路人33的個人專頁

餐廳環境：係如心廣場開得鋪頭既都唔會太污糟既，裝潢唔係太hea（緊係啦，收你成百蚊碗牛肉麵），目測有20張台到，但好奇怪既係我發覺佢明明有台清好潔都等成十分鐘先可以入到客。一係個前台廢、一係個廚房廢、一係佢想令客排隊。食物質素三寶麵經典牛肉麵麵質：點解要講左先，因為叫左兩兜麵都發覺一個好大既幣病！就係個麵唔好食！唔好食！唔好食！我地叫左手工麵，發現d麵好似唔熟咁（睇圖），我唔知呢隻麵係唔係要同意大利飯一樣中間要硬硬地先正宗，但我個人口味就覺得唔好食，因為唔熟既麵係會好漿口🥲。以為叫幼身麵好點？大家睇下呢度負評先，有網友話幼麵會偏淋身🤷🏼‍♀️2. 湯底：你睇個顏色以為好濃，但其實入口偏淡味，都係有少少失望。3. 牛肉：佢既肉反而好有驚喜！無論牛腱肉定牛筋都咬落軟諗仲十分入味！食得出係肉果方面係有比心機落去處理既。4.飲品：唔得，珍珠太甜太腍啦，綠茶味有點假總結：雖然牛肉好吃，但都好難一個救全家，牛肉麵得三個元素，但其中兩個都唔得，加一收我接近成百蚊碗，只好比負評🤦🏻‍♀️…查看更多

呢間店係OpenRice都好出名，新店瞬間有幾十個好評，得一個負皮，抱住試伏心態黎試下先。佢係快餐形式既餐廳，搵位同點餐都係自助既，星期六夜晚6點9黎到，唔使等位都幾好。環境比較小，大約十個位，有d位置坐得好迫下，不過快餐店就算啦🤣我地一人一個餐自選bowl($86)選左三文魚、松阪豬、和風配菜同黃薑椰菜糙米飯。個松阪豬好好食！似係香煎或者燒過，肥瘦均勻調味剛剛好，正。三文魚都肥美既但無咩特別。我幾喜歡佢和風菜既料，有荷蘭豆、南瓜好好食。最特別係佢黃薑椰菜糙米飯，呢排減緊脂呢種配搭簡直係福音，又飽肚又好食。非專業計卡， 應該成個bowl 大約450kcal，簡直係減肥人士福音😛😛😛但略嫌蛋白質唔夠Tapas Origin （$79）呢個係朋友食既，佢話都幾清新，烏冬唔太凍，我試左一啖，不過不失啦，建議自選bowl正少少👍🏻埋單171蚊，真心唔算平🙈…查看更多

身為真付費食評人士既我又出動啦，本身無咩期望黎book，點知好好食！😜環境都幾迫下，旺角呢間分店間鋪細過平時譚仔鋪頭😂 所以台面都唔會好大可以比你放好送，不過我地唔係大食，所以都夠放一碟酸菜魚同一兩碟小食既服務譚仔呀姐style,唔差亦唔係特別好食物呢個不得了！Order既食物全部都好食同埋價錢合理（除左飲品）！———————————————————————-手拍青瓜$32正路野，好難難食，哈哈————————————————————————-人見人愛酸菜魚$228+$26寬粉呢碟酸菜魚真心人見人愛，面頭有簡單裝飾，唔係求求其其，我叫左小小辣，所以係酸多過辣既，但都係好好食。酸菜魚入面有好多配菜，萵筍啦、雞脾菇、仲有一堆酸菜，魚既份量都唔少，又滑又唔多骨（只係食到一兩條），成個組合加埋寬粉真係好食亦唔會滯，黎呢度果果客人都係叫呢款！—————————————————————————桂花冰粉本身想出去食甜品，但諗諗下廢事行又想試下佢既冰粉就叫左啦，食落好驚喜，佢唔係度其撈桂花糖水，而係冰粉本身就用桂花整，所以好香，加上酸酸甜甜既糖水真係消暑涼品😚—————————————————————————-紅糖糍粑呢個又係世界級，將麻糬炸脆加上紅糖粉，上台果陣係新鮮即炸即出黎，唔係放涼果d, 所以做到外脆內軟既口感，真心好高質！外脆內軟架—————————————————————-飲品我見到其他人果d檸菜、柚子蜜好大杯，滿心歡喜，點知28蚊得咁細杯，維他蜜瓜奶，無特別，貴囉總評食物味道同份量都好合適，價錢合理，唔怪知得咁受歡迎埋單四百幾蚊，因為呢張單係坐低落果堆，所以無甜品。比完錢仲有coupon送，一於黎多餐，記住book位呀😎…查看更多

見到網上咁好評就黎試下佢啦，去到鋪頭又好多人等，心諗應該都好食掛。環境座位都好闊落既，但乾淨就差少少，因為地下有舊食物垃圾未執，要我提先記得。另外呢，店員既衛生意識都係一般，用清潔桌面既手去拿野食比客人，我覺得疫情之下盡量避免好點，特別是日本餐廳。食物燒牛舌$48三樣中最好食果款，表面有少少焦香，咬落唔會好韌，好食既😗龍捲風沙律$68味道唔錯既，有蟹柳、中華沙律、蟹子、薯片碎同生菜，味道有好輕微既辣味令胃口大開，但我就覺得CP值唔算超高，畢竟上面唔係咩貴價料金龍卷$88Errrrr.....同普通既天婦羅蝦卷無咩分別，多左塊瘦身三文魚囉， 除返開成11蚊粒，隻蝦又唔係大，三文魚又唔係肥美，唔值呢個價🙄總評認真呢間唔係特別好食，唔使特登去食，價錢都係一般，究竟係我味覺有問題定OpenRice 既人味覺與眾不同？…查看更多

環境：食車仔麵呢本身都唔預環境好好，都係諗住求求其其食完走人就算，但呢間新派車仔麵店就唔錯wor，最緊要係相對乾淨而且都唔會太迫，算係咁。食物：叫左一個大尊加雞中翼($42+10) 同 細尊加凍奶茶($40+17)，其實大細尊兩者分別只係多兩蚊同多2條菜，想食菜既記住叫大尊啦。坐低5分鐘唔使就上菜啦，我覺得間店都幾細心，嗌左少少麻辣同腩汁多蔥，佢用匙裝起。怕麻辣既可以少少地咁加😍 咁多樣食物黎講呢，最出色係豬紅同蘿蔔。豬紅滑嫩煮得入味無陣怪味；蘿蔔就清甜無渣，正💕 至於雞中翼就正常水準，雖然入味但有少少老，唔夠滑。魚蛋就少少失望，因為係最平果款，唔係四海彈牙果d。其他豬皮紅腸都唔錯～飲品方面無特別，17蚊杯唔平～上菜果樣唔求其架，有少少擺位架XD豬紅咬開見到滑嘟嘟既切面，正麻辣係必嗌，食到一半倒晒落湯，成個車仔麵既味道更加豐富，食到停唔到😂總評：唔算話全港最好食既車仔麵，但以價錢、環境、味道既整體評價黎講，佢真係算好選擇💕…查看更多

用膳時間：6/7/2020（星期一） 下午3時20話說今日放假，上開飯網睇話下午四點黎等半個鐘到，我就打算過左午餐時間黎睇睇啦諗住頂多等一個鐘，點知最後等左成1.5個鐘，不過值得等🥰十分欣賞餐廳係衛生狀況方面無鬆懈，每個客人用膳完都會清潔乾淨，唔單止係桌面，我見到店員連鼓油個樽同埋個點餐平板都會清潔，值得一讚。由於我係自己一條友用餐，明知咁多人，佢地都照安排我坐兩人位，唔使同人share一格吧台，坐得好舒服😋用餐時間一個鐘，對於我一個人黎講十分充裕，但如果係幾個朋友一齊黎我就覺得唔夠，畢竟都會傾下計🤔，好事不宜遲，即刻介紹下個餐單先，提提佢係無刺身提供既：（一）壽司（二）炸物、烏冬、甜品（開飯網只可以12張相比唔到大家睇）（三）7月限定壽司同其他食物種類唔算超多，不過食材種類就好多啦，有好多唔係平時食得到，難得黎到，非常建議大家試下每月限定同埋一d其他日式迴轉壽司店無既😛以下食物按個人喜愛度排序1. 海螺壽司 （紙餐單無、平板有）海螺切開五片，每塊簿簿地，非常爽脆、鮮甜，出乎意料地好食😋2.中吞拿魚腩 - 入口有油脂香、無咩筋3. 大吞拿魚腩碎海苔包（紙餐單無、平板有）- 比中腩更肥味，入口甘甜，配埋紫菜一口食，滿足4.昆布魚子（7月限定）- 好似蟹子咁脆卜卜，有塊昆布會有少少咸味，味道再豐富點，正5.醬烤日本產帆立貝 - 大大粒，咬落去有炙燒香，好滿足6.鱈雪子海苔包 - 佢無明太子既辣味，但一樣有咸香7.炙燒赤蝦啖啖肉8.油甘魚肥美9.甜蝦壽司-腥味有少少明顯10.蔗燒三文魚三文魚子-即係煙三文魚，我麻麻埋單170蚊，撇除要等咁耐，係好抵食！…查看更多

用膳時間：28/6/22020 下午1:30 （今次無影單）呢間鋪由佢未裝修已經有幫襯，去到而家變左大鋪都係咁多人等，果日星期日去食，下午一點半到攞票都要等半個鐘。提提大家，要食預左要等位至少十分鐘。我地兩個人叫左一個小食同8隻煎餃加米線，實不相暪，碟碟大大份，驚死你唔飽😂飽到嘔🤪呢間鋪必食佢既辣菜甫，有少少麻加辣，好鬼正，我自己鐘意用黎食米線，好開胃😚小食麻辣豬耳（$30）黎到，哇！勁大份，超多豬耳，份量好似主食咁多。餃子可以叫雙拼，選左菠菜豬肉同芝士豬肉，佢一隻餃子既size係三隻灣仔碼頭咁大，其實我自己就食開湯餃，煎餃我覺得太油，食左兩隻就太油膩唔想食啦🙈 重頭戲！！！叫餃子加8蚊可以有米線，哇！黎到又係超大碗，真係當堂嚇一跳，佢米線份量係多過平時譚仔米線，佢湯底用左大地魚煲，所以好好飲，必嗌😛黎呢度都係為左佢咋最後埋單90幾蚊，係幾抵食既…查看更多

早幾年酸辣米線大行其道，所以呢間屋村米線都比人大捧到上天，好多人都山長水遠入黎食，成日都見排隊人龍，住附近既我就咁多年只食過一次，因為我懶唔想排。最近又挑起左條癮，決定去食。果日係假日一點半去到完全唔使排，仲坐得鬆動。屋村店黎講佢果價唔平，但份量足味道真係唔錯。我叫左小鍋米線（小小辣）加雞肉絲同螺旋藻，共需47蚊😛黎到果陣見到堆雞肉絲真係好治癒，因為成堆白雪雪好靚，整到咁碎好處係好吸湯，撈埋米線一齊食好正，但又少少敗筆記就係雞肉雪味好明顯。螺旋藻好爽，本身無味，吸左湯後就岩岩好。米線配料勁多，好多肉碎同芽菜韭菜果d，我就至愛食😛湯頭亦唔錯，酸辣味道同時出眾，食完唔會超口渴，可以接受。食完今次後，而家無之前咁多人，我一定會再encore!…查看更多

真付費食評 - 用餐時間：27/6 下午3時整體評價：本身驚驚地係伏，因為食過尖咀永年好一般，心諗咁多好評係唔係搵打手打架🙂不過等位果陣見到人地食物果樣好似ok都放心。整體黎講，餐廳食物味道唔錯，茶記水準茶記服務，用餐限時一個鐘，新城市黎講唔叫貴，但唔明點解要加一？😅😅😅叉燒滑蛋蔥油飯 - 試了朋友的叉燒，半肥瘦幾嫩，不過唔係好夠熱。永年車仔麵 - 自選四餸：牛肚、牛筋、豬紅、雞亦，餸菜份量都多，豬紅有成七、八粒，牛肚同牛筋分別有四至五件，食完好飽。食物滷得幾入味既，但雞亦滷得太耐好爛，一夾就會散😞腐乳通菜車仔麵餐加廿蚊有碟菜 - 腐乳汁有調味過，有加糖，唔會過咸跟餐加3蚊有凍奶茶 加9蚊有抹茶紅豆冰 埋單202蚊…查看更多

見佢用魚麵作招來，終於試到。整體黎講，烏冬十分彈牙有質感，好鬼好食，不過就份量有點小，每人一個主食都唔係好夠飽。我同朋友叫左極上蟹匠拌魚肉烏冬，蟹肉都多，用上麻醬拌味好開胃，不過蟹膏就用韓國果d蟹膏醬，有少少求其，畢竟都收成百幾蚊。我朋友幾啖就食晒。我就叫左麻辣燒牛肉拌魚烏冬，唔會好麻辣，燒牛肉無咩特別，都係果句，魚烏冬撈咩都好食但份量少😋最後我地叫左小食漁人樂脆，呢個反而有驚喜，價錢合理份量都多，上台時熱辣辣，擺凍左都仲係超脆！好味！三百幾蚊都幾貴下，但整體魚烏冬幾出色，但拌醬同配料就一般，小食有驚喜。…查看更多

此乃真付費食評，日期：18/5/2020話說上篇提到呢間餐廳既下午茶好一般，不過我決定比多次機會佢，其實我係貪佢75折著數既🙈今次就係一行三大一小食佢既午餐，book位果陣指明想坐green中間圓形台，貪屋企人會坐得舒服點。午餐時間係12-3，比起下午茶得果2個鐘，午餐先係真high tea!😎食物方面有午市套餐提供，分兩道菜及三道菜，分別在於頭盤，但我可以講佢頭盤都幾差下，可以慳返幾十蚊唔使食，直接要主菜同甜品就算，套餐包兩杯野飲，一杯係咖啡奶茶，另一杯係果汁香檳果d。我地就叫左三個套餐加一個主菜散叫。介紹下頭盤：羽衣甘藍蘋果沙律 - 沙律汁似用蘋果醋整，酸酸地開胃既，但蘋果唔係新鮮切，似醃左好耐，所以不吃也罷沙嗲牛肉串 ： 唔係即燒即上，所以做唔到咬開有肉汁既口感，green既串燒真係唔得，d牛肉仲要又鞋又韌。好彩四款主菜都幾好，我地都食得好滿足😋車打芝士牛肉漢堡牛臉頰伴南瓜薯蓉 - 非常好味，牛臉頰非常軟淋，南瓜薯蓉好creamy❤️燒鮮魚伴酸荳檸檬汁 - 魚皮煎得好香，魚肉滑嫩，酸荳蓉加左檸檬汁，酸酸地唔膩葡式肉腸鮮茄香荽煮青口 （1kg)- 肉香配上青口既鮮味，簡直世界級，薯條即叫即炸！最後叫左三個甜品，外貌出色，味道層次有心思！必推榴槤芝士蛋糕，入面有榴槤果肉，我老媽子超喜歡！折扣後埋單800幾❤️…查看更多

此乃真付費食評（附圖）- 日期：10/5/2020（母親節）話說呢間經常被港女拍照放上ig呃like食下午茶既酒店餐廳，終於有機會一試，但結果係大失所望🤷‍♀️重點：服務一般、咸點唔好食！果日係我同朋友去，果陣無為意果日係母親節，大約四月尾就網上比左訂，點知去到發現人太多，佢唔係安排我地坐green，而係上去the market(食自助餐果間餐廳）坐，我心諗去得green食下午茶都係貪佢樓底高落地大玻璃影相好睇，而家要我去the market 真係違反商品說明條例🤔食物方面，佢既咸點全部都係凍既！- 沙嗲雞肉串 - 凍既串燒有幾難食大家明既，d雞肉已經硬晒- 豬肉春卷 - 凍左會令油味明顯，難食- 蝦多士 - 本身應該幾好食，蝦肉好彈牙，但凍左就一般般，無左咬開既肉汁- 牛肉乾 - 切到牙簽咁細，同多士其實係分開食，好普通，周街都買到- 泰式海鮮糙米餅 - 味道唔覺有幾泰式😂 糙米餅有少少硬講完佢唔得既部分，咁佢都有讚既地方既，就係可以無限任食既榴槤肉雪糕！真榴連肉雪糕喔！我本身唔係榴槤愛好者，但都覺得好好食，佢每份既榴槤肉都超多，滑同香濃，不過食完有少少滯，真心我自己就食唔多。至於其他甜品我都覺得唔錯，英式鬆餅好彩係暖，但都有少少痴口。另外層架上既甜品全部加左榴槤肉落去，真材實料，不過佢烏濃茶果凍有點求其，欣賞佢用烏龍茶黎清一下個味道，但果凍真係好易整，睇唔到佢既功夫同心思。是次用餐最後係有75折優惠，埋單500蚊度，但都真係唔值得，何況係原價？加上佢今次係無主動通知客人情況下就調左客人去the market, 我會比負評！服務無特別可言🤷‍♀️最後，大時大節想同親友去green食下午茶真係要問清楚佢會安排你坐邊先好落訂！…查看更多

此乃真付費食評（因為openrice好多打手，遲下要影埋張單先），日期：4/6/2020果日同朋友去開中環果邊，由於疫情關係無得去台灣，所以唯有食台灣野減輕思鄉之愁。由於已預計果日用餐時間會比較晏，所以一早用eatigo預約呢間餐廳，重點係晚上8:30後主食一律半價，野飲同甜品無優惠！呢間鋪之前好出名，最主要係因為裝潢會有好多台灣元素同埋狂播台灣歌曲。不過間鋪好細，應該得30-40個座位，所以開鋪初期都好多人食，而家唔難book了，早一日預約也可。我地兩個女生叫左三個小食，一個牛肉麵同兩杯野飲：最推薦係豆乳炸雞，即叫即炸，非常嫩滑，炸衣鬆脆，伴碟既兩款醬汁柚子同黑松露都同炸雞味道都夾，但黑松露點得多會比較漏。另一個幾深印象既係冬陰功牛油果龍蝦沙律蛋餅，佢蛋餅口感唔似台灣咁有蛋香同埋脆，不過牛油果加上龍蝦沙律再點冬陰功醬，味道出奇地清新，整體幾夾，提提大家醬一定要分開上，試過因太多醬而好咸。牛肉麵就普通貨仔，無咩特別。香蒜三色腸就係將台腸同香蒜一齊炸，所以會好香口，但我自己喜歡夾生蒜片食，蒜味更濃烈。至於野飲呢，我就叫左呢杯芋泥沙冰，芋泥佢溝左糖，所以無得全走甜，但牛奶沙冰就無糖。咁多野加埋連加一同埋半價優惠共240元，每人除開120元，真心好抵！如果無優惠都可以接受既，畢竟蘇豪區🤷‍♀️…查看更多

此乃真付費食評，日期：12/6/2020果日晚上7點黎到如心廣場，本身想食石燒牛，但太多人同埋太大陣味所以就係商場搵下其他食店，見呢間店唔使等位我地就入去。餐牌我無影到，不過價錢唔貴，主食粉麵60至80蚊到，佢仲有其他2-4人套餐，整體價錢合理。不過呢間店最抵食一定係佢既單人套餐，小食+主食+飲品（包部分特飲）都係八十幾蚊。小食叫了鮮蝦米卷、主食係香茅雞排湯檬、飲品係咸檸七。鮮蝦米卷分了兩件，每件都有原隻蝦，大就唔係好大隻，大約半隻手指公度，味道正常。主食既香茅雞排係即炸，食落有香茅味，唔係亂改既，湯檬分量好足，湯底就一般般啦，八十幾蚊無得挑剔咁多😂。整體我覺得係如心入面坐得舒適，價錢味道合理既食店。至於服務就係茶廳囉，會感受到多人果陣，佢會好快收野想你走。所以唔好期望會係慢慢食既餐廳…查看更多

食寫評 容許我批評下openrice 個app， 我連續好幾次寫既食評都無左! 希望openrice可以認真改善!好講返間餐廳先，身為深水埗地頭既我，有邊間餐廳未食過....講笑啫。對於呢間店，我好有印象佢前身係韓國野，再前身就係大名鼎鼎既明將lol 係深水埗要生存唔易，一定要平靚正先得。果日約左2個大食鬼食野，我就梗係選放題啦，正好經過，見到價錢合理，就試下運氣啦。食物種類都幾多下，特別係海鮮類，可惜我地4條友眼闊肚窄都食唔到咁多野，惟有選d出面無咩食到或者自己鐘意食既就算啦選湯底前我就上openrice 睇下食評，見大家推介醉雞花膠我就梗係選呢個! 果然好有酒香味，而且呀姐好細心咁教我地落左雞再落花膠。係果湯煲滾前我地就去醬料區，選擇唔算多，不過基本野一定有既!野食好快都上，我最愛食既脆魚片同埋比較任食少有既鱔魚片，前者爽脆後者新鮮，成碟我食晒，唔知係唔係果排成日做運動，所以連食量也變驚人!另外必食既一定係墨魚滑蝦膠，鮮甜彈牙! 至於肉類呢，我覺得肥牛比較肥，所以試到，手切牛肉就不過不失。可能我自己本身都唔太愛打邊爐食肉lol好啦 好野留最後，我至至至至推介就係佢既雪糕，竟然係有薑味！my favorite ! encore 左好幾杯，飽到上水口，好似仲有藍梅，yogurt, vanilla, 芝麻.....一句講晒，會返黎encore!…查看更多