trying的個人專頁

We started our dinner with these fresh oysters. I forgot what the red source was, I could only taste the flavour of raspberry and onion. I think the oysters were nice, so fresh and sweet, but I don’t like the sauce, the onion flavour was too strong and didn’t go well with the oysters.The crab fries was very good. I bet this is their signature dish. The crab meat went well with Mayo and egg. The trout salad was ordinary, but the portion of fish was a surprise. Salmon tasted like salmon 😂 nothing special.The chicken was good, it was perfectly cooked and quite juicy. We had another one of their signs dishes, the angle hair with crab meat, and we forgot to take photos😂 But it was good. You can choose the level of spiciness you prefer, I think medium was nice, a bit exciting but you can still taste the sweetness of crab meat. Dessert was so-so, we ordered passion fruit tart and the triple chocolate jar, and we also forgot to take photos. I think their food was good, their mock tails were also good. It was a good place to meet with friends, have some drinks and nice food. …查看更多

好日都唔過海，難得過開西環，就揀咗間好耐無食嘅川菜嚟試吓兩個人點咗3個餸，上菜速度好快。頭炮四川涼麵偏酸，其實正宗嘅四川涼麵應該係無咁酸嘅，但佢呢整體味道配得幾平衡，好食！原本想食水煮魚，但朋友建議不如試吓毛血旺。個湯底同水煮魚差唔多，料就變咗土魷、萵荀、午餐肉、牛肚、薯仔、海帶…　所有料都好入味，比起水煮魚多啲唔同口感，推介可以試吓。蔬菜揀咗個乾煸四季豆，唔知點解個四季豆超甜，又無渣，好食過平時嗰啲好多。甜品餐廳送咗個桂花凍糖水，幾清甜，清吓口入嘅辣味，都係一個幾好嘅ending。整體嚟講味道幾好，好地道，所有菜都叫咗小辣，但我都覺得真係辣(利申譚仔三小程度)，如果唔太食得辣記得耍叫小辣。…查看更多

好出名嘅中菜餐廳，早咗兩個月book先book到星期五晚市，未開始食已經好期待！一嚟即刻叫啲前菜先，話梅車厘茄好好味，酸酸甜甜，話梅襯托下顯得車厘茄更加甜。反而金莎豆腐一般，椒鹽味太重，一度懷疑佢上錯咗椒鹽豆腐燒味揀咗個叉燒，見好多人推介，但我覺得一般，水準略高於一般燒味舖，但唔夠香亦都唔夠鬆軟。片皮鴨就好出色，鴨皮香得嚟唔肥膩，餅皮超薄，兩食先$598真係物超所值！蟶子好新鮮，可惜我食嗰隻略嫌過熟，有啲難𡁻。芝士蟹蓋都好好食，蟹味同芝士味都好出，食晒成個都唔覺得膩。杏汁豬肺湯就正常，但$180一位就貴咗少少。好少食蝦醬生菜呢個組合，幾香口，唔算太油。最後嚟一個甜品收尾，都係好食嘅，糖水舖水準。平日晚市仲有全單75折，去過好多酒店中餐優惠期間都會略降水準，逸東軒係維持水準，難怪booking咁full。…查看更多

為慶祝朋友生日而去食餐好嘢。前菜食個沙律，蟹味好濃，牛油果好creamy，幾好食！主菜方面揀咗佢哋個招牌乳豬，好香口，而且唔會太咸，外皮好脆，肉好juicy。牛扒亦都好出色，非常juicy，而且肉味香濃，好大塊得嚟成塊都係肉，無𡁻唔爛嘅筋，$288好抵食！意粉味道正常，無乜特別，蝦亦唔算特別新鮮。甜品叫火焰雪山打卡一流，店家仲可以幫手寫字，好貼心！但味道就一般，係cream加橙味嘅酒。西餐嚟講佢份量都幾多，味道亦都中上，座位少少迫，但都值得再幫襯💛…查看更多

禁堂食前去食餐好，揀咗間拉麵店面唔大，成晚都滿場，呢間小店都幾受歡迎。小食揀咗個芝麻雞翼，其實想食明太子雞翼多啲，不過呢度無。但呢個雞翼都有驚喜，入面係無餡，普通雞翼，但一咬落去係有汁，調味剛好，有少少辣味其實仲叫咗個炸雞，但唔記得影相都好好食，又係好多汁，配上mayonnaise，熱辣辣，無得輸。拉麵方面質素中上，蝦湯嘅蝦味唔算好濃，主要靠蝦乾調味，麵同叉燒都係正正常常，配料好多，可以話係性價比高，味道唔算好出彩。朋友叫咗個胡麻王，但佢話無乜芝麻味，當係普通豚骨拉麵咁，味道都係正正常常。整體來講都滿意嘅，平時晚飯都係個唔錯嘅選擇。…查看更多

香港嘅台式餐廳越開越多，但唔係間間都好食。今次就試咗間新開嘅台式餐廳，覺得好好食！位置其實好偏，係屯門住宅區，自己作為新西人都好少嚟呢邊，係屯門人嘅帶領下先識嚟。一到就叫咗啤酒先，台灣好興嘅果味啤酒，叫咗柚子同荔枝，好好飲，好似果汁咁，無啤酒嘅苦味，但有少少啤酒香，唔鍾意食甜嘅人可能會覺得太甜，完全唔似啤酒。紅燒牛肉麵味道中上，牛肉同金錢肚好腍，好入味，麵好有咬口，台灣人話齋，好Q。上面有舊油豆腐串，完全係乾嘅，店員叫我哋浸透先食。浸咗好耐都唔腍，我仲心諗，點解唔煮好先上台，點知一食，有驚喜。佢未完全腍晒，仲有少少脆口，但又吸咗好多湯汁，同平時食煮好嘅完全唔同感覺，終於明白店家嘅用心。食食下店長送咗個炒米粉比我哋，一開始我都唔係幾開心，因為我好唔鍾意食炒米粉點知一食又係驚喜，覺得自己食緊蟹，好鮮，但其實我哋唔知自己食緊咩，因為唔係我地點嘅。問返店員先知係蟹肉明太子炒米，好好食，炒到好鬆，而且鮮味十足，今晚嘅冠軍！小食我地揀咗個三星蔥餅，好多汁！一咬落去真係爆汁，有蔥味但唔算好強烈，皮好薄，都唔錯嘅。最後一個鹽酥雞滷肉飯，原隻雞髀去骨咁炸，第一次食鹽酥雞要用刀叉切個雞都係好食嘅，味道係意料之中，反而滷肉飯唔得，滷肉太甜，味道有啲奇怪，唔會再點😂整體非常滿意！會再嚟幫襯！…查看更多

收工後去旺角小聚，為咗可以坐耐D，揀左間樓上cafe。一入門。有大量board game!!! 可惜我哋得兩個人，多人黎一路玩borad game一路食應該好開心!叫咗兩個set dinner，野飲包熱飲，味道就正常囉。前菜揀咗個黑松露芝士焗蘑菇，好好食!松露同蘑菇味好夾，好香。入面仲有D醬好似mayonnaise，酸酸甜甜，好開胃，加埋芝士都唔覺得膩。主菜豬手，加咗蜜糖去整，個人覺得太甜，唔夠咸香，雖然咁講但最後食吓食吓咁大舊都食晒另一個主菜龍蝦汁意粉，其實味道好好，龍蝦汁好濃，好creamy，仲要好大份，但真係比較膩，女士一定食唔晒成份。最後仲有埋甜品，細細份咁，味道都唔錯。樓上cafe黎講我覺得佢食物質素真係唔錯，$200有找有前菜主菜甜品野飲，仲要份量好足，價錢好合理，比較適合一大班人上黎玩board game…查看更多

近期見到有個買一送一優惠，即刻試試呢個7道菜晚餐。頭盤小菜有叉燒、青瓜同麵麩，賣相唔多好所以無影相，但味道係唔錯嘅蟹肉燕窩羹好鮮，雖然食唔出燕窩，但蟹味好出，唔錯。呢個蟹肉蒸蛋白非常好食，蛋白好滑，而且蛋味好重，蟹肉嘅鮮同蛋白味好夾！外面脆口，入面係滿滿嘅蟹肉，芝士味唔會太重，加埋少少蘑菇，主要食到蟹味，呢個都幾好食。呢個胡椒蟹我覺得一般，醬汁味道太重，又好油，雖然都仲食得出蟹肉好甜，但食第二舊已經覺得太膩。灌湯餃味道唔錯，入面包咗蟹肉同冬菇，食到蟹嘅鮮味，冬菇嘅香味，但隻餃未夾已經散咗。聞落已經覺得好重花雕酒味，食落花雕重過蟹味好多，而且伊麪太爛，呢道菜一般。最後一道係甜品，蛋白杏仁茶，不過唔記得咗影相 幾好味嘅，唔會太甜，清一清口中嘅蟹味。整體黎講食物質素中上，唔算好精緻，人頭$400略貴，如果係原價$700幾一位，食完應該會幾嬲下。…查看更多

荃灣新開嘅平價西餐，可能位置比較偏，人好少，喺donki迫完一輪去到餐廳覺得好舒服😂晚市套餐可以選擇湯或沙律，龍蝦湯味道唔錯，蝦味好重。個包有啲似某連鎖店嘅招牌黑糖麪包，都幾好食😋百零蚊食到威靈頓牛柳，梗係要試吓！雖然係迷你版，該有嘅嘢都有齊，牛柳好juicy，明明好瘦，但唔會韌，肉同酥皮中間層蘑菇都食到，蘑菇好香濃！食落比睇落高質。墨汁意大利飯反而有啲失望，隻軟殼蟹係好食嘅，但意大利飯太大蒜頭味，濃到食唔出其他味，唔難食但同想像中有出入。最後甜品心太軟就中規中矩，無配埋雪糕感覺都係差啲野😂埋單每人$140，由前菜食到甜品，性價比好高！…查看更多

今次嚟到新田嘅餐廳，最近好興嘅蒸氣海鮮。最平個餐$198，有鮑魚有貝類蔬菜任食，覺得都幾抵。鮑魚、蝦、扇貝同蟶子都好好食！又新鮮又甜，跟住店家建議嘅時間蒸，啱啱熟！perfect其餘就一般，蠔同青口有啲腥，蜆就有沙。蔬菜類都好高質，粟米勁甜，冬菇勁香，可能蒸呢種煮法真係令大家品嘗到食物原味，所有味道都好出。店家送左個蒸雞比我哋，調味比起其他清蒸海鮮蔬菜強好多，同埋好特別，似用味增調味，好食。最後嘅精華粥，我哋太早𢳂起，粥未煮透，建議大家比佢蒸耐啲先食整體感覺都唔錯，最欣賞佢無限時間，坐到想走為止，不過餐廳位置比較偏僻，太夜走可能要call的士。…查看更多

路過長沙灣，見有間文青咖啡店，晚餐即刻試試佢！環境唔錯，咖啡店嚟講唔算迫，menu睇落幾實惠。主菜幾十至百幾蚊，可以半價加野飲。首先嚟咗杯凍朱古力，唔錯，濃滑得嚟唔會過甜。主菜叫咗個澳洲西冷扒，8oz 都幾大塊，雖然佢無問我幾成熟，不過煎出嚟係我prefer嘅7成。牛扒質素都唔錯，唔會韌，有牛味，但都係乾咗少少。配菜方面有沙律同薯條，味道正常。整體嚟味道中上，坐得舒服，價錢實惠，人均$200都唔使鋸到扒，好滿意！…查看更多

睇戲前去食咗個快晚飯。以為係普通茶記，原來係特色餐廳，主打俄式羅宋湯，好可惜，本人非常唔鍾意飲羅宋湯，所以無叫到當佢普通茶記咁食，整體都唔錯嘅！熱朱古力非常香濃，比大部分茶記好味。豉油王撈麵有驚喜，最怕撈麵乾爭爭，但呢個一啲都唔乾，上面仲有炸蒜，好香口，唔算好油，正朋友點咗個俄式清雞湯，味道正正常常。奶油脆豬屬中上水平，係好食嘅茶記奶油脆豬，甜度適中，好食！蝦多士炸得好鬆化，好香口，但略嫌有啲油。Brownie都有驚喜，蛋糕好香朱古力味，熱辣辣，唔會過甜，少少苦，配上雪糕啱啱好！雖然我唔飲羅宋湯，但睇戲前快食一個茶記晚餐都幾滿意…查看更多

武漢肺炎疫情影響之下，近期多咗食外賣。呢間由細食到大嘅地道印度咖喱屋，係外賣平台都有提供服務。平時次次都係食雞，今次睇咗OpenRice建議試吓食羊肉，真係冇介紹錯！揀咗個爽滑濃汁羊肉，可自選辣度，揀咗小辣，覺得啱啱好。羊肉睇落好似好韌，但咬落又真係爽口，而且有肉汁，唔會癡牙又唔會𡁻唔爛，有羊肉味但唔算太騷，加埋醬汁又香又有少少辣，值得推薦！呢間舖頭嘅幾款雞我都試過，個人覺得呢個羊出色啲。主食揀咗烤小麥餅，送到上嚟仲熱辣辣，冇乜味但係配咖喱一流！印度菜都幾適合外賣，外賣完全冇令味道變差，好適合武漢肺炎肆虐期間安全地喺屋企食。…查看更多

荃灣區排隊小店，真係非常受歡迎，晚市未夠七點已經要等10張枱，不過佢翻桌率高，半個鐘內都入得去。鋪面唔大，裝修真係好似星馬嗰啲傳統冰室，老實講坐就唔係坐得太舒服嘅。一叫完餸店員就上肉骨茶。馬來西亞嘅肉骨茶藥材味好重，但係唔會好油，飲完唔會覺得好肥膩。跟住就上肉骨茶嘅肉，非常好食！一啲都唔痴牙，佢唔係煲到爛晒嗰種，咬落去仲係有咬口嘅，而且食到肉味，但係又一啲都唔會韌招牌老鼠粉都幾好食，比較香口，但係我個人唔鍾意食炒粉麵😂 所以對佢嘅印象係還好。呢個咖喱配薄餅就真係俾我哋執到寶，真係求其嗌但係好好食！咖喱有啲似印度咖喱，但係入面就冇肉嘅，似係啲蔬菜同豆類，而且食到有孜然味，非常香，好食過唔少印度餐廳賣嘅咖喱。薄餅係偏油嘅，但係配埋咖喱分數仍然係非常高！咖央多士係本人今餐心目中嘅冠軍，真係超級好食！多士要趁熱食，外脆內軟，中間內餡唔會太甜又好香椰子味，仲要多士嘅每個角落頭都係充滿咖央餡，呢個真係非常高質！嘢飲方面集合朋友嘅意見就係三杯都幾好飲😂 三個人由正餐食到去甜品再加每人一杯嘢飲，一人$115😱 真係平靚正到一個極點，唔怪之得佢咁多人排隊，呢個情況非常合理😂…查看更多

好耐無食過放題，今日就約左朋友去荃灣試下呢間。野食未到時出去行左一轉，除左點餐紙上面D刺身，仲有D 冷盤比大家自己夾。好欣賞佢野飲方面，有好多酒類比大家選擇　連apple cider都有，我第一次見有放題餐廳供應。野食方面質素中上，刺身嗰D 都好新鮮，燒物都幾好食，種類亦好多選擇。壽司普遍都好食，有普通壽司店嘅質素，其中海膽手卷更加係超越一般壽司鋪，飯好細舊，海膽好新鮮，1D腥味都無，個紫菜上台仲係脆嘅，證明即叫即整！另外一樣大推嘅係榴槤波波，中間榴槤餡非常多，好食！我地都encore左貴價雪糕佢就定左一人一杯，雀巢嗰係任拎嘅。呢個安排我自己覺得OK嘅，食到最後都好飽，一人一杯雪糕點綴下就算啦，都食唔得多。揀左movenpick 嘅士多啤梨味，酸酸甜甜好消滯。整體黎講，$248再加一有呢個質素我地都相當滿意，下次再想食放題都會再黎！…查看更多