apz2sdtwdwmm的個人專頁

呢排都幾多野做，個人一忙壓力大就想食辣野抒解下😂😂朋友仔唔想食太辣，又想過下口癮，酸酸辣辣就最岩❣️早排就去試左呢間酸菜魚🐟又幾有驚喜🥹🫶🏻✨當日我地星期六去係無午市套餐既，全日都係做單點～中午去見到大部分客都食緊酸菜魚，仲可以加湯打邊爐🫣見佢寫到食神推介，就試試佢啦🤭🤭✨🥢香油海蜇 $𝟜𝟝花椒油應該好重手😂一放入口個下超濃花椒香，我本身鐘意花椒味就覺得好正😳佢麻得黎唔會辣，微微酸既醋汁加埋冰涼既海蜇，脆口清爽，仲好開胃😋份量都唔少，推介🫶🏻💓🐟必食冷鍋酸菜魚 $𝟚𝟛𝟠冷鍋意思指上枱時唔需要點火加熱即刻可以食，係四川既一種烹調方法😙佢既好處係唔怕啲魚肉會滾到鞋，亦唔會令魚肉散開❤️‍🔥食個時要小心啲，因為成煲野都熱辣辣🔥🔥我地叫左小辣，鐘意食辣既朋友仔可以再叫高一度😳～份量足夠𝟚-𝟛個人食，最驚喜係佢啲魚肉係好厚身，啖啖肉得黎超滑嫩，食落仲要好鮮😍😍另外有啲大豆芽、窩荀片、寬粉係底，啲寬粉超入味，軟糯ℚ彈，真心好少食酸菜魚寬粉係唔夠食🤤🤤✨不過佢酸菜偏碎同少，鐘意食酸菜既就會唔夠喉🫣同埋個湯略嫌油左啲啲🤏🏻🥠黑糖糍粑（細） $𝟜𝟚佢地既糍粑口感係偏厚實，外層好脆，裡面煙韌得黎唔會痴牙，米香幾出😋😋不過佢地既紅糖漿係偏水，我自己就鐘意杰身啲既🤣🤣🥤蜂蜜雪梨梳打 $𝟛𝟡好大杯，建議叫既話一定要撈勻啲個底，如果唔係會好似我咁飲左大半杯無味梳打水😂😂ℙ.𝕊. 佢地性價比係幾高，酸菜魚真係值得一試❣️而且環境都幾乾淨，有機會都會同朋友仔再翻兜😙…查看更多

間唔中都會口癮起叫呢間既外賣黎食😚因為台灣菜黎講佢地真係做到份量多又好食✨而且佢地既招牌蛋餅真係食極都唔厭!!🌶️紅油抄手佢地既抄手都係大大粒、好飽滿既，皮薄餡多🥹🥹除左食到滿滿既油香肉餡，仲會有蝦肉粒，一咬落去會爆肉汁，超鮮味😋✨推介🫶🏻💓🍜紅燒豬手拌米粉豬手大大件，估唔到份量都幾多，而且處理得好乾淨🙌🏻🙌🏻豬皮好Q彈，黏糯入味，配搭爽口既米粉唔會漏😋😋如果個汁再濃味啲就好啦～🍗塔香鹹酥雞炸皮好薄，肉嫩又多汁🤤🤤真係有係台灣食到既風味，不過炸野外賣無可避免地個皮會濕哂🥹但個味道係好食既🦑香炸魷魚呢個凍左無咁脆，份量一樣都唔少🥰椒鹽味勁香，魷魚肉質都好彈牙又鮮甜✨✨次次都會食，推介🫶🏻💓🍳超濃芋泥起司蛋餅招牌真係招牌，必食之選🥳蛋餅皮稱不上超出色，但佢地既芋泥奶香濃郁，雖然入面有大量芋泥同芝士，出奇地咸甜平衡反而唔會膩🤩🤩芋泥控大力推介🫶🏻💓🧋珍珠黑糖鮮奶一般台飲水平，奶味香，黑糖味濃，甜度略高，整體都好飲既🫶🏻☘️推介：𝟠/𝟙𝟘⚠️以上為𝟙𝟘𝟘%誠實分享，僅屬個人主觀口味以及感受所述…查看更多

相信好多人都有聽過豆腐花減價戰🤣身邊都有唔少朋友有食過佢既荃灣分店，評價唔錯，今次我又試下佢總店有咩分別先🤭🤭🫘香滑砵仔糕 $𝟜/個；$𝟙𝟝/𝟝個姨姨逐粒逐粒係啲砵仔度挑出黎，拎上手仲係暖笠笠架🤤🤤佢地既砵仔糕雖然比較𝕄𝕚𝕟𝕚，但係好足料👍🏻糕同豆既比例恰當，糕身軟糯，紅豆口感好綿密，整體甜度適中😋好食🫶🏻🍮黃豆豆腐花 $𝟙𝟙豆腐花都係細細碗既🥄同行朋友表示豆味都𝕆𝕂濃，同埋的確係好滑，同荃灣分店無乜分別😝𝙿.𝚂.經過都會再返兜嘅，不過我自己就覺得定價略高左少少🤏🏻 下次會想試埋好多人讚既客家糍粑🤤…查看更多

🧀有無人好似我咁係究極級芝士控🤣自從知道左有芝加哥Pizza呢樣野之後，久唔久都要返黎呢度食，因為香港真係唔係好多地方有得食架😋😋💓✨最特別係佢地既薄餅餅底原來係有健康麵糰專利🌱用左十幾種殼物去整既😳食落真係同坊間既唔太一樣✨🍗蜂蜜牛油秘製炸雞佢地係有提供埋即棄手套既，但一上枱個下真係熱到辣手，唔好一黎即刻食♨️😂😂佢地個炸雞皮係做到薄得黎好脆，但又唔會𠝹口，凍左都超脆✨炸雞上面既蜂蜜牛油粉勁香，整體食落咸咸甜甜咁唔會膩😋🧈不過睇相都見到佢係比較細隻，同埋𝕠𝕧𝕖𝕣𝕔𝕠𝕠𝕜左啲🤏🏻肉質稍微有啲鞋🍕太陽蕃茄芝加哥睇片就知佢既芝士有幾勁量啦🧀🤤🤤加埋酸酸甜甜既新鮮蕃茄同埋辣肉腸，又無想像中咁漏喎‼️🍅而佢地既麵糰係有好豐富既穀物香味，帶啲甘甜，好軟熟😋要勁拉絲既話呢個就要趁熱食啦🤭💓🥄海鮮紫菜意大利飯第一次食佢既ℝ𝕚𝕤𝕠𝕥𝕥𝕠，有驚喜喎🤩個汁好濃郁，有洋蔥粒同埋紫菜塊係裡面增加左香氣同口感👍🏻👍🏻而米本身既質感都煮得好好，中心微硬得黎又煙韌，仲好入味✨海鮮就有青口同帶子，份量唔少，但味道就無乜特別😂唯一我唔太鐘意裡面加既紫菜，覺得個種海水味同個汁既奶香有少少撞左🫣🌱本季限定冰茶（午餐奉送）凍蜜桃茶🍑桃味香氣比較淡，甜左啲啲，解膩還可以🙌🏻𝙿.𝚂. 味道真係幾好，都係一再回訪既餐廳❤️‍🔥份量黎講就，我地兩個人食哂呢度夠飽😂😂…查看更多

たまご園係一間以雞蛋為主題既日式餐廳，成個𝕞𝕖𝕟𝕦都係同蛋有關既料理，我地都好鐘意食雞蛋料理就去左試啦🥚🤤🤤成間餐廳仲要好多雞蛋公仔既裝飾都幾𝕔𝕦𝕥𝕖💓 ✨佢地雞蛋特別之處係用左日本沖繩直送既新鮮雞蛋🇯🇵標榜營養同埋衛生標準較高，而口感濃郁程度聲稱比一般雞蛋高出三倍以上‼️實際既味道又係點呢🤨✨🍚沖繩琉香豚肉飯（配慢煮蛋） 賣相幾靚，份量比想像中少左啲🫣個慢煮蛋爆哂流心好正，蛋味𝕆𝕂既🙌🏻🙌🏻不過唔知係唔係因為預你撈埋蛋汁食，啲飯煮得比較乾身，偏硬，個慢烤豬都比較乾😂整體中規中矩🥞士多啤梨梳乎厘班戟🍓Menu寫即制要𝟚𝟝分鐘左右，實際只等左𝟙𝟝分鐘左右✨呢個真心唔錯，好軟綿，唔係夾生個種梳乎厘班戟，蛋香濃得黎唔會有蛋腥味😋😋驚喜位係佢既糖漿好重焦糖味‼️勁香，完全昇華左成個甜品，但又唔會死甜個種🤩👍🏻👍🏻推介💓𝙿.𝚂. 啲野食都合格既，性價比𝕆𝕂，不過我地都覺得佢既雞蛋無乜特別🤣🤣甜品比主食更驚喜🫶🏻…查看更多

呢間拉麵店面細細，內有乾坤‼️除左主打全自家熬製𝟺𝟶+小時湯底，有特別既牛骨湯底之外💁🏻‍♀️內部周圍既日式裝飾令人彷如置身係日式居酒屋入面，風味十足🇯🇵💓咁啱起左拉麵癮，去會一會呢位大叔先😆😆✨晚市經常需要排隊，店外設有少量座位可以坐住等，唔怕企到攰👭👬👫好貼心✨🐖灸燒西班牙黑豚肉和牛骨湯拉麵 $𝟿𝟾首先梗係要試下少見既牛骨湯底🐮一入口個下真係有牛係口入面跑既感覺😂😂牛味好香醇濃郁，幾特別，唔會有油膩感👍🏻灸燒黑豚肉大約有3塊，油脂層厚重，有灸燒過既香味，略嫌肉味唔太出🫣 佢地既溏心蛋係一咬爆漿個種，同行朋友大讚🤪🦪廣島蠔赤地獄湯拉麵 $𝟷𝟸𝟾赤地獄湯底係櫻花蝦辣醬加雞白湯配製而成，但我地都食唔到有蝦味，反而佢個辣度好有驚喜😍個種辣係一入口就衝出黎，會燃燒喉嚨既辣🔥加埋雞白湯既清香，幾過癮❤️‍🔥配料有3粒廣島蠔同埋慢煮雞胸片，雞胸好柔軟、好嫩滑，一啲都唔會鞋👍🏻👍🏻同行朋友成碗連湯清左😂‼️𝙿.𝚂. 食開超硬麵既我就希望可以有得揀麵既軟硬度🥹～～ 整體都值得一試🫶🏻☺️…查看更多

位於荔枝角區既「四喜麵包餅店」自年中停業裝修之後，不但一改懷舊外型，仲出左啲唔少新品😍🥐🥖可能大家會聽過佢地比較出名既懷舊包裝月餅、松露朱古力、法式蛋批等等既出品，今次我就試左佢地𝟙𝟘月新上市既盒子蛋糕✨😋😋味道又幾有驚喜喎❣️🍰朱古力盒子蛋糕 $𝟜𝟚第一眼外型係好靚仔既，拎上手都有啲份量，亦睇得出佢既層次好分明💓一打開個蓋就聞到好香濃既朱古力味🤤🤤面頭有兩粒四喜招牌生朱古力、兩粒黑加侖子凍✨前者都係一貫水準，軟糯唔痴牙、微甘，好香醇既朱古力味🍫👍🏻蛋糕體夠濕潤，加埋好輕身、微澀既朱古力Cream，成件事係入口即化，無負擔感，會忍唔住一啖接一啖😋😋🔅個人最意外係佢地既盒子蛋糕偏大人口味，甜度主要來自黑加侖子凍，朱古力濃厚得黎偏甘澀，一個人食一盒完全無難度‼️𝙿.𝚂. 如果佢地既蛋糕體可以再厚啲，食落會更加滿足😛✨有機會下次會再試埋其他味道🫶🏻…查看更多

✨海龍王餐廳位於海洋公園入口附近，聲稱係全香港唯一水族館餐廳，食精緻中菜，環境暗暗地都幾有氣氛💗近水族箱採半圓設計，座位唔多，當晚係平日啲位都坐滿哂，如果想近距離睇魚仔最好提前訂位😉✨🥓蜜汁火方脆千層 $𝟙𝟙𝟠薄薄既咸香火腿包裹住濃稠既蜜汁，加埋炸到酥脆香口既腐竹，口感好有層次🌈而且咸甜搭配比例都岩岩好👍🏻（不過點睇呢個價錢四小片就見仁見智😂）🐚菌皇黑松露醬燒加拿大帶子 $𝟚𝟡𝟠帶子粒粒都厚肉鮮甜，肉質好彈牙🤤底部係用黑松露醬燒各種雜菌，黑松露香味好突出，偶爾咬到既菇粒好多汁💦醬汁偏咸鮮味🫶🏻🦀鮮蝦蟹肉蒸蛋白 $𝟚𝟟𝟠上枱既時候職員會提點餐盤溫度，用匙羹畢起係冒住騰騰熱氣既♨️😳😳濃厚芡汁入面有好多蟹肉同蝦肉粒，夠哂鮮甜🤩蒸蛋白一啲蛋腥味都無，好滑溜，配埋爽脆既蝦肉粒會忍唔住一啖接一啖😋👍🏻🍜上湯蝦球伊麵 $𝟚𝟝𝟠蝦球大大件，啲肉都緊實既🦐但伊麵比蝦球更出色！蛋香味好濃，吸哂啲湯好入味之餘，口感保留到好Q彈，食到最後都完全唔會糊爛❤️❤️不過個人覺得芡汁重手左啲🍹海洋微風 $𝟞𝟠呢款係佢地既𝕊𝕚𝕘𝕟𝕒𝕥𝕦𝕣𝕖 𝕔𝕠𝕔𝕜𝕥𝕒𝕚𝕝，用左橙酒、檸檬汁、藍金橘糖水同梳打水調配而成🌀入口酒味比想像中濃好多，但係糖水比例太高，愈飲愈甜膩😵‍💫😵‍💫同佢個名比人清爽既感覺完全唔一樣🥲唔太推介🍹青檸梳打 $𝟝𝟠飲唔出有青檸味，似普通梳打水😂𝙿.𝚂. 服務同食物都算係水準以上，環境都幾有格調，不過個人覺得定價略高🤏🏻當係買一次特別既體驗😌…查看更多

✨當日係平日夜晚都全場爆滿，有客人walk-in都已經無得入場啦，所以一定要事前訂座📱 全場爆滿啲店員妹妹們都超忙，搵店員落單可能要等耐少少，但上菜好快💪🏻🍺日本生啤生啤做緊500ML買一送一都幾抵，所以一坐低就叫左一人一杯😂而且餐廳好有心，所有杯都會雪係雪櫃，務求唔會影響到啤酒溫度，上枱好耐都仲係透心涼❤️🍖鹽燒原塊雞皮 $22/串睇相都睇得出佢有幾乾身、幾脆口啦，真係成塊薯片咁！同行朋友好鐘意，我鐘意食軟身燒雞皮多啲就覺得一般～🍖海苔黑豚肉鵪鶉蛋 $28/串好正，粒蛋係會爆漿個種，豚肉都好入味🫶🏻🍖厚切鹽燒牛舌腩 $48/串身為牛舌狂熱愛好者，Juicy、彈牙，大滿足😂🍖孜然豚肉芫荽卷 $22/串呢個有少少失望，豚肉好淋好入味，但芫荽比較乾同埋可能比較老(?)，一般🥬牛油蒜蓉焗雜菇 $32/份正常水平🥬孜然燒蒜蓉茄子 $36/條重蒜🧄加埋燒得軟淋既茄子，夠入味😋🍖惹味鹹蛋黃燒大腸 $24/串鐘意食鹹蛋黃同大腸既都可能會失望🥲無咩鹹蛋黃味，大腸都燒得稍乾同靭🍖泰式豬頸肉 $28/ 串彈牙、爽脆，同行豬頸肉愛好者好評🫶🏻而搭配既係平時食開脆Ｏ雞翼個隻泰式辣醬🦪蒜蓉燒廣島蠔 $44/份（兩隻）味道合格，生蠔熟度岩岩好夠嫩😋略嫌係細隻左啲啲🍞焦糖青蘋果鴨肝多士 $88/份不愧係招牌之一，勁好食😆❤️呢個配搭係無得輸✨焦糖既甜加上青蘋果既酸，脆口清爽既蘋果中和鴨肝既油膩感，軟嫩既鴨肝配香脆多士✨一人食一塊岩岩好🤩❤️‍🔥提燈 $38/串我好鐘意獵奇食物，同行朋友唔敢試，呢個比想像中好食架😂粒波波食落就係溏心蛋黃既口感，好軟綿又帶有少少黏口，味道係好濃既蛋香👍🏻而後面個抽野食落就似比較乾同煙靱，有少少內臟既味道，如果平時有食開雞腎既都接受到🫶🏻🫶🏻P.S. 呢度比較偏向品嘗食物原味，重口味人士可以自行利用桌面上既調味粉或者搭配醬料食用💫…查看更多

最近就試左一間居酒屋小店，雖然店面細細，但食物即點即燒，全部熱辣辣上枱，有風味又好味❤️❤️🍖汁燒牛舌尖 - $20/串牛舌尖係比較脆口啲，鐘意淋身既可以叫返牛舌心，兩款都一樣好重油香同牛味😋🍖醬燒大腸 - 是日推介鐘意食大腸既必點！熱辣辣超級香口，佢係屬於軟糯唔係脆口既大腸，配埋黃芥辣食超惹味😋🍖黑椒豬肉腸 - 是日推介好食既，配埋個蜂蜜芥末醬食會清爽啲，因為呢個會偏油🍖日本岩手雞尾 - 是日推介同行既朋友都好鐘意食台灣既「七里香」所以叫左😂呢款一啲怪味膻味都無，彈牙又重油香，可以一試😋🥬燒韮菜 - $12/串普普通通，食完一堆肉消下膩😂🥬蒜蓉豆卜 - $18/ 2串咬落去有少少似脆皮棉花糖既口感，配埋上面啲蒜蓉醬，食唔停口😋🥬燒虎皮尖椒 - $10/串有啲啲失望，唔夠辣，同埋都係比較油🥲🍖豚肉鵪鶉蛋卷 - $25/串🍖燒午餐肉 - $14/串🍖燒日式玉子 - $16/串同場叫左上面呢幾樣都比較普通，但味道都絕對合格既！🍡榴槤波波 - $38/ 3粒有食過日式放題對呢樣野唔會陌生啦，超級脆口而且一啲都唔油，鐘意食榴槤既絕對要叫😋P.S. 當日食「小辣」係一啲都唔辣，嗜辣人士可以向更高等級挑戰🔥😂…查看更多

自從幾年前同朋友食過之後一試難忘，不停推薦身邊其他既食肉獸朋友😆食物性價比高，份量偏大，而且環境氣氛輕鬆舒適，好適合同朋友/另一半黎放鬆下🥰✨當晚我地叫左ᴅɪɴɴᴇʀ sᴇᴛ $𝟻𝟿𝟾/人，其中ғɪʀsᴛ ᴄᴏᴜʀsᴇ同埋ᴍᴀɪɴ既sɪᴅᴇ ᴅɪsʜ都係跟人數，𝟸-𝟹人可選𝟷款，𝟺-𝟻人可選𝟸款，𝟼-𝟽人可選𝟹款 💁🏻‍♀️✨🍹ᴍᴏᴊɪᴛᴏsᴇᴛ係唔跟飲品，同行朋友叫左杯ᴄᴏᴄᴋᴛᴀɪʟ，酒味唔算濃，清爽🌱🍤ᴛʀᴜғғʟᴇ ᴘᴏʀᴛᴏʙᴇʟʟᴏ ғʀɪᴇsғɪʀsᴛ ᴄᴏᴜʀsᴇ我地揀左炸大啡菇伴黑松露醬，呢個係次次嚟都必食❤️❤️外皮勁脆，大啡菇厚肉多汁，加埋黑松露醬真係一絕😂而且份量好多兼全部大大塊，好滿足，推薦！🫶🏻🥄sᴏᴜᴘ ᴏғ ᴛʜᴇ ᴅᴀʏ第二道係湯同沙律，我地都揀左湯，如圖係蘑菇湯上面有幾粒脆既麵包粒💫上枱係熱既但不至於燙口，好ᴄʀᴇᴀᴍʏ、好香濃😍加上綿密既口感，好快就清左😋🍖sɪɢɴᴀᴛᴜʀᴇ ᴜsᴅᴀ ᴘʀɪᴍᴇ ʀɪʙ 第三道我地都揀左招牌既ᴘʀɪᴍᴇ ʀɪʙ（ʀᴇɢᴜʟᴀʀ ᴄᴜᴛ），另外仲可以選擇大份量ᴡᴇsᴛᴡᴏᴏᴅ ᴄᴜᴛ (+$𝟷𝟶𝟶)以及ᴍᴇɢᴀ ᴄᴜᴛ(+$𝟸𝟶𝟶)，需要提前預訂，當晚已經無哂啦😳唯有一人叫左一份ʀᴇɢᴜʟᴀʀ ᴄᴜᴛ獨食😆😆慢烤係呢種富含油脂部位其中一個最正既煮法，因為可以最大化肉味同埋油香‼️😋肉質夠軟嫩，把刀接觸到塊肉直頭好似切緊牛油咁，再配搭附上嘅肉汁同酸忌廉醬食用，會增添唔同既風味👍🏻伴碟既係幼身薯條，香脆、調味適中，我地兩個都清哂😆😆🌽ᴄʀᴇᴀᴍ ᴄᴏʀɴsɪᴅᴇ ᴅɪsʜ我地揀咗奶油粟米，一大兜份量足夠𝟸-𝟹人分享。奶味、牛油味香濃，粟米好甜，有少少拉絲效果😋😋推薦！🫶🏻🍰ᴄʜᴏᴄᴏʟᴀᴛᴇ ʙʀᴏᴡɴɪᴇ ᴡ/ ᴠᴀɴɪʟʟᴀ ɪᴄᴇ ᴄʀᴇᴀᴍ (+$𝟻𝟾)sᴇᴛ包左一份雲呢拿雪糕（圖左），好重奶味，裡面仲會見到一點點既雲呢拿籽💫我哋另外叫咗一份甜品sʜᴀʀᴇ🤎暖笠笠既朱古力布朗尼配上冰凍既雲呢拿雪糕，甜度剛剛好，反而伴碟既提子好酸🤔份量適合sʜᴀʀᴇ，我地食完都超飽😂😂…查看更多

前幾日朋友仔突然間話想食小炒，咁岩天氣又涼涼地，就去左試呢間老牌路邊大排檔😋🌫️🌫️睇住炒鑊底紅紅火光一路爬到勁高，聞住啲爆炒既焦香味，真係會不停吞口水🤤🤤❤️‍🔥🐮黑椒薯仔牛柳粒呢度既ℕ𝕠.𝟙 招牌菜，亦係港式熱炒必食菜式🔥薯仔非常鬆軟，牛柳粒有牛味，肉質都好軟嫩，大小適中，份量都唔小🌝美中不足係薯仔欠缺焦脆既口感，有幾舊仲燶左😂😂同埋有部分牛柳粒有筋～整體可以一試，味道幾好🫶🏻🐚豉椒炒蟶子皇 $𝟞𝟚/隻（時價）本身想叫一碟炒蟶子同朋友慢慢食，但當日已得返蟶子皇，就一人一隻試下佢😌😌蟶子皇大大隻，厚肉得黎好嫩口，豉椒醬汁都夠香濃❤️‍🔥但略嫌蟶子唔夠鮮甜，靠醬汁調味，爭啲🤔🔥椒鹽雙拼 - 大腸 & 鮮魷全晚𝕄𝕍ℙ我會比椒鹽炸大腸✨✨超酥脆，勁咸香，好似食薯片咁😍可以蘸旁邊既醬汁，帶有酸梅味，酸酸甜甜，解膩一流👍🏻鮮魷都好出色，又脆又鮮甜，係略為炸過火左啲啲，呢碟最推薦🫶🏻💓🌶️辣子炒田雞無乜肉食，骨位多🦴炒得過火左少少，肉質比較鞋，一啲辣味都無🤫整體味道還可以，咸香口，用嚟送下酒都OK既🍺…查看更多

又係時候解下旅行癮😆今次去左試好出名既沙嗲軒，聽過身邊有好多朋友都推介呢間新加坡菜餐廳，不過今次我就第一次試🥳💓✨佢地而家做緊既係《新加坡嚐味套餐》，人均約$𝟛𝟘𝟘就可以試𝟞款野食，我地唔想諗就直接叫左呢個套餐🙆🏻‍♀️🍖特色頭盤：黄金脆炸魚皮、沙嗲豬肉及雞肉串💓兩款沙嗲串燒都超好味😋燒得好香，香料味好出，而且一咬落去真係會有肉汁咇出黎💦而佢地既沙嗲醬裡面係有花生粒，配埋一齊令口感提升之餘，更加咸香🥜🤤❌黃金炸魚皮係咸蛋黃撈炸魚皮，除左有好多係碎哂，有一半仲好淋，味道一般😢🥣肉骨茶呢款係加藥材熬煮既肉骨茶，隨碟附上脆卜卜既油炸鬼粒👍🏻藥材味好濃，排骨都好入味，熱辣辣飲落好舒服✨不過飲到底就好苦澀😂如果回甘出啲就更好🍚招牌海南雞飯❌呢款有啲期望過高🥲每塊雞皮下面都有一層厚厚既脂肪，而且雞肉都唔夠嫩滑😫但係個油飯就好正，夠入味，每啖飯都食到好濃縮既油香味🐓個人覺得口感黏左少少🤏🏻🍤蝦 (胡椒)有麥皮牛油同胡椒兩款口味選擇💁🏻‍♀️我地就揀左胡椒蝦💓蝦既size都唔細喎，而且已經起左肉，輕輕一挑就可以食到啖啖肉😋😋大蝦新鮮炸起熱辣辣，肉質緊實又多汁，配埋辛辣胡椒，超惹味❤️‍🔥🤤🌶️🥗香辣通菜呢個炒到好好食，好爽脆👍🏻辣度稍高，好香口，醬汁亦唔會過油，最快清哂🥢🥄燕窩椰香黑糯米甜品黎講好飽肚😂可以揀熱或者凍食，我揀左熱食，但個椰漿同黑糯米香味都差啲啲🤏🏻🍹鹹檸檬七喜套餐係無包野飲既，我地另外加左餐飲，都算大杯，但鹹檸檬無乜味🫣…查看更多

天氣涼左啲終於到我去下野餐啦😆🏕️今次我就揀左一個相對偏門啲既地點，就係屯門黄金海岸🫣🫣當日成個沙灘計埋我地只有𝟛-𝟜組人，夠哂僻靜，仲可以對住無敵大海景🌊✨第一次野餐就揀左佢地，外賣韓式美食專門店，都有推出野餐懶人包❤️套餐不但只有齊小食、主食、飲品，連甜品都有架😍😍而餐具、手套都會提供埋，真係啱哂我呢啲超級懶人😂😂送貨就視乎地區有運費，送貨叔叔都好有禮貌，送埋入去沙灘比我地，超級滿意💖驚喜位係所有野食到手係好夠熱既😙👍🏻🐔爆谷雞粒 配黑松露蛋黃醬- 好脆卜卜既炸雞粒，香口得黎又夠嫩滑，個黑松露醬仲好香添🤤凍左都一樣咁脆‼️🍙吉列蝦哈紫菜飯捲- 飽肚之選😂每件都好重手👍🏻🧀芝士流心魚柳 配海鹽紫菜- 個魚柳裡面真係有芝心，不過就唔夠熱無流心效果，但好入味亦都好香脆，配埋外面既香草碎一啲都唔會膩😋🥟 韓式炸餃子（追加+$38）- 裡面主要包左冬粉，外脆內軟💕🥩韓式正宗烤五花腩套餐- 除左相裡面既配菜盤，另外仲有一大兜生菜比你用黎包燒肉食🥬五花腩外面燒到微微焦脆，裡面仲係好軟嫩多汁👅肉下面仲墊左好多洋蔥吸哂啲肉汁🧅難怪呢個係佢地既皇牌，真係好好食🤤🤤🧃熊津桃味烏龍茶 /柚子味綠茶- 呢兩款茶都好好飲😳估唔到佢個桃味好出好香，而茶飲相對解膩解渴，配炸物同烤肉就岩哂❤️❤️🍮特濃朱古力Oreo奶凍（12月新口味）- 原本套餐係跟宇治抹茶奶凍，但店家前一日突然通知12月有新口味，因為同行朋友係Oreo朱古力控，即刻就轉左🥳🥳呢個絕對稱得上我食過Top 3既奶凍‼️‼️滑到不得了，而且甜度唔過份，朱古力都好香濃🥹完美咁結束左呢一餐𝙿.𝚂. 估唔到可以兩手空空去野餐😆呢次體驗真心唔錯，仲要食到勁飽🤰🏻…查看更多