or#Tm65651090的個人專頁

好耐都冇嚟過啦，但係朋友生日話想食西餐就黎咗呢度食。我哋坐咗成晚，客人真係唔算多，香港經濟真係差到咁😨入返正題先，我哋一行4個人，安排咗梳化位，一坐低就見到個牌仔，睇咗一睇發現佢哋做緊promotion, 一個係二四一個鐘任食蜆加杯白酒，一個係三六牛扒買一送一，真係痴咗線，我哋果日就係撞正蜆任食，所以就每人一份，另外依家好似推出左個平d既2人餐，結果我哋就加多兩個餐…..個蜆係第一道菜，先黎兩大碟，唔講得少，蜆都幾大隻，味道唔錯！最後我哋加埋食咗7碟，咩都抵返晒😁其他嘅野食味道都幾好，份量都夠，4個人係飽住走！下次有機會一定會encore, 同埋試埋個買一送一…查看更多

當日幫女朋友慶祝生日，就專登book左呢間泰國fusion野，book枱時都注明左慶生。間餐廳位置都幾難搵下，要用Google map先得….. 去到見到餐廳都幾靚，感覺幾舒服，仲安排左個懸掛既坐位俾我地….. 紅蝦刺身，個感覺同泰國生蝦分別不大，剌身蝦新鮮，比一般泰國生蝦肉質鮮嫩，不過得四隻，份量偏少鮑魚刺身，切開一片片上，煮得夠冧，味道都唔差燒大魷魚，一上菜覺得好正，好大隻，不過一食發現唔夠乾身，加上唔入咪，得面頭既調味有味大蝦配饅頭，隻蝦好巨型，入面多膏，肉質鮮甜火山豬肋條，多莞茜，自己本身鍾意食莞茜所以冇問題，肉煮到好冧，一下就離骨，味道酸酸辣辣見到隔離枱叫左個甜品有爉燭安排慶祝，所以我哋都order左一樣既柚子沙冰蛋糕，沙冰正常，蛋糕非常難食，仲要冇安排到爉燭，咁早知唔駛叫甜品…查看更多

今日黎左呢度慶祝食生日飯，一開頭原本想坐吧枱，但係冇晒就唯有坐普通枱…. 入到去餐廳唔會話好特別，正常普通嘅日式餐廳裝修，唔會話有咩好眼前一亮既感覺，幸好我張枱夠闊落，坐得都算舒服，waitress每碟都有講解（雖然我聽唔到佢講咩😂😂）服務都唔錯….. 至於野食，應該人人都固定係食個omakase ，因為上菜時間同款色都係一模一樣….. 呢個餐一人係有成25件，所以都算幾抵食….. 打頭炮既係白子，即係魚既睪丸，未必個個接受到，不過食落口個感覺係有少少似牛骨髓同豬腦咁，都幾好食，其他既刺身都幾新鮮，不過係出得慢左少少，食到最後真係都幾飽下…查看更多

今日約咗朋友打算去銅鑼灣食飯，但係冇book到餐廳，遊下遊下就去左永光中心，見到有間好似新開嘅餐廳，咁就膽粗粗試吓入到去人唔多，得幾枱，環境都幾舒服，有個lighting牆郁下郁下都幾得意坐低左waiter俾左份menu我，話啱啱開張暫時得dinner set, 睇完有d set係2百幾3百蚊，但係有5個course, 有d意外，個前菜仲有得揀鮑魚鵝肝，心諗中伏，不過都埋晒位唯有照order啦，結果我地都只係叫左d平d既set, 叫左個明太子卡邦尼同廣島蠔飯開始黎左個湯，黑松露磨菇湯，好濃味，居然冇溝水，再黎個吞拿魚沙律，個柚子汁幾清新同吞拿魚幾夾，前菜+30蚊要左個鵝肝，咬落口發現係真鵝肝唔係鴨肝，仲要幾脆口幾好食，之後再上個蠔飯，有驚喜，個飯好重蠔味，最後甜品綠茶雪糕，好飽埋單發現仲有個8折，真係咩都抵晒，成個set加埋一都仲未駛300，waiter話8折只會做到10月底，短期內一定會再黎食個貴d既餐試吓…查看更多