toby902的個人專頁

伏到上天花板其實都有一排冇寫食評，仲要係負評！因為唔想有人中伏，相信明眼人都睇得出係咩質素🗑️🚮溝水、又冇味🤮四月有紅日假期，帶狗狗去南豐食吓嘢影相，路過見佢哋有廣告牌話「天然」「手工」「果菜汁」，幾靚㗎…張相！我仲諗住$38杯都值得試吓呀，order咗杯「羽衣甘藍、蘋果、蜜瓜、哈密瓜」，一望真係嘩一聲！手搖飲品價好心比返少少heart，好想講你哋廣告牌張相同我收到杯實物真係可以被告商品說明條例。…查看更多

石門搵食日🤤去咗做Seafood鬼🤭個名改得好正，被它攝咗入去😂果日換完身份證路過，入面又多人食，一於試吓！餐廳係食烤魚！雞煲！打邊爐！開正我條路😋食完仲去咗睇梅艷芳添💃🏻我哋揀咗重慶香辣口味，點選海爐魚！原本想試吓冬陰功湯底（好特別出面未見過）又驚中伏，今次保守啲，下次會再嚟試冬陰功！配菜有好多，大量芫荽蔥花生🥜仲有蓮藕萵筍👍🏽魚皮煎到香口，魚肉實身又厚肉！湯底越食越辣越惹味，本地手切牛頸脊堅係正！$228起碼有成30塊，好抵🤭油花又均勻！當然唔少得我最喜愛嘅蝦滑同紅薯粉！好滿足！…查看更多

茶本都有成廿幾三十間分店，應該有一半以上都幫襯過🤭而樂富呢間真係我最印象深刻嘅！感覺係最舒適最休閑🤗古早紅燒牛肉伴麵：必食之選！茶木紅燒牛肉做得好好味😋食牛嘅一定會點，想點食就視乎當刻想食湯麵定伴麵😆今日天氣涼涼地想食個微辣嘅手工伴麵🤤牛肉好入味夠淋冇得輸💯烏賊汁奶油中卷手作麵：黑色食物多吃對身體好！雖然賣相唔算靚但味道好鬼好喎！墨魚🦑勁彈牙，手作麵有煙韌但唔硬！青蘋果酪梨蜜糖磚塊：呢個人氣甜品好勁！賣相一流！三大塊厚多士加勁cream仲有大大球雪糕添，問你怕唔怕😆呢期做緊茶木十週年價$88咋！唔叫點得😍脆脆黑糖瀑布珍珠奶茶：黑糖+芋圓+脆朱古力+再鋪埋奶蓋！真係甜到入心入肺，不過我鍾意❤️…查看更多

本身諗住FoodYum是但揀一間算🥲點知一落電梯就見到有放題😍望多兩眼覺得都幾吸引！而且地方好企理又乾淨！最緊要係價錢合理👍🏽我哋叫咗@北海道黑毛和牛」湯底揀豆乳美人同雞白🍲🍲餐廳整潔程度確係令人十分滿意💯食物枱全自助，有各式各類配料同多款蔬菜👍🏽仲有甜點，自助窩夫機同軟雪糕機🤤🤤呢間一人鍋店連啲醬汁都特別過人！「椰子芫茜」同「柚子昆布」又真係幾好味😋重點項目就係食肉🤩🤩五花豚肉同雞腿肉質素令我有驚喜喎又！最愛牛肉有日、美、澳任揀！國產嘅肉質最為出眾、澳洲肉味較濃、美國口感較佳！手機📱落單後上菜速度令人滿意而且未曾漏單，真係抵讚！食到尾聲已經飽到上心口，都即製個窩夫🧇加軟雪糕作句號，咁就完美喇🥰…查看更多

收工同個同事行過…見到招牌有個字唔識讀😅好自然就望多兩眼😆再睇真啲原來係一間都幾隱蔽嘅工廈食肆！反正冇飯開就一心試吓先返歸！行樓梯上一層好方便，入門口發現中式小炒但以快餐店形式經營，真心good快靚正👍🏽地方唔算好大但相當企理，座位唔係密質質，距離感滿分💯呢度仲有一部自動販賣點餐，半自助好方便呀！午市繁忙時間一定幫到手啫🥳講到食物…呢度有蒸水蛋清清地，其他都係惹味菜😍😍😍孜然牛肉：人氣之選！上菜見到好多辣椒🌶️但唔算太辣，不過係勁惹味😋乾鍋花菜炒肉：椰菜花🥦炒到少少脆好香口！加埋五花腩肉餸飯一流！食飽飽飲埋個紫菜蛋花湯，清清地！好滿足🤗…查看更多

原來大圍小館上個月已經有新嘢推出！係時令秋風起必食嘅臘味系列😍一見到佢Facebxxk個Post就想衝去試！仲見到佢哋介紹啲臘味係用「錦祥號」烹調😋呢間錦祥號係本地老品牌連家燕媽媽都話好！真係唔試唔得🤩一行四人我哋叫咗：金腿鮮淮山炒雞油菌🍄第一次聽雞油菌，即刻去谷哥search吓真係好猛料！係四大名菌之一！菌香！仲好好味😋完全冇比金華火腿嘅咸香蓋過！芋蓉臘味盒：外脆內軟！芋溶好棉，加埋臘味香，一流！甜梅菜竹笙蒸茄子🍆竹笙同茄子清淡但勝在夠索味，突顯甜梅菜嘅味道！贊油加豉油，撈飯無得頂！無花果肉排🥩無花果好味！唔太酸又好醒胃，睇怕菠蘿咕嚕肉都要讓路啦😋豆醬雞：寫明採用新鮮雞👍🏽黃豆醬都幾清淡，食得出好香黃豆味！勾魂叉燒：呢味無得輸囉！仲比以前佢個「第一叉」更出色！事關佢用咗十五年陳皮製成嘅醬汁，再用火鎗炙燒😋😋😋唔叫你一定後悔😎…查看更多

曾經搭音速號時路過大分鶴崎風景好靚🏞估唔到觀塘呢度有間居酒屋🏮用呢個地方名做餐廳名👍🏽即時湧起又想去日本旅行啦😭😭由於餐廳係商場舖所以外牆係全玻璃，店內裝修極富有日本風格㗎！仲有少少哈囉喂佈置🎃我哋今晚叫咗👇🏽北海刺身丼：刺身好新鮮！基本上以$118呢個價錢嚟講都冇乜缺點😆鹿兒島甘薯豚肉鍋（加配烏冬）：肉味都好突出！配菜又多，日本烏冬幼細又滑，個湯底超好味的😋花魚一夜干：日本菜當中特別喜歡一夜干（其次就係燒鯖魚😂），因為經過醃漬同風乾的處理令到魚嘅鮮味再提升！魚肉更為結實💯…查看更多

呢排天氣涼返啲，燒烤同打邊爐就梗架啦！上網搵咗幾間比較完之後就試吓標題為無法抗拒釜山海之物套餐🤩叫得海之物當然少不了韓國海鮮🐟🐙主角係八爪魚同鰻魚😎餐廳裝修方面好有韓國夜店feel㗎！大部份座位都係卡位，點完餐都唔洗兩分鐘服務員就已經將食物送到了枱上，認真有效率。配菜係無限量任加包括菜甫蛋🥚同芝士粟米🧀🌽，我哋食咗5 round好滿足🥰主角出場二話不說燒咗先，鰻魚勁彈牙又大塊，🤪魚皮燒完之後勁脆👍🏽再加少少海鹽已經好perfect！八爪魚🐙唔韌但有咬口，韓燒粉一定難以抗拒的炑八💯…查看更多

一推門入內就見到龍椅🤩腦中有兩三秒閃過宮廷菜嘅picture😂然後出現宮心計好多乜乜宮🤣🤣餐廳無論佈置去到擺設都極盡心思！成個場都充滿清朝氣氛，如果玩COSPLAY著住件清兵衫(心口有個勇字)嚟打邊爐一定超級爆🤪點餐紙係聖旨嚟㗎，咁都比佢諗到...真係好有Gimmick👍🏽建寧公主特色卜卜蜆鍋🍲成個鍋都搵唔到一隻壞蜆，隻隻都好新鮮！味鮮甜大細適中，份量仲勁多！手切封門柳：牛肉味極為濃郁🤤不過封門柳係牛腹腔位置，會有啲啲內臟嘅一味道，如果鍾意食羊肉一定要試吓果陣蘇味😬手打蟹子鮮蝦丸：超彈牙！蝦味濃，如果多人一定要多叫兩份😋即炸響鈴：即叫即炸果然勁脆，放入湯索一索食極都唔膩😍陳年花雕醉雞：花雕酒香撲鼻加埋落個湯底度，同卜卜蜆好夾，成個鍋食晒😜…查看更多

船麵有點似我地香港嘅艇仔粉！同樣地都係由船上衍生而來的。曾幾何時我去泰國食過一碗船麵，當時係20銖但只有一兩啖🥲唔知係咪因為太晏嚟呢...太好生意...有好幾款熱賣都冇嘞😟下次真係要早啲嚟食到為止🤪芫茜山船湯薯粉：啲芫茜真係多到成座山咁高！船湯湯底濃郁，重胡椒味😋肥牛冬陰公湯河：冬陰公酸湯底酸甜適中而且帶點回鮮味，極開胃😋泰式炸腩仔：好邪惡嘅小食！腩仔上面肥膏炸後極香口！再加上特製醬汁酸酸甜甜超惹味😋最後叫咗支醒獅梳打水，食泰式粉麵點少得！勁多氣好正🤪…查看更多

餐廳位置勁方便好易搵！門口極似上樓嘅私人會所而且比較昏暗，但一入門口就別有洞天！天花上好多月球燈好靚🥰餐廳分別有INSIDE同OUTSIDE, 無論出面定入面個氣氛都好好👍🏽呢個環境當然要飲返杯特色飲品互相輝映吓啦...選擇好多所以揀咗好耐，只係十二星座已經有排揀🤣左揀右揀最終點了杯SIGNATURE COCKTAIL"J.MOON"同埋一杯MOCKTAIL"SAGITTA",先講SAGITTA用上了一隻好有夏威夷原住民色彩既嘅陶瓷杯！入口以西柚味為主果味濃好好飲😋侍應把J.MOON放低時都冇乜特別, 之後轉個身就捧上泡泡煙鎗, 即時令一杯外表平平無奇嘅COCKTAIL變得不同凡響, 侍應在杯上打了一個煙霧氣泡, 隔1-2分鐘氣泡自爆後煙霧立即四散, 當時個畫面真係好靚🤩食物方面…既然飲返兩杯梗係要搵啲香口/辣嘢食吓啦！NACHOS WITH BBQ CHICKEN：粟米片勁脆芝士極香口！完全係停唔到口囉😃JAPANESE EEL AND EDAMAME RISOTTO WITH TERIYAKI SAUCE-鰻魚味濃郁米粒口感適中毛豆夠淋易入口, 極有日本🇯🇵風味ZUCCHINI SPAGHETTI WITH SICHUAN TOMATO SAUCE：呢味四川蕃茄醬南瓜意粉🍝建議食得辣嘅必定要試😋辣完之後再飲啖酒簡直非筆墨可以形容😻…查看更多

卷物之皇當之無愧！新穎又好食👍🏽上次試過之後一直都未有機會encore😅難得咁啱嚟到附近梗係再嚟幫襯吓啦...19:00嚟到已經要排隊先可以入座，你話係咪堅好食先😜今次食未食過嘅…日式麻醬秋葵豆腐沙律🥗份量極多，豆腐大大舊又滑，沙律菜勁新鮮，個汁又醒胃👍🏽網燒牛舌：厚身有嚼勁，完全冇油膩感，好香口！雜錦天婦羅：秋葵天婦羅原來釀咗啲蝦肉落去，好特別！同普通蔬菜天婦羅好食得多😋炸蝦🍤大隻又彈牙好正！富士山🗻超級龍捲風🌪️卷物：主角出場🤩果堆蟹柳都好似富士山咁高😆真係好欣賞佢地嘅創意同埋比我知道做卷物係可以千變萬化💯…查看更多

新分店以二佰幾蚊一個Set Dinner嚟講好合理🤫但竟然有Fine Dining質素真係喜出望外🤩🤩讚好專頁Special Set for 2 仲可以八八折添😍前菜🍴黑松露野菌蟹肉焗蟹蓋：蟹味重，勁夾黑松露👍🏽前菜🍴香芒大蝦沙律：🥗芒果肉甜中帶酸好醒胃😋🥄松露野菌泡沫忌廉湯：🥣松露香味濃郁！菌香撲鼻！忌廉夠晒滑🤗🍽德國🇩🇪脆皮咸豬手：完全乎合商品說明條例！皮夠晒脆！份量十足！抵到爛🤫🤣🍽美國肉眼扒10oz🥩入口有點焦香，燒到格紋好靚仔！肉嫩夠淋身，如果再生啲就滿分💯值得一提係呢度嘅侍應們非常有效率又細心，個人真心讚揚！…查看更多

老老實實如果唔係個friend識窿路，我肯定搵唔到呢間好嘢食！一坐低就同我講：「知你懶…呢間自轉燒烤放題啱晒你」睇吓order紙，大大話話有幾十款嘢食👍🏽剔完唔洗幾分鐘職員💁🏻‍♂️就送上串好晒嘅串燒嚟，之後按喜好自己放上燒烤機就會自動轉轉轉，電爐又唔會熱氣，坐陣就食得極方便！蠔同帶子原隻燒特別好味😋除咗串燒，仲有網燒同炸物！包你飽到抱住個肚走😂呢間雞翼我encore咗好多次🤭可能因為用電爐熱力夠平均！整體嚟講一個價錢任燒任飲真心抵！真係好羨慕住附近嘅街坊，要燒烤好容易🤪…查看更多

本身打算食壽司，點知等咗一世都未有位😩唯有下世再食啦...好彩隔離就係王家沙，上海嘢都係我favourite😍有位即刻衝咗入去！餐廳座位闊落夠晒舒適👍🏽先整返個冷盤醉嘉美雞：酒香濃郁！雞肉嫩滑！不油膩蘇式小籠包：皮簿肉汁多，好美味！四川回鍋肉：肉薄入味又唔韌！仲帶少少甜味！佐飯一流👍🏽韭王炒鱔糊：韭王同黃鱔嘅比例差唔多，真係有50/50份量好足！乾煸四季豆：看似簡單嘅菜式其實一點都唔簡單😅豆唔老！肉碎炒得好正！家鄉金腿炒飯：熱辣辣即叫即炒，粒粒甘香分明！火腿嘅咸香令飯味提升，兩個人食咗成碟飯，勁多😆…查看更多