Akulamattata的個人專頁

有日返工見到唔駛$100有花膠扒餐，決定無論如何都試下。終於約埋朋友一齊試食，個餐包 1）花膠扒， 2）高湯浸時蔬，3）「化骨綿掌」燉湯，4）蛋白炒飯。裡面裝修都ok, 坐得舒服。先分享下值得彈既地方。可能因為曾經食過美孚「花膠大王」既花膠扒，嚟塊嘢真係不值一提。就算我將價就貨接受質素相對差既花膠扒，佢最敗筆既係蠔油味太重，蓋過了所有。另外，飯既份量太少，好彩朋友們當晚都約左飯局，變相輕食都勉強接受。當然有值得讚既地方，否則我都唔會寫任何嘢！高湯浸時蔬，真係雞湯，無味精！最最最impressive係「化骨綿掌燉湯」，大部分既湯渣，全部淋晒。加上完全無油，好清，好純，會追飲既湯。我有質疑過，係咪因為全餐太劣食，所以先覺得個湯咁正斗。所以，我隔左一日後，去買外賣。$45 羅白炆牛腩加燉湯，咁啱都係蟲草花雞湯。 羅白唔夠淋，但牛腩唔錯，食完無口乾，相信就算有味精都唔重手，重點係個湯都係咁正。我會推薦大家試下外賣加燉湯先，啱口味去堂食試其他嘢！…查看更多

本來諗住趁平日去 被米芝蓮既 "請坐", 可惜所有食物已賣光 .......食左閉門羹.....之後一路向般咸道進發，突然留意到嚟間能屹立不倒50年既麵店，加上問口貼住集誌寫住"磨豉柱侯牛腩"，決定入去試下。入到舖頭，第一刻既感覺係時間停頓左係50年前，如果著件舊衫影番張黑白相，應該可以呃下LIKE。當然，我個肚已經打晒鼓，當然即刻叫碗"磨豉柱侯牛腩麵"先! 面好幼, 但唔會太唸! 磨豉醬真係好香 :) 牛腩好唸好入味!我心唸，係富貴人家既地方，如果唔係自己買入既舖位，如果食物質素唔得，應該一早執左la!!!!!!果然, 無令人失望，再試埋佢既辣椒油，真係昇華左一個層次!店員都好願意同我吹水, 感覺有D人情味既小店。 P.S. 走既時候發現旁邊有間甜品舖，下次帶埋老婆大人試下先。…查看更多

[生活科學 之 吞雲吐霧]Amber Coffee - Signature Drink 喺FB唔同既Group同Page等, 已經留意到呢杯咖啡, 想去試一試。嚟杯飲品好吸睛, 當咖啡師 Dawn 親手送上後, 連外藉人士都忍唔住望到實一實, 仲唔小心用閃光燈閃左一下，當然主角一定喺杯signature drink la。😂翻查資料，Amber 喺2014年 HKBC 得奬作品，expresso 混和菠蘿汁同啤酒花，用乾冰的煙霧提煉伯爵茶既香氣，再將氣倒入咖啡杯中，有少少似分子料理，好優質同新穎既體驗。當中運用到發酵，空氣密度等科學上知識，融會貫通以創造新事物。可惜香港既教育制度及社會既取態上，實在限制了這方面既發展。。。有興趣既朋友，可以留意下佢哋既FB Page: - https://www.facebook.com/ambercoffeebrewery/…查看更多

開左咁耐，試下先大約1205入坐，等左約廿分鐘就有得食 😋被安排坐bar枱，睇住兩個日本師傅+一個香港師傅好專心整嘢食，manner 唔錯，刺身雪櫃門常關，食得比較安心，waiter 都好有禮貌！唯獨周圍既人不斷傾計，確實有d 嘈。食物大致喺唔錯，特別帶子真喺鮮甜，沙律裡面有牛舌粒，怪不得坐無虛席！不過三文魚上有雜紋及原本在壽司上既蟹子掉在壽司盤上，真喺有少少敗筆.…查看更多