Lindadada的個人專頁

食到咁大隻蟲仲要我埋單食緊街邊檔都無咁嬲又唔係平，成百蚊又無服務，水都無杯學人收加一門面睇落好高級 入到去啲枱枱凳凳溶溶爛爛咁阿姐寧願執枱都唔幫人落單邊隻眼睇到有客排緊隊呀？…查看更多

朋友介紹呢間好食嗌完個外賣再睇吓張餐牌 咦 有嘢飲㗎喎我又見到前面拎外賣嘅都有兩杯嘢飲咁我拎外賣果時問吓店員係咪有嘢飲㗎佢諗一陣 就話 「無呀 你想要？」但明明張menu寫住有 成場堂食都有 前面外賣都有 得我無，哦好囉 唔老實幾好食都無下次 仲要專登兜過去買外賣thanks…查看更多

我地兩個人七點鐘左右拎位前面已經有7張飛等緊等咗20分鐘就入得位置幾闊落，唔怕同隔離枱太近食得唔自在但係就冷氣太大吹住個人就凍咗成餐飯我地總共嗌咗兩碟食物，好多都想試但驚住食唔哂會浪費第一碟係流心芝士$78芝士唔流心，不過可以拉絲拉到好長事關燒一碟都用咗15分鐘，問職員點燒又用咗5分鐘，餐牌係無講到明流心芝士點燒，但其實就同普通御好燒整法一樣，只係在中間加埋啲芝士，等芝士熔係入面燒完就即刻放入口，熱辣辣好好食，不過就無影到相第二碟係道頓堀特選御好燒$98可能係食咗流心芝士，已經有啲濟食第二碟嘅時候就覺得麻麻地呢個要花好多功夫，又要煎蛋又要炒麵最後仲好似整錯咗分開咗三件不過味道唔錯，落咗佢啲調味粉同醬料，係生色不少職員態度好好，因為佢說明果張紙寫唔哂每碟食物嘅整法，問咗兩次都答得好詳盡有禮貌…查看更多

原本諗住去食芋圓，點知未開，就過左嚟試下新嘢。1點鐘嚟食，唔使排隊。聽講黑松露多士最出名，但係我唔太鍾意食黑松露就無揀到。我揀左個老鳳雞翼撈一丁，聽落應該係招牌雞翼，加左啲芝麻粒同蔥，溝埋啲汁真係好回味，有啲不足之處係雞翼有啲生，入面有好多紅，朋友仔都話唔敢食。另外加左個雪糕紅豆冰，睇相好似唔錯就決定加$14試下，但係嗌既時候呀姨話要加$16。嚟到既時候好大杯，即刻試左粒雪糕，原來佢係雪米滋，兩粒係芝麻味，一粒係荔枝味，另外上面有好大舊cream，係幾新鮮既配搭，紅豆都好夠淋，成杯野好飲又好食，但係下次唔會再特別加錢去飲。另外，朋友仔叫左個芝士雞翼撈一丁，雞翼係炸既，入面就熟哂無血，有啲辣辣地，幾惹味，但係芝士撈丁有啲濟同埋無咩芝士味，朋友仔無食哂。佢就加左個波波奶茶，入面既冰係波波狀大大粒，係用奶茶去雪既，所以奶奶無被溝淡，成杯野好濃好好飲，篤爛個波波冰之後，啲冰碎都好好食，呢杯都係不二之選。成間鋪頭都好有特色，我諗普普通通叫個午餐都會好夠食好有香港味道，下次經過深水埗會試下其他美食…查看更多