Suki0731的個人專頁

同朋友黎食飯，因為無得網上訂位，驚晚飯時間太多人，所以6點就去拎位，好彩呢個時間唔使等🤪不過過多陣就見到d枱都好快坐滿。。我哋見好多人都讚巨霸牛肋骨好食，所以即刻都點返一份，佢有得揀配油飯/椰香飯/烤餅，我哋揀左烤餅，條肋骨真係好大條🙈店員好好，俾我哋影完相之後，幫我哋去骨剪肉，味道很可以😋不過如果放得耐，d汁會乾哂，因為佢有火座熱。。。跟住叫左份叉燒（例），燒得好香口，焦香得黎唔用好乾，咬落仲有 juicy 感，好食過平時燒味檔🙈雖然得8舊，但都算厚切既係新加坡餐廳點會唔點肉骨茶試下呢😆胡椒味幾好，個肉排都幾好食，有嚼口，仲附上小油條浸湯食，不錯我哋4個人食，所以點多個椰子雞鍋（半隻）配飯，個湯好重椰子水味道，雞都嫩嫩的，仲有d椰肉可以食，唔錯～店員話呢個湯可以飲，俾左個湯勺，仲俾左個碗我地撇油用，好細心🫶🏻鮮油咖央多士，佢已經切左4小份，厚厚既牛油配咖央醬，多士烘到脆脆的，小食黎講都幾好，仲有個小傘做裝飾，nice~最後呢個小食拼盤我哋就覺得麻麻地，因為炸得好乾，我食咗塊泰式魚餅就放棄了總結:我覺得牛肋骨係最好食，好入味，d肉唔會太淋或者太硬，下次黎食會再叫😋4個人叫6種食物係有d多，估唔到牛肋骨都好多肉。。。唔大食既話可以點完唔夠食先加野食，唔洗做大哂鬼🤪…查看更多

第一餐唔知食咩好，同行朋友提議食呢間，話世記豬扒包聽講幾好食。。。點知原來呢間分店無，咁唯有試其他。。由於店面滿座，我哋上左上層坐，不過唔知係咪少人上，d枱櫈有d塵同污糟，要抹抹先坐。。雞扒菠蘿包加厚蛋。。賣相不錯，但雞扒醃既味道麻麻地，蛋亦沒其他食評般好食👀菠蘿包就似一般麵包舖買既菠蘿包味道，個皮無特別鬆脆花生醬西多士。。佢上面既topping有d我唔食既椰絲，所以我麻麻地。。朱古力西多士就係呢餐最好食既食物了。。。樽仔奶茶。。我略嫌唔夠茶味，友人叫左樽仔咖啡，都覺得味道比較淡仲叫左牛肉軟包，雞扒菠蘿包加火腿，雞扒撈麵。。d雞扒都係被放棄既主角。。雖然呢個係我哋第一餐，不過都寧願留返個quota出去食其他…查看更多

有壽星生日想食燒肉，諗起想試呢間好耐，剛開店時都比較full，所以一直未試~趁生日黎呢度試下啦🙈枱面都係仿照露營用品～今次個位置對住呢個架松葉蟹肉蟹膏拌飯$88唔知係咪未夠熟，友人話有小小腥👀阿波酢橘雞爽肉 $88阿波酢橘雞胸軟骨 $78雞腎 $68岩手縣玄米牛 $128牛里脊肉 $98香葱蒜末牛舌 $98A5宮崎牛三角腹肉 $168食物份量都合理。。味道都不錯👍🏼月見醬油飯團 $42呢個飯團幾好食，外面整到脆脆咁，好似d飯焦咁，可能因為飯裡面有醬油，食完一啖會想再食咁~臨走前行左出去望，出面係酒吧咁可以點杯野坐出面，秋天應該都唔錯~…查看更多

平時甜品時間，呢間舖頭排哂隊~今日同朋友行街行到好熱，咁岩5點幾，諗起呢個時間無咁多人排隊，就行去睇下有冇位，又真係有位坐😍睇menu 就俾榴槤雪花冰吸引到，決定試左呢個先～食完個肚仲有空間先嗌其他🤪Woo～好大pat榴槤蓉🥰好香既榴槤味，雪糕好似都係榴槤味，不過俾個榴槤蓉搶咗風頭。。不過d小丸子既口感硬左小小，冰夠綿。。佢跟左個煉奶俾我哋，食到咁上下加落d冰度食😋兩個人食剛剛好🤣因為我食冰慢，如果得一個人應該會溶晒都未食完。。我自己覺得可以再encore😉…查看更多

呢一晚想食烏冬又想食壽司，但唔想落街😂碌碌下網上平台睇到呢間，評分又幾高，就叫黎試下😜叫左個咖喱牛肉撈烏冬($78)，份量都唔少～咖哩都會有少少辣度，怕辣既朋友要諗諗🙈對我黎講係幾開胃😋烏冬有附送餐湯或者紙包飲品，我揀左是日餐湯，今日係洋蔥三文魚湯🐟黎到個湯仲熱，可能因為佢用保鮮紙包實，所以都無漏瀉👍🏼舊三文魚都幾大舊，睇得出好足料煲湯😙本來好驚佢會好腥，飲落又無腥味喎，俾個讚佢👍🏼另外叫左個辣味三文魚大卷($53)同香芒炸蝦卷($46)~辣味三文魚超好食，同出面果d辣味三文魚味道唔同，呢個食落有d層次嫁喎😋好食夾大件就係呢種🙈香芒炸蝦卷係黎自朋友既評語，因為本人我對蝦敏感🥲 整體來講係好食，芒果夠甜，炸蝦用既粉唔會太多，所以口感不錯，同埋都大大舊😆仲有呢個外表未必好討好既流沙白茶芋球($58/5粒)，平時食紫芋球多，見到流沙就試下新野~估唔到佢好食過紫心香芋丸，可能因為食落去有幾個層次，外脆內軟，再加上流心真係無得頂，最勁係外賣送到黎都仲會流心👍🏼😂食到好飽，佢d份量應該一個普通男仔都夠食，唔係網上平台仲抵食，下次醒目會直接去落單~下次一定要再食辣味三文魚同流心芋球💪🏼P.S.第一次見到收據會畫公仔既小店，幾窩心❤️…查看更多

因為有朋友揸車，好仼性地經港珠澳大橋去澳門~過左澳門關口，諗住近近地搵串燒，費事過氹仔，見到呢間有串燒就試試佢~ 餐廳內既佈置叫左燒冬菇、魷魚鬚、台灣腸、豬腩肉、雞皮、牛肉。。。個人覺得比較鹹，可能係醬汁太濃，牛同豬腩肉都比較薄切，其他都無特別。。燒生蠔 20蚊一隻，我食果隻有小小未熟既感覺，另外叫左條燒茄子，都係用呢個蒜茸辣椒整，唔記得影相🙈略嫌燒得唔夠乾身燒扇貝 個汁都係蒜茸辣椒，好似全部食物都係呢個味👀 …查看更多

第一次黎金色不如歸食拉麵，室內裝修都幾好。。因為見到我個menu有牡蠣拉麵，輕輕睇左餐牌，最後都係決定試佢先🙈牡蠣拉麵 $128個湯有濃濃既貝味～佢係配合左三重湯底。。幾香幾好味～又唔會太鹹佢隻蠔都有匙羹既size,食落都好有海水味，感覺幾新鮮🤪如果有多粒就好lu😆貝汁醬油拉麵　$128呢個湯底都唔差，不過個人覺得牡蠣個湯底就更加鮮味😜可能我本身係愛蠔之人我哋加左個一口芝士脆豚 $70 一客有4件woo。。估唔到一咬落去，d芝士走左出黎，佢既芝士唔膩，咬落仲脆既，唔錯😋小總結: 我覺得麵唔算好多，只係岩岩好🙈如果比較大食既朋友未必夠飽。。就要好似我哋咁加個小食喇😜…查看更多

今次因為有位姊妹成功轉工，食飯慶祝下，順便傾下計🙈最後揀左呢間餐廳，呢度環境唔錯，我哋咁岩星期五晚黎，撞啱有live band，雖然我哋坐得入，睇唔到隊band既人，但都有得聽住人唱歌都幾好😌三個人唔嗌得多野食，我哋叫左個pizza,一個意粉，同西班牙豬仔就夠了。燒西班牙脆皮乳豬 $188第一個出場就係佢。。。擺盤好靚，食落又唔錯~真係脆皮，亦都唔算肥，同個醬好夾，每件乳豬上面都有一塊無花果，令件事無咁膩，底層仲有脆脆，幾有口感。香草小茴燴羊肩肉扁意粉 $168呢個睇落平平無奇既意粉，食落原來都都d驚喜，個意粉係蕃茄醬來，但係甜甜地既，d紅蘿蔔都好好味🙈食落唔膻。。羊肉方面都有咬口同幾香，有d羊味，如果唔好羊既朋友就未必岩食~意大利薄餅 $168濃濃既芝士有d拉絲感覺，配埋蕃茄醬同辣肉腸，不過不失🙈咁岩做緊cocktail 買2送1，所以我哋就小酌一下😜9點前happy hour優惠~Pina Colada $98我點左佢，正常好難伏既cocktail 🙈Margarita Blue $98用來打卡幾好，朋友話味道都ok忘記酒名 $98呢杯唔記得叫咩名，不過朋友話好fresh，drink menu 有圖睇返嫁~…查看更多

放假懶洋洋咁訓到自然醒~上OpenRice 睇吓觀塘有咩好食~見到紅茶冰室有菠蘿油食，仲有埋全日早餐，一間舖滿足左兩個人既願望🙈最鐘意食all day breakfast 既我，見到餐牌有佢，就二話不說要左全日早餐☺️嘩嘩嘩。。。佢呢份全日早餐可以同外面西餐廳比，夠大份，魚柳都好大舊，佢個丹麥酥都幾好食，內裡鬆軟，外面有小小烘脆~魚柳大塊到遮住左黑松露炒蛋，呢個蛋好有黑松露味，呢個價錢來講都幾親民😋茶飲叫左杯奶茶，佢都幾迎合到我對奶茶既要求，因為我鐘意飲滑既奶茶，同埋飲完唔會令條脷”鞋”，但如果鐘意茶味濃d既朋友，呢個奶茶就差小小茶味喇~蛋撻送到上枱，等左陣先食，佢都仲保持到熱辣辣，不錯，蛋漿無乜蛋腥味😜😂明明叫左菠蘿油，不過因為佢第一個黎，我地太肚餓食左。。。佢既牛油係用冰底裝住上碟，要你自己夾落個包度，個包夠熱，放牛油入去都有溶溶地既感覺，菠蘿皮脆，好食😋…查看更多

午餐時間，有同事提出食牛奶冰室，我無特別idea，所以就一齊食🙈原本想叫瑞士雞翼撈麵，可惜佢售罊🥲結果揀左生滾牛肉湯通粉呢個餐～第一次堂食，原來佢個碗都幾大個🧐牛肉係有牛肉味既，正常口感，不過略嫌個湯底無乜味。。。餐飲叫左凍檸茶少冰。。呢度既檸茶同出面飲開既有小小唔同，就係佢會直接打碎埋個檸檬係入面，飲落係會比平時酸，但都好fresh 既感覺，重點係放耐左都唔會澀口。呢個餐仲有炒蛋同蒜蓉多士，所以都好夠飽🙈炒蛋來講，唔係好食到佢係用牛奶炒，感覺同一般炒蛋無乜分別，蒜蓉包既蒜蓉都算濃同埋香，不過多士來講就可以脆口d😝整體來講係不過不失，當佢常餐咁食都ok既~…查看更多

由於係私心，所以特登坐車黎🙈去到門口已經好多人排隊。。。上網search茶伴已經覺得呢間店咁可愛，用倉鼠做icon，再望定第一次飲咩好呢。。。見有人推介花香蘋果茶好清香，而今日又對奶類無興趣，所以好快就揀定花香蘋果茶喇🤪店員好好人咁問係咪Ian特飲？即係加埋寒天，仲解釋張單上面show既名會特別d~OMG，店員真係好貼心，之後當然好禮貌地問店員仲有無應援包，可惜今日已經派哂，不過店員都好好地話仲有手幅。。。店內外都佈置得好有心機😍讚！讚！讚！講返飲後感先~由於第一次飲唔肯定佢既甜度，加上有d食評話少糖有機會會酸，所以剩係叫左少冰，睇下佢正常既甜係點。。好彩都唔算好甜，不過下次都我會叫少甜試下。。寒天幾有口感，唔會太硬太稔。。清清地，好快就飲哂lu~🙈花香蘋果茶+寒天 $35…查看更多

同朋友小聚片刻🙈平時好少食All Day Breakfast,行過見到幾吸引就走左入來喇🤪叫左個All Day Breakfast 餐，有餐湯同飲品😋咁岩是日餐湯係南瓜湯，味道不錯，南瓜甜甜的~我叫果杯係蜜桃冰茶，正常桃茶味，唔會太甜🙈南瓜湯(左上) 玫瑰咖啡(右上) 蜜桃冰茶(下面)玫瑰咖啡-朋友話好似普通咖啡既味道，不過用黎呃like都靚😆Close up玫瑰咖啡 $39 主角黎喇🥰都好大碟！俾個平面圖大家睇下🤣雖然我未食早餐，但都share左d俾朋友食🙈超級豐富，除左一般有既炒蛋，腸，沙律，茄汁豆外，佢有埋薯條同窩夫，個窩夫真心加分☺️平時食甜品都要叫大大份，而家係四分一舊，滿足到食窩夫既慾望之餘，又唔使怕食唔哂同有罪惡感👍🏼👍🏼總結:全日早餐都幾好，偶爾一次放縱下🤪有機會我都會再幫襯😊…查看更多

時間尚早，7點零想早少少食晚餐，就去左神山食麵。。呢個時間唔使等位就入得，唔使同人迫🙈平時係神山會叫佢既沾麵食。。今日有d想試下佢d湯麵，就叫左碗黑神山叉燒拉麵試下~黑神山叉燒拉麵，即係黑蒜油味豬骨湯底，湯底有d油，同埋無乜黑蒜味。。叉燒不過不失，肉質都稔身既。。可能平時個沾麵既麵掛到湯，個湯又比較入味，所以覺得呢個麻麻地。。溏心蛋係幾流心既🙈 另外d筍都幾入味，俾個讚🤪總結:下次都係食返沾麵比較岩我口味😆…查看更多

🙈終於去到purple cafe打卡同食野喇~上次咁岩佢無開門食唔到。。。呢間係朋友係ig見到好似幾靚而決定去試。。。一入門口就有呢個打卡位，好靚😍我地2個人最後叫左二人晚餐，有餐湯沙律，2個主菜，2杯飲品，2個是日甜品，好豐富沙律同餐湯一齊上，都係紫色系，一開始我以為係紫薯d fd，朋友話似紅菜頭，後來問返店員，原來個湯係紅菜頭忌廉湯🙈加左忌廉又幾好味主菜到喇🙈我地叫左黑松露忌廉意大利粉同卡邦尼意粉，雖然我地顧住打卡搞到d意粉無咁熱先食，不過食落都幾好，唔會因為涼左而變到一pat野，味道都好好食，讚！二人餐有得係drink menu 裡面仼揀，我揀左杯水果茶。。不過不失，正常水果茶味~呢個晚餐係包埋是日甜品-紐約芝士蛋糕，店員好好人，俾我地轉左一件係紅莓芝士蛋糕，兩件都好食，唔會太膩，想有小小酸中和返個味蕾，可以試下紅莓味😜…查看更多

朋友生日飯，想近近地食就算。。search餐廳既時候見到呢間都有好評，就試下佢。。跟住google map行去工廈地方，搵黎搵去見唔到，就打去餐廳問下點行，原來門口係彩虹道😂經過都無留意到。。一坐低俾menu 就俾埋口罩套~睇下menu先。。。因為上OpenRice 訂位，有部分食品有6折~呢個menu有6折，但下面snack,homemade item同recommended 既就無折，大家要注意啊！至於呢個dinner set 都有6折優惠嫁我地最後決定叫一個dinner set，再加小食同一個飯🙈餐湯係磨菇湯 。。。我覺得淡左小小，無乜磨菇味Set dinner 揀左雞胸沙律。。。我覺得可接受，佢既汁係醋，小酸Set dinner揀既黑松露意粉。。我同朋友都完全唔覺有黑松露既味道，反而薯條加個黑松露醬重好食。。Set dinner既香蕉窩夫。。。因為朋友生日，但朋友訂位，原來諗住先到餐廳，叫職員幫幫手如果一陣嗌甜品，寫happy birthday 係碟面，不過職員話要前一日講定先寫到。。就係咁我就覺得差減小小野。。下次都係早d打去問下。。法式燉煮羊膝飯。。。呢個比想像中無咁好食，味道一般，如果個汁多返小小會好d原本想食炸蕃薯條，但佢話無哂，唯有叫個炸薯條頂住先。。加10蚊要左個松露蛋黃醬，呢個松露味重濃過個意粉🙈正呀，無加錯你！…查看更多