yiphoman的個人專頁

星期四，下午茶時段，客人不多，見有卡位，阿姐執緊檯，剛想坐下，阿姐以盤古惑仔語氣問：幾位？答話一位啫！阿姐即時喝住：唔坐得！我呆咗一呆，周圍望望，話有好多空位喎！阿姐語氣不善：一陣就爆滿架啦！心想：你發緊夢，個頭就爆！做食肆，講句唔好意思，帶我去另一張檯都係好基本嘅禮貌吧！不如你在門口標明：一人拒入吖！食物幾好都冇用，趕客者一律列入黑名單可也！難怪港人寧願北上消費不用受氣！他朝門堪羅雀怪不得人，失業亦怨不得人！…查看更多

午餐時段經過金禾，收銀員(似係老闆娘啩!)企喺門外，心想應該有位。被帶至4人枱，已坐了3人已經食緊，伙記隨卽再放隔板。35分鐘食完，尚有半杯奶茶未飲。另外3人早食完，相繼離開。「老闆娘」走埋嚟收碟後粗魯地問d嘢嚟齊未，我答話嚟齊，飲埋杯奶茶就走。「老闆娘」急急收起哂隔板，同另一伙記用好嫌棄嘅眼光打眼色，好明顯話我阻住張4人枱! 喂! 喂! 洗唔洗咁呀! 想慢慢飲埋半杯奶茶，覆埋幾個WhatsApp 啫，93蚊嘅午餐，坐唔夠一小時，唔洗俾面口我睇啩! 4人枱又係你安排嘅，我嚟最後，冇理由期望我同其餘3位一齊食完離座啩!…查看更多

下午茶點了蛋撻及椰汁紅豆冰。蛋撻外賣$8, 堂食$10,堂食嘛，期望焗熱的蛋撻合理吧!椰汁紅豆冰，有冰都唔凍，椰汁冇味，完全冇甜味!難怪咁寬敞，座位多，客人少!服務卻好好，最後换了杯熱奶茶，賬單減了$5!…查看更多

點了3個招牌點心: 咸水角、糯米雞、鮑魚燒賣，糯米雞……削，燒賣內的蝦……淡而無味！跟著是XO醬安格斯干炒河，河粉不是我心目中的厚、闊河粉，安格斯牛肉？唔似！傳統菜都做得差，下次不如去茶餐廳吧了！甜品原先想要西米焗布甸，但話賣哂喎！惟有要楊枝甘露啦！嘩！西米唔林、冇芒果肉、冇柚子肉！咁都算楊枝甘露？最後一提，嗰個戴黑口罩嘅經理串串貢，喺咁惡劣嘅環境下咁嘅服務態度，食肆嘅寒冬雪上加霜係事出有因嘅！…查看更多

星期六難得假期，約朋友10食早餐，順便傾傾公事，取部notebook電腦出來解決問題，不覺就過了12點。侍應走過來說要先結賬，雖有些奇怪也不為意，鄰枱也是早餐也未結賬吖！結賬後飲埋杯㗎啡，又有侍應走過來話要收枱！本想跟他理論，反正都夠鐘赴另一約會，走咪走囉！出到門口，以為很多客人等位，竟然門外一列枱空空如也！…查看更多

今天是一番鋒味開業的第二天，以為會好難找位，經過一看，竟然客不似雲來！午市套餐不算貴，58至78元悉隨尊便，我點了最平的咸香雞，頗嫩滑，新開業送例湯，雖不算大碗，亦頗足料清甜。最後加點了杯奶茶，竟然有驚喜喎！但奇怪，一直坐至12:40，依然冇客來！…查看更多

午餐時候週圍冇位，見到這間竟然有位，膽粗粗 (通常有位的食肆係有問題的，市場力量嘛！) 入去試下，點咗轉轉燒羊肉和雞卷。食咗一啖竟然有驚喜！一小塊一小塊的羊肉雖睇落似又乾又"鞋"，食落竟鬆化而多汁。雞卷也不錯，但我覺得如用牛油紙取代錫紙會更佳。不知是否冷氣不夠的關係，店內時見小蒼蠅，希望店主重視這點，否則一旦衞生出問題，便浪費了一番心血和捧場客的青睞！…查看更多