉，如果看不見擺放在大廈入口的大型餐牌，應該會走寶了。餐廳設計簡單，座位大約20個，帶上笑臉的女侍應給我們安排一張近窗的二人檯。再之後只有一檯三人在用餐。Set Dinner有8款，有牛排，意粉，意大利飯。價錢由$118至208不等，包餐湯沙律主菜飲品甜品。各自選了巴馬火腿意大利飯配熱柚子蜜、虎蝦天使麵配洋甘菊茶。先送上簡單沙律, 後上椰菜花忌廉湯。椰菜花打得好細, 香噴噴的迎上幼滑忌廉。:)上菜速度不錯, 可以一道接一道, 沒有悶場。意大利飯是朋友的, 嚐了一口, 飯的軟硬度適中。不過沒有伴以巴馬火腿品嚐...整體味道不明, 但賣相可取。我要的天使麵麵條比想像中粗, 但看起來濕潤, 沒有坊間的乾巴巴。虎蝦大細適中, 烹煮時間可以短一點。拿破倫汁OKAY, 我比較喜歡以黑胡椒調味。未吃完主菜已經上餐飲, 女侍應遞上了餐牌讓我們點甜品。朋友原本一心想吃自家製切餅, 可惜當天沒有。結果由我主導, 點了焦糖燉蛋及黑糖香蕉罌粟籽蛋糕伴雪糕(加$20)。甜品簡直點綴了整頓晚飯, 燉蛋很幼滑, 香蕉蛋糕加熱後很脆, 伴以呍呢拿雪糕的味道更豐富!沒有另收加一是我喜歡這餐廳的原因, 如果可以用信用卡付款更好。支持支持! 一定會再嚐其他意粉 ^^…查看更多

同同事食飯，遲左打去訂位，只可以坐吧檯，冇問題啦。點知一坐低望到餐牌，冇壽司餐！！！日本料理竟然冇壽司食，侍應又話海膽魚生飯賣哂。。:(變左柯打一個黑豚肉定食同燒花魚定食。黑豚肉個賣相麻麻，之前上碟用黎隔油嘅架冇左，食落好乾好韌好油配菜椰菜絲係苦的，冇爽口感覺燒花魚冇專用豉油，唔香，得個咸字，蘿蔔絲有渣。唔知呢度係轉左老闆定轉左大廚，食到反胃之餘連杯凍檸茶都難飲過人食魚八好過！…查看更多