nancylo的個人專頁

魚米我食咗不下於十次，通常係屋企叫外賣都係叫魚米，但堂食就比較少，因為各區分店同離我屋企位置都比較吊腳難得今晚收工後要去淘大花園個邊，當然要去幫襯我嘅飛佛啦!之前去過旺角分店面積都幾大幾好坐，可惜兩三個月前結業而淘大呢間就比較細小，坐得有點辛苦，加上冷氣有點不足，需要改善魚米有一樣必點就係佢嘅原條魚米線同係外賣平台點餐一樣可以另外再加其他配菜，不過堂食嘅配菜種類同外賣平台嘅有點唔同例如堂食可以點漢堡扒同鯖魚，但外賣平台係無得揀上次係旺角分店試過鯖魚係幾唔錯，Size好大條，即叫即煎勁香脆，仲要係另外碟上唔會浸係湯，呢樣真係要加分食咗咁多次魚米，我都係鐘情佢個煎比目魚米線配菜方面必點item就係佢個果醋豬軟骨，今晚比較肚餓就叫多個自家製魚腐，當然要配麻辣湯底等咗大約15分鐘就食得啦比目魚雖然望落無其他原條魚咁抵食，但咁多款入面我真係比較鐘意食比目魚個質地，同埋好鐘意佢鰭邊煎得香香脆脆咬落會有好香魚油味滲出黎魚肉厚實唔會鬆散，我知比目魚一定係冰鮮魚嘅，但起碼我食過咁多次都無試過有好勁雪味食到已經收貨架啦豬軟骨就通常有3-4件，大小每次都唔一樣去邊度食豬軟骨都一樣係要撞手神好彩嘅話會食到炆到勁淋嘅豬軟骨，淋到連軟骨都炆到變半啫喱狀咁先最正，個種骨膠原感覺令人欲罷不能今日我運氣就睇黎中規中矩，只有一半係淋味道方面由於佢係果醋炆，所以會帶有果醋味道酸酸地，都幾醒胃同惹味自家製魚腐我之前食過印象好差今日突然有股衝動想俾多次機會佢果然不負所望，今日嘅魚腐好高質喎魚肉餡帶有鮮味，唔會食到一口麵粉+假魚味，唔錯P.S.麻辣湯底個辣味都幾勁，唔太食得辣嘅建議都係叫小辣或者唔辣…查看更多

呢間麵包店嘅法式布丁包都出咗名一段時間，屋企人想試好耐但一直無機會買到，終於有一次成功排到由於返屋企都要大約一個鐘頭，拎到返去都已經凍哂，但係都一樣咁好食聽講將佢放入氣炸鍋翻熱會仲正，但一返去就忍唔住開咗黎食布丁包內餡唔係Sell香滑，質地同滑係扯唔上關係而係好香甜好綿密，蛋香同奶香都相當濃郁，仲會隱約食到雲喱拿籽香味，確實係唔錯呢間麵包店除咗呢個人氣產品之外，其實佢其他麵包都相當出色屋企人都有幾次買過佢嘅麵包返黎食特別係有一款叫「芝士乳酪包」真係非常非常正絕對可以媲美高級麵包店賣三四十蚊嘅同款麵包佢size唔算大，當早餐或下午茶配一杯咖啡奶茶都相當滿足外層麵包質地鬆軟不失彈性芝士乳酪餡其實係分開嘅芝士就係一粒粒芝士粒會分佈係內外兩層，份量唔會太多，幾粒就剛剛好佢係屬於偏乾同咸味嘅芝士粒，剛好同味帶酸甜嘅乳酪餡恰好配合乳酪餡就相當澎湃，個包咬第一口就可以食到滿滿嘅乳酪餡，令人感到非常滿足聽講餐蛋包都唔錯，搵日經過必定要試試…查看更多

自從幾年前同朋友試過中環嘅「Rang Mahal Authentic Indian Cuisine」之後，完全令我對印度菜改觀，更加可以話係愛上咗一直以為印度菜都係好辣、食嚟食去都係咖哩但其實印度菜都可以好千變萬化，淨係咖哩都可以有好多款唔同口味，有辣有唔辣，想食creamy啲又可以揀椰汁咖哩，想食特別啲又可以揀白腰果咖哩對於食素嘅人仕嚟講亦相當合適，因為印度菜都有好多菜式係素食嘅，仲有好多唔同造法添今日係銅鑼灣就試咗呢間「阿拉丁咖哩屋」呢間餐廳係銅鑼灣好似都好有歷史?成日係對面等過馬路都會抬頭留意到呢間餐廳成日都想試但因為身邊朋友大多數都係唔食得辣/無興趣，今日一個人搵食就決定去試試佢當時係星期六夜晚6:00左右，餐廳坐咗一半客人，到走嘅時候就幾乎坐滿廳冷氣有點不足，而且抽風好差，走嘅時候滿身油煙味直至返到屋企都仲係好厲害不過坐低咗都無理由起身走人，如果餐廳係好食嘅話就可以體諒佢呢點嘅菜式選擇比起我以往光顧過嘅印度餐廳比較係比較少，但價錢相對比較大眾化，各有各好啦我就點咗下列幾道:- 香炸魚柳- 乾汁咖哩雞- Cheese Nan- 凍檸茶 【香炸魚柳 $58】一碟有六件，仲配上一碟微酸嘅應該係薄荷醬?份量同我所預期嘅有出入😱😱因為見佢係屬於小食類別，我以為係好細份量，但居然係主菜咁既份量，真係賺咗，哈哈😆😆😆魚柳係新鮮熱辣炸起，外脆內嫩，魚肉綿密無骨而且唔會炸到無哂肉汁炸粉亦都唔會又厚又硬，表面有少少調味粉，意想不到咁好食而且六件都係大大舊，啖啖魚肉，食得好滿足【乾汁咖哩雞 (即係Chicken Masala) $75】Masala算係比較多香港人認識嘅其中一款咖哩菜式雖然佢叫乾汁咖哩雞，但其實個汁都係唔少嘅醬汁唔算太辣，我覺得可以再辣多少少，更顯惹味雞件大約有6-7件，每件Size都好大，肉質嫩口唔鞋，唔會食得太辛苦【Cheese Nan $28】食印度菜除咗咖哩，Nan都係唔可以錯過嘅食物之一一如其他餐廳一樣都係即叫即製一份有四大塊，份量剛好芝士味道係偏甜個種帶少少奶香，配Masala食真係好好味但放凍咗芝士就會硬哂，所以要趁熱食呀😉總括黎講，餐廳無論菜式、價錢、份量都令人相當滿意唯獨係餐廳冷氣同抽風有待改善會唔會回頭?可能要等冬天先有機會再來吧🤔…查看更多

呢間「鳳雛」一直都係我心水List入面終於今日有機會同朋友黎試以前就咁睇個名以為係好清淡個種燉雞嘅菜式當然睇完食評後就知道係乜嘢一回事啦不過見咁多食評都讚不絕口，諗住唔會有大伏星期五晚上8:30當然係爆場幸好一早用Openrice book咗位餐廳職員全部都係用英文溝通，不過有menu指指指同簡單英文都可以順利點餐嘅，英文唔叻嘅朋友唔洗驚，同埋職員態度都幾nice菜式選擇少，黎呢度食飯九成食客一係叫燉雞一係叫韓式炸雞我同朋友都係想試燉雞多啲，就選擇有芝士個款，因為見佢份量都真係幾多，無額外加配料另外再叫左一份海鮮煎餅及飲品點餐後職員就送上三款涼菜青瓜、大豆芽、泡菜味道普普通通，無咩特別然後十五分鐘左右燉雞就送到份量確實幾多，兩個女仔的確食唔哂內裡嘅配料薯仔、青瓜、紅蘿蔔都幾大件，我認為薯仔可以再切會更加好冬粉份量夠多，質感煙韌彈牙，將醬汁吸收哂，係幾好食雞件又多又大件，不過都真係有點嚡口味道我哋揀咗小辣，都係可接受範圍但如果平日真係唔多食得辣嘅朋友真係建議揀唔辣重點黎啦...味道係唔錯，份量亦都夠個問題係碟燉雞係越食越咸，加上佢所有配料本身係索汁嘅質地，基本上食到後段已經想放棄幸好係叫咗芝士口味，否則我相信更加受不了...真心咸到有點崩潰海鮮煎餅係即叫即煎送上枱時係熱辣辣趁熱食時係外脆內軟糯，質感唔錯，但內餡失色所謂海鮮料就只係一少撮少量嘅魷魚碎 (無錯，係碎，連「粒」都稱唔上)跟碟送上嘅醬汁完全係淡而無味，配埋濃到極至嘅燉雞醬汁就啱哂飲品就正常發揮，無乜嘢值得講總括:為腎臟健康，恕我唔會回頭再食呢間咁有「驚喜」嘅餐廳…查看更多

若干年前曾經同朋友黎食過佢嘅點心放題，印象中食物質素唔錯，特別係一個名為「西瓜凍糕」嘅甜點，造型精緻，真係整到係一片片西瓜片嘅模樣( 係連西瓜皮都整埋個種)今日去海港城個邊閒逛，望見對面的「點一龍」就心想會唔會晚市都有點心放題呢?原來晚市係無嘅，仲要係平日先有得食。睇下MENU覺得價錢算親民，一於入去試下佢手勢有無退步先。MENU入面有點心有小菜有炒粉麵飯不過因為我一個人，小菜無緣品嚐，就叫咗下列幾道晶瑩蝦餃$39芝麻小卷(素)$33瑤柱雞球粥$58脆皮牛腩$48(呢個係限時推廣小食)留意返，呢度唔收茶錢，但好似硬性規定你叫壺茶或者一杯飲品，計落仲貴過收茶錢餐廳感覺有點人手不足，幸好座位算舒適，服務態度都唔錯食物都好快上枱，份量比想像中大，應該兩個人都夠食，哈哈【晶瑩蝦餃】一籠三件，望落飽落紮實。誰不知一挾就散開咗左蝦餃皮，內餡跌哂出黎。內餡方面蝦肉頗多，但味道唔太新鮮，三隻蝦餃都係出現呢個情況，有點失望。【瑤柱雞球粥】我本身以為係一碗size，點知個碗係勁大，根本係一個大砵嘅size瑤柱同雞球份量好多，雞球好大舊，食落肉質鬆化，無雞皮啖啖肉粥底夠熱，氣味香濃，夠綿密，唔錯【脆皮牛腩】明明佢餐牌話佢係小食，但個份量多到係主食咁，有種賺到嘅感覺一碟六件，每件都好大舊，仲配上咖哩汁外皮炸得鬆脆，唔會食得太辛苦牛腩肉質鬆軟定黎仲帶有少少咬口，唔係一咬就散個種，牛肉味香濃帶微量應有嘅脂肪，放凍咗仍然咁好食，確實有驚喜咖哩汁味道太淡，只有微微咖哩味外完全無味道【芝麻小卷(素)】食完上述三味都已經好飽...但人就係貪心，見到隔離客人叫芝麻卷又心思思想食芝麻小卷一啲都唔小，又係大大件但質感同味道同與小時候食嘅完全唔一樣質感鬆散，芝麻味欠奉，又一個失望之作最後食剩兩件打包返屋企俾家人食，反而家人覺得唔錯，各人口味確實好不同…查看更多

自從轉左份工係旺角返之後,真係發覺原來旺角呢啲旺區食野都唔一定貴嘅今日Lunch黎食嘅呢間「泰屋」都係同事介紹俾我, 佢哋一致認同話平靚正咁話喎好啦~一於去試下先!「泰屋」入面座位都幾舒服, 大部份係梳化位, 空間寬敞不過最緊要係望望佢地個Lunch menu先又真係幾平啵由最平嘅$42泰式鴨胸伴飯到最貴嘅都只係$68海南雞飯,仲要有好多選擇湯粉、炒粉、炒飯、咖哩就連素食者都照顧到仲要免加一同每人一碗冬陰公湯咁嘅價錢真係幾抵我就叫左豬頸肉炒貴刁+椰汁冰, 同事就叫左炒金邊粉我哋另外再叫炸蝦餅併春卷,都係$45一落完單就有送兩碗冬陰公黎啦冬陰公夠哂惹味,酸味好醒胃,唔會太辣,啱哂我哋好快脆啲食物都送哂黎啦豬頸肉炒貴刁都幾大碟,炒得夠乾身,貴刁大大塊唔會炒到一舊舊👍望落好似無咩調味咁,但其實食落夠哂味~😎豬頸肉份量都幾多,都有8-10片,仲要每一件都勁大塊🤤咬落肉質爽口唔韌,好食!❤️同事個炒金邊粉有鮮蝦、青口同魷魚件佢話都炒得夠乾身,酸味適中,啱佢口味👏🏻炸蝦餅併春卷係即叫即炸送上黎香脆熱辣,絕對唔係一早炸定再翻熱個種😎炸蝦餅好厚身,點雞醬食簡直一流!仲好鮮味添而春卷入面係全素,但連無肉不歡嘅我都覺得幾唔錯雖然佢係炸嘅,但一啲都唔油膩,炸得好脆最後埋單都係$155,呢個價錢同質素絕對係抵食!下次試埋咖哩先!…查看更多

星期五夜晚一個人想係尖沙咀食飯真係好難搵位本想去快餐店食但已經打烊，行過呢間「樂園」見入面有大量座位，唔理咁多即刻入去坐低餐廳標榜崩沙腩係招牌貨好，一於試試佢!!我叫左雙併河粉，崩沙腩+墨魚丸崩沙腩份量幾多，一咬落開...嘩，肉質好鞋好韌以為係呢舊先咁衰啦...點知差唔多成份崩沙腩都係咁難咬我唔知崩沙腩有呢種質地係咪正常啦...呢份崩沙腩真係差到極點墨魚丸佢地標名係冠軍墨魚丸...以為好好食啦...點合同我係屋邨街市買既無分別，仲要得兩粒...另外我仲有叫一份炸魚皮店員送過黎時我真係呆左下...居然係呢D預先包裝既魚皮雖然我知唔係間間既炸魚皮都係即炸或者自家製但都唔好一副擺明「我係出面拎貨」既模樣丫...炸魚皮係大舊既...但又硬又重油溢味...我食左3分1就食唔落食物出事，估唔到連飲品都無一倖免凍檸茶贈送青蔥幾粒食完咁難食既一餐，又貴又唔飽肚...下次真係寧願返屋企煮麵食好過!!…查看更多

最近一直處於忙碌既狀態，終於有時間寫返啲食評...呢間「6號冰室」係我8月16日時候去用餐既...一直放係度未有機會分享當日中午出左官塘買野，行完街就當然要醫下肚架啦唔知點解當日既胃口特別想食西多士講緊既西多士係有花生醬餡+金黃糖漿個種本以為呢種西多士會好易搵...點知我行左勁耐都搵唔到!!因為依家好多餐廳做既西多士都無花生醬餡，一係就轉左用練奶代替糖漿行到個肚越黎越餓...唯有退而求其次，咩西多士都妥協經過「6號冰室」見到佢下午茶有個「6號西多士」好似幾特別喎...即刻入去試試佢!!由於當日係假日既關係，店內唔算多客，所以有卡位任揀等左一陣個西多士到啦「6號西多士」符合左我既花生醬餡+金黃糖漿要求之外，仲會另外跟埋一杯類似阿華田粉俾你另外加上西多士咁食法都係第一次...估唔到都幾夾，不過真心係甜左少少...建議加少量就夠，或者唔好加咁多糖漿西多士非常厚身，即叫即炸熱辣辣既西多士就最香內層既花生醬非常濃厚，仲有少少花生粒每一口都好滿足，好耐無食過咁邪惡既西多士呢個下午茶非常滿意，下次有機會再試下佢其他食物…查看更多

是晚同朋友約左係尖沙咀食飯，成日打邊爐都有少少悶，所以今次就食西餐朋友一早上網搵左心水餐廳仲訂埋位，睇黎佢都好期待食呢間餐廳喎即刻上網睇下呢間餐廳咩料先呢間Season Plus係openrice都幾多好評，無論係睇相定睇食評內容都好似幾唔錯咁搞到我都好期待呢餐飯添間餐廳位置其實都幾癮閉，佢係間酒店隔離有條巷仔穿入去再行十幾級樓梯先得如果太夜行入去其實都有少少驚，女仕們要注意啦餐廳氣氛幾有情調，有些室內同戶外位置由於天氣仲有少少熱，所以我地都揀左室內位置坐座位都幾寬敞，枱與枱之間都有充足既距離，唔錯因為我地都好期待既關係，所以係之前我地已經諗好哂要叫咩菜式架啦可惜，天氣不似預期，餐廳原來已經換左MENU原本我地好想食燒海膽芝士多士，但MENU已經換左做明太子芝士多士啦...坐低研究左一陣，決定左叫明太子芝士多士、烤焗海鮮拼盤、特級安格斯肉眼、卡邦尼意粉另外仲叫左兩杯波蘿梳打【明太子芝士多士】一客有四件，明太子份量非常豐富，微辣而帶有咸鮮味既明太子絕對適合做開胃菜芝士亦都香濃滋味，熱辣辣焗起，真係好好食【烤焗海鮮拼盤】拼盤有芝士焗龍蝦、芝士焗扇貝、蒜蓉翡翠螺、芝士黑松露焗大磨菇、牛油蒜蓉焗虎蝦一上枱就聞到香噴噴!!龍蝦一隻開兩邊，龍蝦啖啖肉，表面更鋪上好多芝士去焗，配合彈牙爽甜既龍蝦肉質，食半隻真係唔夠喉呀!!焗扇貝同樣係重量芝士之作，扇貝好Juicy，仲好鮮甜添其他海鮮亦都相當出色，果然無叫錯呀【特級安格斯肉眼】我地order左七成熟，生熟程度果然控制得剛剛好肉眼肉質軟熟有豐富肉汁，伴碟既薯角都好好食，熱辣辣勁香脆之休仲幾多份量【卡邦尼意粉】份量比想像中大份，差啲食唔哂醬汁濃郁杰身，芝士味好香濃!係我鐘意既味道!意粉軟硬適中，非常掛汁，仲有香脆既煙肉粒，真係大份又好食呀食完呢餐飯真係飽到上心口...可惜同行友人唔食生蠔，下次一定要約其他朋友黎擦個夠!!…查看更多

駿業街熟食市場其實都唔少野食揀不過出名既好似都係個三四間繼之前既百里香皇牌燒春雞, 另一間出名既就係呢間「峯日本料理」啦本身夏天好怕去呢類地方食飯唔係怕會污糟, 而係怕冷氣唔夠涼同埋坐得唔舒服好彩呢兩個問題都無發生, 座位方便雖然只係圓桶櫈, 但由於都兩點幾, 餐廳得我地同另一位客人坐得鬆動自然無問題啦食物方面清一色係食米飯, 選擇亦都唔多我就叫左咖哩唐揚雞定食, 同事叫左醬燒豚肉定食上菜好快, 醬燒豚肉望落唔錯, 豚肉份量都算多不過呢類唔太啱我口味, 因為好怕佢無汁會乾爭爭同事話呢個定食味道合格, 不過略嫌多左少少肥肉我個咖哩唐揚雞定食都跟住上枱咖哩係偏稀個種, 味道如我所料濃郁得黎帶少甜, 並且唔會有刺激既辣味, 撈飯一流雞塊有5件, 熱辣辣仲帶有少少汁炸皮唔厚, 炸得亦好鬆脆比我預期中好食得多, 無揀錯總括黎講呢間餐廳可以再試, 不過一定要揀兩點後既時間去下次可以試下鰻魚, 望落好似都唔錯咁…查看更多

住係觀塘區既朋友都一定聽過呢間「臻味冰室豬扒酸辣米線」雖然佢有三間分店係觀塘區，但因為地點唔就腳，所以都無食過放工唔知食咩好，就醒起呢間餐廳，約埋同事一齊去試試佢呢間分店係皇庭廣場，即係The Wave個條街一直行到最篤就係啦餐廳空間話大唔大，話細又唔細有梳化位亦都有方櫈同圓櫈座位今晚唔算多客，如果多客既時候應該都坐得幾逼我就叫左豬扒牛展酸辣米線但酸辣另上 (都係因為知佢酸辣可以另上所以先黎試)仲另外叫左炸魚肉雲吞Share碗米線份量都唔少，米線唔會煮得太淋或太硬，啱啱好另外上既酸辣望落好似唔係好勁咁，不過我個人唔食得太辣，都係逐少加落去試下佢既酸同辣比例剛好，唔會太酸同太辣，仲有麻既感覺，幾唔錯豬扒有兩件，都係得兩舊好細既骨，啖啖肉肉質幾淋，唔會太難咬，醃味唔錯，唔怪得豬扒係招牌貨啦牛展有大約四至五片，都幾厚身，淋得黎又帶爽，無選擇錯炸魚肉雲吞一碟有好似8粒定10粒，唔記得左~正當我地討論緊無醬點既時候，侍應就拎左兜茄汁過黎個人黎講覺得甜醬或者甜酸醬會夾好多既...茄汁真係有點兒怪，不過叫做有好過無囉...雲吞皮炸得勁脆，配茄汁都還可以既入面既魚肉餡料都算彈牙同新鮮，用黎做炸雲吞都幾夾既，可以一試晚市黎食米線，叫飲品無優惠，一律計正價，大家留意返P.S.餐廳有個大問題，就係冷氣非常不足眼見天花板有3-4部冷氣 (雖然睇唔到係唔係有開哂)，仲有接近10部既風扇定抽氣扇運行但食足全程都係感覺非常熱，一邊食背脊一邊出汗既，頭都濕埋食完都嗱嗱聲走人呢間餐廳食物係唔錯，但對於怕熱既我黎講，唯有等天氣唔熱既時候先再黎幫襯過…查看更多

而新加坡式既先會有三色醬，即係平時大家食到既黑色醬油膏、辣椒醬同薑油個人口味黎講係鐘意三色醬多啲，因為我係個種鐘意食醬汁既人上星期五出左尖沙咀，正打算返深水埗食車仔麵，途經海港城對面既新太陽廣場，就俾一個海南雞飯廣告吸引左原來係DFS入面開左一間名為「亞參」既星馬菜餐廳見佢價錢唔算貴，圖片亦幾吸引，所以就入去睇睇啦同一個Area，開左幾間餐廳分別係敏華冰室、一間台灣菜同呢間「亞參」由於少左內地遊客既關係, DFS入面好少人, 當然餐廳都唔會太多人啦座位都算舒適，大部份都係寬敞既梳化卡位，侍應服務態度幾好，感覺唔錯菜單選擇唔算多，粉麵飯類有十零款小食就得幾款，怡保芽菜係一款幾特別既選擇，不過本人唔好食芽菜，所以無緣品嚐另外有款香煎手作蝦餅非常吸引我，當然唔會錯過啦等左五分鐘左右食物就送到【海南雞飯】$88我就加左$10轉雞脾雞肉原來係用三黃雞，份量望落好少，但原來底層都有幾件雞肉係度，所以份量係足夠有餘首先試一啖雞油香飯，乾濕程度適中，雞油香味明顯濃郁略帶少少斑蘭香氣，完全符合我心水雞肉肉質唔係好鬆化個種，係有少少口感但唔會韌到咬唔到個種三黃雞雞皮本應係厚身帶好多肥膏，但我食呢碟係偏薄口感唔肥膩，真係好難得點上三色醬食，送飯一流!係略嫌碟底既汁稍為多左少少跟餐碗雞湯幾好味，飲落冇味精，飲哂成碗都唔會口渴【香煎手作蝦餅】$42一碟三件，本來我就預左佢係又細又薄既蝦餅仔估唔到有驚喜!! 大件得黎又厚身!!仲要新鮮熱辣即煎，同配上左參巴醬參巴醬可以話係星馬版既XO醬，蝦醬味好強烈，帶少少辣，勁惹味質地係好乾身，要用筷子夾啲醬搽上蝦餅先食到味道同蝦餅非常夾蝦餅好彈牙，食得出蝦肉好新鮮，用料重手唔孤寒呢個價錢我認為非常抵食，值得推薦總結呢間餐廳都幾滿意雖然海南雞肉質仲未乎合我要求，但三黃雞佢整到呢個質素已經好難得蝦餅絕對係值得一試呢間餐廳我會再黎試，下次想試下咖哩牛腩撈麵侍應服務態度值得再讚多次，雖然飲品佢落錯左柑桔特飲俾我係我埋單後侍應追出黎送左幾張Free drink coupon俾我，都幾大方…查看更多

今日同一位朋友去左食飯聚下舊呢位朋友係外國返黎，自不然成日都想食中菜佢話前排同屋企人去左一間會所既中菜廳食過生日飯覺得幾唔錯，於是就決定帶我去試試咁話喎原來佢介紹既係位於菲律賓會所入面既「輝哥私房菜」佢地址係京士柏衛理道10號，就係香港華員會既隔離唔算太難搵餐廳格局有啲似舊式酒樓，侍應服務好好，雖然係有少少上左年紀，但禮貌非常好👍🏻【粟米羹】粟米香甜飽滿豐富，蛋花綿滑唔會鞋口。湯羹唔會太稀或太杰，剛剛好❤【紫蘿咕嚕肉】咕嚕肉外皮炸得酥脆，無油益味。肉質鬆軟帶肉汁，唔會太乾。配合埋咕嚕醬汁酸酸地，幾好送飯，唔錯👍🏻【招牌避風塘九肚魚】平時係大排檔食九肚魚一定係原條或半條上。呢度既避風塘九肚魚既肉身起肉然後拎去炸，食既時候唔會食到條大骨同埋都避免左好多細骨~雖然細骨可以食到落肚，但會影響口感九肚魚好香口~夾埋炸蒜粒真係幾唔錯，記得點埋喼汁食呀，仲惹味🤤【金蒜脆皮德國豬手】首先佢真係幾大隻下🤤 豬手皮炸到好脆口之餘又不失佢應有既膠質口感~個種口感係正到令你忘記咩叫卡路里😂豬手肉咸香味十足，唔會刻意整到佢啲肉勁淋，要帶少少口感先至好食架嘛👍🏻【燒汁牛魔王】牛柳粒比想像中好食~燒汁甜甜地，牛柳粒充滿左牛肉味，仲幾淋身👍🏻…查看更多

厚福街就不嬲多餐廳，仲要大部份都唔係連鎖店，實在難得👍🏻今日收工同家姐去左炎鳥羽擦下日式串燒上到去發現個場都幾爆下....坐滿左8成人咁多人捧場就肯定無伏啦! 未坐定已經好期待啲串燒啦!睇睇menu都幾多選擇算係應有盡有餐廳仲有個Daily menu寫左係黑板上面，都係時令食材或特別食品居多點完菜之後侍應送上兩set前菜俾我地，一碟有三格前菜包括有: 牛蒡條、青瓜及紅蘿蔔條配麵豉醬、高麗菜，開胃一流👍🏻坐左大約15分鐘左右食物就陸續上枱啦🤤【明太子蛋卷】蛋卷好滑帶少少甜味。明太子咸咸地既味道同蛋卷非常夾，味道一流！本身我唔鐘意食帶甜味嘅蛋卷，呢個明太子蛋卷我超級滿意！成餐飯最鐘意係佢❤【自家制雞肉棒】即係坊間一啲叫做雞軟骨棒。一般都係搽上甜甜既燒汁，然後再奉上日本生雞蛋同額外既燒汁俾你蘸嚟食。呢度做法都係一樣，蛋黃好靚好大隻，滑漏蛋黃襯托肉感豐富既雞肉棒，無咩可能唔好食🤤【雞皮】外脆內柔軟，唔會一味得個脆字，真係會食到質感，都係好唔錯! 雖然好想叫多串，但礙於雞皮真係邪惡食物之一，唯有忍下口😞【荔枝豚肉卷】兩個字形容: 爆汁! 粒荔枝真係爆汁到令人驚訝既地步😂仲要幾清甜，加上熱辣辣，估唔到幾好食，同豚肉都幾夾【豬頸肉】肉質爽口，唔會燒到變橡膠咁，唔錯【牛舌厚切】本身想叫限定既牛舌芯，可惜賣哂😞😞侍應推介牛舌厚切，果然無介紹錯！牛舌堅係厚切，爽口得黎仲好淋身，超好食❤【燒黑松露帶子】一串三粒，帶子就真心細粒左少少，黑松露醬好香好惹味，帶子生熟程度啱啱好，值得一試【粟米】一食就聞到好香牛油味同埋粟米本身好甜，肉類同海鮮以外既好選擇👍🏻【魷魚軟骨】估唔到魷魚軟骨都可以燒~食落淨係FEEL到魷魚肉，唔覺有其他質感喎😂可以一試既【浦燒鰻魚】呢個鰻魚就燒得燶左少少。唔完美但可以接受既~鰻魚本身肉質肥美，唔會有太多細骨。【燒飯團】叫左兩個，分別係燒明太子同三文魚口味。飯團幾脆口，同內餡好夾，用紫菜包住食都好唔錯…查看更多

黎到2019年最後一日，正常黎講旺區都係人逼人架啦所以就同屋企人去左鑽石山荷里活商場食今年既最後一個晚餐行行下見到Bugis@叻沙.海南雞飯醒起上次係荔枝角D2 Place食過覺得質素幾好，見到佢又暫時無人排隊，就決定今晚食呢間啦本身想叫一人套餐，因為一人套餐都幾抵食咁，但因為我地太多野想試，所以都係決定散叫餐廳座位大部份都係梳化位，枱與枱之間既距離都算大，坐得幾舒服職員服務態度幾好同埋好有禮貌，見到佢會主動提一啲長者客人所點既菜式會帶有辣味，咁好既態度都好少見由於上次食過海南雞印象幾好，今次都係忍唔住再叫海南雞，不過今次叫干撈麵屋企人就叫左海南雞飯另外再加點什錦拼盤，入面有棒棒脆蝦、沙嗲雞肉串燒、香煎魚餅、海鮮春卷上菜速度好快，十分鐘左右已經黎齊哂我個碗海南雞干撈麵係以甜醬油、乾蔥做調味甜醬油唔會過甜，份量恰到好處順帶一提，干撈麵有得揀油麵定係粗麵，我就揀左油麵雖然粗麵會掛汁得好啲，但個人認為油麵應該會比較襯海南雞海南雞份量唔少，佢係一半雞胸一半雞脾肉質同樣好鮮嫩，當然雞脾肉既質感會更勝一籌啦點配三色醬黎食更加惹味，不過下次再黎我應該會加錢指定要雞脾跟餐有個例湯，飲落好清甜，應該係羅漢果，唔錯屋企人既海南雞飯都無失手油飯偏乾身，唔會食到成口油，個人喜好黎講鐘意呢種海南雞同我個份一樣係半胸半脾什錦拼盤大份到我地食唔哂要打包~棒棒脆蝦就即係吉列蝦，炸得幾香脆，內裡蝦身幾大隻，有驚喜香煎魚餅有濃香茅味，魚餅食落無怪味同埋彈牙，屋企人好滿意呢一個魚飯沙嗲雞肉串燒肉質鬆軟，沙嗲醬汁非常惹味帶香濃花生味，我最鐘意呢味小食海鮮春卷外層有少少硬唔夠脆，內裡唔熱，似係整定左好耐食完埋單$315，呢個價錢好食之餘仲要飽到要打包，我覺得非常抵食!值得一試!…查看更多