黑暗判官的個人專頁

以前食過兩次，一次差過一次。 今晚五人火鍋任食，每位$96~服務 :明顯菜色種類任食少過以前，點一次菜，一係冇尼，尼到嘅，一人都分唔到一件，點野食都用晒D時間 ~環境 :今晚室外氣溫有三十度，室內至少廿八九度，事關店舖太小，今晚開足台台都係火鍋，個個客人成頭汗，如果要做火鍋既，冷氣一D都唔夠 !!!食物味道及賣相 :以前可以任食海南雞，泰式鳳爪，青檸梳打.…等等，已經改為限量供應。之前有泰式生蝦刺身又冇埋。1. 海南雞 ~ 限4位可點半隻 , 大小似足大家樂燒春雞 , 每人可分到兩小件 2. 泰式鳳爪 ~ 點了5次單 , 除左第三次單尼過幾隻外 , 完全冇見影 , 仲要係正常一隻雞腳碎開三份 , 而尼果碟加埋唔夠兩隻雞腳3. 冬陰功 ~ 冇味 , 好似一份冬陰功開多一份水4. 脆肉鯇 ~ 標明脆肉鯇唔理你點多少件，一律比3~4小塊，仲要只係普通鯇魚片，而且好唔新鮮。5. 泰式炒檬粉 ~ 味道尚可6 蝦餅 ~ ok 尼樣又冇，果樣又冇，仲要收$96／位。以後唔洗預我!!!!!…查看更多