robomanhk的個人專頁

皇牌冰廳結業後，原址搖身一變變成另一家茶餐廳，裝修跟之前九成一樣。最近餐廳推出優惠早餐，$32有豬扒或牛扒或雞扒，半件牛油多士，兩隻煎蛋，一碗湯粉或麵，一杯熱飲。最初對呢個價錢有所懷疑，但食過一次真係出乎意料咁抵。塊豬扒差不多手掌咁大，仲要係厚切，有肉味唔似係殭屍肉；兩隻煎蛋可換庵列或一蛋一腸；碗湯粉可以選擇公仔麵或烏冬或辛辣麵而不另收費。唯一美中不足係冷氣唔係好夠，同埋部份服務員不時聚集水吧，唔知道有客人要落單。整體值得試試，因為真係抵過番大陸食... （利申：自費食評）…查看更多

幾個月前睇電視介紹，今日經過買了一碗魚腩粥一碗魚鮫粥。一聞碗粥已經與別不同，魚肉係爆香過先入粥，所以好有香味。魚腩粥有六舊魚腩，魚鮫粥有三大舊魚鮫，魚肉新鮮無腥味，粥底好綿滑，剩食魚都飽肚，52-58蚊都物有所值。老闆娘一個煮，睇得出好用心處理，抵支持。收銀姐姐笑容滿滿，買得好開心。店舖雖然唔大，但保持得整潔乾淨，多種電子支付工具都支持，值得捧場。魚鮫粥應該每日數量唔多，我12:30已經係最後一碗。…查看更多

原本對呢間點心舖無太大期望，但估唔到點心熱辣辣，味道口感似即叫即蒸，服務人員有禮貌夠快手。蝦餃燒賣：可以點2粒或4粒，方便人少時可以多試其他點心。燒賣大大舊豬肉彈牙唔膩，蝦餃多蝦，以點心舖水準算唔錯。蝦多士：一碟有三大舊，個底索好多油，好食但食多舊會濟。炸春卷：有淡淡燒鴨油香味，實質係芋頭餡料，炸得夠脆幾好食。山竹牛肉：有牛肉味有馬蹄，口感唔錯彈牙。灼菜：正常水準，唔會太淋紅棗糕：好香紅棗味，好Q彈，仲要係送既，感覺抵曬。…查看更多

神燈又開分店，今次響尖沙咀square隔兩條街，地點靜中帶旺，如果無人介紹應該未必會知道。唔知係咪新張關係，星期日中午人客只有七成滿，知客都好有禮貌好有效率。點心選擇同佐敦神燈差不多，不過價錢稍貴。蝦餃、金錢肚、千層糕、沙薑豬手都好好食；炸馬蹄條其實係炸馬蹄糕，同想像有點落差但都好食；最驚嘆係蘿蔔絲酥餅，原來唔係以往蠶蟲形狀，而係個炸大饅頭，不過餡料好少，所以食個濕饅頭口感麻麻地。玄米綠茶好飲，同其他普通茶錢一樣。酒樓剛剛開業，裝修都乾淨光猛，位置響地庫，入內有扶手電梯，離開可以行樓梯或地底行番去亞太中心搭載貨升降機出地面，對於行動不便既長者都算方便之選。新張有七折，所以抵食。（利申：自費）…查看更多

年二十九屋企人團年，我地六點鐘坐低，服務員提醒我地兩個小時內交檯。我地由落單到食飽都好快趣，短短55分鐘已經掃清食物，原本想坐幾分鐘傾下計，點知有個女知客問我地係咪所有送菜已經到齊，要我地先埋單；雖然佢口裏話唔係趕我地走，但用意已經係趕客。我問佢地係咪有客等緊檯，但係都無客響度等緊，仲有兩張檯清緊。今時今日咁樣服務態度真難怪港人北上。講番食物，半隻乳豬以為即燒，但送上來已經凍曬，份量也少。柚子蝦球味道唔錯，夠大隻。炸黃油雞味道一般，雪雞變唔到魔術出來。芥蘭煲好香口好味。叉燒王份量好少，平均一舊$30。神燈小炒皇有油炸鬼豬頸肉，都幾特別。新春菜單無鮮魚價錢，問服務員都係支吾以對話幾百蚊一條，感覺唔憂做我生意。整體服務人員低級既有禮貌親切，反而高級同知客服務態度有待加強。…查看更多

餐廳裝修後比以前金碧輝煌，觀感好左，餐廳面積少左一個舖位但座位多左，卡位兩人對坐會頂腳。昔日水吧位置無左，宜家藏廚房裡面。伙計多左，不過坐低15分鐘，都見佢地忙著落單而唔見附近有嘢飲嘢食送到。之後陸續有客人催單，但係廚房出餐係遲來先到，結果先黎既客人開始鼓譟，漏單催單再漏單，如是者三催四請等左超過35分鐘先到齊嘢飲嘢食。咖啡味道OK無酸味，奶茶口感退步左飲一半就棄權，煎蛋煎到過火，丹麥多士上上錯變左蒜蓉多士。雙拼三文治餐$34性價比低，下次都係食麥皮餐抵D。昔日鮮奶餐無左。整體整體感覺係餐廳員工各有各忙，無一個總指揮響繁忙時間理順餐廳傳菜問題，同調解鼓譟客人。整體感覺係雖然唔少員工都係舊人，但運作好亂，唔識變通。其他運作問題，希望佢地會積極檢討，唔好再得失舊客仔....…查看更多

「去滾」，一如其名，係一間佈置好有玩味既餐廳。雖然係一間打邊爐餐廳，佢午餐時間有套餐食，非常適合趕時間既上班族。我食左佢地既牛魔王濃湯麵，裡面材料豐富，有牛肚、牛筋、牛腱、牛坑腩，麵條可以選粗麵同幼麵，牛肉湯夠濃味唔鹹，麵條Q彈好食，免費既涼拌海帶同青瓜，都好好味。可樂係樽裝，夠風味。服務都到位，有禮。整體成個午餐性價比係高既，自己真金白銀買單好抵，不過出奇地成個中午成間餐廳只有三枱客人，真係有點可惜，銅鑼灣發生什麼事...…查看更多

合和商場6樓新開呢間星光洋食店，佈置相當有洋食店風格，入門擺放洋果子售賣，感覺分已經賺左。坐響沙發好舒服既感覺，未食先興奮。睇完餐牌，點左兩份午餐。先來沙律，份量比預期精緻多，番茄沙律無皮，口感清新但就嫌唔夠喉。輪到主菜，生薑燒豬肉上桌時候已經唔熱，配上凍既白飯，原來洋食係咁既。招牌三文治，幾塊無飛邊既三文治配上一堆堆響上面既北海道薯條，賣相已經嚇破眼球，味道更因為麵包較乾而唔太好食，附上既番茄醬粉紅色，可能係新鮮貨。餐後既熱咖啡味道OK，比茶餐廳咖啡好。整體黎講，以$168食呢個午餐（生薑燒或三文治）性價比一般般。…查看更多

對住彌敦道大街，居然有間好食夾大件既粥品店。連續兩日試左佢地三種粥（包括皮蛋瘦肉粥、菜乾豬骨粥、艇仔粥），D粥既夠大碗又夠足料，好抵食，食粥都可以食飽。油炸鬼同牛脷酥都好大舊好脆，無油膱味，滿足感100分。日後要試埋鹹煎餅同埋煎堆先得。服務方面服務員都好快手快腳，外賣等唔夠五分鐘已經有得拎。價錢方面，比起同區老牌東乜粥店都只係俾多幾蚊，但份量同材料已經抵番曬。堂食座位算寬趟，裝修夠光猛，乾淨企理好正。…查看更多

當澳牛依舊大排長龍之時，兩舖之隔既位置已靜靜地開左一家恆香冰室。冰室地方雖小，但因為樓底夠高裝修光猛既關係，感覺都既舒服。早餐選擇算多，炒蛋色澤黃潤蛋香OK，多士件頭比較小，火腿米粉及格，餐肉蛋治無烘底，有點昔日茶記味道。服務方面，伙計都快手有禮貌，又唔會強逼要客人搭枱，都及格。唯一需要改善係茶檔伙計，點解要將張單放響碗粉上面，感覺唔係好衛生。餐廳門口有售賣恆香餅食，不過無聞到任何香味，估計係同餅家分店一樣既預先製成品而非即場烘焙。其實如果有焗餅香味，應該會吸引更多遊客客人留意呢間冰室。…查看更多

中秋節同家人去食飯過節，阿翁不但無逼客戶選套餐，反而菜單價格依舊，食物質素、份量同服務都保持高水準。燒鵝肉嫩皮脆多汁好吃，海蝦生猛應該足一斤肉質彈牙，翡翠炒龍躉好新鮮啖啖肉，脆豆腐炸鮮魷香口好味道，三層冰燒肉就不過不失豬肉香唔夠突出，蒜蓉唐生菜份量較少不過都算新鮮。整體黎講，呢餐飯好豐富、有水準，佐敦區域人均$250都算抵食，服務人員笑容滿面有講有笑，食得開心舒服。由於今晚要番屋企食月餅，只能錯過糖水。…查看更多

第一次光顧阿翁，整體餐飲質量同服務都算驚喜連連。菜餚碟頭夠大，唔會過咸，價格合理。好耐無食過皮咁脆肉咁嫩既燒鵝，蒸白灼海蝦夠大隻新鮮，西蘭花龍躉球肉質彈牙，白雲豬手好味道，蒜蓉莧菜嫩口無渣，金針雲耳牛肉嫩滑好食，士多啤梨骨夠大件肉嫩唔會大舊炸粉，豉油王鵝腸脆口多芽菜。整體菜式色香味俱全。飯後職員有主動送糖水俾客戶，芝麻糊唔會太甜，有驚喜。餐廳地方唔大，不過勝在包房夠多，對於需要私人空間既客戶比較方便。…查看更多

I selected this restaurant based on the good comment from OpenRice. The actual experience was hilarious. Salad / soup were served normally. But then we recognised no main course has been served to any table 60-min after we sat down. We asked manager to check our order but could not get firm response. We went to kitchen area and found that the staff was busily serving salad / soup only. There was no trace of baking any pizza or cooking pasta and the staff seems not working as a team. People started leaving and the restaurant staff still not reacting attentively. We finally decided to leave when no one apologised or tell us what was happening.…查看更多

今日買左兩隻滷水乳鴿，負責斬料既哥哥服務態度好好，俾我揀喜歡果兩隻，其他店員都好有禮貌，讓我買得開心。番屋企食過覺得係近期最好肉最入味既乳鴿。我阿媽都讚好食！值得推薦。話說我買乳鴿前，響門前望左好耐，唔知選擇邊種燒味好，店員知道我電話問緊屋企人食琵琶鴨定係鹽焗雞定係乳鴿時候，主動攞一抽乳鴿放我前面玻璃櫃，方便我做決定，真心覺得呢個服務態度好正。比起近期光顧「超人」，呢度真係俾錢俾得開心好多。希望匠心日後可以去尖沙嘴佐敦開分店啦⋯⋯…查看更多

中午沒胃口，突然想起家附近的新光粥店，於是就走去一試。走到門口附近，已經聽到店員熱誠招攬路人入內光顧。裡面裝修很有傳統粥店風味，白色瓷磚，不華麗但整潔的佈局。店員很有禮貌協助下單，廚房的小弟一人勤快煮粥做腸粉。價格方面也很划算，最便宜的碎牛肉粥才$20，我點的叉燒腸粉和蔥花蝦米腸只要$18，還要是即叫即做。味道方面，腸粉皮適中有米味道，叉燒量多口感不錯。正門口擺放的油條炸兩色澤金黃，下次要試一試。…查看更多