manmanpig2003的个人专页

早餐可以大家試試，蕃茄麵首選，味道確係好食，一啖麵一啖蕃茄超好味。全間舖都經常滿坐要搭位，可能太生意，個別員工真係覺唔憂做，全店唯一男員工攞餐時大家要小心，落餐千奇唔好追餐，否則男員工即時黑面，佢有特性每次心情唔好時上餐都好放到好邊，有相為証，尤其大家有小朋友嘅要小心，千其唔好要佢追餐，大家可以試下，就知結果，再上黎發表下係咪堅好食，味道真心講真係冇得輸，但我會揀女員工點餐，希望蕃茄18加強員工服務…查看更多

今日十二點零到元朗睇中醫，見有間西餐幾地道又冇咩人，就入去試下，那個應該是老闆娘，但老闆娘態度極差，都算，依家疫情咁利害，見佢地餐具唔太乾淨，攞杯水黎洗下，等左幾分鐘就攞樽好似pizzahut那款同類型水過黎，到埋單後先知中伏，原來水要收30元，我同佢講你俾水我冇講要收費，佢答都唔答我，喺另一張枱攞個牌俾我睇，講我地有寫架! 咁又真係有寫，但我張枱冇放個牌囉，其實洗一洗你d餐具又點會知你要收30呢？我覺一支水＄30 好大問題，咩水黎？俾水魚飲？個餐味道算唔錯又點？但有冇從客人方面去諗？唔想做多樣service 都唔需要收＄30 一支水，你支水係咪水喉水都成問題，就算你自己整嘅蒸餾水又點？ 其實好多茶餐廳，西餐廳都有俾杯水客人，不論客人是否需要飲，其實係你對客人嘅一種尊重，冇下次…查看更多

我媽七十幾歲，去買燒味，收錢呀姐態度十分差，算啦，可能多野做，去到燒味師父，問都唔問成舊燒肉就咁放落盒，到我媽見到講要切，就大大聲講又唔早講，依家買燒味要講先切？葵芳雖然唔大，都唔係得你一間燒味，唔好見老人家就惡死，以後都唔會幫襯…查看更多

有幾好食都假，老闆娘大細超，白鴿眼，我同老婆食左幾次，問心講一條魚加兩支啤酒夠哂食，咁好自然冇叫咩配菜，個老闆娘d態度就愈來愈差，俾哂面色，唔通兩個人食唔落都要叫到成枱都係，博你開心？你可以加貴d我唔介意，人地多人食，一定叫多d,但你個態度真係要改下，荃灣唔係得你一間烤魚。當初去你度你個仔同老公就真係對客好，你舖頭講（誠信贏天下）你再係咁就冇哂熟客。要知道一間食店，除左好味道，仲要態度好，唔係幾好食都冇用。…查看更多