沈默的雙魚's Profile

☘️前幾天中午跟朋友響銅鑼灣食晏，響open rice 搵倒呢間樓上cafe, 估唔到都有啲驚喜。 可能因為新開冇耐，所以樓下招牌都未有，所以如果唔係有地址，我哋可能都未必搵到。餐廳響一樓，需要行樓梯上，電梯好似唔停呢層。☘️餐廳不大，不過因為單邊全是落地玻璃窗，所以採光好，非常光猛。整體係好簡潔嘅！坐得都好舒服！☘️睇餐牌係主打帶韓式嘅fusion cafe. 餐廳有lunch set ，揀任何主菜或兩個前菜都可以加錢升為套餐，配埋湯，蛋糕同飲品，響銅鑼灣算係幾抵食！ ☘️個湯係粟米濃湯味道算濃，唔會好似水咁稀！我哋兩個人叫咗個韓式牛肉risotto , 兩個appetiser 分別係honey mustard 雞翼，同埋三式醬薯條，全部都冇令我哋失望！ 如果個雞翼可以將個醬分開上，唔好淋上雞翼面就更perfect 了😜 ☘️哥哥仔仲介紹咗我飲嗰杯香橙美式特飲，幫我走咗糖，啱晒我飲，個樣仲好靚添👍 飯後甜品嘅蛋糕有五六款口味任揀，的的式式咁啱哂我哋又想食又怕肥嘅人了。不過佢哋平日仲可以加錢蛋糕放題，喜歡食蛋糕嘅就可以食多幾件更加抵😉☘️見個Menu 度仲有啲幾吸引嘅，一於下次再嚟試埋佢先得😊…Read More

☘️圍方嘅餐廳，基本上假期時間係唔駛旨意walk in 嘅，所以一般都只會weekday 至嚟幫襯。 朋友想食泰國嘢，咁就揀咗呢間。 佢呢度啲嘢食味道都幾好，可能又因為我喜歡濃味啩，因為確係有少少偏咸！ ☘️個船面普通，我響泰國食好味好多。咖喱同個油酥餅好夾，妹味！個芒果米卷夾住啲菜配甜酸汁啱啱可以解膩，清爽！ 最靚係杯飲品，紫色配埋綠色薄荷葉好夢幻，影相好靚👍☘️整體食物ok, 敗筆係呢度空間唔大但係枱擺得好密，坐得唔太舒服，好似同隔離枱同枱咁，講乜都聴倒哂😂 而且亦係限時 ！如果諗住食個快餐食飽就走嘅可以考慮呢度，因為上菜都快嘅😉…Read More

☘️今次又再约咗朋友嚟食lunch, 無他，因為呢度環境好，服務好，食物選擇多又坐得舒服，性價比真心高。我已經介紹咗好多朋友嚟呢度，個個都話正👍 ☘️呢度個lunch 係semi buffet, 前菜係salad buffet, 響出面salad bar 自選，種類繁多真係睇到眼花撩亂😜仲有湯有麵包。主菜menu 自選一款，配咖啡或茶。 如果想要埋dessert, 可以top up 加錢就可以了，啲cake 個樣都好靚😉☘️主菜我最喜歡佢個Indian set, 賣相同味道都very good👍 朋友要咗個牛肉便當，都好味不過就唔係太有特色。 另外仲有其他選擇，估計應該會定期轉換。…Read More

朋友介紹響德福嘅韓燒，因為係星期五晚上所以隱陣起見都係訂定位先，六點半到成間餐廳都冇人，我哋係第一枱到，坐咗個卡位。服務員都有禮貌嘅，提我哋因為係周五晚所以有限時但係如果冇人等位就可以繼續坐！我覺得咁都算合理嘅我哋點好菜之後好快就上枱，不過佢哋有樣嘢唔係幾好就係一般食韓燒嗰啲kimchi配菜都係無限量refill嘅，不過佢哋而家就改咗每枱要加28蚊至可以添😓 其實佢個menu 啲肉都唔係平，都唔明點解佢呢啲仲要額外收費。肉質都算可以，我哋唔係點咗好多，個豬皮太淋，唔似響韓國嘅咁有咬口。牛小排唔錯，個豬就一般。呢度嘅環境坐得都算幾舒服，大部分係卡位，我哋食咗都接近兩個鐘，可能因星期五晚，到我們走嘅時候餐廳至剛剛坐滿，所以估計平日應該人也不會太多，假期就會人多啲。不過整體就覺得沒有太大特別之處，而家open rice 訂位有八折，所以折後價錢還算合理，如果正價的話就有啲貴了。…Read More

約咗朋友響佢公司附近食lunch, 揀咗呢間cafe, 裝修很簡約，地方不大，但坐位還算舒服。我哋不約而同揀咗all day breakfast, 份量都算充足，賣相唔錯。個牛角包細細個但都幾酥脆。午餐都配餐湯或沙律，咖啡或茶，而且還有很多選擇，salad ,pasta, risotto, burger 等等，應該實有款啱嘅。正常水準可以一試！我到得早所以沒太多人，但到了lunch hour 大概一點時就很快坐滿了，因為附近都是office 所以最好早點來！ …Read More

☘️昨天晨早去完花展，突然好想食日式串燒，平時我都喜歡去嗰啲串燒居酒屋嘅，不過呢啲居酒屋一般都係細細間，同埋會坐得比較迫，當然坐吧枱睇住佢燒，煙霧彌漫係另有一番滋味，不過只適合夜晚。今日同媽咪就緊係想坐得舒服啲，所以就醒起可以嚟呢度，貪佢有卡位又係大大玻璃有陽光，坐得舒服啲😜☘️話食串燒緊係叫佢哋嘅午市串燒set, 好抵食仲可按個人食量叫三款，四款同五款添，每個set 有有不同組合，所以我哋揀咗兩個唔同嘅，－個hk$158，－個hk$188咁就可以試多幾樣。 每個餐仲有沙律或湯，飯團同埋甜品飲品，絕對夠飽，本來想叫多個炸雞，俾媽咪截住，話食唔晒要我包底，所以最後都係放棄咗😂 其實食完真係好飽☘️食物質素真係唔錯，員工服務態度好，因為係上樓餐廳所以人比較少，環境安靜坐得好舒服，最適合同朋友飯聚. 呢度除咗串燒，仲有其他日料選擇，所以都好啱一班朋友嚟，咁就可以一次試哂所有嘢了😊…Read More

昨日同母親大人響銅鑼灣行街街，lunch time 快到想避開人多醫咗個肚先，突然間記起上次試過呢間樓上cafe唔錯，就－於帶佢上嚟試吓！ 我記得上次食軟殼蟹，所以今次就－於試吓其他！ 我哋叫咗一個燒鰻魚risotto, 加48蚊就有湯有甜品同包一杯餐飲，份量好大好抵食。成半條鰻魚放響risotto 面，照燒汁味道剛剛好，risotto 好creamy 👍 而家逢星期一至四如果叫餐只要加－蚊就有兩隻汁燒鮑魚，大大隻，味道唔錯，絕對冇欺場！因為怕叫兩個套餐食唔哂，所以我哋另外只係叫咗兩個appetiser- 蜜糖雞翼同埋炸雞沙律, 兩個都好好味，炸得恰到好處，外皮脆里面又好juicy , 個沙律用日式胡麻醬，好惹味👍 我哋本來諗住份量咁多會食唔晒，但係最後都清哂盤😜 跟套餐仲有件cake, 我哋揀咗柚子cheese cake. 其實餐廳十月份繼續weekdays 有蛋糕放題，食套餐再加28蚊就可以響個cake menu任揀任食，不過我哋真係食唔哂，所以雖然好吸引，但係唯有留返下一次留肚至試了😋…Read More

記得好耐之前試過周末嚟呢度食lunch, 覺得幾正，所以今次同朋友就嚟試吓食dinner. 呢間餐廳響大埔地點其實都好近太和火車站，不過佢嘅門面就好低調，都應該係靠口碑熟客了。我同朋友去到時間比較早，但餐廳已經有兩枱坐咗人，而其他大部份靠牆位都reserved 了。我哋就安排坐響酒吧前面，剛好燈光做背景，啲相影出嚟更有mood 了😜按慣例我同朋友各自揀咗啲鍾意食嘅然後－齊share , 咁樣大家都可以食多啲唔同嘅款式，整體水準仍然冇令我失望，亦都present 得好靚。 ☘️Parma ham 無花果, 火箭菜果仁沙律 - 啱哂我口味，個黑醋好甜好好味☘️鵝肝醬crème brulee - 好creamy 面頭焦糖脆脆的，跟個花花面包脆片好搭☘️海膽多士- 大大份海膽配埋金萡視覺效果增加食慾😜☘️慢煮黑毛豬豬鞍扒- 呢個之前試過覺得好食，因為係慢煮，所以肉質好鬆軟好juicy ☘️橙汁鴨胸 - 呢個個點晴部份響個汁度，鴨肉仲好嫰，配咗呢個酸酸甜甜嘅汁就更好味了。☘️香酥蘋果批-新鮮焗出嚟，個皮都好酥脆，里面嘅蘋果饀酸酸哋唔會太甜配咖啡最啱！ 整體所有菜品個擺盤都整得好靚好有心思，賞心悅目，打咭－流👍 …Read More

☘️前幾日約咗朋友響銅鑼灣食lunch, 去咗一間開咗冇幾耐嘅樓上cafe, 果然冇介紹錯，間cafe 雖然唔係好大，不過因為單邊全是窗，可以看到遠處海景，非常光猛（今日落雨陰天都好夠光，如果陽光普照嘅日子應該仲正） ☘️餐單簡簡單單但亦有足夠嘅選擇，lunch set 可以揀個main 配drink ， 亦可再加埋dessert. 佢哋仲有all day breakfast 添。 ☘️我揀咗個和牛漢堡配薯條，個漢堡好大個，單睇個樣已經好吸引，果然不負所望，個包係熱嘅，而且咬落個漢堡扒好juicy, 配埋芝士同啲配菜味道剛剛好，咁大個我竟然食哂。仲有啲薯條炸得剛剛好，外脆內軟，好香口👍 ☘️朋友就要咗個樱花蝦墨魚汁意粉。坦白講唔知係咪佢用個細碟裝，上枱時我哋有少少意外因為望落去好似咁細咁，似appetiser 多啲，不過朋友食落就發現其實都唔少，估計都係隻碟影響視覺，店家可能改用返隻大碟上會好啲😜 ☘️跟餐是日甜品係earl grey cake, 味道都幾好，唔會太甜又有啲茶香味！配咖啡啱哂。☘️講到飲品我哋叫嘅兩杯都好好。杯蝶豆花香梨梳打賣相一流，飲落又好清新，可以見到杯底就係打碎咗嘅梨，好天然嘅感覺，店家仲好好幫我走咗甜👍 朋友點嗰杯mocha 個拉花拉得好靚，去啲精品咖啡店都未必有咁靚嘅拉花，所以可以見到佢哋都好用心，抵贊👍☘️提－提呢度繁忙時間最好預先訂位，尤其是靠窗位置。因為係上樓cafe, 非繁忙時間應該walk in 都ok. …Read More

突然好想食細個讀書時候嘅西餐，就約咗朋友響佢公司附近嘅金鳳大餐廳！中午人比較多，要拎飛等位，好在我哋錯鋒去，兩點鐘陸續開始捚單。等咗十零分鐘有枱！本來一心諗住食鐵板扒餐，不過見佢有lunch set 比較抵，又擔心自己食力唔夠，所以最後都係要咗個lunch set 蒜蓉牛扒，朋友就揀咗雞扒！首先個餐湯羅宋湯味道好濃，完全仲係細個時嗰嘅味道，飲第一啖就兒時回憶返哂嚟，好好味，不過咁重口味嘅嘢而家只能偶一為之了😂 個蒜蓉牛扒個汁都好好味，牛扒當然係薄身嗰隻所以也沒有幾分熟嘅需要，全熟但口感又唔鞋就當然係處理過啦，好在也沒有弄得太淋，仍然保留適度嘅咬口。朋友個雞扒望落都唔錯呢度唯一係地方唔大，枱與枱比較密，中午人多時比較嘈，嚟食飯醫肚冇問題，要同朋友傾偈慢慢嘆就唔適合了！…Read More

朋友网上看到环境很样的餐廳，周末就來就-下，餘環境确實很美，仲有只巨大的bear 拍照，作為一家打咭的餐廳有哂selling point, 可能餐廳以酒吧為卖点,所以估計晚上餐飲相對會好啲！我們中午來就只有lunch set 供應，五个选擇，说实話以这个价格来说，個樣同擺盤幾靚，但味道真的非常一般，拍拍照是非常nice 的。我原本點咗份牛扒，可惜太多筋，完全切唔開，最後成塊冇食，個服務員見倒，最後都來問我要唔要換過另外－樣，所以就轉咗個三文治，估唔到係個三文治最好食😅咁服務都算唔錯！所以來这里还是比較适合揀晚上，喝个酒/飲料，跟朋友傾吓偈是很不錯的！而家晚上個menu 有更多選擇，估計可能大㕑也不－樣，大家不妨試吓再分享！…Read More

前幾日跟朋友響灣仔食lunch, 來了这家新開的百花漁莊。因為上次嚟食火鍋嘅時候見倒佢哋原來中午是有点心供應的。所以就嚟試吓。我们兩个人各自挑了些喜欢的點心，这里点心的选擇雖然比不上一般酒楼，但也算不少了。点心的質素真係不錯。餐廳光猛明亮，簡潔的裝修风格，坐著聊天也挺舒服的。服務員都幾細心同有禮貌第一個上嘅點心水晶虾饺皇真係非常巨大，里面滿滿的虾肉非常弹牙爽脆，外皮又晶凝通透。 而鮮肉小籠包皮薄多汁，味道不錯。至於個醬香金錢肚就很入味，軟硬适中😜而我嘅至愛潮州蒸粉果係我每次飲茶必点的，里面的料很足，味道也正宗，唯一是皮有点厚，但都算不錯我哋叫嘅咸水角係最後才上，來的時候觉得佢個樣怪怪的，跟一般吃的顏色有点淡，但咬下去發现它是很熱，就感覺是剛做好，非常新鮮，而且入口一点都沒有油腻的感覺，好食👍我們吃完服务员还送我们紅糖果仁冰粉做甜品，因為剛开业在做活动，訂座2-3位送冰粉，如果四位以上就会送上海熏魚！这个冰粉冰涼爽口，甜甜的又有咬口，好吃😋 我哋兩个人最後竟然把所有点心都食哂，朋友都話下次可以再嚟試其他款式😊…Read More

朋友介紹話發現咗屯門有間新開嘅茶餐廳，個沙爹牛肉面好好味，所以就特登專程入嚟試吓。果然係冇介紹錯，真係幾好味！朋友話除咗沙爹牛，個洋蔥炒肥牛仲正，所以我就點咗洋葱炒牛肉出前一丁，真心好味！ 個出前一丁煑得剛剛好，唔會過火，個炒肥牛仲要係即整，唔係倒一pat 嘢響面上高，好有heart. 值得推薦！ 個沙爹牛都好濃味，但稍稍有啲甜。呢度所有早餐都可以自由選擇什麼面底唔需要另外加錢😜 我哋去嘅時候係大概九點左右，人唔太多，睇間餐廳開咗唔係好耐應該冇乜人知道，希望佢可以繼續保持水準啦，因為我仲想繼續去食㗎😜…Read More

星期日同母親大人及家人去飲茶，揀咗呢間已經好耐歴史嘅倫敦大酒樓，仲係有點心推車嘅！而家響香港真係已經絕無僅有了！佢嘅點心水準都幾好，味道好正宗，兒時回憶當堂返哂嚟！呢度不設訂位，要自己搵位坐，而且仲有搭枱呢家嘢，所以早啲嚟會好啲。價錢亦都經濟實惠，所以主要做街坊生意。不過因為呢啲經典酒樓買少見少，所以而家都好多人慕名而來。近排仲因為小紅書有人報導，多咗好多國內人捧場添！呢度啲staff個個都做咗好多年，老員工了而且態度都算好，所以會繼續幫襯支持👍…Read More

昨晚同班朋友聚會，有人提議來這里食蘇浙上海菜，話聴人講好好食，而且只招待會員咁話。首先餐廳地方唔算大，很樸素沒有太特別而且坐位比較密，所以坐滿客就有點吵，不過香港寸金尺土也習慣了！服務員態度很好很有禮貌，估計會員制所以主要做熟客吧！至於菜品味道，坦白講就有點失望了，可能期望過高啩！冷盤嘅烤夫，馬蘭頭同埋燻魚算中規中矩，但係個蜜汁火方同隻雞就真係強差人意了，其他賽磅蟹同砂鍋雲吞雞都係普普通通… 個小籠包都算可以但個上海粗炒味道有啲咸！不過呢度整體優點係比較少油少糖，比較健康！但亦都係菜品失真嘅原因，因為上海菜本身就係濃油赤醬偏甜但有層次，改良版自然味道會變，可能因為曾經在上海生活過一段時間，食過唔少好味嘅蘇浙菜上海菜，冇比較就冇傷害，而家就比較挑剔了😜！ 自從連老正興都唔係嗰回事之後，都搵唔到邊度有好味上海菜，睇嚟要繼續找尋至得了！…Read More