Leung Suet Lam的個人專頁

跟朋友第一次嘗試巴基斯坦🇵🇰菜😋好期待啊😚一入到餐廳，環境非常乾淨，枱面、座椅、餐牌、牆身，比屋企還要乾淨😂坐低老闆用英語問是否第一次來，然後很細心地介紹餐牌，推介三碟咖哩自助餐，首先來一支凍水，要先吃一個甜品，跟著就是南瓜湯，非常的濃稠，有些少黑胡椒味，還有一杯熱奶茶，本人覺得奶茶很香，但太甜了，我們一行三人，點了9款咖哩🍛包括：咖哩雞粥，咖哩肉，鷹嘴豆辣汁煮骨，炸豆粒濃醬湯，菠菜馬鈴薯，咖喱煮鷹嘴豆，咖喱雞鷹嘴豆，咖喱小辣蝦，綠牛油豆，三款烤餅及巴基斯飯，每人還有一杯飲品，我點了Mango Lassi ，同行朋友點了檸檬茶，因有一位朋友有濕疹，所以盡量避免進食糖，但檸檬茶是預製的，但朋友告知老闆情況時，大愛老闆吩咐廚房調製一杯「走甜」感謝老闆不嫌棄我們麻煩🥰席間不斷叫我們添食物，自助餐牌內都可以添加，添了三個回合已經要抱著肚子離開，我們還打包了巴基斯飯🤣埋單都只是每位$150。餐廳有不同種族來進餐，有日本、歐美、印度、巴基斯坦🇵🇰反而香港人沒有，大力推呢間餐廳🍴值得一試👍🏻…查看更多

家人共聚，揀左魚米鎮，訂座20:00，原來已經翻枱，睇黎都幾多人食，期望值又高左🤭近海梗係食海鮮啦🤤點左：脆皮乳鴿、菠蘿咕嚕肉、班頭腩兩食（炒西蘭花、清炒）豉油王炒麵、魚腸焗蛋、清炒白菜仔、椒鹽鮮魷、黃酒雞。首先講下豉油王炒麵比較鹹，跟侍應反映，佢問我哋係咪要換一碟，我哋話都唔需要只係講聲你知，隔咗一陣侍應幫我哋取消碟豉油王炒麵，不過已經食左1/3，呢個服務態度好好👍🏻其他食物中規中矩，最出色係魚腸焗蛋、黃酒雞，真係唔係間間鋪頭有得食。心機菜，又有幾多間會整？…查看更多

舊同事剛搬左去YOHO，就試下佢樓下嘅食店，今次一行三人，見有個2人套餐就試下，包括：精選烤肉套餐～極級霜解牛肉/韓國豬肩肉/馬場洞乾式熟成五花肉，香脆無骨炸雞，青芥末白郡主，韓國水泡菜，莞島鮑魚鹿尾菜粥，韓國草莓奶昔，柚子水果梳打，半半無骨雞翼，呢個套餐幾抵食，另外叫左海鮮泡菜煎餅，三個都食到好飽👍🏻特別想講煎餅，啲粉有啲厚，唔太吸引，如果薄啲會再脆啲，另外叫多一杯啤啤酒，埋單每人$300左右，真係食到飽🤣🤣…查看更多

今日行過麵包店睇下有咩啱食，就見到呢個新出嘅「大甲芋泥麻糬肉鬆包」正！我三樣都鍾意食😂返到屋企沖杯西式茶，慢慢嘆…第一啖咬落去滿滿嘅芋泥會從四方八面擠出來🤤好有芋頭味，而且軟綿綿咁，麻糬就覺得太小了，面頭嘅肉鬆都正常味道，整體而言，你要好鍾意食芋頭先覺得好味，因為真係好多🤣🤣…查看更多

捐完血補充一下先，附近開左間新食店，門口見到話食懷舊菜，就入去啦，裝修幾得意，用左香港嘅街道牌。叫左：招牌杏汁燉豬肺、酸辣糖心皮蛋、藥膳牛坑腩撈麵（加豬油）跟豬骨湯，加$20有雞腎、凍檸茶。我係比個豬肺湯吸引左入黎嘅，嘩😳好飲喎，豬肺洗得好乾淨，冇臊味，杏仁味唔太濃，但飲到有微微嘅杏仁碎，易入口，而且兩個人飲都好飽。皮蛋就未試過加肉鬆黎食，咦，又幾特別喎，小小辣再加上肉鬆鹹鹹甜甜夾埋件軟軟嘅皮蛋，又另一個味覺嘅享受😋而撈麵、雞腎同檸檬茶，都係正常水準，值得推薦：招牌杏汁豬肺湯👍…查看更多

今日同朋友聚會，揀左荃灣區覓食，嘩😳太多選擇，於是揀左「初見」因為佢有日式同西式，地鐵站行過去都好方便，入到去有啲地道感覺，好似中學時期食嗰啲餐廳，我地一行五人，點左：日式义燒。豚骨湯拉麵、三文魚壽司、蟹糕軍艦、北海道帶子黑松露意大利飯、北海道手切青瓜蟹籽沙律，價格同食物係合理嘅，唔難食，不過食左唔會覺得難忘，呢間都可以黎多次，試下其他野都無妨。…查看更多

今日放假就搭下車去食個早餐，左去天澤樂意餐廳，通常都係食晚餐，今次試下佢個早餐先，叫左歐陸式早餐：有牛角包🥐雜菇炒蛋、沙律菜，當然唔少得杯咖啡啦，食物中規中矩啦，屋邨集團餐廳都唔抱太大期望，個牛角包唔熱，其他都熱嘅😂咖啡好飲，因為機沖有水準🤣不錯啦⋯⋯…查看更多

好朋友同我補祝生日，帶我去令和，咦！我之前去過架喎，同朋友媽媽慶祝生日🎂今次叫嘅食物大部份都未食過嘅野，梅酒、生啤、枝豆、柚子香橙 highball 、 燒和牛串、燒雞腎、三文魚沙律、玉子燒、燒魚乾、炸魷魚、燒菠蘿、牛油果他他、燒豬腩肉、辣味啤酒。先講飲品，柚子香橙 highball ，係特別調製，餐牌未有🤭個造型已經好吸引，影相一流😂味道好清新、開胃；而辣味啤酒第一啖飲無咩特別，咪普通啤酒囉，嘩😳後勁凌厲，由喉嚨辣返出嚟😋又幾特別喎，怕辣嘅就唔好叫喇😂至於肉類：燒和牛串，約5成熟，入面仲好 juice ，唔會好韌、燒豬腩肉肥瘦分明👍🏻爽口唔肥膩。送酒佳品：燒魚乾、炸魷魚🦑燒完唔乾，令到我地啤酒一杯接一杯，食唔停、飲唔停🤣其他食物都正常水準，值得再來同朋友傾計食飯。…查看更多

一早7:20去到天水圍西鐵站嘅唐包點，平時開完通宵，都求其食，早啲休息好過，見到新開唐包點就試下啦，買左個貼心套餐：有腸粉、燒賣、魚蛋。之前食開美孚站嗰間，由美孚返荔枝角公司仲熱辣辣好好味🤤無諗到天水圍呢間咁囉⋯⋯攞上手好熱架，搭一個站返到屋企，洗手食野啦，咦…入面唔熱嘅，雖然三樣野本身熟，但都唔好唔熱吖….唉😮‍💨估唔到都係要求其食😂😂係咪開得太早，蒸唔透？下次我都會再食嘅，唔會咁早囉🤣…查看更多

Follow 社交平台 好耐，次次都夾唔啱時間叫外賣，嬲嬲地今次直接出去食😂食完晚飯就行左去搵糖水雄，實在太飽，唯有外賣，第一次食，餐牌好特別，好多選擇，而且亦好有特色，今次揀左芋丸馬蹄沙，紫薯紅豆沙來試下，前者爽甜清新，芋丸好實在，最怕食到好腍身，而後者食得出是靚紅豆，邊個國家就唔知喇😂一粒粒咁，另外有起沙，不錯不錯，今次就保守啲，下次要試下啲特色啲嘅糖水同小食。…查看更多

今日同屋企人食晚餐，去左文英樓附近兜下，睇下有咩食，行下行下就見到「拍崑崙」，咦！咪 BTS 站😂 咁就入左去食，一坐低侍應問要唔要隻燒雞？因為要整20分鐘，都好吖，咪試下囉，另外叫左芒果沙律、冬陰功炒貴刁、菠蘿炒飯。先來芒果沙律，爽脆小酸開胃、貴刁及炒飯正常水準，有鑊氣、燒雞意外地好味，不單止嫩滑，而且雞肉好入味，外皮燒到脆脆的，無介紹錯，最後送上雪米糍，完美的一餐，離開時侍應比左卡片我，叫我下次打個電話來，叫左烤雞先，黎到就有得食啦👍🏻…查看更多

舊同事聚餐，揀左印度菜，第一次食，連食啲咩都唔識嗌😂好彩有中文，亦都註明有啲咩食材。今次揀左幾樣黎試下，包括前菜Panni Poori，一個波波咁，入面有羅望子醬汁，酸酸咁幾開胃，再來叫左兩種餅，有Butter naan、Onion kulcha ，兩款軟身好香牛油同洋蔥味，厚身好飽肚，另一款係薄身脆脆。先來一款雞 Chicken Malai Tikka 燒烤完的雞件依然好嫩滑，然後來一款菠菜乾酪Palak Paneer + 烤雞咖哩chicken Tikka Masala ，芝士同雞好味唔多講，個汁先係靈魂😂用左點個餅食，一流👍🏻想叫碗白飯添🤣叫左兩杯Lime Soda 正常味道。埋單有加一服務費，這餐廳都會令我再來😁…查看更多

今日同舊同事聚餐，揀左台式火鍋～馬祖，以前黎都係食米線，第一次來打邊爐，因為有一位唔食牛，一人唔食豬😂一人一爐就最好。叫左個「全日120分鐘放題」分別有牛肩胛、極黑和牛肩脊肉、黑毛豬，送一杯飲品，我地要左蜂蜜綠茶，另外菜、丸、飲品、雪糕任食，食物有一定嘅水準，百多蚊一位超值啦⋯⋯用餐時間90分鐘，準時埋單，但係我地多坐一陣，侍應都無趕我地走，又唔係無客喎，陸陸續續都有人入來，性價比高，價錢合理，食物不錯，環境乾淨，會再來的。…查看更多

我同朋友都係同一個星期生日，每年都會一齊慶祝🍾每年都會選素菜，因為平時食肉太多😂今日揀選法國素菜，呢間店已經是第二次來，食店要求早三日訂餐，因為要預備食材。適逢紅雨，大家都遲到😂但侍應好好，一坐低問我要唔會杯暖水🥰窩心的，今次點左前菜1）卡波納塔沙律2）煙燻三文魚牛油果他他3）香煎鵝肝配無花果主菜1）羅馬烤羊架2）齊米樂魷魚4）博洛尼亞寬扁麵 5）希臘茄子千層甜品1）火焰雪山2）法式千層酥三個前菜都好出色，特別係鵝肝，同真肉無分別，外表焦糖脆脆，入口即浴。而主菜特別點評齊米樂魷魚，魷魚係菇黎架，切到一圈一圈，像極魷魚，真係心機菜，個底再配上菠菜，呢個做法都幾特別。其次係羅馬烤羊架，「肉類」包住蔗，烤焗得表面乾身，但咬入口裏面係軟軟的，一定要成隻揸上手食先能夠回味😂至於甜品：都有驚喜， 火焰雪山超大，大雪山包住濃濃的朱古力雪糕，淋上酒點火🔥正！呢間素雖然唔係平民價，但食物質素就值回票價。…查看更多

返完通宵更，瞓醒都 14:00 ，要搵食喇，屋企附近好多食肆，但鍾意食嘅唔多，咁就去左天一商場食 Bello Dining ，今日平日有下午茶，就叫左個迷你卡邦尼意粉🍝 + 牛角包🥐，意粉太多汁，食完個碗底都仲有汁剩，不過意粉就好煙靭，煙肉肥瘦分明，再加一點點香草🌿整體係好食嘅；而牛角包外層脆脆的，而裏面就多層，好香牛油味，做到外脆內軟，呢個會加分，再來一杯即磨咖啡，為一餐劃上完美句號。…查看更多