GigiKY的個人專頁

真是一次非常失望非常嘔心的經驗🤢那天我帶著小朋友出街，雖然已經5點，但因為我連午餐都未食，非常非常非常肚餓，見呢間舖冇人等緊，所以去買左一個窩夫同一杯玫瑰荔枝烏龍茶，點知小朋友話佢又想食，一分鐘後再買多一份窩夫。我見得我一個客人，諗住好快，所以並沒有走開，抱著小朋友睇佢地點整野食。眼見所有製作食物的員工都沒有帶手套，製作前也沒有洗手。其中一位拎起一條蕉連皮切片，然後再慢慢咁用佢隻手搣香蕉皮，後來見到我望住佢，佢先攞個夾出來，夾住條蕉搣皮。另一位員工在後面一樣冇帶手套切蘋果片，因沒有其他客人，應該是切定用來製作水果茶，呢位員工背向我，但我清楚見到佢隻手就直接掂住啲蘋果肉，好彩我唔係飲水果茶😳。而且店裏其中幾位員工動作非常非常非常緩慢，好似俾人點左穴咁，如是者，我已經等了15分鐘，我問佢可唔可以快少少，我趕時間，但那位員工完全愛理不理咁，並沒有理會我，繼續沉醉係佢嘅世界入面。於是我行去cashier 問一個好似高級少少的員工，我話喺完全冇其他客人的情況下，等左20分鐘了，佢即刻入廚房望望，之後吩咐那位慢吞吞的員工去包裝我的食物，一睇即刻眼火爆，用包裝紙和膠紙封食物的上面，但因為非常論盡的關係，見佢多次失敗，膠紙黐實自己手指，當佢再想撕開膠紙包過，又扯爛埋包裝紙，之後又要再重新攞過另一張包過，我終於忍唔住出聲"唔駛包啦，你直接放張紙上面"。最後，我和小朋友足足等了差不多30分鐘先拎到食物和一肚氣走。我真的難而想象人多的時候需要等幾耐.....…查看更多

呢幾年成日都去呢間餐廳食早餐，呢排仲多左去食午餐，多數都係叫沙爹牛肉麫。今日的事真係令我嬲到震，永遠black list. 事源我今日又係食沙爹牛肉麫，食左兩啖發覺有小昆蟲，有腳有翼的，咁我都細細聲咁叫個女侍應(唔肯定係咪老細，叫Carman) 同佢講碗麫有隻野，咁佢就即刻拎走，一句唔好意思都冇講，我叫返佢，我話我唔再要沙爹牛肉麫(驚同一個湯底)，想轉豬扒飽，佢都係冇回應。同時間，廚房佬一邊整我個豬扒飽，一邊不停同女侍應吹水，不停長篇大輪講時事，話啲西裝友今日係中環快閃集會好痴線等等，下刪一百字。我個豬扒飽應該吸左佢好多口水(作嘔中)，另外，我見到廚房佬有帶住藍色手套整我個豬扒包，轉個頭見佢拎住個電話出去唔知去廁所定煲煙，仍然係帶住個手套(救命)，即係個手套係唔除的，咁其實帶唔帶手套整食物係冇分別的。一想到這裏就冇哂胃口，剩下的豬扒飽都冇食哂就諗住走，俾錢時佢依然收我沙爹牛肉麫的錢，我話我已經換左豬扒包，係咪應該改一改價錢，另一個女侍應亦唔禮貌話: 都已經換左豬扒飽俾你啦，我話係因為你地碗麫有昆蟲我先換，佢話同廚房佬溝通過，冇昆蟲，只係"鑊撈"，我話有好多腳有翼㗎喎，佢堅稱話冇見到，話佢地呢方面最嚴緊。真係好好笑，我同佢講既然佢地咁堅持，點解倒左佢，唔拎返出來同我當面對質？佢地冇野講，收返我豬扒飽的錢，但我真係啖氣啃唔落，我個account 第一篇文竟然係呢間我食左幾年，一直相安無事，但因為一隻昆蟲而睇清楚呢間所有員工的應變方式和服務態度，4個字，不知所謂。我非常後悔冇影低相，應該要報食環。…查看更多