第一次入住澳門萬豪酒店，由於到埗已經晚上九點多，故就近選了酒店的中菜廳晚飯，入座後點了招牌菜黑豚里脊义燒、醉乳鴿、涼拌山藥、炒米粉與及兩客蛋白花雕蒸蟹拑。首先上菜的义燒居然係放涼咗，完全唔熱，跟住醉鴿酒香欠奉，韌勁有餘，山藥就入口鬆散，有如食緊煲完湯嘅薯仔，淡而無味，最離譜係個蟹拑，居然仲細個一個小湯匙，好似奄仔蟹拑一樣，係歷來食過嘅同樣菜式中最䄂珍嘅一隻，當堂O咗咀，仲要盛惠$218一客，好彩係兩公婆食飯，若然請客，真係失禮死人！以一間國際品牌酒店嘅中菜廳嚟講，真係完全唔掂，相信以後都唔會再幫襯！…查看更多
