yan100412的個人專頁

五百幾蚊嘅放題，有生蠔，有酒任飲，睇到之前嘅食評以為刺身有海膽，原本對呢間放題抱有好大期望，點知。。。我地8個人，以後頭輪刺身會有d驚喜，點知有驚無喜。原來頭盤係無海膽，仲要好求其有海膽軍艦，唔腥，不過唔鮮不斷漏單 (多數漏刺身嘅單)最深刻係個黑松露鵝肝多士，個鵝肝細個睇唔到，同埋唔係多士，係餅乾中段佢話送碟築地直送嘅新鮮活魚，靚就幾靚，但都唔係好鮮味天婦羅，蝦天婦羅比較厚粉，其他就ok，但都係中等貨色成晚唯一好食嘅就係燒鰻魚同牛柳粒一句到尾，食物質素一般，環境不錯，性價比低…查看更多

三點三，就想食個下午茶，今次揀左呢間比較山卡啦嘅cuore.個場暗暗地，無咩人，靜靜地，d位好寬敞，幾好坐兩個人叫左兩個tea set, 包兩杯熱飲, 凍飲加$5，特飲加$10, 特飲有d特色咖啡e.g. 朱古力曲奇咖啡、杏仁咖啡等我地嗌左Caesar salad 配肉醬義粉正正常常幾好味，d Caesar salad有煙肉碎同麵包粒，d菜都幾fresh~~意粉就係比較幼身ge, 唔會太num, 不錯的豬扒包配薯格第一個印象係薯格好脆！豬扒包塊豬扒好嫩，煎到啱啱好，中間仲係粉粉地😂個汁係日式ge燒汁，中間有d沙律菜同青瓜蕃茄，好味！飲品方面凍奶茶，勁難飲😂有d苦茶味咁凍朱，正好濃！可encore!…查看更多

同男朋友講想食burger, 佢就諗起我地上次一齊食嘅my burger! 今次已經係第二次幫襯，burger水準依然keep到炸魚漢堡我地加左$25 加野飲同薯角d薯角勁熱勁脆，唔係嗰d翻炸嘅炸物，好正不過勁熱氣！個炸魚漢堡係我嘅最愛！舊魚炸得好香脆，個自製他他醬先係重點😍勁鍾意！d醬多到漏出嚟，同舊魚勁match!!徳州牛肉漢堡d醬好辣，食得辣嘅朋友先好嗌，辣到食唔到其他味😂牛肉juicy, 煙肉香脆另外仲見到有手工啤酒，不過價錢偏貴~地方比較淺窄，二三人一齊速食可以，唔係太適合三五知己喝酒暢談…查看更多

作為喺馬鞍山生活左廿幾年嘅人，深深感受到住喺美食沙漠嘅痛苦，見到呢間三代橋開張，當然要即刻試下！入面嘅裝修都幾舒服，日本feel，個feel幾高級好靚嘅餐具，感覺好乾淨同媽咪細佬三個人嚟食lunch，應該全日都係得一個餐牌，無lunch menu。我哋嗌左三件三文魚壽司，一碟芝士鰻魚卷(6件), 一個蒲燒鰻魚飯，一個海膽魚生飯，本身仲想嗌燒玉子，點知已經售罄三文魚壽司($8/件) 全部壽司同軍艦都係逐件嗌的，價錢比元氣板長嗰d貴少少。款式都ok多，普遍嘅壽司都有，不過就無火炙壽司😗三文魚都幾厚切的，好有口感芝士鰻魚卷一碟6舊 ($68)都係芝士味比較重，少少蓋過鰻魚味，不過整體幾好味蒲燒鰻魚飯 ($78)呢個價食鰻魚飯都算係咁，個飯幾大碗，d鰻魚蓋過哂d飯，唔似得有d鋪頭得一半鰻魚🤦🏼‍♀️鰻魚汁好味，熱辣辣！不過d醃蘿蔔好咸😂海膽魚生飯 ($128)見到個menu 128就有一個有一板海膽ge魚生飯，就膽粗粗嗌左嚟食！好有驚喜！大家都知道喺香港食海膽係好有風險的，一個唔小就會食左個痰味ge海膽！🤦🏼‍♀️但呢度ge海膽唔腥得嚟幾清甜，其他刺身都好新鮮餐牌其他野都好想試，一定會有下次！不過留意返佢地1440就會落場，1800先再開，要留意返營業時間！希望呢間鋪唔係沙漠中ge海市蜃樓，水準可以keep到啦！…查看更多