chichiihei的個人專頁

行附近想飲杯咖啡，嚟左呢度環境好細，冇人執野，啲枱有污漬，都算啦坐底左 叫左龍蝦沙律包，問佢可唔可以分一半，佢話本身已經分左一半，咁好啦，然後等野食等左好耐，都算，拎包見到係冇分到一半，問佢可唔可以幫我切一刀，佢叫我自己切。。。。點解前言不對後語？仲要碟都冇個，用紙盒裝，好難切，$92蚊一個包，料唔係多，又好凍，味道一般，似雪左好耐，冇服務、自助，我覺得完全唔值呢個價，而且選擇又少，絕對唔推薦大家食。。。。…查看更多

幾年前，我同男朋友都幾鐘意食籠太子，住得近都成日食，幾年冇嚟，已經要排隊，而且品質完全唔同哂！先講❌蝦餃：細粒，個皮勁淋勁削，好似七仔叮點心咁，好差！❌鵪鶉旦燒賣：太淡，仲有陣甜味，奇怪！❌雪山叉燒包：唔鬆脆不突止，食落硬崩崩唔夠熱，好似放咗好耐咁！❌煎釀茄子：個皮好硬要吐出，太多油❌排骨：太肥，多碎骨其他野未算最差，但都唔係好食，唔知係咪轉左手，真係好差好失望，求其一間茶樓點心店都好食過佢，我肯定唔會再去！…查看更多

荃灣出名多好嘢食，趁公眾假期，就同男朋友過嚟搵食。見openrice咁多好評，就試試呢間西餐：🌟環境：一入去要2個2個搭枱，真係親密無界限😑逼到一個點，都算數，體諒香港地吋金尺土🌟價錢：叫咗西冷牛扒，每一個lunch set特價$108，價錢都合理🔥重點🔥：叫餐後飲品上先，然後等咗好耐都冇嘢食，催咗2次，最後等咗35分鐘先有嘢食！份量都足，但個問題係：我哋叫咗5成熟，最後舊牛扒係Well done，熟到勁鞋，完全食唔落！忍唔住同餐廳反映，佢哋都肯幫我換過一份，但我唔想再浪費時間等多半個鐘，亦已經完全冇心情，就話唔需要。最後有比Discount我，但都冇意思，我哋都冇乜食到塊扒、唔想食，都影響埋個Mood！最後一句：好評呢家野，真係參考少少好了，以後唔會再去呢間食。☹️…查看更多

搬到紅磡區都2年幾，都係紅土搵食多。今次行開土瓜灣，經過呢間薄餅怪獸，見幾多好評，就同男朋友試下。叫左個薄餅怪獸Pizza，2件台式同招牌炸雞，Pizza厚餅底，唔係好脆，但足料，尚可，不過不失但真係唔叫好食。台式炸雞勁勁勁咸，上面啲粉好多，咸到想洗腎，好油膩，25蚊一件都唔平，真係唔好食。可樂冇得跟餐，要16蚊一罐，唔抵。總結係，唔明點解咁多好評，失望嘅，唔會有下次。價錢唔算好平，同區有更好選擇。…查看更多

📍 #豆漿大王 (SanPoKong)💡星期日晚上七點左右(不用等位)週日晚上到新蒲崗搵食，工廈區有好多間食店都幾隱蔽，呢間都有朋友介紹過👅 #咸粢飯 $15雖然唔係好大件，不過好新鮮熱辣，油炸鬼好香脆，炸菜夠味，正呀😋👍🏻👅 #紅油炒手 $26看似一小碟好少咁，但都好大粒，唔會太辣，都幾香口👅#酸辣上海雲吞麵 $36B哥叫呢個都真係幾辣，唔會好酸，比較杰唔似碗仔翅，B哥覺得幾好食，幾足料🐷👅#上海雲吞麵 $31我唔中意食酸野，就叫左清湯，雲吞都係好大粒，麵係中等粗度，都好食👍🏻🐷：性格比高，仲有好幾款小食想試，下次再黎🤗💰是次人均消費：$60⚖️不專業評分：8/10…查看更多

放假同男朋友拍拖，行開太子個頭，想食啲清淡啲既野（女人係咁，又想食又怕肥ha）😛見到呢間第一躉，寫住有龍躉食，心諗幾十蚊有龍躉食？見佢門口餐牌寫冇味精，就即管試下！👅口水雞套餐：男友叫左呢個，跟一個飯一碗魚湯，我又偷食左一舊，都幾夠辣、好香口，唔會好似出面咁得啲辣油，份量好足，我地咁大食都夠飽，我仲不停偷佢面頭啲辣醬食XD推薦！👅竹笙花膠魚片湯飯：話左想食清淡，食魚食湯飯就最啱！一上菜，真心驚喜，幾片好厚既魚，夠新鮮，唔同出面餐廳個啲一夾就爛，夠爽口、正！仲有花膠都好厚，真係好足料；個湯真係冇味精，唔會愈食愈口渴，食落好舒服，唔覺唔覺我食哂成碗🤭 總結：真係好難得，搵到一間用心做、肯用新鮮材料又咁足料、冇味精既小店。推薦比大家，香港就係需要更多類似既良心小店，會繼續支持！👍🏻…查看更多

📍 PIZZA MARU (TsimShaTsui)💡星期六晚上七點半(好多位不用等)其實之前喺希慎食過一次Pizza maru覺得都幾正，知道TST開左分店又回味下😋聽聞韓國有好多分店，但喺香港好似較少人認識~👅 #泡菜海灣芝加哥 PIZZA $189上次今次都係食呢個，因為有蜜糖杏仁脆邊甜甜地好正，有蟹棒有蝦同埋好邪惡的泡菜蛋黃醬，芝士都好足料，好多拉絲🧀係今次個餅底烤燶左啲，都推薦👍🏻👅 #蜂蜜牛油炸雞 $106/6件上次食過甜辣炸雞幾好食，今次試下呢個蜂蜜牛油味！面頭啲粉好好味，唔會太甜又唔算勁好油膩感，都好好食，不過B哥就比較喜歡甜辣，因為有醬好似juicy d，我就2款都中意😋🍺佢有手工啤酒同Cocktail，價錢$68-8X，不過我同B哥就冇試喇🐷總結：價錢合理，食物質素好，服務態度都好，又唔使等位(咁啱)，情侶或者一班朋友黎都啱…查看更多