master foodie的個人專頁

約左朋友去九龍灣睇完戲，跟住去E Max見到呢間海鮮丼、佢哋海鮮囉好豐富好足料，啲三文魚子好新鮮，另外啲蟹肉都好好食， 雖然成個套餐唔係特別平， $160， 但都值得一試😛…查看更多

午飯時間揀左呢間食台灣野。餐廳裝修有特色，有bar枱座位。我叫左個炸豬扒定食，飲品要加22蚊，唔太值，加多小小$可以出面茶飲店大大杯了。朋友叫左個排骨紅燒麵，要$85但同事覺得個麵太油，有一層厚厚既油。我個豬扒飯只能夠說可以接受，但加埋飲品$87就要諗諗。…查看更多

同啲朋友睇完戲已經九點幾十點，但又好肚餓喎🥲諗起九龍灣附近有咩食，估唔到囍運冰室仲有營業，佢哋仲專登推出呢個宵夜套餐，係我哋依家啱啱睇完機場嘅人嘅福音😂因為未食夜晚嘅關係，我就買咗個幾Heavy嘅豬扒炒烏冬，味道都偏鹹嘅，但係份量都好足夠，可以當一個正餐咁食🙈雖然唔係特別好食, 但呢個時勢有得食宵夜我已經覺得好感恩啦，哈哈…查看更多

而家搬咗出嚟住就好少飲到阿媽嘅老火靚湯🙈出邊如果淨係飲出邊啲湯嘅話咁又比較貴呀🥲但係呢間餐廳嘅燉湯套餐好味健康之餘 又唔貴，個湯我揀咗蟲草花先包燉土雞，真係好鮮甜。我諗佢嘅燉嘅火候都好長時間先可以咁入味，主菜方面我揀咗黑醋排骨，個排骨酸微微咁都好開胃而且好腍，最估唔到$118嘅價錢仲可以有埋甜品飲品絕對值得推薦🤡…查看更多

原本3人飯局，但有人放飛機，得番2人食。揀呢間餐廳就是想試多幾款新派點心，e+就不能多叫幾樣，免得浪費。叫左5樣野，牛肉叉燒一定要試，甜味剛剛好。花苗都爽口，岩食。菇包同新豬肉燒賣就不過不失。席間飯mate呀叔撩服務員傾計，仲r左個豬仔pudding,不過我地都有加單試隻店員推介既燒乳鴿。兩樣野都好值得試～pudding幼滑奶香，乳鴿肉軟多汁。最後店員好好提醒可以免費做會只即時有折扣優惠。very nice!…查看更多

今日食完快樂蜂嘅下午茶,好似有啲仲想食其他野 所以就喺附近嘅舖頭買咗章魚燒啦😎原來而家啲章魚燒有咁多唔同嘅口味🙈我就揀咗個松葉蟹膏嘅味道嚟試😏佢個章魚燒上面好多蟹膏醬都，每一粒都有八爪魚腳入邊，仲要熱辣辣嘅，真係好好食😋…查看更多

等咗好耐 Jolibee終於開到嚟葵涌廣場😂 記得細細個去菲律賓旅行嘅時候好鍾意食佢嘅肉醬意粉🙈咁今次佢去葵芳開咗我就試吓啦😏可能係人大咗嘅關係，我覺得佢個意粉無細個個陣咁好味嘅🙈但係佢同我炸雞真係好出色🤡外邊啲皮好脆，但係入邊啲肉質好滑好Juicy 唔怪得越開越多分店啦😂…查看更多

今日同阿爸阿媽去海港飲茶，開頭見唔到張早餐嘅特價點心紙。以為冇特價點心啦，咁就有少少失望，點知個職員主動同我哋講有特價點心㗎😂我哋見到特價嘅夾點心都有好多款式價錢都好平，個蟹粉長腳蟹粉小籠包個味道係唔錯嘅，咁但係一籠得兩隻咁就唔係好抵食但係味道OK，黑金流沙包啲餡真係會流沙嘅，咁都好好食啦好濃郁啦啲餡，而我覺得最出色最令我滿意就係個燒賣啦，燒賣嗰啲蝦好新鮮啦同埋淡淡都係肉囉，好爽口呀啲蝦😋所以我之後如果起到身可以坐飲茶嘅話我可能都會翻返嚟海港到飲囉…查看更多

麥當勞嘅蝦堡終於終於返嚟啦，因為今個夏天真係好熱嘅關係，平時唔鍾意食菠蘿嘅我都嗌咗呢個菠蘿蝦堡，好似比較消暑啦，但係可能我本身唔係好鍾意食菠蘿嘅關係，我自己覺得呢個蝦堡上面嘅菠蘿唔係好Juice囉，但係個蝦餅都OK嘅，個櫻花蝦味嘅薯條呢，我就覺得有少少辣估佢唔到😂…查看更多

難得約咗朋友去九龍灣買嘢，食完個晏就去咗happy lemon 飲嘢，真係好耐冇飲過呢間野啦對上一次應該係我中學嘅時候見到佢個Menu已經唔同晒啦，有好多新嘅嘢飲。而今日咁熱，我就飲咗杯好似幾消暑嘅飲品，益力多鑽雪冰斯，我覺得真係幾啱夏天飲，酸酸地又有冰，仲有啲好似蒟蒻嘅𡁻下，好啱夏天飲…查看更多

喺葵芳行行吓，想食返一間四正啲嘅西餐，跟住就搵到呢間西餐廳。見到佢個Menu都好吸引，雖然餐牌上有幾款食物都冇😂到最後我哋揀一個意大利粉同意大利飯，我自己就食意大利飯，好食嘅意大利飯真係好難搵，呢間就比我搵到啦😂佢嗰個匈牙利鴨胸，意大利飯個白汁好濃郁，好cremmy,而個鴨肝都煎得好香，好好食囉，佢個下午茶色加杯特飲淨係需要比三份一嘅價錢，所以我哋買單都係每人$100，都唔使性價比來講都係唔錯㗎，同埋佢都算坐得好舒服啊🤡…查看更多

去完迪士尼出返去東涌諗緊食啲咩嘢，有個朋友就話食咗個蛋包飯好食，跟住我哋就去試吓啦原來係韓式蛋包飯，當蛋包飯一上戒嘅時候真係俾佢嘅外表吸引，用匙羹輕輕刮開嘅時候就嗰啲蛋漿都留入去啲飯到，食落都好有蛋香，除咗蛋包飯我覺得最出色就係個炸雞，就好似返咗韓國食炸雞咁，配埋啲醬料真係好好食，值得推介！…查看更多

九展既呢間餐廳一向有人光顧，之前有人推薦食豬手，但因為想食清d所以叫左4餸蕃茄麵，西蘭花，雞肉，什菌，龍蝦丸配螺絲粉，原味湯。西蘭花硬爽，喜歡，什菌有d老左感覺，唔建議，雞肉同龍蝦丸都係不過不失。個原味湯係炒蛋蕃茄湯，濃郁蕃茄味同埋佢有幾塊蕃茄真材實料。整體份量都多，食到好飽。個凍0茶有少甜，可接受。下次會叫想食豬手。…查看更多

臨時臨急出咗去太子做嘢，都睇吓附近有咩好推介嘅日本菜啦，就搵到呢一間細細間嘅日本餐廳，開頭見到鋪入邊得一個人以為應該係麻麻地啦唔夠膽有太大期望，但睇落佢嘅Menu都好豐富好吸引，於是乎我哋就叫咗一個海膽蟹肉蟹膏當同埋燒楠肉當，個味道出乎我哋意料之外都好好食，另外佢仲有好多其他日本餐廳冇嘅嘢食 佢啲蠔都好多種類我哋叫咗一個活赤貝，活赤貝喺其他地方都比較少食，都好鮮甜嘅。下次去太子附近食日本嘢我都會返番呢間餐廳再試其他🤡…查看更多

用咗Times Square嘅coupon終於試到呢間日本嘢性格嚟㗎比來講係十分之唔錯嘅 等咗大約20分鐘就可以食到 店內都係一般嘅日本餐廳嘅裝修啦咁環境都係好乾淨整潔嘅 佢啲壽司好好食 我自己就比較欣賞佢嘅左口魚嘅壽司啦 有入口即溶嘅感覺 有啲返左日本既感覺 哈哈 但我哋有人因為病咗嘅關係食唔到生冷野 食咗佢個蟹皇粥同埋鰻魚飯 我哋都十分欣賞佢個海皇粥 十分之鮮甜 另外 佢個脆米都令我都有深刻嘅印象嘅 買單三個人都唔使$500 十分之抵食…查看更多