delphine921a的個人專頁

我的台灣朋友今天2023年10月27日,下午二時半後剛去完這間維港冰室,叫了一碟干炒牛河同一杯冰凍奶茶,這段時間應該是下午茶時間,但他們應該因為她是遊客,說國語,所以不是收她下午茶價錢,因為她不知道有下午茶時段,而是收她正常價錢,之後因為我正在跟她通訊,我告訴她應該有下午茶價錢,所以她回去問伙記,但是他們也不理睬她,當她不存在,這種待客之道實在太差了!怎樣吸引更多人或遊客去光顧呀?我會叫所有朋友以後也不去幫襯這種餐廳!實在太可惡了!…查看更多

下午打算和朋友去飲杯咖啡,傾吓計,等咗十分鐘到,侍應話有位,諗住好啦,咁快有位,點知個女侍應話我哋三個人要分開前後枱坐.痴線咩,人哋就係想嚟飲杯嘢,傾吓計,你叫人分開坐???🙄🙄🙄仲同你講唔坐就冇啦,佢哋會繼續比枱其他人坐,唔會幫你留枱,真係想XxY問侯佢😤😤😤!佢跟住叫後面4個人,人哋答佢我同個BB點分開坐呀???如果我哋攞飛等位嗰陣,佢巳經話比我哋聽有機會分開坐,我哋要照等又唔同,但等咗一排先話比我哋聽,就離哂大譜啦!好彩只係等咗十分鐘左右,如果等咗半個鐘,一個鐘先講,就真係xxx😡😠🤬..都唔識做生意嘅!你估全大埔得你一間咖啡店咩,又唔係有啲獨一無二嘅食品!係人都走去第二間啦!咁嘅服務態度,永幫襯!…查看更多

今早第一次去幫襯這間算是新裝修新的student canteen的早餐,但有些失望.這裡的環境的確不錯,很舒適,有sofa,有藤椅.....前幾天食過炸雞脾薯條下午茶,還可以,雖然menu上話有棷菜絲沙律或薯餅,但没有,只有薯條或薯仔沙律...今早打算試吓早餐啦,但選擇較少,希望遲些會多番啲選擇.我叫了一個魷魚早餐,其實只是一塊沒有牛油的多士,一塊火腿,一隻煎蛋跟一碗齋湯粉或麵...賣相認真麻麻,味道還可以...但所有早,午,下午或晚餐的價錢比起山下的某些student canteens也比較貴,很難吸引我再來....如果諗住食環境,係到hea吓就ok...但食物跟價錢就麻麻哋吸引啦!還有出菜,托盤,攞或回收餐具的counters好似比較亂同不太乾淨...希望還是比較新,遲些會有改善啦!…查看更多

今天幫架車入完油後,路經這間打冷店,因太久沒有吃仔粥,所以決定外賣了一碗仔粥及韭菜豬紅回家吃.回家後,滿心歡喜地打開碗仔粥,粥的份量還可以.跟住先攪一攪碗粥,再嘗試撈起一些仔,怎知道一大碗粥裡面,只有幾隻很細小的仔,認真非常失望,而且味道又偏咸,完全没有仔粥的香味和感覺,比起我在旺角吃開的那間,實在相差十萬九千丈遠....至於碗韭菜豬紅,那些韭菜就有些老,豬紅味道尚算可以,但每食一啖,都覺得滿口都有些油膩...實在令人太失望了,所以絕對不會再幫襯了!…查看更多

今日下午我因為有事要去牛頭角攞嘢,所以路經很少到嘅觀塘,因為自己又未食早餐同午餐,非常之肚餓,所以就上Open Rice揾吓有乜嘢好食啦!我揾咗好耐先揾到呢間車仔麵店,睇落好似好多餸菜選擇,好似幾ok咁,又諗住好耐冇食過車仔麵,雖然呢間車仔麵店没有下午茶套餐,但還是決定去試吓,所以我就叫了一個四餸一麵嘅車仔麵嚟食試吓,但除咗豬紅係有幾嚿之外,其他啲餸菜就非常之碎濕濕啦,牛栢葉同魷魚鬚啲份量少之又少,所有食物除了不夠熱之外,佢啲味道完全没有車仔麵的味道,而且味道非常淡,令我非常之失望,下次一定不會再去幫襯!…查看更多