littlefunpig的個人專頁

網上買$441一個人 ，為既主要係芒果拿破崙。 老實講第一下入場我真係嚇左一跳。第一次見酒店既坐位密密麻麻，迫到似food court, 又嘈又多人，可能真係平掛酒店Eshop訂有折，400幾晚餐有蟹腳、生蠔、鵝肝、刺身呢啲回本貨，仲要飲品任飲，又有芒果拿破倫呢個招牌甜品，對得住個價錢有突。不過所謂一分錢，就真一分貨，李先生做生意點會蝕丫。迫到密一密既座位真係好唔酒店囉。仲話high tea...?野食區密質質，仲要有暗斜。熟食、冷盤9成都無食過。覺得好嘈好迫，要側身咁先穿過曬啲隔離左右既枱枱鄧鄧。蟹腳少少咸，肉全散，幾乎無一隻可以完整咁拆舊肉出黎，全部都痴殼，魚生好一般，放題質素，鵝肝ok 唔差，生蠔有美國同法國蠔揀，第一次拎我前面果2位想要法國蠔，2隻美國蠔就轉讓俾我。食落又比想像中好，始終都係即開，新鮮唔腥又肥而不漏，有個肥哥哥開蠔好快手，俾個讚佢👍🏻9秒9光速開10隻，西利西利！第二次拎既法國蠔較為失色相比之下，蠔身比較淺色，反而有啲啲澀味，同埋細隻啲。至於細細籠蒸海鮮：不要也罷。其他熱食：維持生命水平。冷盤生果：大部分睇見都唔想食。得個蘋果沙律同薯仔沙律有食到，還可以。其他不錯的：蛋白杏仁茶。我加左啲燕窩落去。又ok, 我食唔到杏霜既味，但佢既杏仁唔會太重，我不左半碗都食得曬，暖暖地夠滋潤。重頭戲：芒果拿破崙，係好多芒果，但賣相真係⋯⋯成大盤無賣相可言超大舊蛋糕咁切到細細舊痴埋曬一堆啦。芒果唔酸既，軟淋微甜，揀既芒果過關食落就唔算好脆，吉士忌廉偏少。比起之前其他酒店buffet食過既芒果酥餅還不如，山長水遠入去食，食完真係有啲失望，算⋯⋯總算叫做試過。仲要今日塞車塞到。7:30先到，9點就收曬野食，9:30要離場，食到有啲趕。總結，試過就算。唔會再去。仲有而家推介緊既皇牌芒果下午茶可以慳返。…查看更多

好耐無食過韓燒，呢排突然好想食返，就去揀成幾年都無食過既漢和，對上一次食已經係好幾（定10幾？）年前，當時未有滿/喜/殿字派既放題，想當年出呢隻韓燒係人山人海，啲人排隊咁搶野食，時至今日，已經無悉日人山人海，但係環境舒服左，雖然裝修舊左啲，但都算乾淨，以前記得黑媽媽，呢家光猛左。入到去客人唔算好多，可能係平日星期二，放工7-9點晚市都只係坐大約一半多啲人。算幾舒服。始終都係少左班遊客。客人都多數係中年人，目測30幾至50幾最多，20幾歲既客人幾乎沒有，一隻手數得曬。野食方面，野飲就一個雪櫃放曬，比起時下既放題款式比較少，主要就啤酒、汽水、少量韓式汽水，我只係飲左金色罐既青島。肉就大部分都係醃好左既，食開日式燒肉可能會覺得咸，我就要揾生菜包住送，生菜好新鮮乾淨有蒜頭豆醬，疫情下去唔到旅行，就當自己去左韓國食啦其他既前菜有4款泡菜、辣白菜就唔係好夠味，蘿白睇落爭啲、無試，另外有罐頭菠蘿同水蜜桃、生菜，三文魚刺身（我老公話呢個刺身係要搶）、火灸三文魚壽司等等，另外就甜品有橙、西瓜、新鮮菠蘿、有椰汁西米布甸、奶凍俾你加阿華田脆脆，好味呢個奶凍食左2杯！其他仲有想食既豬腳薑，夠濃既可惜就覺得唔夠辣，不過食左一大碗，另外仲有年糕、馬啼糕，三文魚皮，炒飯、時菜、拎返黎再煎熱佢更好食。仲有韓式炒粉絲都ok,不過太飽了，食左少少，啲燒好左俾你拎既魚就好鞋，而糖水有渣喳同豆腐花，我兩溝無再加糖水。食落岩岩好唔會太甜，不過豆腐花就好唔滑。涼粉就無試了。最後就有3款味既牛奶公司雪糕（朱古力、香芋同雲呢拿）同埋有碗棉花糖食得好飽好滿足。雖然比起時下百花爭艷既放題，佢無疑係失色左少少，尤其係甜品同飲品（我老公話好耐未試過食牛奶公司既雪糕）但係呢度就勝在舒舒服服自在地食野，又唔會計時趕你走，慢慢燒慢慢食都得～ 間唔時黎重溫舊時味道都唔錯。漢和好似neway 80-90頭既集體回憶之一。希望個老闆都改善一下。其實有啲熱盤唔係太需要，啲炒飯、西蘭花仲有一舊舊唔知係煙豬手，完全唔需要放出黎，甜品可以引入返時下韓國多款雪糕、雪條、紅豆魚仔雪糕，唔好再放牛奶公司雪糕咁hea, 浪費左呢個場…查看更多

一蘭已經食左好多次，不論日本定香港，都保持一貫穩定既水準同質素。日本會好食少少如果真係要比。最中意係佢「味集中」個位，每次不論自己一個人食或者同老公食都唔洗怕欖介俾人望。一個人食我必定叫埋生啤、另外加蛋同要多半份至一份替玉 個湯夠熱又唔洗等，叫完好快就上。替玉都唔會變左一舊，熱熱地個底會有啲調味油。麵係幼身既麵，每次我一定叫特硬、特濃味加3辣度。岩岩好，不過如果食開清淡既會覺得咁既選擇稍為有啲咸同多油。…查看更多

去上完堂，肚仔餓餓地但又未想食晚餐，見到間拉麵店，樣似幾正宗，入面係日本人主理，見下午茶$38 包野飲！仲有我最鍾意既醬油湯底，即刻入去。黎正碗麵係半份，但一點也不馬虎，係平時日本拉麵既mini 版。食落最驚喜係湯底有浸火燒既味，好特別，而碗拉麵唔會有啲好假果隻曰式魚片，有味既荀，切到幼幼既蔥，麵係粗身少少曲既麵，有咬口。佢就無特俾你揀軟硬度同湯底濃度，麵我覺得可以再硬d, 我平時都係要特硬咁岩平日下午茶無乜人，唔洗排隊，一碗拉麵有埋一罐汽水，加埋一都係$42，抵食，今日既意外收穫…查看更多

今日請假休息，去左老公想去既牛之鍋，本來都知佢晚市甜品好得，但打去問職員，佢話午市得雪糕。。。結果去到，原來都有6款甜品 （哈哈，我係甜品怪，熱食唔太熱衷）熱食有任拎既幾款業菜、有年糕、幾款菇、冬瓜豆卜，野飲有嘉士伯生啤、jolly sandy、道地解茶、韓式飲品等等，基本上飲幾樣。肉有極上牛、羊、普通肥牛、豬肉。我地2個食左9碟肉，羊係有麻醬點，好正。甜品食左9樣，我一個都食左7個，雲呢拿同綠茶雪糕都好味，綠茶好濃，偏苦，我再加左啲oreo餅碎同朱古力+棉花糖topping, 個珍珠奶茶奶凍又係好濃味，食左2杯，榴蓮pancake我都食左2個😂 仲有藍莓芝士蛋糕又係x2 , 似木槺布甸, 藍莓醬如果再多啲就正，另外芒果布甸係有芒果肉，呢個價錢食到飽飽加咁質數既甜品，好滿足…查看更多

朋友介紹呢度有正宗既潮州餅，咁入去揾吓啦，點知乜野餅都無，得返糖同包裝餅，仲有個白皮餅。唯有買下，個後生仔店員話啲餅係大陸一期期咁運落黎，咁岩呢水既賣曬，幾時再返餅未知。店內有其他包裝既糖同餅，我就買左包花生酥懷舊一下以前家鄉的味道。呢度好多不同舊式唐餅，平時好少見，有炒米餅，有雲片糕，仲有好多隻花生糖！花生加芝麻合桃得得，細個都成日食。估唔到而家仲有。…查看更多

生平第一次響openrice打食評，打左成大編到up相就彈app無曬.....入返正題，今日行九龍城經過呢間傳說中既神級雞蛋仔，咁見無乜人呀姐話好快就有啦，咁就試下啦～～結果都等左幾耐下，咁岩無人排都要等佢煮成10 幾分鐘，比平時等得耐。見呀姐先倒少少蛋漿薄薄地攤開煮外皮，熟曬啦先落芋泥，再落蛋漿合埋舊野再揾蛋漿封邊慢煮。係好味既，外脆內軟，雞蛋蛋液夠香但又唔會太甜。芋泥唔會太甜 。雞蛋仔中算係幾高質既，值得一試…查看更多