豬頭家族的個人專頁

其實我嚟呢度食嘢已經好多次，食物水準一直都幾好，但今次覺得特別舒服。入嚟嘅時候嗰位接待先生態度好好，因為個時段唔係太多人，可以俾我哋揀近攞食物既位置。特別想講有一位戴眼鏡短頭髮既女工作人員，態度非常好，食物無晒即刻幫我fill，埋單仲詳細解釋會員積分俾我。…查看更多

我之前經朋友介紹黎依間新開既海鮮火鍋，感覺地方好乾淨，食客感覺都好斯文，服務人員都好禮貌既態度，因為食完感覺太正，我已經黎咗幾次。我試過雞煲，同火鍋，小菜，刺身，諗住試下依度既食物，令我覺得好難得既係，佢地既火鍋同熟食炒野一樣咁好！我必叫既係至尊雞煲，入邊有花膠、鮑魚、海參。薑蔥魚皮，又香又爽，一定要試！另外椒鹽雞軟骨、炸蝦餅、黃金魚皮。。。都係我最愛！因為太多野好食，真係好難一一介紹，所以我黎咗好多次先試到我覺得，依度真係一個朋友聚會慶晚生日既好地方。…查看更多

我一看到OpenRice 出觀塘有依間刀削麵，我開心到即去試，真的一樣好食！只係蒜頭無咁多，但都一樣好味道！連麵既嚼勁都一樣有彈性！我最愛食刀削麵，一定會成日黎！我今次食我平時喺荃灣既豬大腸湯刀削麵！依家有涼既刀削麵，仲有特色既菜飯，睇落都好好食，可惜我得一個胃，我下次都會試。…查看更多

這一次經朋友介紹，黎咗佐敦一間有很多種類食物既餐廳，位置在佐敦官涌街市下面的一條叫閩街，距離地鐵站的距離也不太遠，這間餐廳並不是太大，但有舒服的感覺，加上老闆既nice同風趣，令我覺得我地好似識咗好耐咁！餐廳職員都好nice啊，絕對係優質服務。朋友發板叫了幾樣，但我連名都無理到，都影唔切。。就只顧吃吃吃！就係因為真係好好味囉！以我平時無寫食評既人，都好想寫兩句。黑椒豬手，香到無人有，上了枱之後可以自己慢慢切架茄汁蝦 我的最愛之一！真心講，甜甜地，好好好味！本身碟菜好靚架。。。銀芽花枝片（可惜。。影唔切）以下這一個，是我的最愛！辣子雞軟骨！（老闆介紹）好好好好味！啱晒我依種鍾意食辣既人！因為有分大中小辣，建議，如果你可以食到先叫到中辣好勒，因為都夠辣了，老闆話歡迎去挑戰佢地既辣椒架！我地班朋友都會喺食飯既時候飲返兩杯，聚下，relax下，依度真係一個好啱我地gathering 既地方！我諗我地之後都會成日黎建議大家先預約book定枱會好啲…查看更多

終於有機會黎食，難得book到位，店舖的位子並不是多，眼看只有2張大枱可以容納6至8個，其餘都是2至4人座。另外，d食物質素真係普普通通，種類唔係太多，蝦也有點霉霉的，但簡單的棉花糖是令我開心既，醬汁方面，我覺得有少少偏甜，以我既重口味，應該有椒鹽類的就更好，但以價錢來講，質量都係ok既。另外，喺好多篇食評入邊講到既服務態度，我反而覺得態度幾好，又有禮貌（唔知係唔係態度差嗰d已經無做，或者調咗入㕑房）食物如果太大，可能會影響到轉唔到，大家要分類放喔！…查看更多

今晚諗住去食下譚仔，點知食咗成肚氣返黎！叫咗碗麵之後。。等咗好耐都無黎到，就問下人，點知唔啋我，我好似透明咁繼續等，最後，碗面仲要等咗25分鐘！我記住我落單嘅時間，係8點59分，9點25分左右到。。。到咗都算了，d麵仲要係唔熱既(我真係又餓又凍)！之後嗰位叫AL08既丫姐仲要我即刻俾錢，態度就好似我爭佢錢咁！仲要大聲話，頭先如果你叫我，我唔會唔理你囉！我自問自己脾氣不嬲都幾好，但今次我俾佢地都搞得好嬲。。。AL08丫姐，我明白你地要收工，我亦都唔會阻住你地，你地做服務業，打份工都要尊重份工，譚仔米線本身係好食，但因為服務員既態度令我覺得，我以後都不會再光臨囉！…查看更多

中午諗住lunch飲茶，坐底都無人理之餘，仲要有個大陸丫姐(個名牌寫住大X英)態度超級差！一黎就好大聲咁鬧！我搖張點心紙提你黎攞啫，你仲要咁大聲！佢仲要繼續大聲！痴咗咁，我話，你都唔需要咁大聲！佢居然話，我不嬲咁大聲㗎啦！。。。。我真係無語，我明你地做野辛苦，但我係客人，佢一d尊重都無！我真係未試過去消費都要俾人大聲咁鬧！如果你覺得依份工辛苦，可以選擇轉工囉，唔使出氣喺客人身上面！我希望可以有人正視依個問題，客人不是大晒，但做為服務業，至少對客人要有基本的尊重吧？…查看更多

諗住買個雙拼飯啫，油雞燒肉，俾飯我時，我唔知佢有無淋蔥油俾我，就同個淋油pack野既丫叔講，請問有無加蔥油，佢居然話，要蔥油唔早d講。。我好無奈囉！門口收銀靚姐即刻幫我講話，有雞，本來就會有蔥油，唔好意思，搞錯咗。嗰個淋蔥油pack野既丫叔一句唔好意思都冇！佢本身就漏咗幫我淋蔥油！仲要話返我。。。自己做錯，仲要賴人！PS 門口個靚姐，你真係有禮貌，唔該晒你！…查看更多