or#Tm65469242的個人專頁

一坐低點咗龍眼水同餐牌寫係炸雞嘅東西(編號係M07，我係用編號叫的，我驚佢唔清楚)，兩分鐘後侍應走過嚟問我要乜麵，我心諗乜有麵嘅咩？餐牌上嘅分類係肉，又無寫話配湯麵，不過佢係侍應，理應清楚過我啦，所以是但答咗要金邊粉。過咗一陣嚟咗個飲品同一碗無乜味清湯底有豬肉碎同豬肉丸嘅粉，無炸雞嘅蹤影。我以為炸雞後上就食咗。之後等咗半個鐘至九個字，炸雞都係無嚟。我問另一個侍應，佢表示無落單，而家同我落，五分鐘ok。咁我又等啦，十五分鐘之後都係無聲氣，唔想再等我就出去埋單了。我同收銀講，我叫咗嘅嘢無嚟，唔應該收錢，但全程雞同鴨講，最後我都算了，當豪俾你，但以後有人請我都唔會去食。而家無咁激氣，諗返會唔會係落錯咗單＇寫咗豬肉船麵？不過就算係咁，用編號落單都可以落錯，呢個我真係接受唔到。加上價錢偏貴而質素一般過一般，真心唔建議唔係仇人嘅人去食。…查看更多

時間：早上８：４５食咗：腿蛋治，Cafe Americano: 新鮮整，三文治有烘底：叫Cafe Americano，但係整咗杯齋啡俾我：腿蛋治落茄汁，呢種口味國內比較常見，我係食唔慣甜三文治，覺得可以入口，但味道算不上好食。以呢個價錢佢可以落芝士取代茄汁，會好食１０倍：以上食物要價約５０元，價錢昂貴Time: 8:45amOrdered: Egg and ham sandwich, Cafe Americano: freshly made, sandwich is toasted: I ordered Cafe Americano and got a black coffee: They add ketchup in the sandwich, which is a usual practice in Mainland China. I am not accustom to the taste and didn't enjoyed it. With the price they charged, they could use cheese instead.: The sandwich plus coffee cost around $50, I find it quite expensive.…查看更多

事緣本人在此餐廳的尖沙咀分店order咗一個所謂嘅ssignature dish-rib-eye. 我order 嘅係medium rare. 佢上菜時我一切開，只見中間全生，只有兩面煎成啡色，呢件嘢只能叫做rare。本住消費者權益，我要求換過另一碟，結果換嚟嘅只係同一件，煮到well done 嘅扒。我其實對餐廳無咩要求，亦明白以現金嘅租金同人工，waiter會西面，燒鵝嘅價錢唔會俾到燒鵝嘅味道出嚟，我只係希望至少餐廳有D自知之明，做得唔好嘅dish，唔好叫signature dish.…查看更多