星期六無煮飯，一家三口出街搵食先!!老公知我鍾意食日本野同綠茶甜品，特意係 openrice search 到呢間新開的餐廳，見到有食家講呢到的總廚係前麻布茶坊的廚師，一聽到已經被呢到嘅甜品深深吸引住，地點又近我地，一於帶埋囡囡去試下啦~~~地點未算太就腳，但近油麻地地鐡站都好易搵到。我地7:00左右到達，見門外有位女待應派$10 coupon，個心鬼咁歡喜(有得平$10，kekeke)入到去唔算好大，滿有日本色彩的裝潢，呢個鐘數餐廳只有3枱食客，場面比較冷清，但靜靜地食返餐飯都唔錯吖~ 我地慢慢睇餐牌揀食物，好彩呢到的待應無催我地落order，問佢地野都好有禮貌答，最怕俾人催生催勢，想慢慢睇唔唔得!!柚子椰果梳打唔夠凍，要問佢攞杯冰加入去，味道是ok的，只是隻杯幾得意日式餃子味道ok，但勝在夠熱咖哩豚肉蛋包飯呢個蛋包飯唔錯，日式咖哩汁幾香，食落唔會覺得辣，多汁多餸，分量ok，仲跟個湯同小碟前菜海鮮芝士雜錦鳥龍麵烏龍麵個名好似幾特別，但其實只係烏冬? 用鐡板上熱辣辣的，面上加上木魚紫菜，近是大板燒的味道，但海鮮不多，印象中好似$5x，一試無妨到了我最最最期待的甜品時候，在雪糕芭菲同刨冰兩者中，最終也選擇了芭菲!!綠茶布甸雪糕芭菲size唔算好大，兩個人吃剛剛好有綠茶同雲哩拿雪糕，兩粒丸子，紅豆，綠荼布甸，生果，栗米片，cream 等，口感豐富，好似$3x，都算抵食吖，滿足到呢個綠茶怪魔嘅要求~最後用埋$10 coupon賣單，兩個人都唔駛$200，係而家食乜都貴的生活下算係咁架啦!!…查看更多
我地7:30左右去到，完全唔駛等位，鍾意坐邊就坐邊。一入到去就聞到一大陣"縮縮嗅嗅"的氣味 ..... 但我地心諗d野食好味就得啦!! 所以都係堅持繼續睇餐牌 (餐牌都係污污糟糟的)! 衛生情況有待改善，最後我地點左3樣食物︰1. 蜜糖牛油雞翼見到好多人都讚好味，當然要叫返碟食下啦，但點知食落 ..... 得個甜字 ..... d 肉又散，$4x 得4隻，真係唔多抵食!!2. 蝦肉粟米餅呢個我想試好耐，所以對佢有好高期望!!~ 一黎到就聞到好香的粟米味，熱辣辣的，應該好好味，但點知 .... 食落都係得個甜字!!! 大部分都係粉漿炸成，粟米粒都ok 多，之不過蝦肉就小得可憐!!!3. 黃薑飯食印尼野當然唔少得黃薑飯啦!! 飯甜甜地有少少薑味，味道都ok，之但係其他配料我地就唔多欣賞啦 .... d餸凍嘅，蛋黃又變黑，仲有d嗅嗅地 .... 魚又唔好食 ..... 一句講哂唔得!!食得唔飽，又貴又唔好食，下次一定唔會再去!!
